龍鳳廚坊 (Closed)

同家人慶生黎左呢度食，價錢唔係話好抵，食物亦只是一般，感覺有點名大於實。叫左呢個餐齋講份量，超多芝士，適量龍蝦，好少伊麵……其實味道都唔錯，不過只適合鍾意濃味嘅人。無乜特別，正常味道。雖唔係厚，但食得出唔係用cheap cheap無味乾瑤柱。今時今日，酒店嘅酒席都未必比咁多翅你食。鵝掌意想不到咁大件，入味，但餸名有鮑螺，應該淨係得螺片。無沙巴班，逼著轉做龍躉，都係啲比較少肉嘅位，有蝕左嘅感覺。皮脆但肉難，蝦片顏色不一，味道正常。兩款甜品都無，轉左做威化蜜瓜奶。外脆內軟，甜度適中。無影嘅野食都係正常味囉。

一黎到見到差唔多坐滿，呀姐叫左我地上樓上。龍鳳廚坊 - 碌鵝見到差唔多枱枱都有叫，一場黎到緊係唔執書，鵝半肥瘦啱啱好(女朋友話肥左少少，我覺得okay) ，鹵水汁相當入味。一句講晒：肉嫩味濃，食完變左玉面飛龍。😬 今晚叫咗個晚餐孖寶($188) ，就係包呢碟例牌碌鵝仲有個白灼蝦，(蝦唔記得左影相), 蝦大概有12隻到，好新鮮，都幾抵食。另外叫左個欖菜肉碎炒四季豆 ($88) 🌱, 都係果句，好快出街食飯炒碟菜都要過百蚊架喇。 不過呢碟炒得幾好食，欖菜肉碎好惹味，四季豆亦好清甜，唔錯。 👍

早前參與了一個表演，負責人十分熱情，為了多謝我們的幫忙及表演成功，邀請我們吃飯，但相約好幾次也不成功，最後她等待我們練完舞後，晚上十點才吃晚飯，地方由我們選擇，我第一時間就想起“龍鳳廚坊”，食肆在我們跳舞的附近，上次光顧時只得3人，很多菜式也想試，難得有這次機會，可以試多幾款了。慶功宴菜單 - 共11人靑瓜脆腸 (小食)虎皮尖椒 (小食)芝麻波菜 (小食)杏汁豬肺湯蠔餅炸九肚魚餅潮陽梅羔骨富貴油泡蝦棗炸子雞白灼蝦上湯白菜仔油麥菜糖醋煎麵糯米飯靑瓜脆腸這樣的冷盤，都是第一次試，看似平凡外表吃下時別有一番風味，生腸果然爽口，青瓜脆口，混合了薑蔥，再配上醬油和山葵，加添了小小刺激感，為今晚打開序幕！虎皮尖椒這小食做得十分惹味! 芝麻波菜味道只是一般!杏汁豬肺湯豬肺湯做得不錯，味道濃郁，看見湯渣已經十分足料，還發現有青欖，很久未吃了，只可惜煲了湯後的青欖已毫無味道。蠔餅外層香脆、鬆化，但多油，我食個份好多蠔，但朋友話蠔的份量較少，所以口感不足，師父落蠔不平均，好彩幸運降臨於我身上。炸九肚魚餅味道不錯，咬開見粉多過見魚，雖說外層炸得香脆，但我還是較鍾意平常吃的椒鹽九肚魚。潮陽梅羔骨排骨入味，酸酸

今日閒日去試下好唔好味，今日目測有７成入座率，兩位坐左張三人枱，坐低左叫左茶睇緊餐牌，忽然叫我地起身，要調我地去張角落木摺枱，佢話有個三人客所以要調，張木摺枱根本係佢Ｄ下欄枱黎，谷鬼氣即刻起身走人，永久black list, 垃圾食店垃圾服務

天氣悶熱，忽然好想食番個冬瓜盅降降「火」，在家附近有水準的中菜館也不是太多，今晚就決定來這間飯堂吧。 兩個人吃三至四人分量的冬瓜盅可不是小菜一碟；加多一味餸便已足夠了。冬瓜盅 ～ 面頭放有夜香花、蝦肉，蟹肉，瘦肉、草菇等，旁邊綴以點點金華火腿蓉。湯清鲜甜美，加上冬瓜同吃；沒有不消暑的道理吧！烤燒腩肉片（跟生菜片）～ 有點像早前吃的韓式烤肉，只是那裡用豬手，而這裏用的是腩肉的部位，爽滑肥美的肉片透出陣陣肉香，裹以京葱及生菜同吃除可減低油膩感外又可增加味道上的層次，伴醬則是黃芥辣，這味菜下次可以再Encore呢！

上次同家人來過食覺得D小菜唔錯, 今次約左幾個朋友就提議來試下... 4個人唔理就叫個杏汁豬肚湯潤下, 這個功夫湯好香杏汁味飲落好鮮甜, 而且湯料都可以當菜食一D都無浪費, 每人都可以飲到2碗仔都非常抵.再叫左啫啫通菜, 百花鳳心卷同一個比較有特色既賽香肉..香肉以前就叫狗肉, 當然佢係以豬肉代替, 其實都係用花椒八角好濃味既香料去煮再加入大量芹菜, 味道都不過不失, 太濃味豬肉亦煮得有點過火唔淋身相反個脆口鳳心卷就唔錯, 脆卜卜外皮脆身入面蝦肉及墨魚肉彈牙好好味..整體上食物都仍然保持水準, 下次可以再同朋友來試埋其他潮州小炒.地址:太子白楊街21號地下

朋友約了晚上在這餐館酒宴;算起上來也有四年多沒來過,一於看看其水準是否能保持!準時七時半入場,環境依舊,座位佈置略顯擠擁,但喜歡懷舊與熱鬧情調的人會覺得很好的!朋友們陸續都到齊了,飯局搞手之前也預先訂好了的菜單就可以拉開序幕;而當晚的菜式十分豐富,而且大都十分美味可口,所以只重點寫寫個人最喜愛菜式:此味青瓜脆腸,基本上每次到龍鳳必點的菜式!脆嫩鮮爽的鵝腸,洗得十分乾淨,配合芥末醬油一起食,帶出了脆腸中的各種調味的融和!龍鳳第二樣必食的是碌鵝!此次的碌鵝依舊的入味,滷汁做得相當濃厚味醇,鵝身盡吸其精華,唯獨肉質有丁點兒過老;但整體計,仍是保持到有水準!有驚喜的是此味脆皮咖啡牛腩!先用脆漿包著牛腩來炸,再醮著咖喱汁伴食,有新派菜之玩味,而且牛腩肉質的嫩滑多肉汁,加上脆皮的鬆化,再來咖喱汁的昇華,伴隨著汽泡酒的彈跳,將滋味完全釋放,精彩!能再翻點的菜式質素一定有保證的,砂窩肉碎唐生菜正是其一!吃著唐生菜有清甜爽脆的口感,而且用砂窩啫過,令生菜帶著煙燻味,加上肉碎,整體的滋味是十分豐富!而芝蔴鮮魚鰾也做得很出色!魚鰾本身很鮮味的,而放湯用上芝蔴+蔴油+蔥段去腥提味,襯托著軟綿又煙韌的魚鰾,既美

今夜與朋友一同到訪此餐廳，朋友已去過一次，是次試食一些他們上次未試但想試之菜式。先以沙薑雞腳及椒鹽BB螺作開胃菜雞腳以沙薑煮過，很淋及入味椒鹽BB螺一上枱已聞到非常香，食落味道香口，忍不住一粒接一粒韮黃瑤柱羹頭幾啖幾好，再食覺得有D咸粉皮燜龍躉尾其實加左粉皮吸左D汁幾好味，可惜個汁香料味太重啫啫通菜香口爽脆炸九肚魚餅口感好得意，好味道潮陽梅羔骨味道有一點酸酸地，少少似京都骨，好味道甜品叫左芋頭烙好驚喜，粉漿甜甜地，有少少花生

今日中午我們去咗太子嘅「龍鳳廚坊」食中午飯！我們叫咗帶子水晶豆腐、菜膽上湯鷄、老火粉葛湯、脆皮牛坑腩同鷄油豆苗！帶子水晶豆腐嘅豆腐非常嫩滑，賣相亦好精緻吸引！菜膽上湯鷄嘅肉質極之嫩滑，就算係鷄胸嘅肉質都好滑，唔會有「嚡」嘅感覺！老火粉葛湯煲得火候十足，味道相當濃郁！脆皮牛坑腩嘅肉質好鬆軟，肉味亦好香濃，但炸粉就略嫌厚身咗啲！鷄油豆苗嘅豆苗非常青嫩，淋上咗鷄油令到豆苗更加嫩滑！由於係舊式飯店，所以環境舊式，但店員嘅服務都幾親切有禮！

話說中同小聚搵飯食，見到有食友於社交網站寫得好好，突然又想食糖醋麵，所以就二話不說推薦這店，同學們都無反對下就訂位了。那天晚上，其實還有很多位，訂位......應該唔駛的。可能係第一次光顧的關係，無乜心水，d心水都係睇食評果d，睇左一陣菜單，侍應就推薦我地叫套餐，望落都ok，有豬肺燉湯湯、有白灼蝦（我地仲加$120轉芝士龍蝦伊麵底）、有碌鵝，額外再加2個小食同一定要食的糖醋麵。先到 -- 豬肺燉湯，同檯的一致認為麻麻，飲致少少酸味 ，同學話煲得好的豬肺湯係唔會咁。之後就到青瓜脆腸  呢個好味，d生腸真係好爽口，點芥末食一流。小食 2 - 芝麻菠菜我個人比較喜歡爽菜 ，呢度都做到，是冷盤。芝士龍蝦出場都算幾厚肉，個汁好creamy，食多幾啖會滯囉，不過係帶有芝士味的，好彩轉左，我估食白灼蝦會好........齋，可能我地都係重口味之人。碌鵝，其實乜野係「碌鵝」？望下幅相就知.....係咪好似鹵水鵝呢？初初都以為係，食落口都好似，後來望返牆上貼的雜誌介紹 : 「碌鵝」是客家菜，師傅先將鵝身煎至金黃色，再用磨豉醬、南乳、香料調味，將鵝放入醬汁慢慢碌來碌去，碌得越耐越上色入味，然後煮約1小

book左19:00同貧友來食飯來到已經有位帶左我地上樓上坐雖然只係普通大排檔坐位不過樓上地方大都坐得幾鬆動青瓜脆腸都幾爽口, 唔錯豬腳有d韌, 麻麻地本幫香醋骨, 甜甜地, 肉都好林, 都幾好食大芥菜好苦, 唔係我杯茶-,-不過都食得出冇味精鍾意清啖o既人可能鍾意炸子雞, 普通肉唔鞋, 不過皮唔算好脆糖醋麵脆脆地, 可蘸糖或醋食, 幾好食飄香荷葉飯入面係炒飯, 都幾入味, 唔錯檸檬蒸烏頭, 蒸得耐得濟-,-雖然野食唔算好好食不過以哩個位置同價錢又可以慢慢食, 唔趕人起至在同貧友吹下水都唔錯

TVB飲食節目編審推介，雖然算不上十分驚艷，但勝在性價比高，五餸一湯一飯有蝦有鵝有牛腩四大兩小每個大人才162，物有所值。地點方便，服務不錯，晚飯時間都幾爆場，記得訂位。杏汁白肺湯－－朋友推介必點之選。杏汁味沒有想像中濃，反而自然易入口，飲落舒服，同席不好杏汁味的友人也能接受。青瓜脆腸－－點WASABI豉油，有新鮮感碌鵝－－招牌菜，枱枱都會點，賣相絕美，味濃肉嫰脆皮牛坑腩－－有個咖哩汁點，肉質過冧，還是馬灣輝記好食荷葉飯－－真材實料，大大份，同桌小朋友最愛欖菜肉碎四季豆－－味濃，調味一流

朋友生日食下呢間，因為不是年輕朋友生日，找間傳統一點的鋪食下一個湯，2個小菜，2個甜品好似樣樣野都不差，但不論裝潢及菜色都係吸引實而不華既人先講個湯，係杏汁白肺，湯係白色，有少少杏汁味，D豬肺都好好味蒸豆腐其實係蒸蛋白，所以我食左邊匙就夠了，但好香生炒排骨係好多肉，不單是粉同骨，不會太酸同太多汁一個係潮州胳，一個係香芋泥個潮州胳就比較一般，而香芋泥就不錯，只係賣相差左少少整體不錯

第一次同朋友去呢間飯店食飯朋友預約了青欖白豬肺湯，好潤，係屋企真係不會煲個湯顏色好清澈另外，點了蠔餅，同其他蠔餅不同之處在於蠔很多，不是很多炸漿，碌鴨，表皮比較肥，呢一個未係我食過最好味的，質素平平，炸九肚魚餅，咬開真的是成條九肚魚做，難得，出面少有呀最後點了不亮得叫咩胳，係甜點來既，一種不個名的粉漿做成，底下鋪了蝦片中餐來講，算有誠意了

這晚也是約了藏友出來飯聚，選了一間平民餐廳吃炒菜飯的。這裏是以小菜出名，特別是潮州菜為名，所以便來一試。小菜來說都算做得不錯了，但有些菜還是失手了一點。*************************說好了19:30在餐廳集合，然後入去發現地下的坐位不多，他們便安排坐2樓。青瓜脆腸，HKD32。賣相是很不錯的生腸，因為我不吃，所以不知如何，但朋友說很脆口的，味道也不錯的涼拌小吃。小吃炆豬手，看了很多食評都沒有人點來吃，我們便來一客。這豬手是沒什麼肉吃的，還有點難咬，怪不得沒人點來吃。來了一客冬瓜盅，冬瓜盅是一小份量的，足夠我們每人1碗湯，吃2次材料。材料內有蟹肉絲，瘦肉、瓜、夜香花和菇，所以味道淡口一點。本幫香醋骨，HKD62。這菜其實是用上豬軟骨來炆，味道沒有帶醋味，豬軟骨炆得很腍和入味，做的不錯。雞來了一份例牌，因為我是不吃雞的，朋友說也是一般，皮不夠香脆，蝦片也是不脆的，有點失望。蘿蔔時菜煲，這是一種芥菜旳頭，入口時帶點苦味，只有這個季節才能吃到。這裏做的不好吃，因為菜太苦了，湯也是沒什麼味道可言，他們都沒怎樣吃。糖醋麵，是潮州菜的一個特色麵，做得好吃，是必須是脆口的。這裏做法