麵の四

Open Now

Now Closed

某日經過發現lee間小店,一直都唔起眼,因為門口掛住兩個白燈籠,一直都避忌唔去,但有日抱住試新野的心態就入去試下啦!小店簡陋裝修,鋪入面雖只有1個侍應,但她都好nice咁招呼人.我地試左4款拉麵,1款小食我地都覺得叉燒用火焯過,微燶香口,紫菜脆口,麵軟硬度適中,特別係溏心蛋,心係甜,有流心感覺

今次點了黑蒜豚肉拉麵，個湯好濃好足料，豚肉只有兩片但有驚喜，係煎過同好有香味！老公點左蟹黃沾麵，醬汁好重蟹味，如果有餸會更好！店主好貼心，凍左嘅醬汁仲可以再加熱！係會想一試再食嘅拉麵呀！

每次經過都想入去試試，今晚終於有機會，坐底叫碗黑蒜油豬骨加鹽燒靖魚。拉面外觀好吸引，湯夠熱和豬骨湯好滑，加上靚义燒和溫泉旦，食完覺得有日本拉面feel. 好過好多大型拉面館，鹽燒靖魚也做得不錯。 值得再食，support 良心小店

在香港西灣河區 食肆琳立 若果求其入一間餐廳 可能只能填飽我個肚 但係未必一定能夠滿足食物嘅美味 識得窿路就會搵到好嘢食 假日行完山路經西灣河地鐵站 沿着電車路嘗試搵一啲新嘅食肆 離地鐵站兩三條街 有一條橫街叫海雁街 看見有一間不起眼小店 門口裝飾簡約 像是日式小店風格 透過玻璃櫥窗看見店內只有一兩枱客 就即入內初試 店內小妹妹客服態度殷勤 送上了餐牌後 發現好平文化價錢 可能係新店關係 小店餐牌主要係拉麵同小菜 本人喜好黑蒜油 就叫了一個$68 黑蒜油豚肉拉麵 一個拉麵就睇到 廚師有冇心機 蔥花和炸蒜一啲都唔苟且 滿滿放在拉麵上 炸蒜嘅香味 令我胃口大開 我就急不及待夾雜蔥花吃了一口拉麵 之後吃筍感覺就有一種清新 紫菜浸一下湯就放入口 又是另一種新鮮味道 一口咬開溫泉蛋是糖心蛋黃 满滿在口內 不需要10分鐘就完成了 有點滿足感覺...

今日俾朋友放飛機，唯有自己一個人去試好野，傳聞韓一窩開左日本拉麵分店，連openrice都未有新舖。今日叫左一碗黑蒜豚肉拉麵。黑蒜湯底味唔算好濃郁，勝在夠香。而麵質軟硬度也不錯。豚肉是薄切，以為好削，口感還不錯。最驚喜係隻流心蛋，如果好似我咁鐘意食半生熟蛋絕對不能錯過，咬落去有心太軟入面啲朱古力流出黎嘅效果，仲要蛋白不算厚身，好好味!拉麵黎講呢個價錢真係幾抵食。