麵麵店 (Closed)

一入舖頭已經一陣酸叔味已經無乜胃口，然後嗌左碗生菜魚肉，食左兩啖有隻烏繩係入面，點食。女朋友嗌左碗豆卜魚肉河粉，烏繩湯底，no comment 最後我個碗生菜魚肉無收錢，但一定唔會再黎

午餐唔想食咁貴中的一個好選擇.46蚊四餸車仔麵，可選12蚊的貴餸，而且送野飲。 野飲可選紫貝天葵，山渣，或冷熱豆漿。 圖為山渣，四餸有生菜，咖哩魷魚，墨魚卷同山根。湯底為勁辣汁(比三哥5小辣還辣)，辣味好夠，唔夠可自己再加枱上的辣味菜圃添味。麵底選了油麵，車仔麵食油麵才是識食吧哈哈... 最抵叫的餸一定是咖哩魷魚，唔係小貓一兩條，而係魷魚身同鬚各幾片，唔係hea比一兩片就算。麵的份量都好足，一個油麵作為午餐，食完係飽到上心口

今晚帶同外國返來的親戚試吓地道香港style車仔麵，之前食過幾次都覺得終於有間做得有心機既車仔麵舖喇，嘩……但今次食完簡直係唔夠胆再返轉頭囉，牛蒡係有酸味，牛肺都唔掂，其餘都唔得，同店裡面既人講， 又唔接受諸多解釋唔承認啲嘢有問題！

朋友講這間店是藝人開的店專程前往，店面不大裝修和一般的車載麵店有好大的區別，除了傳統的四人位外還有類似吧台的設計，感覺年輕化了。兩人點了兩份麵，加多一份雞翼。雞翼好多肉淋醬也好多。麵嘞湯底要的沙爹，嘗試過後發覺太鹹了影響整體口感，蘿蔔塊同樣很大塊，鯪魚肉條味道鮮美只不過腥味重，吃不慣的話會覺得接受不了，我覺得還不錯。😂朋友點的炸雲吞和牛肉丸都有嘗試，貨真量足。只是湯底味道太重啦。

我最中意呢間車仔麵的餸料選擇多，每次都會選豬紅，呢度的豬紅好食爽滑，湯底的選擇也很特別，今次揀左姜酒湯底，食落唔覺有姜酒的味道但比較特別。而且45的套餐包埋飲料，飲料的選擇也比較特別。

被這間店的外貌和logo字吸引，入到去才發覺是小儀的店（都是因為坐對街像吧枱的位置，看到牆邊的剪報），但這間店沒有過份張揚，只有門口幾張不起眼的剪報。叫得麵麵店當然要試車仔麵。$46四餸套餐最抵食。我當然要出面少見或貴價的食物啦。所以要了墨魚卷、龍蝦丸、麻辣蓮藕和黑椒牛丸配薑酒湯米缐。麻辣蓮藕有明顯的麻辣味但不會麻辣到讓嘴發麻，而且爽口大件。至於黑椒牛丸有牛味也有黑椒味但不辣，和龍蝦丸一樣彈牙。墨魚卷有墨魚味又香口。薑酒湯底有淡淡的薑酒味，好特別。米線吸入薑酒汁也好味。家姐要的是沙葛餃、魚肉春卷、冬菇和麻辣蓮藕。當初她怕蓮藕會不多，所以堅持要自己點，怎知每碗都有好幾件。另外她要了沙嗲配粉絲。魚肉春卷魚肉並不多，但勝在好有味。沙葛餃皮厚了點但爽口清新又少見。家姐説粉絲有蝦米味，而且吸入沙嗲汁很好味。只是冬菇份量少，不過好稔。我最愛的辣菜脯可無限加還有這個似豆板醬又咸又辣的醬料。伴麵吃也不錯。原來的豆漿賣光了，轉了紫背天葵。聽說可幫助消化又可清熱。酸甜得來很開胃。食物有特色又好味又大碗，怪不得不用靠星去宣傳都人氣旺盛了。

價錢合理 特色車仔麵今日難得有時間，可以去佐敦接男朋友放工，一齊食lunch，於是去左佢返工附近既麵麵店！我地大概兩點鐘去到，未見有太多人，餐廳裡面有好多空位，所以位都唔駛等！環境舒適 座位數量多餐廳裝修簡約，雖然唔係好大，但用無圓木凳既緣故，所以有好多位。車仔麵餸選擇多元化車仔麵由麵底,配餸到湯底，都有大量選擇。麵方面，少見既粉絲同檬粉都有！而配餸就有罕見內臟，例如豬心,牛肺,牛膀，同埋齋類既餸，例如酸齋同咖哩齋。至於湯底就有薑酒湯同沙爹等選擇。食物質素尚可 惟湯底缺驚喜＄46 ＋＄6    4餸車仔麵 （豬紅/墨魚卷/魚肉春卷/豬腸）（薑酒湯）＋ 凍咖啡 呢個4餸車仔麵整體嚟講味道唔錯，最重要每款餸嘅份量都唔算少，$46可以話係超值!首先佢嘅豬紅都算入味而且都夠滑口，唯一美中不足就係比較細舊。豬腸都唔錯，唔會話洗得唔乾淨。相對魚肉春卷同墨魚卷就比較失色，雖則都入得口但係唔會特別推薦。最後想講一講個薑酒湯，味道比例特別但係薑味唔夠重，而且個人認為唔係每樣餸都可以夾到呢個湯底，建議想試呢個湯底嘅朋友要諗埋夾咩餸先好叫。＄45 麻辣豬排撈麵 ＋ 紫貝天葵 份量足夠，配菜亦多，有芽菜和木耳

不知不覺，我鍾意左order Ubereat, 方便利落唔洗出街就有美食落肚了。 今日又Order 左小儀既麵麵店。 食車仔麵最好，就係一碗嘢可以選擇自己鍾意既餸,幾多款都可以自己選。 麵麵店都有唔同既餐，我選左$46麵餐， 四餐一麵加送豆漿。 可能早叫，食物30分鐘就到左，司機態度好好。 四個餸，牛腩，腐皮，豬腸同鳳爪加河粉，湯底係薑酒湯，我叫佢地多菜腩，佢俾左三盒仔我， 很好吖！ 唔知你地睇相睇唔睇到啲餸份量有好多呢？！牛腩細細粒容易咬開，而且入味到不得了。 鳳爪骨肉分明，唔洗點"lun"骨就食到。 豬腸洗得很乾淨，又唔會好多肥膏。 最正係腐皮，佢最正係每片腐皮上都有啲魚肉響上面，將佢變得不平凡!個湯底有啲清，但加埋啲菜舖，就有啲辣辣地同加左啲咸味，無咁單調。今次運送時間係半小時，比上次成70分鐘快左好多！下次叫既話，避開啲食飯高峰時間，早啲叫會快啲準時到！

今日去朋友屋企打麻雀，打到肚餓就去佢屋企附近搵野食。而聽佢講話有間小儀開既車竹仔面係附近，我聽到都即刻有興趣左！叫佢帶小妹去見識下啦，話唔埋可以見到小儀呢（發夢mode 中）。俾你地睇下個menu,似係四餸車仔面餐最最最抵，因為佢係寫明可以揀任何range 既餸都可以，當然如有你係食肉仲獸係可以揀晒四種肉啦，但就唔太健康囉食咁多肉。呢個係我個碗四餸粗面，粗面煮得腍左啲，因為我個人口味鍾意偏硬身啲既。呢杯係....er......我都唔記得個名喇，個名好特別既。飲落有啲似利賓納，但聽啲呀姐講呢個係涼茶來架喎！包埋呢杯野飲都只係45蚊咋！人唔算多，啲位都幾闊。

今天經過佐敦所以就第二次來食車仔麵。之前見食評大讚牛膀，所以都選了牛膀，還有之前試過的粉葛餃覺得好吃就再點了。牛膀真的不錯，很入味，但我期待的粉葛餃今次可能煮左好耐⋯⋯好淋⋯⋯夾都夾不起，一夾就爛哂⋯⋯好失望煎釀三寶（六件）我們本想點每款一件，但店員說只可選三款因為寫了煎釀"三寶"⋯⋯這個回覆有點⋯⋯或者你可以在餐牌上寫明六件只可選三款⋯⋯醉豬耳不錯。酒香及爽脆。跟餐飲品除了豆漿多了紫背天葵，第一次飲紫背天葵，酸酸甜甜，很好喝～當晚食完晚餐後十分口渴⋯⋯喝了很多飲品及水，唔知係咪因為有落味精還是太重味的關係⋯⋯

平就真係夠平嘅 ,可惜面嘅份量唔多 ,分分鐘我叫啲餸嘅體積重多過啲麵 對啲餸我就真係畀唔到啲咩意見la， 好似食啲咩都有浸膠味怪味咁，唯一淨係鍾情佢哋嘅辣菜脯同醬, 又油又好味 如果你想求其食餐飯入去都係唔錯嘅頹飯選擇嘅，

朋友知道我係一個中意一餐食好多款野、樣樣都話要試下既人所以推介左麵麵店比我，話呢度車仔麵抵食，而且味道唔錯最最最重要係有好多款餸可以揀之如價錢又親民，一個四餸麵連飲品都只係$46嘩，完全乎合我平靚正抵既要求望一望個MENU，嘩!! 真係好多選擇!! 好多野都想試除左車仔麵之外，仲想試撈麵同小菜架但一個人食一個三餸車仔麵已經好飽，根本食唔落其他野啦牛蒡、牛柏葉、沙葛餃、麻辣蓮藕粗麵配薑酒湯底($46)上台真係嘩然!! 成碗野好滿!! 而且陣陣酒味傳入我的鼻第一步梗係要試左個湯先啦。薑同酒味唔會太嗆，比較溫和且味淡，湯既油份唔算高，屬於健康補身湯三餸方面，最好係牛蒡!! 厚厚既三件，夠淋夠粉又唔騷，好好味牛柏葉就遜色啦，白勺，雖然爽口但同個湯唔夾，浸左個湯都唔好味沙葛餃本身都唔錯架，皮薄料足，可以食到一粒粒既脆口甜沙葛可惜，師傳煮過龍。三個字形容層皮--“一Pat野”!! 層皮一夾就爛、入口就化….麻辣蓮藕，蓮藕好有川味，有麻又有辣，質感係脆同粉之間。不過我本身中意食粉多過脆既蓮藕，所以OK粗麵同餃子皮一樣，煮過頭，無咬口 且碎濕濕不過，好彩有樽醃辣菜脯 (我估係菜脯)，辣辣地又脆脆地，配

通常如果晏食飯 我就會黎食下午茶餐✌🏻車仔麵任選三餸 配豆漿or山渣冰 $38結果餸揀左: 咖哩魷魚 沙葛餃 韮菜餃🍲湯底:勁辣汁 🍸飲品:山渣冰今次佢"不"咖哩魷魚個陣"不"左好多咖哩汁所以湯底好重咖哩味😃配埋個勁辣汁好食左好多😋仲有個山渣冰 好好飲 我次次都飲佢😛米粉份量好多 又有成七粒餃 好夠飽😝

對上個兩次，好好味！今次食勁實望。 46蚊4餸算好合理， 2個人嗌咗2碗麵+蝦多士。 蝦多士係用竹炭包，好味。 但係碗麵出事。 首先最常食嘅麻辣蓮藕無晒，跟住換咗炸魚皮唔脆，明顯反炸。第一粒九菜餃咬落去好粉，當無嘢照食，第二粒咬一半，紅色的。。。。未熟。。。。 酸齋硬硬地。 2碗麵8個餸5個唔好食個薑酒湯越食越苦，好似太多燒酒咁。本來係好鍾意嘅車仔麵店，可能係就收檔，咁既質素真係唔得。。。希望下次食會好食番

Went to Jordon and picked up something, and my friend suggested for a HK style soup noodles shopIt was owned by a famous local DJ - didn't expect quality would be superb as I don't believe in celebrity fame.I ordered a "4-dishes set", as expected, it was okay but not extraordinary that I would go for the second time.