麵の四

Open Now

Now Closed

難得過海 仲要去西灣河嗰頭 點都要揾好野食 朋友介紹呢間蟹黃沾麵🦀🍜 淨係睇賣相 覺得同一般嘅沾麵無咩大分別😂點知一試就即刻😋😋😋 除咗有蟹膏仲有超多蟹肉 個湯恰到好處 唔會太濃又唔會太淡 不得不提佢隻溏心蛋!!!!! 唔會太熟但又有少少酒味🤤

叫咗個蟹黃炒飯， 個飯上枱就聞到好香，個飯 炒得好乾身， 粒粒分明，蟹膏味道濃， 一啲都唔油膩。仲食咗個魚介拉麵， 依然咁好味， 個湯底好香食曬成個麵之後都會飲曬成碗湯， 值得再去。

一家大細再一次光臨這日本拉麵店，這店不只有拉麵，也有炒飯，小吃，價錢實惠,但品質比得上一百多元的拉麵食物用料新鮮，無味精。推介日式义燒炒飯，多料，多肉，只是$58。小朋友還可以試波子汽水，一家四口，晚餐消費不用$300坐位唔多，但勝在坐得舒服大家有時間可以幫親下。

數數手指，筲箕灣很久沒有去，東大街的拉麵軍團結業後換了拉麵琛，同區在開飯喇排名稍高，原本今次之行想試，怎料去到已圍封木板，不知裝修還是結業，而另一家在東大街另一邊的八沢早前已試過，於是轉身步行十多分鐘去試麵の四。麵の四的位置並不好找，雖說是在筲箕灣道，但是其舖位卻在隔鄰小巷海利街。麵の四是小舖，門口掛了兩盞燈籠燈，門口是木趟門，在小巷看來帶點日本風味的飯堂。門口有個黑板餐牌，寫著各式小食及炒飯。入內佈滿日式裝飾，暖暖和風，一點家的感覺。內裡有9張桌子18張椅子，隨著人數的不同及轉變而有不同的配搭，我進入麵店時已有四枱客人，一大枱五人，兩個女人另一枱，獨男有兩枱。6月23日星期日晚上7時20分，麵の四的生意算是很好，我來了之後的半小時，再有兩枱2人客及1枱獨男，還有兩個外賣，外賣全是炒飯加小食，未看到拉麵是否都可以外賣。麵の四有三名廚工，全是女性，唯一的男青年當侍應，空閒時四人在閒聊，邊說邊吃生果，其中幾枱客人應該是街坊，也加入和員工閒聊，人情味濃。原本這些小店，加上是女性厨工，穩穩陣陣吃過簡單豚骨湯拉麵，入得口可以填飽肥佬的胃就合格了，但是我細看點餐紙，麵の四居然有沾麵提供，還要是蟹黄

見到有人寫食評話有蟹黃沾麵，我又好想吃....既然想吃，就行動啦。呢間日式小店的確好唔起眼。午市同晚市都唔算好多人。之前食過一次拉麵，唔錯但未令我驚為天人。今次個蟹黃沾麵，店面小妹妹送過黎時好貼心地同我講：小心熱呀我食第一啖，凍架喎⋯⋯冇錯，麵係凍嘅，好好咬好有口感。沾麵用凍嘅麵都好正常。湯，其實好似熱左一邊，另一邊未夠熱。而且凍得好快，而因為係蟹黃，凍左就開始有點腥湯裡面仲有好多蟹肉不得不提佢隻溏心蛋！唔會太熟，帶少少甜味，稍為中和下湯嘅咸味。佢係我吃過最多吃的！唔似大部分食店，只上色但冇味....

<麵の四>-友人突然講起蟹黃沾麵呢啲聽下都會流口水既野 🤤咁岩有約就果斷揀呢間舖離地鐵站5分鐘唔會難搵 大約有二十個位左右七點三四左右入座都唔洗等位—————————————————————-『蟹黃沾面』🦀 - $88-一聽個名就想食野真係唔多 但蟹膏一定係其中一樣坐低梗係二話不說落單啦 今次就咁叫基本款但拉麵料可另外加配 $16可以加兩片叉燒見隔離枱都有加 係輕輕炙燒過帶微微焦香既樣子但今次冇特別加其他配料 下次再試沾麵汁一向比拉麵湯更濃更厚 加埋蟹膏真心正個麵同其他沾麵一樣係粗身既 咁樣先容易掛湯 🍜但同其他部份舖頭唔同 沾麵冇得揀熱定凍麵上面有一撮蟹膏 係墨綠色果種 食落有少少腥係日式蟹膏 味道似之前 幾興果隻蟹膏醬 沾汁溫度ok 入面有蟹肉 筍 紫菜 蔥 同流心蛋原隻流心蛋 做到流心效果 一咬開蛋汁流晒出黎唯一可惜既係 隻蛋好巖巉 啲人成日話塊面剝殼雞蛋咁滑我就淨係希望我塊面唔好好似呢隻蛋咁就得啦(btw 溏心蛋同流心蛋 應該係兩個概念 🥚)味道方面 蟹膏味道好濃 湯底唔會過分鹹食嘅時候先將麵蘸入沾汁 配以適量蟹膏 再舀起少量湯 就係完美嘅配搭😋美中不足既係 係

知呢個鋪位前身係韓國野 , 都見轉左手一排。今日終於有時間試下。待應好熱情 ，有禮貌及推薦同介紹有咩好食，呢點要讚。叫左兩個拉麵，黑蒜豚肉拉麵及赤豚拉麵。個賣相不錯，蔥花切到好幼細 每一口麵也能食到蔥花。紫菜脆身 、叉燒就似即食日式叉燒，唔似自家制。溏心蛋偏甜，但夠流心。麵質方面就偏淋身唔夠煙韌彈牙。兩碗麵配料一樣 係湯底之分首先講講黑蒜豚肉拉麵 嗅落黑蒜味唔算重。 不過見碗邊有黑蒜油配上奶白色的豬骨湯底。味道咸淡適中。而赤豚拉麵喜歡吃辣的朋友會覺得不夠辣，而主湯底亦是豬骨湯底，味道同樣咸淡適中。總結黎講: 味道方面合格、價錢親民、不用加錢已包含完隻溏心蛋及紫菜，整體黎講都對得住個價錢。

估唔係呢到會有一間出色既拉麵店。先講一下頭盤，胡麻豆腐！好多葱，好正，呢尊豆腐不算滑，但口感豐富，配合其他配料一齊食用一絕！然後是關東煮🍢我覺得同係日本family mart食既無異，最好味既都係蘿蔔，好甜好入味。然後到碗拉麵🍜係赤豚拉麵湯底唔杰，不過夠濃，不算太辣，但惹味！叉燒煎得香，溏心蛋不俗，仲有小小酒香。麵質適中！最後出場係蟹黃沾麵不過不失！我個人比較喜歡吃拉麵😄全枱清曬！街坊價，值得再去既小店～

這間主打日本麵食的店舖前身是韓國食肆，也不知是何時變了身。店舖面積很小，裝修亦沒大變，只有一位年輕人在舖內作侍應。食店主供拉麵及沾麵，亦有数款日式小食及定食，價錢親民貼地。筆者第一次食沾麵已覺得味道不俗。第二次則點了微辣的赤豚拉麵湯是一碗拉麵的靈魂，故麵一到便急不及待飲了一口湯，湯底濃厚清甜，帶濃香豬骨味，麵條煙韌彈牙，每條拉麵掛滿濃濃的湯汁，配上較薄身的豚肉片，衝擊着口腔內的味蕾，加上溏沁旦、牙菜、荀及葱(其實還有紫菜，但我每次都走，個人選擇)，令這碗已經不平凡的拉麵再加分以$60多元的價錢而有這樣的質素，真心推介及支持這小店

今晚同爸媽簡單食個晚飯，原本打算去間小小韓國菜館……點知韓國菜館不見了，換上一間食日式拉麵店。位於西灣河小巷內，門面就有日本【深宵食堂】的氣氛。原以為小店名叫【麵】，再睇真D才發現小店應該叫【麵の四】，名字有些難以理解，下去再幫襯要放店員查問一下。推門而入，小店非常小，只有六、七張枱。簡單的佈置令小店更加充滿一份神秘感。原本以為只有拉麵供應，但難得小店細細都供應多款小食，而且價格真*實惠。4款拉麵及2沾麵 $62~78【魚介白豚拉麵 $62】魚介豚骨湯: 奶白色中帶微啡，非常標準的豚骨濃湯顏色，賣相對板。 眼望已知湯底濃稠，浮在表面的油脂不算太多，很啱胃口。啖一口湯， 原本的豬骨湯頭之外，還會有海鮮熬的湯頭，以增加鮮甜味。濃稠度很啱口味，，味道較淡口，但其實都夠味了，因為日式拉麵湯底一般較重口味、偏鹹。很少食日式拉麵可以將湯頭一飲而盡，因為覺得偏鹹，這個是少數的日式拉麵店。麵條：幼麵麵條的柔韌性處理得夠好，掛湯能力強，濃湯強化了麵條的味道。 幼麵質感夠實淨、咬落有適當的嚼勁，當然有别於廣東全蛋麵條的綿靱、彈牙，但最重要完全沒有那陣嗆喉的鹼水味。整體來說，很鍾意麵條的質素。豚肉: 只有兩

對於呢間餐廳除讚之外真係唔知有咩好講。價錢抵，性價比高，加料加錢平，麵大大碗，叉燒處理得有水準，湯底濃郁但顯然有特登配合香港人口味所以唔特別鹹。整體各項評分都好平均。除咗麵食之外都仲有其他飯/炒飯等主食。蟹黃沾麵 ❤️ ($70) 叉燒一份 (+$16)評分：8.5/10.先講自己嗌嘅呢個沾麵，亦都系舖頭唯一嘅沾麵。好少見到有蟹膏做主調嘅沾麵，一見到就被吸引咗 ☺️ 最驚喜嘅係蟹膏幾鮮味 😛 撈埋咗落麵之後甚至落埋沾麵汁都仲食得出 😄 但同時又唔腥，真係要俾個 👍佢。沾麵用嘅麵係粗身好多嘅，份量都唔細份，湯同拉麵嘅有少少唔同，系不折不扣嘅豚骨湯濃郁版。沾麵本身就唔包叉燒，但強烈建議自己加因為相對係平。想知叉燒咩味就睇下面魚介白豚拉麵 ❤️ ($62)評分：8/10.媽媽嗌嘅白豚拉麵，湯底比黑蒜湯底淡，湯底濃度系預先設定嘅，落咗魚介去吊味所以唔會單調。😎 見到個湯底亦唔算特別油膩。用嘅麵係淡米色嘅幼麵，唔系出面街黃色蛋麵個種。感覺即刻高檔咗 😀 最重要係兩片叉燒系有番咁上吓份量嘅 🤗，唔系紙咁薄，而且顯現有落足心思研究點樣鎖住肉汁 (燒到啱啱微焦，所以惹味過就咁拾熟) 每碗拉麵除咗叉燒，仲有木

魚介白豚拉麵 （$62) :份量： 適中，拉麵份量合理叉燒：肥瘦適中，而且表面有煎過放上拉麵上味道佳温泉蛋：火候頗佳，很多餐廳只有半隻而這家餐廳竟有一整隻，                     唯一可挑剔的地方就是味道偏甜一些湯底： 芝麻味濃赤豚拉麵 （$62):味道： 較辣，如果不太吃辣的人建議可叫小辣湯底：雖辣為主但魚介湯底味並沒失色。而且平常吃的赤拉麵湯底表面總是蓋著一層油而這家並沒有，口感不油膩，芝麻味濃。紫菜：浸一浸湯底才吃，味道會更佳另外，較早前分別嚐試過和風牛肉定食，薑燒豚肉定食和黑蒜油白豚沾麵。店員十分窩心，沾麵湯底冷了會提供加熱服務。除此之外，和風牛肉定食也是好吃之選。個人認為，拉麵比沾麵較佔優勢。價錢方面，這絶對是又抵食又高質的拉麵店。值得一試再試而且，它並沒有加一服務費

一間好味又抵食嘅日本拉麵餐廳☺雖然餐廳細細但勝在夠窩心而且叫走蔥唔會唔記得😁今次叫左赤豚拉麵，湯底夠濃好正，紫菜加埋湯食一流湯底不會太油膩👍 不過如果唔太食得辣要記得叫小辣😂拉麵軟硬度適中唔會太冧，半熟味玉子仲係流心，味道ok 美中不足係有少少偏甜 😋😋😋 上一次嘗試過佢嘅沾麵，個人認為拉麵比沾麵好食👍下次一定會再黎試其他菜😋環境幾好，不過如果播音樂氣氛會更加好。等候食物時間有快有慢。上次沒什麼客食物好快就有，今次由於有枱6-7位客人 所以等候食飯時間較長。

今日路過試下呢間出面有成34度。 入到去開大冷氣。。反而有d太凍。。叫左呢個赤豚拉麵。。好辣d荀好好食。。好爽。。但個湯底好辣好辣。。下次要叫小辣。。。見到光臨既都係熟客有個人叫拉麵走左好多野。。廚師會自動送多兩塊紫菜俾佢。。以免佢唔夠餸。。。

路過見到小路有間拉麵店好想試下, 但上次太飽冇食平日1點黎到, 冇麥人比較安靜除左拉麵仲有好多定食好平今次食左赤海鮮拉麵。 平日都係食一風堂同別天神呢d連鎖。今日食呢間真係一試難忘等左10分鐘有麵食, 一睇好大碗, 個碗係大同深。 有2隻新鮮去殼蝦, 4-5隻蜆, 其中一隻仲要係超大隻, 有墨魚咀, 係醃左既好好食好爽又咸咸地, 仲有2塊紫菜同流心雞蛋平日食開既拉麵得2塊豬肉同半隻流心雞蛋, 今次成隻上好少見呀, 好似未見過因為太忙住食海鮮, 其中一塊紫菜融左入d湯度, 變左紫菜湯底原來仲正食食下陸續有食客黎, 聽到人地話終於都食到喇, 係咪平日呢個時間好難拎位既呢? 下次要食下定食