101台灣養生湯麵 (Closed)

天氣乍暖還寒，途經這間專門吃藥膳米線的， 未吃午飯的我們二話不說入內醫肚。主打一系列嘅台式藥膳湯底米線， 疫情關係六點後冇堂食， 現在午餐，下午茶，晚餐同一時間都可以點選， 選擇非常多！ 晚餐還有一人一鍋套餐， 唔趕時間的話仲可以嘆吓一人一鍋🍲。台灣藥膳蟲草花米線午餐連飲品價錢合理， 份量不少， 湯碗超大隻。先試湯底， 藥材的味道唔算好濃， 大量蟲草花， 紅棗， 雲耳，杞子， 令湯底甜味突出。 雞件也滲滿藥膳湯底味， 非常入味！ 雲耳爽口， 因為表面還有一層雞油，令米線更滑更煙韌彈牙， 滋味滿足！😋👍跟餐件可以加$升級特飲🥤🥤黑糖冬瓜茶，可order 少甜少冰。水蜜桃紅茶， 味道唔會太假，有茶味～凍香芋雪香， 奶味香濃， 反而香芋味道唔算太突出。台灣藥膳芫茜雞米線有大量嘅芫茜加入藥膳湯底， 芫茜味道更突出， 湯底加入麻油，仲有啲似台式麻油雞。 雞肉同時索滿湯汁，好入味， 肉質都算嫩滑～追加了「上湯白菜豬肉餃亅， 味道一般皮比較腍， 餡料沒太大驚喜。台灣蕃茄雞米線湯底以大量蕃茄熬煮，好濃郁嘅蕃茄味。 整體味道調得啱啱好！不喜歡藥膳，藥材味或者唔食得辣嘅叫依款就最啱！

Fatbrown 近排愛上養生湯麵，今日又想食健康啲，所以外賣左幾玩養生湯麵同屋企人食<台灣藥膳田園番茄濃湯雞湯米線$57>蕃茄濃湯幾清新，胃口唔係咁好食啲酸酸地嘅嘢開胃啲雞件都算幾大嚿，肉質就唔算好嫩，米線爽身，都OK <台灣藥膳農場醉雞飯$57>屋企人叫咗一個醉雞飯，酒味都幾重，算係比較重口味嘅選擇<白菜豬肉餃$25>豬肉餃味道不過不失，個皮有少少厚，不過連埋個湯食都OK個紅棗湯底都幾清甜<上湯時蔬$19>

一直都鍾情於藥膳米線，行過西環見到呢間台式餐廳就吸引咗我入去😋主打藥膳湯底，可配唔同配料，揀咗麻辣藥膳配肥牛同白蘿蔔😋必食！麻辣藥膳湯底，辣度剛好，再滲出藥膳香，好夠味！白蘿蔔吸曬湯底味，好入味！肥牛嫩滑而份量都幾多，好抵食！另一碗就揀咗黑毛豬肉片同花枝丸，肉質比較鬆軟，多汁鮮嫩，花枝丸彈牙有口感！除咗米線仲有好多小食，首推：上湯白菜豬肉餃，一睇就知湯底好足料，水餃配上湯清清地又多汁，一碗2 個人食好飽！另一款小食要咗炸魚皮，香脆可口😝鹵水豬大腸，口感有咬嚼勁，唔硬，味道濃郁而咸香！飲品方面， 抹香雪香同朱古力雪香，口感同出面似開唔多，有啲似加咗燕麥嘅口感，都幾特別😋

學校附近既抵食一人邊爐😽平均每人$100🤩如果唔打邊爐，仲有台式米線、台灣小食，款式唔會太少。呢度既肥牛可另加$10，湯底可選日式壽喜燒、人氣椰子雞鍋、養生麻辣湯～牛肉控一定要叫藥膳麻辣牛肉小火鍋，咁岩個時唔記得咗講個辣度，最後錯有錯着，嚟咗個唔辣嘅，黎m其實最好唔好食辣🤣呢度比較特別嘅係，除咗面類烏冬之外，仲可以配肉燥飯，半肥瘦不錯椰子雞湯底就比較清甜，雞肉大大塊又滑，同即炸魚皮幾夾～～～

牛肉有牛味，不過比較乾，飯份量充足，性價比幾高！仲叫咗一個紫菜豚肉飯，都幾好食！另外叫咗兩個米線🍜，兩個都係雞肉米線，一個係藥膳醉雞湯底，一個係椰子湯底，份量好多，米線有咬口，雞肉都幾滑，不錯！整體味道不錯😀

最近堅尼地城站附近新開咗間「101台灣養生湯麵」🥳，襯住Happy Friday約埋朋友一齊去食。入到餐廳，剛剛好有人埋單，我地好彩唔洗等位。座位都算闊落同舒服。🤩我地叫咗”台灣醉雞米線” + “台灣蟲草花雞米線”，湯底有紅棗、杞子、雲耳，仲有濃厚嘅雞油，甜甜地嘅味道。近排咁凍嘅天氣食仲可以保暖。🥶小食揀咗”鹵水雞翼” + “炸魚皮”。鹵水汁好入味，食得出餣咗好耐。炸魚皮普通。🥸飲品就”熱檸水” + 特飲“凍朱古力牛奶雪香”。特飲只係加5蚊，好抵飲，而且奶味好濃，朱古力好滑。😍

西環變化很大，經常都有新開的餐廳。 這間餐廳主打台灣藥膳料理，給人健康補身的感覺，正好適合立冬後的日子！位置是以前的越北，感覺座位和以前大同小異，只做了小改變。但少了電子板取票和顯示等位號碼， 要向店員取票排隊等叫號碼，略感不便。 餐牌上有不少選擇， 決定試吓藥膳牛肉米線， 但忘記影相。 一般藥膳牛肉會放很多藥材例如川芎、白芍、黃耆、熟地、黑棗、桂枝、當歸片、炙甘草，黑色的杜仲。牛肉煮得很淋，好味，蘿蔔Size太大，可以做得精細點切細啲， 米線味道不錯！ 另外叫了一人一火鍋：藥膳椰子雞小火鍋湯底味道甜美， 有很香椰子🥥味， 雞肉很滑！ 很多椰菜！好奇想知道一般藥膳椰子雞會放什麼藥材，上網查了，有當歸、黃芪、黨參、桂圓、 紅棗和淮山。吃飯不忘增長知識！ 奶茶濃郁， 像港式奶茶手工拉麵不錯，下次想試藥膳醉雞。總括來說味道不好， 食物取勝環境。

見新開食館又台灣菜，就去試試。星期六下午茶時段，沒什麼人，可能是新店，有幾枱食客。叫了個麻油雞飯，可以配小食，所以加上湯疏菜、鹵水大腸和鹵水雞翼。麻油雞、上湯菜都 湯底為主，味道可以，尤其上湯疏菜，內有生菜，紅棗、杞子，香茜菜，紅棗等別清香，這個有驚喜。鹵水大腸可以；鹵水雞翼也鬆化。總括：所有食物份量都不多，味道可以，但招呼就一般，服務員不會為介紹什麼食物；枱內除快子，要什麼其它食具都要問服務員取，我最初來了飯，其實麻油雞和上湯菜都是湯類上但服務員都不會自動送上匙羹，要問。服務態度也一般。