1樓冰室 (Closed)

同一條街開左好多間新餐廳完全憑感覺走進了黎間茶餐廳好多外國朋友說香港茶餐廳間間都食差唔多既食物其實都說得幾啱不過看一看餐牌後見到黎間茶記確實有同其他茶記不同之處好似下午茶時段除左啲公仔麵以外還有流心炸雞脾,咸牛肉三文治等。今日我地無叫下午茶而叫了全日都供應既粟米魚塊飯:一上台見到粟米汁內有草菇磨菇仲要有埋雞肉,未食都見到誠意呀。食落去個汁好甜亦有鮮味,魚塊炸得外脆內軟好好食。椒鹽翠玉瓜豬排飯:椒鹽十分惹味翠玉瓜亦好甜, 豬排夠入味不過太薄,如果厚返小小會更好食。豉油汁亦太少。個飯既份量亦小左啲女仔可能都係剛剛好。男仔就可能唔夠啦。

太子呢頭近期開左好幾間新嘅茶餐廳，呢間系其中一間，經過見裝修可以，menu 價錢算唔貴，只系他們有嘅種類有d 奇怪，有米線但又有飯，見都有人食就決定試下新野所以左去。入到去得返中間d圓凳，超級勁唔好坐，加上我地兩個人都有袋，又無位方多張凳放袋，真系好難搞；其實食得茶記都唔系話要坐好耐慢慢嘆，不過都比我坐得ok食個飯丫。食物方面以個價錢黎過ok啦，唔叫大份，大食的男仔可能唔系好夠的。無卡位的話無下次囉。

喺太子番工，選擇好似好多，其實又唔係真係好多，午餐得果一粒鐘，唔會行太遠。今日試左間新餐廳，之前鋪位嘅蒂蒂香執左。呢間冰室新開，不過睇睇下張單同餐具先知，原來都係屬於燉奶佬集團。食物選擇都多，有扒類、米線、喇沙、炒粉麵飯、西多等，下午茶時段兩點開始，我就點左個雞脾。1流生炸雞脾拼沙律 $33（下午茶配凍飲半價，凍檸茶$7）雞脾生炸，新鮮熱辣，雖然雞脾嘅size唔係特別大，但都唔算細隻。一切開都見到有啲雞油(汁)滴出黎，裡面啲肉都幾嫩滑，食落都唔乾。而個雞皮口感有少少酥脆，有啲似鹽酥雞果種，而且都加有少少淮鹽，所以味道都好足夠沙律用上雜果，但就唔係罐頭野，仲有啲木耳、青瓜粒、蒟蒻，感覺都健康。作為下午茶，33蚊都ok，不過唔跟飲品，加埋半價凍檸茶要40蚊，唔算平，但可以接受。另外有啲飯餐會抵食啲架，30蚊唔洗，雖然冇飲品，但都幾平嘅。同行朋友點左焗飯、咖喱飯，佢地話味道都唔錯，我地就有下次。