麻痺英

Open Now

Now Closed

一個大埔人從來不缺乏美食偶爾和朋友逛到太和，就在附近吃點有家餐廳十分近太和火車，放題任食而且價格划算兩個人$500就有放題，選擇了胡椒豬肚雞醬料方面多款選擇，有蔥粒、炸蒜、蒜蓉等等感覺很暖胃而且健康，十分養生加上任食真的多選擇，配料豐富香濃胡椒味道，豬肚湯味濃郁，配料新鮮而且雞好滑，肉滑又入味，鮮嫩多汁蟹棒、貢丸、即炸響鈴、花枝丸都可以叫最愛的肥牛，肥瘦均勻水魷魚水魷魚份量多，而且很爽脆，這個價錢有海鮮試下美國🦪生蠔好肥美新鮮，物超所值這個價錢配料豐富有誠意，環境十分溫馨，下次可以再和朋友過來

話說今晚約左朋友大埔晚飯，我地都係愛食邊邊雞煲之人，早一晚做下research 搵到呢間「麻痺英」，價錢經濟之餘口碑又好，就決定試下位置就比較偏，係仁興街，太和站近d，識行既唔洗兩個字就到😎我地未夠七點就到，果陣有兩三枱客，但到8點未夠就坐滿了🙊小店地方唔會好寬敞，但都坐得舒舒服服，冷氣夠，有電視！價錢真心經濟，雞煲連火鍋先$178位，任飲任食兩個鐘，平時兩個人就咁食個雞煲都要$178，即係依家每人比多$90就包埋嘢飲同配料任食多款配料，重有涼拌小食飲品選擇👇啤酒任飲另加$15我地點左中辣，千其唔好睇少，佢個中辣辣過譚仔雞肉份量唔少，而且都幾好肉，唔會淨係食骨咁！雞肉口感好結實，唔係淋pat pat果d，而且好入味，絕對大讚除左雞，煲內重有洋蔥芫茜同翠玉瓜，超入味吃完雞煲，就加湯邊爐涼拌小食開胃夠味整體經濟抵食，主角雞煲出色，小店服務貼心

呢間真係可以話隱世既餐廳因為附近都冇乜食餐廳咁濟🤔所以人流唔多。。。餐廳主要做2小時任飲任食雞煲／烤魚👍🏻價錢亦都好抵⭐️⭐️⭐️⭐️✨麻痺雞（正宗重慶雞煲）＄178/位（兩位起）⭐️⭐️⭐️⭐️⭐️爆星星麻辣醬汁真係好出色，揀左小辣，個人可以揀返中辣因為感覺小辣唔會太辣，係比較惹味雞件好嫩，份量正常2人呢個醬汁真係會令到人追住食😍😍😍當然食完雞煲之後都係打邊爐啦😽配料都多款但餐廳都幾貼心，每款配料會因應人數而俾分量所以唔怕會太多而食唔到其他野😎最一定要提既就係，餐廳會將佢地既雞煲醬放埋去醬料區俾你自行添加👍🏻好處係你怕加水後會淡味呢？！就可以自己再加雞煲醬喇🤩呢樣野出面餐廳好少會咁做飲品都係自行出去雪櫃度擰，款式都唔少😽呢間既雞煲真係誠意推介👍🏻👍🏻👍🏻👍🏻👍🏻下次我一定要再黎試埋佢個魚煲😁

成日都好鍾意捐窿捐罅去搵嘢食，尤其是雞煲啊烤魚煲啊超鍾意，不過依家出面啲烤魚越嚟越貴，好在喺大埔搵到依間，又平又抵食我哋今次嗌咗麻辣烤魚，條魚嚟到超級脆口，我估條魚應該係炸過，個皮係吹到好似食燒肉咁，好正好香口同埋我哋呢個係任食放題，肉類，丸嗰啲全部都可以任食，我尤其是鍾意佢嗰個前菜，青瓜海蜇酸辣適中好開胃呢度呢除咗係賣美食之外，仲有人情味，全部過嚟嘅都係街坊客，同埋店員傾得好開心嚟大埔一定要過嚟試吓由太和站行過嚟都好快好方便

麻痹英是我在大埔吃過最好味的雞煲雖然疫情反反覆覆，換過廚師，但仍然保留非常惹味的雞煲風味！本人吃得辣，推介中辣，辣得非常過癮！雞煲以人頭計，任飲任食當日點了香辣海鮮雞煲，每人198 ，不用+1，任飲任食！當然亦有自費項目，想食質素好一點的牛肉，推介牛頸脊！店內有非常強勁的冷氣，不怕吃到滿頭大汗！火鍋醬料自取，當中的麻油非常香，每一次都一定要加到醬料中！雞煲二人份量大概有半隻雞，海鮮有青口，魷魚圈，廣島號等海鮮。魷魚圈非常大隻，而且好彈牙！青口雖然是雪藏貨，但都鮮味十足，配上惹味醬汁真的好好食😋雞件大大嚿，肉質尚算嫩滑，廚師上菜先煮到雞件七成熟，再燴一下就剛剛好。點單紙上更有部份涼菜小食，手拍青瓜、涼拌皮蛋都可以吃到！炸魚皮也是必點項目，香脆魚皮沾一沾湯汁，人間美味當日點了一個例牌牛頸脊及北海道帶子，牛頸脊油脂分布平均，牛味濃郁，輕輕灼四、五秒肉質最嫩口！北海道帶子非常厚身，鮮味尚算可接受，$78大概有10多件，算頗抵食！其他火鍋配料質素都非常好，蔬菜很青綠新鮮！而且有比較貴價的萵筍，更不會吝嗇每次只給一兩片。薯仔、蘿蔔等的蔬菜吸了雞煲的醬汁，都是不可多得的美食另外鯇魚片、鯇魚腩都可以吃

每次買完炸髀都會經過呢度。上次見到啲人坐晒出嚟，仲要gas爐，今晚就嚟試一試🔥🌟餐牌🌟有勁多款飲品，飲啤酒嘅朋友，仲可以加$15任飲支裝青島純生🍺嗌咗個原味麻痹雞，小辣🌶等緊個煲嘅時候，叫咗啲小食，味道唔錯仲有最愛嘅海蜇🦑（又冇emoji😂）🌟涼拌青瓜，涼拌海蜇絲打邊爐梗係要混醬🌟自助醬料區雞煲味道不是太出，偏鹹，但係呢個價錢都叫接受🌟麻痹雞雞煲新鮮度一般🌟多款火鍋配料用Gas爐打邊爐真係幾過癮，食物味道一般般，勝在方便，冇加一價錢亦唔貴，性價比還可以。💰希望下次黎食物質素會好少少 👍🏿

第一次黎到大埔食麻痺英，首次光顧的感覺好有港式風情。大埔仁興街唔夠有好多食肆，入夜後，麻痺英變得特別熱鬧。這裡是超抵食的任食火鍋。由於到步時，侍應已話FULL BOOKING, 如果食就需要坐戶外枱。雖然無諗到34度的夏天都會在戶外打邊爐食雞煲。雖然食到好熱，不過好彩入夜也有少少涼風，而味道相對價錢CP價都好高。今次簡了傳統的麻痺雞煲(小辣),都是$178/位。認真超級抵食。除了原本的雞煲之外，仍有大量的選擇可以給客人ORDER。有部份收費項目，不過今次沒有試。麻痺雞煲(小辣)都有麻辣的香辣味，雞煲裡仲有大量的芫茜，芫茜控就會十分開心。而雞煲內仲有洋蔥、薯仔和翠肉瓜。煲滾後薯仔和翠肉瓜好入味爽口（Y) 雞煲份量豐富，一個煲。 四個人一齊食都完全無問題😉比大家睇下個MENU, 其實任食雞煲火鍋黎講，都算十分多選擇。個人中意食菜，所以ORDER左好多菜，蔬菜新鮮。而其他火鍋常見的食材都有得ORDER, 相信一定岩所有打邊爐的朋友黎黎食。私心推介下炸魚皮，因為全部炸魚皮都係脆卜卜，完全冇淋的，點雞煲湯黎食一流而飲品方面，都好多選擇，有甜既有無糖既有汽水既。基本上都係任君選擇。我睇MENU其實

超正藥膳雞煲👍🏻同我老公咁啱去咗大埔買嘢，咁啱我哋經過呢間餐廳，有雞煲放題幾抵食，我老公超鍾意食雞煲，所以我哋入咗去試。小店乾淨整潔，一入店老闆娘立刻招呼我們坐下，給我們介紹不同的套餐價錢，因為一般雞煲比較熱氣，所以選擇了藥膳雞煲，我們另外點了日本廣島蠔，這裏的飲品是自助形式，除了酒精飲品以外其他都是任飲，我們拿了一罐可樂與罐一樽菊花蜜，除了雞煲以外其他配料都是任點任食，我們便點了很多不同的配料。雞煲很快便來到，雞煲一到就聞到很濃的酒香，除了雞以外有很多紅棗及蟲草花的配料，香氣撲鼻，急不及待試食雞，雞肉除了香以外有很多肉汁，另外蟲草花的味道都不錯，首先來了涼拌手拍青瓜與黃金皮蛋，醬汁很入味青瓜爽口皮蛋很香，之後第一輪的火鍋配料到，有蘿蔔、翠玉瓜、新鮮滑牛、花枝丸、鮮淮山、水魷魚、墨魚仔、鮮魷魚、油麥菜、生菜，食物質素唔錯，尤其是鮮淮山食落好爽口，而且鮮魷魚味道都不錯有鮮味，之後來了日本廣島蠔，這個肥美多汁，很鮮甜，之後來了第二輪配菜，包括有冬瓜、萵筍、蕃茄、豆腐卜、蜂巢豆腐、芝士丸、自制水餃、鯇魚腩、芋絲，我比較鍾意自製水餃、鯇魚腩鮮甜有肉汁，冬瓜同萵筍都唔錯，很爽口，蜂巢豆腐同豆腐卜

約左一位友人食飯，想揀交通方便的地方！最後揀左太和站五分鐘路程的小店「麻痺英」！！小店環境企理，店員好親切地介紹因為有太多選擇啦！樣樣都好想試吓！最後我哋揀左招牌雞煲✌🏻雞煲可以揀辣度我唔算好食得辣，所以揀左BB辣辣度啱啱好！個雞煲真係好好食！有足夠嘅配菜，好香！雞件又大件又多肉！個汁底真係無得頂食完雞件之後立即加公仔麵🍜吸哂d汁！無得頂！雖然任飲任食另外叫左少量肉同菜已經好夠飽都好新鮮！飲品都有十幾款揀！非常充足！又夠凍！一定要再幫襯，食下其他煲底👍🏻

做咗成日嘢收工同同事食埋晚餐先返屋企😃喺大埔做咁耐今日先知原來有間叫麻痹英嘅任食火鍋。我哋六點就去到，客人唔多我哋就嗱嗱聲落單先🤭🤭過咗15分鐘人流真係湧現，去到我哋食完走嗰陣，啲食客坐到出門口，原來呢間任食火鍋喺區內咁受歡迎😎❁ 煲底 有個比較特別嘅海鮮雞煲$198/位，平時出面都冇見過，唔知海鮮溝雞煲會係點😇有得自選辣度，揀左小辣，雞肉嫩而且好入味，雞煲入邊仲有唔少椒、芫荽等等嘅配料。特別在於入邊有生蠔、青口、魷魚，全部都大大件。感覺都唔錯，完全唔覺得奇怪。❁ 肉類配料美國肥牛、牛柏葉、新鮮滑牛、五花腩肉片、豬潤、黑椒猪頸肉、魚腩。基本上常見嘅配料都有齊晒，種類都幾豐富😀自己比較鍾意新鮮滑牛，切得都OK薄，肉質軟身易入口。另外推介草鯇魚腩，有少少脂肪黐住，所以食落去香口~~❁ 蔬菜 火鍋配料比足，唔會偷偷地比少啲😃蔬菜方面我覺得係非常出色，佢哋嘅生菜洗得好乾淨之餘，顏色靚，非常之翠綠，可以放心食用❁丸類基本上嘅腸仔、包心芝士丸、牛丸等等都有齊，整體都乾淨企理，飲品方面，有無糖有低糖，種類選擇多。整體感覺呢個價錢真係好抵食

今日黎左大埔呢邊搵朋友，佢帶我黎左呢間食雞煲嘅火鍋店，話呢度好抵食。我地叫左麻痺雞－正宗重慶雞煲（＄178），任食兩小時都真係非常抵食，我地叫左少辣，雞煲都好多料，有洋蔥，薯仔，蒜頭，瓜，仲有好多芫荽！雞肉份量都多，而且吸曬啲汁，好惹味，雞肉亦都嫩滑。因為個火鍋都幾抵食，所以我地額外加左個手切牛頸脊（＄108），雖然係例牌，不過份量都好多，三個人食我諗都好足夠，牛頸脊個樣好靚，而且牛味都幾香，口感亦柔軟。草鯇魚腩：鯇魚腩好滑身，魚味好鮮甜，魚油亦都好香，出邊啲火鍋店比較少食呢款，所以我地都有番叫多次。自家製餃子：餃子皮薄，讚！餡料係豬肉韭菜，豬肉鮮甜，呢個餃子都好出色。唐生菜，油麥菜，鮮淮山片，雞脾菇都好新鮮。芝心獅子狗：呢個亦都係平時火鍋比較少有嘅菜式，芝士味好香濃，好好食。花腩肉片：肥膏位都幾香，又唔會過肥。牛栢葉：好爽口，打邊爐一流。講一講飲品，選擇都幾多，最驚喜既係有meko紙包蜜桃茶，我本身好鍾意飲呢款,但好少見出邊餐廳有得揀。我地6點幾入黎，過左一陣都已經坐滿哂客人，依間餐廳都幾抵食，唔怪得咁多人。

11月尾嘅星期五，同朋友去咗麻痹英食雞煲，位置比較遠，由太和站行過去都要三個字，感恩有朋友願意同我去食。我哋要咗滋補豬肚雞煲。其他選擇有重慶雞煲，香辣海鮮雞煲，酸菜魚鍋，羊腩煲等等⋯。雞煲內大約半隻雞，應該係冰鮮雞冇乜雞味，不過都滑同冇雪味。豬肚份量都多，新鮮乾淨。飲品任飲，有汽水，紙包果汁，茶係雪櫃自己拎。唔夠湯可以自己去茶水部自己拎。二小時任食，任食火鍋料同其他任食火鍋店差唔多，比較出色嘅係提供涼拌菜任食，例如涼拌海哲，黃金皮蛋，木耳，青瓜，蔬菜類都好多選擇，不過牛肉就太肥。待應有禮貌，反應都快，地方就比較細。7:45去到差唔多滿，好彩有book 枱。希望下次去試理魚鍋。

今次嚟到太和站附近試咗滋補豬肚雞煲，每位$178任食任飲好多選擇，配料選擇種類多仲唔收加一，好抵食😋佢哋嘅肉類選擇豐富，有豬頸肉、五花腩片、滑牛等而且牛肉嘅質地唔錯，脂肪分布均勻，適合鍾意食肉嘅朋友一試。呢度仲有涼拌小食可以揀，唔使等邊爐滾熟咗先食，可以醫下肚，涼拌黃金皮蛋都幾重口味㗎🤓，唔單止辣味十足，而且都幾開胃同飽肚～我哋仲額外加咗即炸響鈴($58)同埋一例手切安格斯肥牛($88)，師傅見我得兩個人就問響鈴會唔會食唔晒🤣最尾我怕浪費淨係叫咗兩件，新鮮即炸好大份，手切肥牛都好有口感🐮

住了大埔多年，現在才發現原來大埔有隱世火鍋店，深得大埔街坊喜愛，一定要一試。原來是任食的，$218包一個湯底就可以任食，飲品無酒精類可以任飲，細支裝啤酒每人加$15湯底選擇不少，有十幾款；今次叫了藥膳麻醉雞（少辣），湯底真材實料，重藥材味，紅棗杞子補血，蟲草花可以滋潤喉嚨，提升免疫力，溫和而不燥; 雞充滿了湯的雞華，湯底適合冬天進補。任食材料有幾種，包括肉類/海產/餃子/丸/腸/面點/豆類/涼拌系列/蔬菜/菇類。蔬菜很新鮮，嫩葉翠綠，特別喜愛萵筍娃娃菜白菜,嫩口，所以我點了兩轉；丸類也不錯;鮮牛肉新鮮,但肥牛一般; 冷盤麻辣夠入味，而且酸酸地很開胃這個火鍋很有住家的感覺，是大埔有人情味的火鍋店

大埔出名食雞煲，其中仁興街呢間性價比非常高，任食雞煲每位只係$168。7 點左右到達，已經坐滿了人，如果唔想等位最好六點多到。呢度除咗食麻辣雞煲外，其實仲有其他選擇，沙嗲雞煲，海鮮雞煲亦非常吸引。另外仲有羊腩煲，酸菜魚等等。如果唔食得辣嘅可以試吓蔥香雞煲。食完雞煲，仲有任食火鍋，食物選擇都有很多。我哋今次就試咗招牌麻辣雞煲，叫左少辣，雞煲上枱前已經炒香到半熟，配上大量洋蔥和芫荽，非常香口，上枱時再炒多陣就可以食。雞件炒得非常入味，辣辣地好惹味，有唔少雞髀位，又滑又多肉。食完雞煲後就食火鍋，我哋加左個例牌安格斯牛$88，牛肉味非常香濃，加上半肥瘦脂肪，味道和質感都相當唔錯。另外點了響鈴$58，新鮮炸起嘅響鈴熱辣辣，既鬆脆又香口，燙2-3秒，可以保留脆口，再配上甜酸醬食超好食。另外仲有任點任食炸魚皮，又係炸得又香又脆！蔬菜豆腐亦非常新鮮，仲有最愛嘅厚切午餐肉，流心芝士丸都正！多款飲品亦係任飲，味道和質素都唔錯，總括性價比非常高。