Video
6-min walk from Exit B, Fortress Hill MTR Station
continue reading
Telephone
57113599
Opening Hours
Today
11:00 - 21:30
Mon - Sun
11:00 - 21:30
Above information is for reference only. Please check details with the restaurant.
餐廳：麥記美食地點：北角堡壘街菜式：上海菜餐牌：上海點心如鍋貼、生煎包、小籠包及葱油餅，酸辣湯，麵點，風味小食。都有套餐。雲吞擔擔麵餐包雲吞擔擔麵同3隻鍋貼加飲品，$63。我見到好多人都叫。雲吞擔擔麵大大碗，有六隻雲吞，皮薄餡靚，入口滑溜，真係非常好食。黃色麵條唔粗唔幼，口感唔錯，蛋香十足，配個擔擔醬好味道，好香花生味，味道甜甜地。面頭加有少少肉醬，伴有菜心一條，灑上蔥花。3隻鍋貼生煎鍋貼果然係米芝連推介小食，煎得底脆而上面皮薄又滑，入面肉餡唔錯。枱面上有黑醋自己加。點心套餐包10隻鍋貼，酸辣湯同飲品，$62。酸辣湯好足料，味道酸酸辣辣，但唔會過辣，料有黑木耳絲，豆腐絲同鴨血絲，口感好爽口又滑溜。小籠包 $32小籠包一籠四粒，皮薄而湯汁夠多，肉都好鮮，出色！蒜香牛油雞翼 $30蒜香牛油雞翼一客三隻，熱辣辣，整得皮脆肉嫩，味道剛好，好香蒜味，而唔會太濃，好香口。檸檬柚子梳打 檸檬柚子梳打係罐裝梳打水配另一杯檸檬片加柚子醬同冰，絕對唔會太甜。另配獨立包裝飲管一支。凍檸7凍檸7都係配大大杯冰加幾片檸檬。都配有獨立包裝飲管。總括而言，呢度除左生煎鍋貼，其他食品都唔錯，包括小籠包同雲吞，真心好食。店舖簡單，座位大概有16個左右。星期五夜晚要等位。都有好多外賣單。
continue reading
原來起步是由推車仔擴展到開舖位👍🏻餐廳主打上海傳統包點，小食包括生煎鍋貼、小籠包和生煎包等最值得推介是招牌生煎鍋貼😋更獲得米芝連街頭小食的榮譽🎖️價錢親民絕對是抵食之選👍雲吞擔擔麵餐🥟🍜雲吞擔擔麵🍜6隻大大粒雲吞皮薄包住飽滿餡料，湯底質地超濃稠並充滿香濃花生醬的味道，每一條麵口感彈牙非常掛汁，仲有大量肉碎及蔥花，食到帶有微微辣勁🌶️，食完好飽肚🤰生煎鍋貼 (3隻)🥟即叫即煎的鍋貼底部煎到脆卜卜，加入醋調味更滋味🤤豆漿🥛（套餐加$6）駕鴦餐🥟🍲生煎鍋貼 (4隻)🥟生煎鍋貼皮薄煙韌，外皮唔會太厚，肉餡調味出色👍生煎包 (4隻)🫓生煎包底部煎至黃金色脆口，包好鬆軟，咬落肉餡仍保留少許肉汁🤩酸辣湯🍲酸辣湯有木耳絲，豆腐及豬紅等好足料，味道酸味較重唔會太辣，飲落好開胃😋凍檸茶🍹（套餐加$3）小食🍗🧆黃金之翼🍗一上枱聞到好濃厚的鹹蛋黃味，雞翼外層佈滿鹹蛋黃，外脆內嫩，好好食又邪惡😈生根🧆加入秘製辣汁食落惹味
continue reading
麥記美食 (景文樓)📍：北角堡壘街19號景文樓地下2號舖🚗：炮台山地鐵B出口 步行7分鐘📞：+852 5711-3599💲：~HKD60-90/head for dinnerFood quality✔️：小籠包、紅油炒手套餐、豆漿👌🏼：10隻鍋貼酸辣湯套餐、擔擔麵套餐、蒜香牛油雞翼、生煎包、菜肉餛飩總結：😋連續9年米芝連推介嘅上海小食 售賣鍋貼🥟生煎包小籠包等 同條街有間元祖嘅坐街邊 行多幾步景文樓呢間就有冷氣嘆下😋我鍾意❤️佢嘅紅油炒手 上海菜館賣四川菜嘅紅油炒手但出奇地出色 紅油豆瓣同花椒辣油 肉碎配葱花嘅配搭冇得輸 辣度上迎合嘅香港人但正宗嘅味道😋小籠包都好食 皮係厚身所以拎起唔會穿底 口感都係偏硬配埋豬肉湯汁都唔錯👍🏼呢間都有啲歷史 新餐廳宜家都追求皮薄 但其實小籠包嗰皮唔應該追求薄身😋上海菜館冇道理唔點豆漿 雖則唔係自家但好飲 +$6都合理🫡😋建議大家嚟可以叫套餐好過分開點 +$15有得試生煎包/鍋貼等等 平過分開點仲可以一次過滿足幾個願望👌🏼🤔鍋貼係佢招牌 幾唔錯 同埋佢特色係底略硬身 餡就正常 不過小籠包比較出色 或者放多啲餡會開心啲🥹🤔酸辣湯同擔擔麵都夠味 足料 雞翼大隻又熱辣辣 不過我覺得蒜味夠但唔夠牛油香🥲🤔生煎包同菜肉餛飩都係正常水準🤔比起原店 呢間環境其實幾好 至少有冷氣嘆下
continue reading
每次去🚶北角開會， 見到麥記美食都滿座， 就算下午茶☕時段都滿滿客人🧑🤝🧑👭， 見佢連續幾年都係米芝蓮推介🥉🏅🥇， 價錢就十分平民，所以趁今日得閒， 就去食個下午茶🍭雲吞擔擔麵🍜餐 + 魚蛋🍡雲吞🥣水準不錯，餡料足同麵量都夠， 仲有野飲跟， 都係五十幾蚊， 我都覺得值👍。🍭駌鴦餐 + 蒜香牛油雞翼有4隻鍋貼🥟同4隻生煎包， 酸辣湯🍲同野食， 又係五十幾蚊，再配肉汁滿滿嘅脆香雞翼，交到貨喎。雖然呢間街坊小店🛖裝潢普通， 有幾年米芝蓮🏅🥉🥇加持， 鍋貼🥟同生煎包都係外脆內軟，底部焦香但唔會苦， 口感👄卜脆， 入口肉汁💥爆炸， 反而驚喜嘅係魚蛋🍡， Q 彈又爽口。 就因呢度價錢平實📉， 食物質素不俗， 所以係一個街坊寶藏🎊。
continue reading
✨ 今日經過北角麥記美食，全店坐滿人又多人外賣，這裏有現場的手工鍋貼，看上去很吸引的。***** ***** ***** ***** ***** 坐低點咗一個雲吞擔擔麵餐，價錢好抵食，難怪人來人往好多人幫趁。雲吞擔擔麵🍜濃郁嘅擔擔麵湯底，香氣滿溢，面底軟硬程度適中，仲好多花生碎，雲吞皮薄餡靚，同擔擔麵味道很夾。三隻生煎鍋貼🥟鍋貼係現場即包即制即煎的，皮薄餡靚，煎得顏色非常均勻。黃金雞翼🐔普通炸雞翼食得多，黃金炸雞翼第一次試，黃金雞翼顧名思義外層是鹹蛋黃炸成脆卜卜的，外皮真的鬆脆得緊要，裏面雞肉非常嫩口。最後飲埋杯凍檸茶，非常滿足的一餐。
continue reading