鴻發餐廳小廚

Open Now

Now Closed

上星期一家人來食飯，坐的位置冷氣對正頭，吹着仔仔同員工說，員工竟然說是仔仔的身體問題，我小朋友只有10歲，員工說他不覺得熱，拒絕關一部冷氣。最後仔仔在食飯後感冒了。食飯途中，餸菜更出現小昆蟲，跟職員說，職員說是正常。嘢食味道一半，環境和衛生簡直惡劣。聽日會再報食環署，大家千萬不要去食，貼錢買難受！垃圾商店，希望早日結業，不要再消費香港人對打冷的情！

其實好似第二次清醒黎食鴻發，次次飲醉都唔知佢係咩味，但發覺佢啲野其實好重味，好啱食，啲小炒又有鑊氣👍🏻潮州野唔洗講，份量足，唔似出面啲鋪咁小氣，份量細。本身想食大眼雞，點知得返啲大，都要$300條，唔係個個朋友都食，所以叫條烏頭就算；烏頭出晒油，無泥味，出乎意料咁好食又滑👍🏻蠔餅就差少少，蠔肉唔多夠👌🏻最出色係炒蜆，粒粒啲肉脹卜卜，無沙，仲要無離壳，食咁多間，價錢同份量都非常之高，食過咁嘅價錢 $95通常得十粒八粒，再加一堆青椒，翠玉瓜黎炒就算，鴻發算係好足料👍🏻👍🏻整體非常好，連酒水人均$200頭左右👌🏻抵食又好食。

🍽️鴻發餐廳小廚深夜同朋友肚仔餓開車到旺角揾野食，朋友帶住隻狗仔🐶諗住揾間寵物friendly 的餐廳，誰知突然朋友提議食打冷，還說餐廳寵物可進，聽到後馬上出發🥰我們總共叫了五個菜，包括鵝片拼墨魚、蜆仔肉、京都骨、小炒皇、炸蠔餅。鵝片拼墨魚因為同行朋友唔食內臟，所以淨係叫左鵝片同墨魚雙拼。鵝片同墨魚都好香滷水味，而且滷得好入味。鵝片肉質半肥瘦好正，軟淋淋得嚟有咬口。墨魚食落都好爽口，同樣好入味。蜆仔肉朋友見到這道菜名覺得很新奇所以叫了，菜式菜如其名，就是很迷你的蜆肉配上香蔥辣椒🌶️，少少咸少少辣，配飯一流👍🏻京都骨叫了一道普通大排檔小菜，味道不過不失，酸酸甜甜的味道亦讓人胃口大開，排骨都炒得剛剛好，沒有太多筋。小炒皇去大排檔很喜歡吃小炒皇，來到打冷見到都叫了這道菜。這間的小炒皇不輸大排檔，同樣很有鑊氣，魷魚🦑、腰果、蝦乾仔、菜甫和韭菜相互配合，同朋友來喝啤酒🍺做下酒菜一流。炸蠔餅🦪打冷一定要叫的菜式，呢間的蠔仔🦪比較細粒，但是份量多，啖啖都食到有蠔仔。餅底都炸得好脆好香口，配上附上的酸辣汁，酸酸辣辣好鬼正🌶️。味道 : 🤎🤎🤎🤎🤍環境 : 🤎🤎🤎🤍🤍服務 : 🤎🤎🤎🤎🤍CP值: 🤎🤎🤎🤍🤍🍽️

兩個人食叫咗鵝片、大腸墨魚、蘿蔔豬皮、蠔仔粥。碟鵝片一上枱發現唔對路，賣相同煙鴨胸一樣，完全唔似平時起肉嗰啲，食落又鞋又韌仲真係有煙熏味，當時真係想開口問伙記呢碟係咩嚟，但驚俾人話唔識食，所以算數。到蠔仔粥，基本上係白飯加滾水再加蠔仔，完全無應該有嘅鮮味，記住蠔仔係叫加落去，原全無煮過咁，生嘅一樣，大哥，我唔係叫生蠔粥，所以食咗兩啖唔知飯定粥就食唔到落去。大腸墨魚算正常啲，蘿蔔叫做𣺉嘅。最後埋完單喺門口望返啲鹵水鵝，全部瘦瘦削削，真係唔知點樣變咗鴨胸咁多肉出嚟，唔知可唔可以去報商品說明條例。其他唔想再講落去，都係坐得唔舒服、似老闆娘嘅物體係度鬧啲伙記嘈住晒、催嘢食都係話嚟緊咁囉，呢間嘢迫到我第一次寫評論，可想而知。

收工同朋友諗住食潮州打冷去咗旺角覓食見到砵蘭街附近有呢一間鴻發潮州打冷感覺不錯 不過環境地方比較嘈好多人睇波 衛生情況有待改善1）炸蠔餅🫶🏻🫶🏻🫶🏻🫶🏻蠔仔粒粒分明，好鮮味 ！加上蛋漿好厚2）滷水拼盤🫶🏻🫶🏻🫶🏻不過不失，好入味！但係沒有驚喜3）蠔仔粥🫶🏻🫶🏻🫶🏻🫶🏻🫶🏻呢個一定要試！除咗新鮮蠔仔鮮甜，啲粥煲到好眠，鍾意食芫荽嘅人！一定會愛上一個蠔仔粥～入邊有大量芫荽，混合咗粥裏面嘅香味，好味道

食物中伏。d打冷完全唔掂，小炒還好，但我係去得就係為打冷，新不如舊，正如老麥炸雞好食過KFC咁解環境／侍應一個字「嘈」，諗住傾下計，都要同人鬥大聲，職員串到爆，唔知係咪似老賣老，落單都句句頂住曬價錢貴！無比較無傷害，太子間Ｘ發好食好多，價錢又平好多

好似每個星期都要諗食咩，真係諗唔到食咩好🥲咁啱俾我見到呢間打冷，就問女朋友食唔食打冷。兩個人叫咗一個滷水鵝片拼盤，一個韭菜豬紅同埋一碗蠔仔粥。滷水鵝片拼盤入面有豬耳、紅腸、鵝腸等份量都算幾大，滷水都幾入味略嫌啲鵝片真係切得好薄咬落冇乜口感。韭菜豬紅反而有啲驚喜，一般喺街都係韭菜多過豬紅，但係佢哋竟然可以豬紅多過韭菜味道有啲微辣，豬紅都算爽口，值得推薦👍🏻最後就係蠔仔粥，好彩只係叫咗一碗冇叫到一煲如果唔係應該食唔晒，我就覺得味道一般，但係女朋友好似幾鍾意食。整體嚟講都算幾抵食，計返每人$150左右價錢，好過食茶餐廳。

今晚喺旺角試咗呢間潮州打冷，價錢高質素一般，不值。叫了滷水拼盤、醬爆田雞、蠔餅及蠔仔粥，四樣嘢之中只有蠔仔粥好d，其他的都麻麻地。蠔仔粥d蠔好新鮮，又幾大粒，真係幾好。醬爆田雞嘅田雞唔係太新鮮，所以麻麻地。滷水拼盤size超細，$12X真係有啲貴，味道ok嘅，滷水汁好味。蠔餅最衰，蠔唔多，粉厚，價錢高，唔值得。

本身同女朋友食飯，叫左個蠔仔粥，食落好似有啲問題，但又吾敢出聲，突然隔離枱個一家人同老闆娘講話蠔仔粥有問題，(老闆娘好晦氣咁回答係個個都叫蠔仔粥食 點解係你地個碗有問題！你地吾好食蠔啦！我入咁多蠔都無事) 我都好想出聲(但怕事)如果一間餐廳係一言堂咁就真係不了品質無保證不過態度勁之差。不能用紙筆墨去形容。。。。。。。。。。。。。。。。。。。。。。。。。。。。。。

最近成日同朋友出街食飯… 地點選定喺旺角呢個中心點… 枱同枱之間距離都比較近… 坐得有啲迫… 好彩最後我哋三個人都攞到卡位… 第一樣點嘅嘢就係鵝片紅腸… 分量嚟講都算適中… 我哋之後仲嗌咗碟豉油王炒麵… 同埋通菜炒肉片… 朋友鍾意重口味…所以覺得好好食…我就覺得略為偏鹹… 但餐廳氣氛整體都不錯。

早兩日一家人提早食父親節飯，就去咗旺角鴻發🍛🍛一入到去啲伙記都好熱情咁招呼我哋上樓上嘅座位☺但一坐低就覺得周圍都有啲痴笠笠，同埋牆角位置有啲小強屍骸😖😖我哋先叫咗8樣野，之後覺得唔夠食，就再叫多兩樣😂1️⃣ 椒鹽鮮魷魷魚新鮮，份量大碟2️⃣ 肉絲炒麵肉絲肉質好腍，啲麵炒到好乾身，份量又好大碟，咸味適宜，食到唔停口😋3️⃣ 潮州蠔餅份量大碟，有好多蠔，應該係用咸蛋整，非常香脆😋4️⃣ 大腸拼墨魚大腸嘅鹵水味好夠味，而墨魚都好爽口5️⃣ 鮮雞粥我哋就叫咗個細窩，但嚟到見到覺得好大窩，而粥嘅味道無乜雞味，似係將啲雞件煮好之後就咁放落啲粥入面😅6️⃣ 韭菜豬紅食落去似有兩種唔同嘅「紅」，估計可能係豬紅+雞紅，味道如果可以再加啲辣味會更加惹味😋7️⃣ 紅燒豆腐每件豆腐都好大件，味道適宜8️⃣ 金牌炒大蜆開頭睇餐牌時見到係寫大蜆，但嚟到之後就只係細蜆，有啲失望，而且有⅓嘅蜆都係無開到😅不過味道係ok嘅9️⃣ 菠蘿生炒骨味道略淡，無乜酸甜味🔟 椒鹽雞翼雞翼好咸，但外皮炸得好香脆整體上不過不失，味道上普通，環境衛生有待改善💪🏻但值得一讚嘅係所有伙記都好有禮貌，每個人都面帶笑容😊

成日話鍾意食大牌檔，打冷個d，但好多都藍🥺今次推薦一間位於旺角既黃店—鴻發餐廳小廚～佢有好多潮州打冷野既～放寬左限聚令6人，呢餐我地5個人食～叫左7個餸😎潮州蠔餅 $80好脆好好味，都幾多蠔～幾香大窩蠔仔粥（走青）$150其實好好味🥺但因為走哂青個賣相影出黎麻麻，好多蠔，d蠔味都出韭菜豬紅 $55煮得幾入味～鹹度岩岩好！鹵水鵝片 $110份量都多，食到尾我地食唔哂，底下仲有好多花生～個鹵水做得幾出色～金牌炒大蜆 $80呢個炒得好香好好味，份量又多，好推薦～粉絲雜菜煲 $70佢菜既份量就真係好多～不過我諗揀得雜菜煲都係想清淡食下菜，但我略嫌淡味左d大眼雞魚 時價（唔記得幾錢，～100鬆D)我個人唔太偏好食魚（偏食🥺），所以試左唔多～但佢個魚唔腥，其實味道都ok，順帶一提佢係涼菜～Overall 黎講係一間好味既潮州打冷😳仲要係黃店～下次約埋班朋友想食打冷唔好再話無黃店揀啦🤪

平時係旺角食潮州打冷也會選擇這間店. 茶餐廳格局, 有上下兩層. 晚飯＆宵夜時段都多人來用膳. 員工服務快速韭菜豬紅今次韭菜就麻麻地, 因為太, 有渣. 豬紅有彈口, 打冷必選鹵水鵝脾我們選擇叫鵝件(有骨), 不是叫鵝片. 原因是我們覺得有骨的肉較香, 有鹵水豆腐＆熟花生墊底, 味道都ok小炒王我見隔離幾枱都有叫這碟餸, 又見炒得幾好, 令我也叫一碟試下, 味道果然有驚喜😋😋韭菜花＆鮮魷爽口, 大蝦乾有鮮味, 腰果香脆. 整體不錯, 越食越想食👍👍

星期五7 點半左右同老公行經旺角搵地方食晚餐，見到係同路人就入去幫襯下啦。安排坐左入上層細偏房，得一個阿姐已經心知不妙。坐位附近勁多蟻，咁心諗茶記唔好要求咁多。點知坐低左成3 個字先落到單，啲小菜（老水併盤，椒鹽九肚魚，蒜蓉炒菜）夠膽死等左半個鐘先黎得一樣老水併盤！9 個字先黎碟炒菜，我係咪食緊法國餐？咁既情況都要追下阿姐啦，佢不耐煩話好多單呀！等下啦！ 老老實實，同路人都唔係咁嘛，堅係餓到有啲胃痛，認真冇下次！

早排，攸桐媽、蔡爸、攸桐Pinky契媽同契爸爸傾完野、學完野，都已經係凌晨兩、三點，我地走時，大家都發現原來自己都有d肚餓，而Pinky契媽又要交人走先，等Pinky契上車後，餘下4人，就決定食飽飽返屋企。🙈🙈🙈由於果陣已經係凌晨兩、三點，可以選既都唔係咁多，比我地發現仲有間打冷都未閂門，就入去坐低食野。😜😜😜地點：旺角餐廳：鴻發餐廳小廚鹵水拼盆加鹵水鵝片有紅腸、雞腸、雞腎、墨魚、豬耳、腩肉、豆卜、大豆芽同最重要既鵝片啦，廚房師父真係好刀功，所有野都切到好薄，每樣野都鹵得幾入味，又唔會過咸，真係不過不失。😀😀😀豬紅韭菜豬紅唔會一夾就散，又唔會過嚡，但韭菜就有d過淋，古語有話韭菜係要食半熟先最好味。😉😉😉蠔仔粥足料，唔會過咸，唔會有腥味，但佢d蠔仔有少少蠔殼。👏👏👏