1樓冰室 (Closed)

今日行完街 唔知食乜好 見到有間裝修好似唔錯既茶記 好似又想食茄豬 見賣相幾好就比佢呃左入黎咁就緊係嗌 鮮茄芝士焗豬扒飯 見張圖咁靚同埋凍檸茶點知飯黎到 完全失望 冇鮮茄 茄汁味都冇 冇菠蘿 芝士咸到爆炸 飯底連蛋散都唔見 成個飯就係得咁咸字咁就緊係問個職員 笑笑口話意粉先有 咁張圖又有? 繼續笑 笑完就走凍檸茶不過不失跟著都唔講咁多了 嬲嬲地環境一般 枱與枱之間都好近 坐左人就好迫服務方面 藍衫職員好 仲有一個就唔好 廢事形容得咁仔細衛生都係一般總之唔會再黎搵極都搵唔到*鮮茄*同菠蘿

其實西洋菜南街呢度好多食店，行過見到呢間有即磨咖啡，所以入去幫襯食一個午餐，叫咗個A餐：茄子肉燥豬柳飯加即磨咖啡，嚟到見到豬柳變咗豬扒骨，食完晒先知七成以上都係骨，問姐姐點解豬柳變咗豬骨，可唔可以反映一下，佢話：「係咁㗎啦！」，姐姐嘅態度真係very good，咁即係同餐牌唔一樣啦，咁我算唔算中咗伏呢？起碼我唔會再去食囉，又多一間我可以blacklist嘅茶餐廳了………………………………………………………………………

行過見冇乜人入去試下，講真茶餐廳早餐咪度度都係嗰D。点知呢檔勁呀，叫左個三餸麵，出奇地冇呢文味，淡過自已煮，片餐肉薄如蟬翼，追求健康又要食即食麵嘅朋友啱哂。仲有杯咖啡，最憎用D不銹鋼杯，成個鐘未降温。点飲……最正係D客、九成滿都冇人出聲全埸静過自修室

我真的想不到，有什麼引言，或者開場說話，適合用來形容，我在旺角太子幫襯茶餐廳「1樓冰室」，和掏荷包試食「1樓冰室」的招牌飲品「水果益力多鮮奶」的食評體驗。雖然「1樓冰室」可以說是位於旺角的茶餐廳，但是從港鐵「太子站」或者「旺角東站」出站再前往「1樓冰室」，沿途消耗的腳力跟時間，都會比「旺角站」為之少得多。所以有意前往光顧「1樓冰室」的食客，還是不要過份盡信程式內，有關前往「1樓冰室」的「交通指引」，相信自己沿用的交通工具模式好過。做人是需要獨立思考，擇善固執，不要人云亦云，不然的話，像美國人就糟糕了。另一方面，「1樓冰室」的名稱設定亦是一個很吊詭，很耐人尋味的地方，因為「1樓冰室」店名裡面所使用的「一」字其實不是中文字的「一」，而是阿拉伯數目字版本的「1」字。「1樓冰室」這耐人尋味的店名設計，是我總結對旺角「1樓冰室」的第一印象和個人疑問，為什麼「1樓冰室」會有這樣的店名設計？中文字與阿拉伯數目字互相夾雜出來的版本店名，「1樓冰室」給我的感覺，就好像人的名字，竟然是中英文互相串聯而成的怪異版本姓名。至於我在上門光顧「1樓冰室」之前，一早已經鎖定好的目標，目標就是「1樓冰室」的「水果益力

之前有一次經過見到下午茶好多人排隊 所以印象一路都好好今晚同朋友係附近又唔知食乜好 ...咁就提議去呢間點知答覆到喊😰😰1. 惡劣態度一門口啲人見到佢個米線只係＄27覺得好抵而且唔算好肚餓咁就諗住叫呢個坐到入去一路都搵唔到門口個牌 於是我就特登問侍應係咪27 蚊 問完果下🌚佢返左我個白眼頭再啖大氣然後好晦氣咁講 係呀 果下真心想問係咩態度😡😡😡😡擺咗出嚟人哋唔問得咩？！ 如果你咁唔想做呢個優惠 一係收埋佢囉🤷🏿‍♀️🤷🏿‍♀️🤷🏿‍♀️2. 冇魚蛋冇魚片頭落班個下嗰個借啲意話咗冇魚蛋都算點知碗野嚟到嘅時候連片頭都冇埋🤷🏿‍♀️🤷🏿‍♀️🤷🏿‍♀️ 剩係得啲五花腩 一舊好林嘅炸蝦 同埋幾舊蘿蔔果下完全唔敢比佢拎返入去好驚佢加料3. 超重鹼水味首先我轉左米粉 份量好少不過＄27都算啦 食第一啖係一陣好濃烈嘅鹼水味 我完全諗唔名點解食米粉會有鹼水🌚🌚🌚

今日晏晝同老婆係旺角花園街買衫畀小朋友, 經過西洋菜南街諗住搵下午茶餐飲杯嘢歇腳... 在門口見到呢間喇沙下午茶$ 27蚊仲要什錦，我們一於入嚟試下啦。餐廳是曾經裝修過有粉色窗廚， 較為整潔 再加埋27蚊一碗喇沙， 點都入嚟試下餐牌簡潔易明看圖識字，跟餐加五蚊有即磨咖啡凍飲加七蚊。我就叫了個什錦喇沙湯米線 、一杯即磨咖啡 老婆就揀咗魚蛋魚片頭喇沙米線 、跟杯凍檸茶什錦湯喇沙米線 天婦羅蝦就放在湯上浸到淋曬魚蛋唔夠熱湯底ok味濃 老婆搵魚蛋魚片頭喇沙湯米線都係嫌棄D餸唔夠熱，有進步空間 總括而言，都係兩個湯底都總算還可以！始终在旺角$27食喇沙 add $5 drink, 選擇應該不多！

一直聽同事講太子有間鋪食喇沙好平，但又好足料，聽左幾次，今次難得出開太子，就係午餐時間試一下。黎到已經就黎兩點，所以人流唔多，因為大家都食得七七八八，一坐低唔理三七廿一同呀姐講要個喇沙！仲有清湯同麻辣揀！米粉米線任君選擇！另外再叫多左個午餐，連埋野飲就42蚊！喇沙： 唔好講笑，非常足料！雖然只係27蚊，但絕不馬虎！有炸蝦有蛋有腩肉片仲有蘿蔔腐卜！喇沙湯底味夠濃，咬一口蘿蔔又十分juicy!完全唔使擔心要加杯野飲！班腩豬柳飯：大大碟，夠哂飽！茄子整得好好味，豬柳又大大舊好入味，真係忍唔住食完一啖又一啖！不過食哂真係好飽！呢間1樓冰室真係唔錯，相信以後再黎太子都會搵下佢！

今日黎到太子,諗住搵下午茶食,行過見到又係冰室,而家真係越黎越多冰室但都已經5點幾,居然仲有下午茶食喎~見到門口個大廣告,見到個焗飯好吸引,咁又唔駛等位就入去食啦~~諗左陣叫左個焗菠蘿芝士肉醬飯配西冷牛扒仲有叫左個下午茶~~鹽酥雞翼配薯條焗飯要焗要等,等左陣,黎到,幾大份,焗飯配西冷牛扒都幾特別焗菠蘿芝士肉醬飯配西冷牛扒,即焗,好夠熱,肉醬味配飯幾好食,西冷牛扒都唔少,都幾多下,又唔會焗到過熟喎,啱啱好,一讚~~另一樣估唔到既就係下午茶既鹽酥雞翼,居然炸得啱啱好,仲保存到肉汁薯條份量都幾多,好食~~

下午兩點左右想搵下午茶食，經過此餐廳門口，寫住雜錦米線$27，於是便一試。我點選了清湯底，餸菜有炸蝦，豆卜，魚蛋，腩肉，份量不少。湯底算不錯，魚蛋彈牙，很好味，唯獨腩肉硬了一點。總括嚟講，今餐尚算不錯

話說班同事就話想試下間新野，咁我就嚟咗呢間其實都開咗一大段時間嘅茶記試下啦，我地一行9個人，等入座要啲時間係情有可源，入到嚟分枱坐都係合理。我其實最近一直都想食「男人的浪漫」嘅豆腐火腩飯，諗住食唔到，見到特價午餐係班腩都應該唔差得去邊，於是就試下啦。點知嚟到見到啲豆腐..... 豆卜咁嘅樣.... 咁都算，咬入口啲豆腐勁硬.... 吞入口都覺得整痛條食道。 班腩仲難食，咬入去散嘅啲魚肉，好似雪咗好耐仲未解凍就拎出嚟煮咁，個汁又少..... 唉....成個午餐都好受罪，店員又落錯單，又唔多想跟進咁.... 我食完一次都唔想再嚟。

今早因為晏左起身, 食早餐都差不多成十點半先食,所以到中午時都仲未有肚餓感覺, 但因為一陣多野做驚"如果而家唔食以後無機會再食",所以係太子附近諗住求其搵間輕食少少, 叫做食過午餐咁啦行到始創後面條街, 基本上如果要求唔高, 其實間間都係"唔貴的", 但一般望入去既格局都係以"頹飯"為主,三十零蚊野, 今時今日香港地, 仲要係旺角太子區域, 算係好抵食架啦我係門口見到張海報(見圖), 呢個米線 $27, 於是就入左去食啦,其實原來佢要加飲品都要加多 $8 的, 我叫左杯凍檸檬茶,即係 $27 + $7 = $34, 都 OK 啦, 輕食一餐呢個 "雜錦湯米線(麻辣湯)", 海報話內容有 : "吉列大蝦, 五花肉片, 潮式魚蛋, 魚片頭"數過全部係有齊的, 咁當然, 唔好要求太高啦, 過到自己個咀既, 亦對得住個價錢,只係個麻辣湯, 唔係好夠麻, 亦唔係好夠辣, 如果改善埋就一流啦至於凍檸茶, 中規中矩啦, 無咩特別茶味埋單 $34, 呢個價錢午餐, 抵過好多下午茶了, 收貨吧

約了朋友下午到旺角始創中心附近逛逛。為人比較心急，一早到了，沒有什麼事情可做；肚子有點餓，走過西洋菜南街對面的一間「(1)號冰室」看看。正值下午茶時段，餐牌有多項選擇。叫了一份「咸牛肉蛋三文治」，不要烘底，及一杯「即磨咖啡」。咸牛肉做得鹹香可口，蛋炒得滑溜，白麵包片亦腍暖。以為是一間普通冰室，並沒有對所謂「即磨咖啡」抱太大期望。殊不知一層薄薄的油脂置於杯面上，喝一口，香啡撲鼻，而口腔充滿滋潤，說齒頰留香也不為過。猜猜這份套餐價錢多少？只不過是21 元，其他的連鎖快餐店也不能，莫說沒有供應。若有機會在旺角找東西吃，不妨試試這間店舖！

難得放假岀旺角，又難得有錶位泊車，又難得個囡有人湊，天時地利人和都齊晒，所以決定同老婆出旺角，同老婆行咗一個鐘頭，終於都揀咗呢間餐廳（一樓冰室），叫咗個咖喱牛腩飯，一個雜扒餐，都知道出旺角食飯價錢比較貴，但都無所謂，都希望食到好食，就算唔係好好食，都希望唔好太差啦，但係咖喱牛腩飯好似水咁，個飯又細，加飯又要加＄10，個雜扒餐，全碟最大既係蕃茄，足足有半個蕃茄，戴眼鏡嘅女職員態度又差，惡劣，絕對冇下次， 絕對不推介

假日常常訓到好晏先醒，到食午餐時好自然已經係3點幾既事><有時間都係一件好事黎，就係可以食下午茶～咖哩豬扒飯 $39咖哩比較稀身，屬於港式咖哩的一種～味道方面，辣味唔重同唔夠咖哩香～不過塊豬扒整得好食！咸牛肉蛋三文治 $21在糾結食朱古力西多士好定咸牛肉蛋三文治好，想食咸野，最後都係揀左三文治。三文治已烘底，脆脆地好有口感～咸牛肉比例幾多，蛋唔會煎得好老，仲有小小蛋汁流出～有埋飲品，其實幾抵食～餐牌

是晚大概6點半就黎到太子呢間新開嘅茶記間開餐!現場所見，已經坐無虛席!餐牌款式都幾多!有扒餐，焗飯，喇沙等叫左個帆立貝鰻魚鍋飯 同肉眼扒鐵板餐 total $112帆立貝鰻魚鍋飯：一上枱超靚，鰻魚長度長過個碗，但個飯味偏淡，相比個飯嘅外貌有一點點失望！肉眼扒鐵板餐（薯菜）： 扒偏薄，肉質稔唔痴牙。都幾大塊！ 薯條加埋燒汁超好味！ 切到好整齊忍唔住影多張相先！ 呢間新派茶記鐵板扒優勝過鰻魚飯！價錢都算合理，下次再試下其他野先！唔嫌環境比較細都係不錯嘅選擇！