麻痺英

Open Now

Now Closed

大埔出名食雞煲，其中仁興街呢間性價比非常高，任食雞煲每位只係$168。7 點左右到達，已經坐滿了人，如果唔想等位最好六點多到。呢度除咗食麻辣雞煲外，其實仲有其他選擇，沙嗲雞煲，海鮮雞煲亦非常吸引。另外仲有羊腩煲，酸菜魚等等。如果唔食得辣嘅可以試吓蔥香雞煲。食完雞煲，仲有任食火鍋，食物選擇都有很多。我哋今次就試咗招牌麻辣雞煲，叫左少辣，雞煲上枱前已經炒香到半熟，配上大量洋蔥和芫荽，非常香口，上枱時再炒多陣就可以食。雞件炒得非常入味，辣辣地好惹味，有唔少雞髀位，又滑又多肉。食完雞煲後就食火鍋，我哋加左個例牌安格斯牛$88，牛肉味非常香濃，加上半肥瘦脂肪，味道和質感都相當唔錯。另外點了響鈴$58，新鮮炸起嘅響鈴熱辣辣，既鬆脆又香口，燙2-3秒，可以保留脆口，再配上甜酸醬食超好食。另外仲有任點任食炸魚皮，又係炸得又香又脆！蔬菜豆腐亦非常新鮮，仲有最愛嘅厚切午餐肉，流心芝士丸都正！多款飲品亦係任飲，味道和質素都唔錯，總括性價比非常高。