麻痺英

Open Now

Now Closed

### 滋補豬肚雞煲滋補豬肚雞煲。將豬肚的獨特口感與雞肉的鮮美完美結合。當這道煲仔端上桌時，濃郁的湯香撲鼻而來，讓人忍不住想要立刻品嚐。湯底經過長時間的燉煮，豬肚的膠質與雞肉的鮮香相互融合，湯汁清澈卻又濃郁，喝上一口，瞬間感受到溫暖與滋補的力量。豬肚的口感滑嫩，帶有一絲嚼勁，與雞肉的鮮嫩形成了絕妙的對比。每一口都能感受到食材的精華，這道菜不僅能暖胃，還能滋補身體，特別適合在寒冷的天氣中享用，讓人倍感舒適。### 午餐肉午餐肉則是一道經典的懷舊美食，無論是煎、炒還是燉，都能展現其獨特的風味。當金黃酥脆的午餐肉片與豬肚雞煲相遇時，豬肚雞的鮮香與午餐肉的鹹香相互交融，讓整道菜品的風味更加豐富。午餐肉的口感滑嫩，帶有一絲煙燻的香氣，讓人一口接一口，停不下來。### 豬皮豬皮的加入更是為這道煲仔增添了豐富的口感。經過燉煮的豬皮，變得軟滑而富有彈性，與湯底的鮮香相得益彰。每一口都能感受到豬皮的膠質，讓整道菜品的口感更加豐富，滋補效果也隨之提升。這樣的搭配不僅讓人感受到食材的原汁原味，還讓人感受到廚師的用心。### 肥牛肥牛的加入則為這道煲仔增添了更多的肉香。薄薄的肥牛片在湯中輕輕一煮，瞬間變得鮮嫩

早兩日返風凍左好多 ❄️🥶，咁凍既天氣梗係打邊爐食雞煲啦。🍲🔥 搵下返工個區有咩雞煲，搵左陣見到麻痺英幾吸引，200任食兩個鐘 ⏰✨，配料選擇又多，有好多非酒精飲品選擇，仲要任飲，決定試吓！入到去坐低老闆即刻過黎招呼 🤝😊，好熱情咁介紹唔同煲既分別，個爐點擺最方便，感覺好親切，非常有街坊食飯既感覺。🏡🍽️ 我地揀咗麻痺雞煲微辣（我諗可能係老闆叫英所以店名叫麻痺英 🤔）。麻痺雞 🐔雞黎到煮一陣滾返起就食得。🍲💨 食落唔辣，香味幾好（聽到隔離枱叫中辣好似都ok 🌶️👍），雞質地都都算滑身唔會好乾，同埋好多都係肉唔係得骨。🐔🍖食到咁上下就可以加湯轉打邊爐，特別推薦自家製餃子同加左錢要一份廣島生蠔。餃子好食 🥟😋，無好重既味精或醃料味，豬肉加菜搞埋一齊包，真。自家製幾好食。🌿🐷生蠔🦪望落好新鮮好大隻，淥完無乜縮水食落鮮甜 🌊🍋，無死左個種蠔腥味。其他配料好似丸，肉，菜個d正常，可以按喜好隨便叫，亦有得加錢食海鮮 🦐🦑。整體來講麻痺英好適合三幾個人搵個地方邊食邊傾 👥🍻，任食任飲又可以加18蚊啤酒任飲 🍺🎉，食佢個人情味同風味都值回票價。💯❤️

今天相約了住在大埔的朋友一齊晚飯,他介紹了這個價錢相宜, 店員又友善的小店,餐廳位置不在大商場,不知道是否有關係, 所以可以做到如此吸引的價格,還免收加一麻痺雞(正宗重慶雞煲)我點的是微辣,我們是兩位,份量應是半隻雞,辣度剛剛好,又帶一點麻,有一種微微的麻痺感,好惹味雞好大件,肉質嫩滑,吸收了調味料的精華,上枱時八成熟,叫好其他火鍋料後剛好可以吃。餐廳除了火鍋料任吃外,還有提供幾款餐前小吃,我點了涼拌海哲絲、手拍青瓜開開胃,這裡還有提供涼拌黃金皮蛋!火鍋料多達60多款,我叫了主要的丸類、肥牛等等,特別一提這裡有少見的爽嫩豬潤及爽脆豬生腸,火鍋的好處是可以自己控制生熟度,配合加湯後的微辣香味,增加了菜品的豐富性我另外點了生蠔,一份 有6隻,每隻蠔都好飽滿又大隻, 味道鮮,口感嫩。飲品也是無限提供,有汽水或紙包飲品,任均選擇。

天氣凍搵個地方食雞煲，朋友就推介這裡，位於大埔仁興街嘅麻痺英，主打麻辣雞煲，今晚選了香辣海鮮鷄煲，煲內除了香辣惹味嘅滑嫩雞件外，還有不同嘅海鮮，肥美大隻嘅生蠔、肥大肉厚嘅青口，彈牙爽口嘅魷魚圈，份量十足外，入口味道亦十分香口惹味食完雞煲後就可以開始火鍋，在雞煲內加上湯底，便可以開始，火鍋配料選擇多，個人喜歡食肉，所以美國肥牛、新鮮滑牛等都必點，加埋最愛嘅午餐肉、鮮魷魚筒、墨魚仔等作為自選配料，選擇都十分之多！除了火鍋配料任點任食外，還有凉拌小食，我都點了凉拌黄金皮蛋、砂糖番茄、凉拌手拍青瓜等即製特色小食，都令人食指大開。飲品亦都係自助任飲，有啤酒汽水自由在飲品櫃內自取！一個價錢食到尾，抵食之餘，份量十足，最緊要係用料十足，唔會將價就貨，雖然唔係大街位置，但仍有不少人都到來食飯就知道佢獨有特色

難得到大埔與朋友一起吃飯，當然想試試這區的道地美食餐廳啦！朋友推薦的這間雞煲店附近有泊車錶位，十分方便。餐廳門面貼了餐牌，價錢一目瞭然。店內裝修簡單，乾淨舒適，老闆和店員都很友善，是一間非常溫馨的小店。這裡有單點、任食火鍋選擇。我們今次選了任食火鍋，嚐嚐這裏的招牌菜，麻痹雞（正宗重慶雞煲），每位$188 2小時任飲任食火鍋全包宴，性價比好高呢！有多款各式肉類、水產、蔬菜、丸和面類等火鍋配料，更有幾款涼拌食物任君選擇，非常分豐富！香噴噴的雞煲上菜了，待雞件完全熟透後就開動了！我們選了中辣，雞肉份量頗多，肉質嫩滑、雞煲醬汁十分濃郁惹味，小店的用心製作使雞件份外入味，食完即時有暖笠笠的感覺！雞煲裏還有其他配料，包括洋蔥和翠玉瓜，這個十分美味，咬下去菜汁滿滿。食完雞煲後，店員會加入湯底，開始打邊爐啦！我們選了多款配料，包括有蓮藕片、魚皮餃、芝心獅子狗，而肉類有美國肥牛、黑椒豬頸肉，材料全部都十分分新鮮、絕對是真材實料！火鍋不能缺少的一定是面類，不論是烏冬或公仔麵，他們的掛湯力是一流，能夠吸盡湯底的濃郁味道，十分分惹味滿足！

不得了不得了！經過大埔俾我發現咗一間雞煲任食放題！好多種湯底可以選擇都不在話下！仲有佢哋最出名嘅麻痹麻辣雞煲！份量仲非常抵食！感覺好似擺咗成隻雞落去超回本！呢度除咗其實有雞煲之外仲有熱辣辣嘅羊腩煲！水煮牛肉煲、泡椒酸菜魚鍋，滋補豬肚雞，同其他種類的雞煲等等！選擇真係多羅羅！兩小時任食任飲火鍋全包宴！想飲飲青島啤酒都係每位加$18就可以飲啦！仲可以加煲底套餐：細煲128、大都係168！呢度嘅飲食配料亦都非常多！我最欣賞就係美國肥牛、新鮮滑牛肉、豬膶豬皮豬生腸、全部都係任食！仲有新鮮農場雞子，魚腩，鮮魷魚筒，水魷魚，自家製餃子、當然呢度嘅重點一定係即炸響鈴卷啦！新鮮即炸嘅出名響鈴卷都係$78一碟！另外如果想加海鮮嘅話廣島生蠔都係$88半打！另外韓國青口88！西班牙黑豚肉68、首設牛頸脊例牌128，大碟都係238！最後仲有北海道帶子都係+88！麻痹英大埔大埔仁興街59號地舖

相約朋友和大埔聚會，想起了這一間在大埔歷史悠久的雞煲放題小店這間餐廳在大埔已經有一定的名氣，價格相宜，而且味道質素高，他們的飲食食材種類不少，而且高質先來餐前小食，少有的放題店有海蜇和皮蛋任食，而且味道川味十足，海蜇爽口彈牙，皮蛋香濃點了他們的原味正宗重慶雞煲，川醬惹味，而且雞肉肉質厚身彈牙新鮮，配搭厚厚的雞皮入口非常滿足他們的火鍋配料的確高質素，任食方面推薦他們的水魷，來貨新鮮，入口彈牙，此外還額外點了他們單點的手切牛頸脊，同樣新鮮，入口重肉味，肥瘦部位比例剛好醬料和飲品選擇同樣多，非常適合三五知己閑聊的一間放題店

有誠意的香港小店！進鋪已經有濃濃香味。坐位很少又窄但坐滿！肥d都入不到坐果款。感覺像家庭式夫妻2人+2隻貓經營的雞煲店。店鋪雖小但雞煲味道好香，任食材料都抵食。聽食客講開左好多年除了基本麻痺雞煲（麻辣）還有魚煲、羊腩煲和椰子雞煲我們選了有湯飲的藥膳醉雞煲有蟲草花，紅棗，龍眼肉，杞子，黨蔘……湯有酒香198元位任食任飲，如果想喝啤酒加18飲任 ，相當超值！另外我們選了人氣即炸響鈴完全像自家制，不像市面見到，像一片腐皮自家卷起再炸。因為腐皮特別薄的，鬆脆口感配上泰式甜酸醬，一個接一個停不到口！火鍋材料很新鮮豬潤特別爽滑不老，有追加好正。雞子好大粒好開心鯇魚骨比較細件鮮淮山片、雞蛋、頁丸、午餐肉、肥牛、尤魚、炸魚皮……應有盡有。食物種類地道火鍋配料，不得不讚藥膳雞湯好甜，雞又滑所以很滿足。如果不滿足還可以另外可以加錢選高級的：手切牛頸脊、生蠔、鮮帶子……有趣時刻是貓店長跳到我大脾睡覺，店鋪很有家感覺，飲品自己去取。因為枱細，男老闆會很快速收拾吃完碟。女老闆忙完會在廚房出來問大家好不好吃，有無什麼材料不好？客人同客人之間好近，做就了互相傾談的情況，大家還交流下私事，感覺好有港式大排檔親切感覺。

朋友踩車嚟到大埔，例牌約我去食大埔的地道小店，天氣忽然間涼咗，最好就係食雞煲打邊爐啦！方便佢泊車，我哋去咗近太和的麻痺英，佢哋嘅雞煲都幾出名，堅好食，價錢又抵，一個雞煲價錢，任食2小時。店長仲會久不久唱吓歌好輕鬆。香辣海鮮鷄煲 $208/位特色雞煲，款式選擇都好多，一場嚟到我建議食麻辣，好少食海鮮雞煲，就一於今次試吓食辣啲，雞煲好快就上枱。有Gas爐細火keep住溫度，聞到香噴噴的麻辣味。雞煲裏面的海鮮份量都好多，雞件保持住肉汁，雞煲賣相討好，仲有翠綠的翠玉瓜、芫荽，鮮紅的辣椒，煮得好入味的洋蔥、蒜頭、紫洋蔥，全部加埋麻辣汁一齊，好惹味！雞件食落好嫩滑，海鮮新鮮美味，香濃肥美。我覺得中辣味道剛剛好，特別刺激，十分Juicy。火鍋配料食完雞煲，當然要打埋個邊爐一氣呵成，配料寫紙仔，選擇超級多，份量足。食肉獸最鍾意美國肥牛、午餐肉、豬潤、滑牛肉、丸丸、餃子、花枝丸 、魚皮餃。配搭麻辣汁湯底，份外提升肉的鮮味。另一款吸湯汁神器，就係牛柏葉，不能錯過。海鮮也有魷魚仔、鮮魷，豐富而且最緊要新鮮。食完肉記得食啲蔬菜，粟米不能少，萵筍、淮山、蓮藕，爽脆好味，清新又健康。小食估唔到連小食都咁高質，而且

作為大埔人當然要黎支持下出名既地道雞煲小店。地點位置都好方便，出左大埔墟鐵路站行十分鐘左右就到。雞煲既選擇都好多，好少見會有沙嗲味既雞煲，就一於叫佢試吓。價錢都好便，$198/人任食2小時。叫左一陣好快有了，放低已經聞到香噴噴既沙嗲味🤤佢地係用舊式既爐，打邊爐既最佳拍擋。一個細既雞煲份量都好多，雞仲保留到肉汁，香濃既沙嗲味配雞件真係好特別，老闆得閒仲會過黎幫你搞搞個煲同埋幫你加水，十分nice. 😊食完雞煲就緊係打邊爐啦😆配料既選擇都好多，而每次叫都會跟返幾多個人比幾多份量，咁就唔怕食唔晒浪費。除咗配料仲有幾款涼拌小食，今次試左海哲絲，幾入味唔算太辣。打邊爐就緊係要食響鈴，就叫左份即炸響鈴$78 食落好香既腐皮味，吸晒啲沙嗲湯食好惹味。飲品係任飲既，飲多幾罐都唔怕。最後埋單2個人都唔洗$500，十分抵食！！

之前一家四口去食，出奇地見到全部都係一面倒嘅好評，特登去到呢一個唔近市中心嘅地方，慕名去食佢哋呢一個放題。首先舖頭係真係唔係細，佢哋好努力咁樣安排座位去盡用每一個空間。我哋被安排咗一張僅僅夠放圓凳嘅四人枱，可以想像到張枱其實唔係咁大，仲要食放題，每叫一樣嘢都會有一個容器而份量唔多，可能係因為咁樣，所以都唔叫到咁多放得落去個枱度。不過，佢嘅價錢其實唔係好貴，真係將貨就價，可以講食材好一般，冇一樣嘢我覺得係特別好味，一分錢一分貨，但係有啲浪費咗共享天倫享受一頓美食嘅晚飯時間。

今日去咗依間喺大埔屹立多年嘅雞煲火鍋店食飯，喺門口已經聞到好濃烈嘅雞煲香味，入到去，鋪面雖然唔算好大，但係差唔多八成坐滿，成個場都好熱鬧。我哋點香濃沙嗲雞煲，雞煲好快就到咗，炒得好香，香濃嘅沙嗲汁圍住啲雞件，佢一滾就可以食。當然其實佢嘅涼拌都做得好出色，雞煲未到之前可以食住涼拌等待。雞件每一舊都好大嚿多肉，咬落去全部都比沙嗲汁包圍住，味道好豐富，又惹味。肉質方面，雞肉都尚算嫩滑，唔會因為醃料醃過龍而嚡口。而且我最喜歡嘅係佢啲雞唔會好肥，唔會話食落去啲雞皮勁厚，每一啖都食到雞肉嘅嫩滑口感。順帶一提，我十分之喜歡佢哋嘅洋蔥，浸住雞汁浸到腍晒，好入味，甜甜地，打邊爐嘅時候仲可以再嗌洋蔥肉encore！兩個人有半隻雞，好快食完之後就可以叫佢嘅火鍋配料，有肥牛、滑牛、豬腩片等，一般肉類都尚算齊。丸類都好豐富，最鍾意食佢哋嘅花枝丸同埋蟹籽包心丸，加埋沙嗲雞汁一齊食，不知不覺就會食咗好多粒，蔬菜方面，有成十幾款，娃娃菜油麥菜同埋生菜呢啲一定有，仲有芋絲、烏冬、公仔麵，連紅薯粉都有，食雞煲一定要落紅薯粉先入味。佢個飲品櫃都好齊，除咗一般嘅汽水之外，仲有好多茶可以選擇，有糖同埋無糖嘅茶都好多有得你揀，有

當晚七點幾去到，無耐已經坐滿晒，仲要坐到門口出面，如果天氣唔係咁凍，其實坐出邊都幾好，仲可以睇住部車😆呢度超多款煲揀，選擇困難症發作！！今次試住佢哋個招牌麻痹雞煲（$188/位）先 ！好快個雞煲已經上檯，老闆話已經煮咗八成熟，煲一陣就可以食。個雞嘅顏色好吸引，望落已經知好夠味～食落仲幾嫩滑唔鞋口，而且份量都幾多～ 因為我唔太食得辣，落單嘅時候問我哋要大中小辣，我話要Bb辣🤣🤣 嚟到味道剛剛好，唔會辣到食唔到😍 個煲除咗雞之外，仲有翠玉瓜、洋蔥、蔥、蒜頭、芫荽、紫洋蔥、大乾椒，好惹味～食完雞煲就加湯轉打邊爐，款式好多！第一round叫咗：#美國肥牛 、 #午餐肉 、#草鯇魚片 、#魚皮餃 、 #萵筍 #涼拌黃金皮蛋 呢個麻麻辣辣，唔錯～#砂糖蕃茄 細個阿媽成日喺夏天整，簡單但好食❤️食食吓打邊爐食呢個凍凍地甜甜哋，幾開心同消滯～ 呢個叫咗兩次😂😂😂第二round叫咗：#花枝丸 、 #豬潤 、 #豬紅 、#唐生菜仲encore 咗碟肥牛～除咗食物多，嘢飲選擇都多，仲有啲平時少見啲嘅嘢飲～ 我幾鐘意支 #雪梨海底椰 ，細細支啱啱好～老闆好細心，會幫我哋校細啲個火同主動加湯再keep住睇個火～

嗰日上大埔社交平台group度睇有人問 邊度有最地道嘅打邊爐 好多人都答"麻痺英"去到果然見到夠曬地道👍 雞煲 豬肚鍋 烤魚 水煮牛肉煲羊腩煲 全部都有得揀今次揀咗烤魚 因為有小朋友所以就冇嗌辣味 酸菜味都好惹味 烤魚好大條 前菜 亦都有好多選擇 拍青瓜 麻辣 皮蛋 海蜇等等全部都好開胃其他打邊爐食物都好快嚟到 全部質素好有保證呢度真係除咗食食物之外 地道嘅感覺先係最重要🥢 見到除咗好多街坊之外亦都有好多大學生幫襯 想要地道之選一定要過嚟試下

放工同幾個friend衝去大埔呢家食店飲飲食食，撐開肚皮準備開動！環境純樸，滿滿的街坊feel，有種傳統香港嘅feel。瞓身入去，坐定定準備大戰一場。🍲首先，order咗C濃家蔥香雞，頂呱呱的滑雞，肉質鮮嫩得嚟味道又夠晒香，開動時每一口都暖笠笠，正！而個廣島生蠔，加咗個88元，六隻到手，嗰個新鮮啊，蠔味爽口得滯，真係融化咗喺口裡面，海鮮控一定心水呀！😍D肥牛切片，资金紋好似畫咗出嚟咁完美，輕輕咬落去肉香四溢，溫柔得嚟又唔會太油膩，啱晒我呢啲唔中唔洋嘅味蕾。同埋配料選擇多元化，獅子狗同魷魚片啖啖肉，彈牙食落啱哂咀。喺呢度足足歎咗兩個鐘，飽到你話咋！真係食到開心飲到滿足。😋總括嚟講，呢家食店既溫暖又人情味，質素抵讚！係個食得舒心飲得開懷嘅地方，下次還會嚟捧場！要講，大埔呢度真係隱藏咗好多美食寶藏啊！