麵軒小歇 (Closed)

6點入店,竟然滿了7成。叫左：一個炸雞肉ｘ飯。木瓜奶。仲有男友的米線，清清的，我不太感興趣，他的胚芽奶茶比我的木瓜奶好多了．我第一次飲如此難飲的．．．．．．．以為好少份量，不過都飽飽的。下次只好我唔會叫木瓜奶啊。平平的。p.s.入面的waiter都唔係太好禮貌.我坐起水吧邊的第2張table.正正為係見到佢好大力的放低杯野,飲品都濺出了一半。

估唔到，麵軒餐廳食過好多間，呢間係最差的一間，亦將會係我最後一次光顧麵軒，以後也不會再光顧所有麵軒。本人與老婆於星期六晚往此間餐廳，當時餐廳只有兩枱客人，我一進去便看到有卡位就往那裡坐，跟著有個後生仔待應走過來，把桌上的兩個餐牌大力地放在桌上，我們起初以為他不小心的便算，後來，我們記得麵軒有個大餐牌，於是便問那位後生仔待應拿那個餐牌，那時候便看到他的表情黑口黑面拿過來，我們也當冇事發生，到點菜時，態度極差，點菜後他便把兩個餐牌插回桌上的座上，跟手刻意把那個座掉轉，原來那張枱是留座，目的是想告訴我知那張枱是留座的，我當時才知道這個廢人待應是發皮四話我坐了留座桌，最奇怪是，如果是留座可以話我知，我可以轉枱，唔需要黑口黑面的。我終於明白一句說話，「一粒老鼠屎，壞了一鍋粥」我以後也不會再顧全線麵軒並會告知所有朋友不會光顧，祝佢老闆好運，請著這個廢人。

(24/5)　　顧名思義“小歇”，相信所言非虛，適宜小歇一會，奉上一杯飲品，伴以一客小吃便可。　　點選了手撕雞絲米線、鹵雞翼鹵肉飯、甜酸雞竹筒飯、鹽酥雞翼一客、數杯珍珠奶茶等，先上桌的珍珠奶茶，與連鎖的“仙派”似乎有高低之分，無論珍珠與奶茶的亦然。奶茶質素，以糖水作主導，珍珠出現過軟的情況。雞絲米線，看得出，吃得出是低脂餐，雞肉尚嫩。配上梅菜的鹵雞翼鹵肉飯，相信錯失了也不覺可惜之作。甜酸雞竹筒飯，雞肉是略煎，味道是酸甜，作為充飢也無妨。最後上的鹽酥雞翼，熱辣有餘，但味道有待改進。　　食物剩下不少，9527說：「似乎有點浪費呢！」我拍他的肩膀說：「大家繼續努力吧。」

I was at CC Wu building the other day when i noticed Mian, so i grabbed a menu and visited the TST branch.I ordered spareribs with sweetcorn noodles and Purple Melts ( coconut, taro, and purple rice smoothie).The bowl of noodle came with the spareribs served in a separate plate. The spareribs smelt great, the meat came of the bone easily. It was proper spareribs, not like the tacky bones and cartilage served in some restaurants.The sparerib sauce was good, not too spicy.Finally the drink was lov

果日同朋友係沙田ua睇完戲，都好耐無去果頭，行出黎發現有間台式食店，諗住都好啦，又熱又唔想食得咁full，飲杯珍珠奶茶都好^^於是入左呢間餐廳叫左杯茉香珍珠奶茶，我飲親都係飲呢個味道，發現呢間餐廳沖出黎既茶都唔錯禾，之前飲開果d一係甜過頭，一係無味，但係我又覺得呢杯好ok，茉莉味真係好香^^叫多個醉雞亦，雞亦都幾大隻，好香酒味有口感，都ok禾，估唔到唔覺唔覺又發現左一間夏天聚腳既地方，不過店員服務只係中規中矩，如果能加改善就更好^^

$22唔收加一，有野飲有小食~蘆薈柚子綠茶，好飲，又唔會太甜。鹽酥雞同台灣o個d完全唔同，不過都唔錯。

我唸住以前去開的麵軒小歇的灣仔店都幾好,真的強差人意~~ 我叫東西吃,果d後生仔走來走去好似好忙,唔知做咩咁~叫佢又話等等,叫佢吹下d嘢,未入廚房就可以答:"o黎緊",又係度發晒脾氣咁~~真係得o架啦~講衛生=>簡直嘔心,佢有一個隱藏的洗手間,我剛坐在附近,我食緊麵之際,佢哋的員工唔弄乾隻手,一出來就"fin"了d水落我隻手度~~~~~~~~~ 超嘔心,我点知佢有冇"fin"落我碗麵~~~ 真係超失望~~ 真係唔會再去這一間~~

我點左手手撕雞絲米線同珍珠奶茶做午餐, 點知唔知係咪因為係食lunch時候, d員工係我身邊行來行去,手上d湯麵d湯彈我我件衫都係...都算啦,又要不停碰到我,仲要唔講sorry之類說話...激死!講到d野食啦,手手撕雞絲米線d米線好"淋" 同珍珠奶茶d茶無味之餘,d珍珠食到有d "燶"味. 我飲左幾啖,都唔敢再飲, 同以後都唔敢再黎. byebye~

近期對珍珠奶茶有莫名好感。星期日，朋友約嘆茶傾偈，雪糕店、咖啡店都敵不過有珍珠奶茶的台式小店。　星期天關係，人都幾多，與朋友擠到了店的一角，穿得幾不舒服。幸好店員很好人，答應一有沙發位就讓我們換，所以整餐都吃得頗開心。　目的是珍珠奶茶，口味就隨心挑選了香蕉珍珠奶茶。飲品香味幾出、味道新奇，是個不錯的新嘗試；而且我喜歡這裡的珍珠軟而Q，比仙跡岩的有咬口得多。元朗的百份百結業後，麵軒小歇成了替代品；說它是我的新愛絕不為過!　淨飲$18，跟餐小食才加$4，於是又試了脆皮腸，水準普通而抵食有餘。向朋友推介這裡的芳香排骨麵，結果他亦相當滿意食物味道，何況連珍珠奶茶才$25，的確抵食。　都是一個尖咀傾偈/行街的落腳點!

上星期同一班朋友食飯，行經呢間野，有人話唔錯，於是就入左去。叫左碗肉燥茄子米線同peach delight。肉燥茄子米線個湯底唔多掂囉，淡到好似水咁，不過D肉燥茄子就幾好食，如果D茄子可以煎得香D就更好啦，因為佢唔係幾香；peach delight微酸，但係我唔覺得有桃味。原本個environment靜靜地都唔錯，可惜之後黎左幾個女性客人(wet妹？又未至於，我唔識形容)，佢地一路係咁講自己D男性朋友呀，去邊度玩呀咁，仲要講到勁大聲，完全破壞晒個氣氛，令人為之無奈。

星期四，約了男友尖咀晚餐。大家都累了，找到這靜靜的小店馬上進去。　店名是麵軒小歇，大概麵的出品會較好吧。我點了手撕雞絲米線，飲品是熱蘆筍蘋果綠茶；男友點一個酸辣雜錦米線，飲品叫了藍莓珍珠奶茶。老實說，食物與飲品普普通通啦，沒有特別，只不過坐在小小的店內，不太吵、靜靜的，可以享受到寧靜的氣氛~ 又，想不到店雖小，也有兩間洗手間，還頗乾淨。　整體而言不錯，只是店員太木口木面了。經過一天的勞累，作為食客，真希望看到多些微笑呢~

星期六, 經過附近, 同女友黎食晚飯, 今次係第二次黎。叫左個御品牛肉麵餐+甜酸雞塊肉燥飯餐。御品牛肉麵個湯底好味, 但d牛就比較少, 應該加多d牛先係。雞塊飯都幾好味, 數量都ok, 若肉燥或汁可以再加多少少就更好。餐飲: 抺香珍珠(凍) + 薑母奶茶(熱)。薑母奶茶第一次飲, 薑味都幾重, 但飲落味道都幾似d中草樂味, 哈哈。

一入去已經冇咩人想理你...個個都懶懶閒咁,叫3個tea set, 有1個耐到2個人食完咁濟都未黎,同佢講之後好快黎, 相信係漏單, 唔係掛, 咁都會漏?味道可以, 不過完全明白點解唔收加一!!!

因唔想食西餐同日本野, 結果黎左呢度,叫左一個牛展麵, 男友要豆漿豚肉麵,我果碗要加酸湯底, 粗麵,男友果碗要幼麵, 點知我果碗來左米線, 我要求換, 佢地亦冇半點不悅,碗酸辣米線比想像中好食, 幾多牛展!男友果碗豆漿湯底好特別, 豚肉亦好味!再叫了個小食, (老)水雙拼(雞翼+鴨腎), 都幾好味!餐飲: 香珍珠! 好大杯! 好飲!!~呢度仲有一樣野非常好, 就係唔使搭檯!有一pair情侶可以坐張六人桌,有其他客人來時即使冇晒位佢都唔會分張桌俾佢!!比一d話就話唔使搭木台但其實近到會撞到手肘的好好多!埋單仲唔使加一, 好抵!!!