麥記美食 (景文樓)

Open Now

Now Closed

新來個女職員落單準確快很好。但個男職員落單，並唔可以正常咁落單，因為我要講兩三次先落啱order! 排我之後個女人又係落錯單。今日到我老公去買外賣，又係男職員落單。老公冇check 單又係落錯order! 我有提醒佢以後要check 單。呢位男職員你可唔可以小心d聆聽？點解可以每個單都錯？or 你覆單確定一次？定你個系統好難操作所以落錯？其實食物飲品做得幾好，但呢個店最大問題是落單。已經等候好耐，落錯仲話要重新再等，我短時間內唔會再幫襯。

作為堡疊街前街坊，麥記可以話係我最常幫襯嘅鍋貼店，即使搬走咗，有時經過北角都會返嚟食，因為價錢嚟講依然冇得輸，而佢個辣醬用嚟點墨魚都好出色。知佢哋係同一條街舊cafe 原址開埋嚟做，今次終於第一次坐入嚟食，但我坐到一半已經深信唔會再有下次。以前係舊店啲人無論係媽媽定仔仔定之後嘅人都係有禮貌，但今日sorry，真係希望店家可以重視員工training 嘅重要性🤯1. 店員自己預設咗個客有叫咗1個餐3樣小食，但客覆單時已經話淨叫咗2樣小食要辣醬，但店員選擇性去聽，到最後俾嚟張單都係有3樣…. 我即時同返佢講我冇叫，佢仲指返張單，咪叫咗囉，我話我冇，佢先走去同廚房講「佢話佢唔要喎！」excuse me??? 然後仲漏咗餐飲😩 咁耐以嚟係舊店，啲人都係好爽手又快又唔漏仲計到錢。2. 搭枱安排完全亂咁嚟，果下真係想講粗口… 我本身已經係搭緊枱坐係6人位，斜對面已經有食客，一共坐咗3個人，然後有2個人再入嚟搭枱，但最入個位因為設計問題太窄，坐唔入，個女店員叫佢哋「打斜坐」，一個坐我對面、一個坐我隔離LOL，全枱人都係依個樣，得個女店員仲係度笑緊。之後果2個人都覺得唔係咁好，話出返去再等，然後我真係

特登去搵呢間嘢試食去到全店滿座要喺門外面排一陣隊見到入邊有好多幾枱外國遊客等咗大概10分鐘我哋兩個可以入座嗌咗兩個套餐一個係酸辣湯+3個鍋貼，連凍檸茶（凍飲加兩蚊）另一個係擔擔麵+3個小籠包，再加凍豆漿（另加$6 ）酸辣湯好快就到好熱仲好足料每一匙羹都超多料，味道算係好味。鍋貼皮好脆夠熱都算好食。擔擔面個面好滑，有蔥同肉碎令到佢幾香，花生醬味都花生醬味都算濃，但係佢個湯算係杰湯，不是大餐廳嗰種濃烈。我覺得算係對得住個價錢。鍋貼個第幾趣係有少少汁流出嚟，佢個皮係似麵包質地，唔係鍋貼餃子皮。所以唔算係薄皮。總括嚟講都幾好味，因為咁嘅價錢可以食到米芝蓮試吓香港地道食物都幾好。

麥記美食以前最出名應該係佢嘅燒賣魚蛋同埋鍋貼，作為一間接近20年嘅街坊老字號，佢哋嘅食品味道真係好有要求☺️☺️喺今年佢終於都開咗間堂食店 主打上海美食例如擔擔麵/雲吞麵/煎雞扒麵/鍋貼/生煎包/小籠包當然仲有佢哋主打嘅燒賣配佢哋嘅秘製醬汁今次我地就試咗佢嘅擔擔麵餐，雲吞麵餐，鍋貼如果鍋貼小食跟餐會送多個酸辣湯講真，絕對夠飽而麵餐就會送三隻鍋貼有時老闆心情好好會送多杯豆漿請你飲小店嚟講衛生情況算乾淨 係個廁所細咗少少每個餐平均50至$60 喺北角嚟講都算有合理價錢大家多啲支持本地小店 麥記美食，你值得擁有

—失望的米芝蓮街頭小食推介等我仲bookmark咗咁耐想食燶到一個點都上枱畀客人🥹🥹🥟生煎鍋貼//生煎包($12/3)鍋貼同生煎包個底係好明顯嘅對比價錢係幾抵 肉餡濕潤扎實正正常常♨️小籠包($30/4)咬開完全冇肉汁/湯汁流出🫢感覺只係將鍋貼轉咗煮法做蒸 🥛豆漿($10)————————————————————麥記美食北角堡壘街19號景文樓地下2號舖北角堡壘街21-23號美嘉洋樓地舖麥記美食

生煎包·煎鍋貼·酸辣湯期待個生煎包同鍋貼🥟外皮個底煎得夠脆～但唔會成隻都乾淨淨～食落仲有肉汁😃酸辣湯有少少偏鹹🫣但飲完唔會覺得太口乾👍如果再辣少少就更好🤭🤭酸辣小雲吞·小籠包·蒜蓉牛油雞翼雲吞細細隻有8粒😉一啖一粒剛剛好😃小籠包較一般🫣皮有少少厚及唔夠肉汁🫣但味道可以👍雞翼蒜油味香濃👍煎炸得乾身🤤小編絕對係雞翼愛好者😂😂所以覺得可以食多幾隻🤭盛惠$1xx💰💰💰💰💰好味指數🫵 5️⃣最佳🍻🍻🍻🍻🍻☻非專業食評·純個人口味☻🗣️仲有咩想講舖頭細細座位比較小同迫😅建議兩個人去食剛剛剛好😂太多人未必可以一齊坐～不過睇得出舖頭食物品質有誠意👍出餐快但唔係求其～雖然有部分食物有美中不足🫣但整體上值得推薦俾大家👍下次有機會小編都會想再去試吓舖頭嘅麵食🤡

嗰日夜晚去到本店差唔多關，姐姐話都冇乜嘢食賣了所以就叫我哋去佢哋最近喺同一條堡壘街嘅新店。需知道阻人收工猶如殺人父母，我哋就梗係即刻聽從指令改去新鋪😂 新鋪好正喎，光猛多位仲有冷氣添💛 之前聽人講話新鋪啲人態度差冇乜人情味，嗰日去到可能當時唔算太忙，又真係冇呢個情況發生。佢哋仲好nice 添次次嚟到都係生煎包同鍋貼之間心大心細🥟不過通常最後都係揀咗鍋貼，貪佢冇咁飽咁先可以食多啲其他嘢😂 鍋貼皮薄底脆入面仲有肉汁，外型摺得的骰又靚仔，不得了之後要咗雲吞擔擔麵，湯底食到好濃郁嘅花生味🥜 而家個麵底 keep 到有咬口唔係一 pat 嘢咁。大粒飽滿嘅雲吞加埋微微辣嘅肉碎口感豐富又實在。個人推薦食到咁上下可以加少少醋去消滯解膩😋 小籠包皮薄多汁，夾起嘅時候都要小心翼翼，好彩都無穿無爛唔失禮 🤭麥記嘅上海包點都係佢嘅每日鮮制。重點係真心勁平，又好食好抵食🤑不容錯過

噚日(20-10-2023 Fri)老公嘅”爺爺”過身守夜, 我就約老公放咗工後過嚟食咗晚飯至去靈堂,老公先去到,冇耐我都去到喇,老公就先落單,就係$67.00既駌鴦餐,佢要咗檸七,冇耐,套餐到嚟,我就加豆漿同小籠包,分別係$10.00同$30.00.豆漿係來貨,唔評,但要讚嘅係佢哋雪到好凍.講返套餐,我先食窩貼,個底係脆,餡料鹹淡適中,但唔係我細個時食到嗰種風味.味道:2.8分酸辣湯呢,見到有豆腐同木耳,食落係有酸辣嘅味湯,但其實的唔係鍾意酸辣湯,飲咗兩啖就俾晒老公飲.味道:3分生煎包呢,餡料同窩貼一樣,個底都係脆脆地,內裡唔係爆汁.味道:2.8分而佢同窩貼都唔係好熱.最後小籠包,呢個等咗好耐,耐到個店員收嘢時至記得原來呢個未到,呢個就熱騰騰,夾起唔會穿,要小心食,因為真係好熱,佢嘅肉汁係有好多,呢個就出色.味道:5分環境:呢喥有bar枱,而普通方枱好特別,好懷舊,似日本風.其他:呢喥嘅調味料要自己攞,水亦係自己斟.抵食係 2.8分

細細個已經開始食麥記，由$10/4 鍋貼到而家$12/3 ，已經加價不少。最近再同街開咗堂食，價錢再貴一點點。今晚一個人買外賣，等咗成20分鐘，人唔算太多，但我見店員只招待熟客，遲來先上，最後我去收銀催促，馬上就好了。我見每一個店員都有紋身，雖然不是什麼大不了，但整體比我感覺不是太好。食物水準維持，應該會繼續食

有時唔係好餓，又想搵d野墊下個肚，就會搵d掃街/小食店，先前已經聽講過呢間食店嘅名。同朋友share咗呢個🥟鴛鴦餐 ($52)，呢個餐有5件鍋貼、5件生煎包、酸辣湯🍲同熱飲。 熱飲叫咗☕️齋啡，估唔到港式齋啡都唔錯，平時飲開掛耳包/手沖咖啡嘅Yummy已經飲唔慣港式嘅啡，但呢杯意外地ok。酸辣湯入面有豆腐、豬紅、🐷豬皮、黑木耳絲等配料，味道還好，覺得係咸咗少少，可以再🌶辣少少。🥟生煎包&鍋貼鍋貼同生煎包個底煎得夠脆，鍋貼味道唔錯有肉汁。生煎包內都有肉汁但唔係隻隻都爆汁，個人覺得生煎包比較出色😋😋小籠包 ($30/4隻）另外再追加嘅小籠包，少失望，入面d餡同鍋貼/生煎包嘅係一樣😅 有d有湯汁，有d又冇咁，小籠包嚟講就普普通通

路經堡壘街發現麥記小食開左餐廳😮又唔駛等位同坐街邊，立即坐低叫左兩個套餐同老公試吓! 鍋貼同生煎包依舊出色😋😋，酸辣湯有驚喜😋! 上海雲吞麵中規中矩👌凍奶茶同支裝豆漿味道正常! 由於午餐時間，人流開始多。四眼女店員要求坐四位枱嘅三位食客放一個位出黎俾人搭枱，但男食客唔願意因為佢話佢哋有嘢要傾🤔。其實午餐時間大家都會快快食完就走，盡量可以快啲番枱，特別係小店! 可能四眼女店員表達麻麻，激嬲三位食客，佢哋不斷鬧佢今時今日咁嘅服務態度仲咁差，唔會再幫襯等等! 然後娜娜聲食完就走人! 我唔係幫小店，四眼店員態度真心唔算好差，只係表達能力麻麻哋! 而三位食客當小店係置地coffee shop咁坐又有啲說不通。香港人，午飯係休息時間，大家應該放輕鬆啲，以和為貴🤣🤣🤣 希望麥記“管理層”好好吸取今次經驗，令店員，師傅同食客建立好好關係😃

呢間鋪個女侍應態度差到不得了。入去坐底侍應1就比 menu 我哋，問食咩。我話睇睇先。好啦，睇完諗住 order 就叫侍應。(問題開始)帶眼鏡個肥妹就好惡咁話“唉嘢一定要行去櫃面”。態度已經衰 。咁我走行出去。當時得一個比緊錢嘅阿叔係度。我行埋去個四眼妹又話我排得唔啱。佢指住個外賣牌話要係門口嗰邊排，我話我唔係叫外賣佢就答“你係唉嘢同俾錢，咁就係排呢邊”我已經開始猛增。我話你又冇講，鬼知當食同外賣係同一行。佢仲要答“係㗎啦”。到開始食嘢，我阿媽睇錯咗支醋係豉油，講咗句“哎呀我睇錯㖭”。個四眼妹由後面沖過嚟話“我哋寫咗，我關我哋事。你冇睇清楚” 講真，我哋傾計關你咩事？又冇人話你哋錯。好，食到中途隔離嚟咗對男女。但係人哋就可以係枱度落單。之前全部入嚟四眼妹都係叫人一定要出去落單。我就我我阿媽話點解咁，個四眼妹又由後面衝過嚟又講：“我解釋比你聽，係因為之前有其他人 order 緊”。根本就唔關事。無人 order 佢都係叫人出去落單。食到接近尾聲，當時我碟仲有幾件嘢，個四眼妹又嚟。好快手執我哋啲嘢。我話我未食完，佢竟然答“但係我聽見你阿媽話佢食完” 痴線。我阿媽食完咁又點呢？同佢理論，佢勁

北角其中一個名物要數係堡壘街嘅麥記小食，成日同朋友推介嘅時候佢哋都以為係M記😹兩者好大分別架！呢間麥記已經開業40年，第一代老闆麥生師承上海師傅，用巧手炮製各種上海點心🥟同小食🍢闖出名堂。最出名係鍋貼、生煎包、蔥油餅，用嚟煎包嘅大鐵鑊出面認真少見😏麥記本身係區內好受歡迎，幾年前開始攞到米芝蓮推介之後更加吸引唔少人嚟排隊🔥🔥本身總店細細間，主要做外賣，或者係馬路邊放幾張摺枱，但大家慕名而來都唔介意。最近第二代老闆就係同一條街開咗間新舖，沿用上一手Brew Note Coffee Roaster留落嚟嘅裝修，木枱、懷舊通花玻璃等coffee shop嘅陳設變成小食店都幾有趣🤣🤣食客而家就可以歎住冷氣坐低慢慢食。實不相瞞作為街坊嘅我都食咗好多年🤪絕對係我至愛嘅comfort food，但係以前主要都係外賣就無影底推介比大家，今次就去到新店影返啲靚相📸麻辣撈麵有肉碎、辣油、蔥花等，撈麵係新店新推出嘅菜式，不過個醬料同以往舊舖有嘅紅油抄手係一樣，佢嘅抄手麻香十足🌶️好香花椒味😋😋辣度唔算高，鹹鹹辣辣，撈勻腍到幾乎變蓉狀嘅肉碎，加上熱辣辣雲吞，絕對係我嘅comfort food🥰🥰成日都會叫呢個架。

之前喺舊鋪食小食今次新鋪外賣一次終於堂食一次其他嘢食都可以特別擔擔面我好鍾意食，只不過朋友嗌咗個雲吞雞湯麵我飲咗啖湯，佢基本上唔稱得上係湯？係加咗水嘅面之前收工你嗌外賣返屋企食，佢都話賣晒，所以今次朋友是食咗之後發覺完全唔係嗰回事湯係水麵好一般 雞髀咸因為我哋坐靠牆嗰一邊冷氣唔夠，所以係熱住咁食麵鍋貼底煎得好燶奶茶有水準奉勸大家千祈唔好嗌雲吞雞湯麵擔擔面就好好食 推薦順帶一提，有個姐姐唔識聽廣東話你要同佢講普通話至聽得明

偶然看到哩度竟然有蔥油餅賣 立刻衝過來試下 沒想到竟然如此好吃 係厚身的餅😍 唔會油膩 表面好似有少少椒鹽 蔥落的恰到好處 唔會有好大粒裡面仲係濕濕果種蔥 但係又有蔥香 因為我唔鍾意生蔥 但又鍾意食厚實碳水 搵到這家舖真係好感動🥹 以後常來看到好似係下午三點開售 我會買果陣時 店員姊姊講出邊啲凍賽 總俾鍋上面熱辣辣的餅我❤️❤️❤️