1011 TEABAR (Closed)

1011 TEABAR（Causeway Bay）小編不嬲係奶蓋手搖忠粉😚😚 今次嚟到銅鑼灣利東街梗係要回訪呢間咁有特色嘅Cafe🧋 店舖周不時都會轉唔同卡通主題背景設計😮 今次輪到姆明 仲有好大個打卡位添📸 ⌖ 蕎麥芝士奶蓋💰$32坊間手搖舖頭真係好少用蕎麥作為奶蓋茶茶底🤔 小編貪佢夠特別 所以已經係第二次飲😋 蕎麥茶底香濃👃 有成個蕎麥茶包喺底 上層嘅芝士奶蓋雖然唔算好杰身 但有輕微鹹香🤤🤤 甜度適中 同蕎麥茶幾夾～ 手搖杯身設計硬淨 下次有機會坐低配埋件cake🍰一齊食就更好喇🙈🙈☻ 回頭指數：8 / 10 ❝ #Amiの港島覓食記#Fatshit_ami #desserttime #銅鑼灣美食 #香港美食 #港式美食 #食好西 #港式手搖 #芝士奶蓋茶 #蕎麥芝士奶蓋 #銅鑼灣手搖舖 #利東街手搖舖 #台式手搖 #奶蓋茶推介 #銅鑼灣Cafe #銅鑼灣打卡餐廳

利東街街頭有一間Cafe🧋，定期同唔同嘅卡通Crossover，出售相關周邊同佈置打卡位，今期去到就係姆明主題🌳。雖說係咖啡店，我覺得更似一間飲品外帶店。因為堂食都係用外賣杯，同Menu靚靚嘅賣相有啲落差🥤，不過嚟得嘅應該係嗰期卡通Fans，應該無咁在意呢點細節⋯————————————————👅蛋糕飲品套餐（$58）👉🏻 套餐包一件Chesscake/ raspberry/ chocolate mousse cake加一杯$38或以下飲品👉🏻 Chocolate mousse cake：五層蛋糕體，朱古力味偏甜膩🍫，如果用濃啲嘅黑朱古力會更好，原件交比J生食👉🏻 真·菠蘿烏龍茶：菠蘿香甜🍍，烏龍清香，兩者味道平衡得幾好，係小清新沙冰————————————————🚩總結：卡通先係Main Selling Point🫢———————————————— 🌟注意：店內位置只有4張2人檯————————————————📍 1011 TEABAR地址：灣仔皇后大道東200號利東街地下G39號舖🗺地區：#bem灣仔📥分類：#bem咖啡店💰人均消費：#bem51至100蚊

位於灣仔利東街的 SIPTEA，主打台式飲品和甜品。店舖面積不大，只有數個座位。由於今期聯乘鬼滅之刃，店裡都是鬼滅的佈置和商品，當中的掛牆鏡亦十分特別。這裡飲品、食品種類不算少。由台式飲品、茶類到咖啡都有。甜品、三文治亦有提供。另外店員態度亦十分友善 😃。蜂蜜檸檬奇亞籽酸甜度適中，Topping 充足。煙三文魚三文治三文治賣相漂亮，超出預期 👍🏻。

📍灣仔利東街雖然我個人一般咒術但係都叫做有睇😆出面又有立牌，goods同投影佈景又真係唔錯😝食完晚餐之後去基本無人 野飲+任選蛋糕平時係$58 蛋糕有日本芝士蛋糕，Tiramisu，朱古力蛋糕～好大件之餘意外唔係好甜！！如果想唔太甜推介朱古力蛋糕🍫低糖但係口感好rich～屋企人食左Tiramisu都大讚🥰野飲叫左牛油果梨同芒果火龍果，可能因為叫左少糖個味好奇怪😂感覺同茉莉花茶唔係好夾 唔推介叫整體環境坐得舒服😝下次如果有其他吸引主題都會考慮再去🪄

灣仔1011 SipTea 由即日起至2月28日, 期間限定以鬼滅做主題, cross over 茶飲, 各位Fans 記得去打卡啦🤩今日飲左杯<簥麥冬瓜茶>😋（$40 ）好fresh 好飲, 正另外仲有好多鬼滅產品可以選購😎

灣仔的 • 𝟙𝟘𝟙𝟙 𝕊𝕀ℙ𝕋𝔼𝔸⭐️• 即日起至2月28日開始做「  🇯🇵」主題啦❣️作為鬼滅粉絲，今日即刻衝去打卡啦🤣!店內有蟲柱、水柱、炎柱、霞柱和風柱的大型卡版，亦有大量精品可以選購😍，當然不少得聯乘限定的飲品啦🥤~由於太過興奮🤣，我在店內大買特買。正所謂小朋友才做選擇，大人全部都要。我最後買了一套盲盒、一套杯墊和鋼杯😛。我最愛水柱義勇🌊和蟲柱しのぶ🦋，你們又喜歡那一個呢?!

今個月家人終於喺VTC畢業，我打算同佢係利東街搵個靚景/餐廳著住畢業袍影一輯相留念。我本身有關注開Stephy，知道今期1011 TEABAR限定係蠟筆小新，而家人又係個小新迷，就好順理成章地我介紹佢去一齊飲一杯。一入店，店窗口兩枱可以打卡嘅位都有客人使用中，咁我同家人就先叫飲品再揀其他位坐低。到有得拎飲品嘅時候，窗口其中一枱客人用餐結束，我就叫家人拎住飲品影張相。影第一張相時，家人的臉色突然吾太好，影左幾張都毫無笑意，跟住的用餐時候都非常沉靜。事後我再問啱先發生咩事，家人先講原來剛先影第一張相個陣，身後的店員用吾好的語氣講：“IVE畢業好馨香咩？”。（影相當時我係店外，所以聽吾到店內嘅聲音。）聽完後我覺得莫名奇妙，同時又對家人感到抱歉。明明係值得高興嘅事，但宜家竟然因為我的原因，令佢要被人不必要嘅閒話。我同家人係夜晚7點入坐，吾知係咪因為店係收8點，所以店員有說話俾我地聽，要我地快啲走。Sorry for 1999，係我太小心眼。如果係著重服務質素嘅有其他更好選擇。店嘅食物質量完全無問題，打卡位都好足夠，只係店員令人好卻步。

1011 TEABAR (灣仔) 📍灣仔皇后大道東200號利東街地下G39號舖1011 SIPTEA台灣過江龍茶飲聯乘紅爆日本🇯🇵《咒術迴戰》，灣仔利東街分店內有一面大型打卡牆，好有特色，仲獨家發售周邊商品。HKD 88 盲盒紙杯組合，可以揀選餐廳任何其中一款茶飲，有機會抽到閃咭、襟章、帆布袋等。粉絲一定要收藏。不過今次我係用美酒佳餚節品味卷換領飲品同食物。牛油果啤梨茶配Tiramisu🍰：不添加人造色素，選用新鮮水果，牛油果🥑打得好順滑夠曬熟透，打致滑身沒有顆粒，啤梨做左甜味擔當，飲得出啤梨清甜，整體出奇地夾。 Tiramisu 味道麻麻，忌廉嗰層出水、又吾夠咖啡味，口感都不夠細膩飽滿。火龍果芒果茶配芝士蛋糕🍰：整杯紅紅黃黃好似配搭過咁，紅肉火龍果根本是通便認證，芒果🥭主要帶出甜味，不是人工芒果醬調配，感覺健康，而且有沙冰質感。芝士蛋糕🍰不是扎實的，一叉即散，有待改善。總結：打卡同閨蜜👭聚會好地方茶飲選擇多 唯蛋糕質素有待改善 #本地遊 #foodie #2021展覽#wineanddinefestival#咒術迴戰#期間限定#1011sipteahkf

灣仔利東街有咒術迴戰主題茶飲店🧋😉呢間茶飲店經常轉不同主題，中意咒術迴戰就要快d去打卡啦！在場仲有唔同角色既精品可供購買🥳 🐽$88盲盒紙杯組合，包一杯飲品+隨機商品❤️我試左蘋果紅棗桃膠，除左有茶包同桃膠，仲有幾片薄片蘋果同薑片，感覺係食緊碗中式糖水🥄都幾清甜。

唔講唔知，原來間店係Stephy開架XD我同男朋友都話，同咒術迴戰聯乘到好勁，亦都好醒(･ω･)b成間舖頭都係咒術迴戰嘅裝飾，更有投影燈，投射角色係牆上面我地叫咗個$88盲盒紙杯組合因為都比較口渴，所以揀咗茉莉綠茶（半糖）杯身比一般高，因為佢最底係盲盒，入面會有粒乒乓波唔同顏色代表唔同嘅中獎禮物（每日唔同）呢個諗法幾有趣～因為叫咗半糖，所以成個茶味好出，茉莉就唔太覺比起其他店，佢地嘅茶味好濃，入口偏苦，後有回甘如果唔係飲開茶嘅朋友仔，未必會接受到，會覺得好苦鍾意咒術迴戰嘅朋友仔不妨嚟試下自己嘅運氣唔抽嘅都可以淨買products，打個卡一流～下次有機會再試下啲咖啡先( ˘▽˘)っ♨

🥳 今日開始! 咒術迴戰登陸1011啦!▫▫▫▫▫🔴食評:上年暑假好評如潮的動漫《咒術迴戰》🌟，今天起正式登陸由藝人鄧麗欣主理 的1011 SIPTEA🔸 灣仔利東街旗艦店啦! 準備好與五條老師、虎杖悠仁、伏黑惠和釘崎野薔薇拍照未呀😍?!?!🍽飲品介紹: ❝ 復刻珍珠奶茶 - 咒術迴戰特別版 $88 ❞作為咒術迴戰的粉絲🥳，當然要即刻去打卡啦! 店內有超多打卡位，亦有大量周邊聯乘商品😌，記得帶錢去瘋狂購物啦🤣。而且店內的飲品都換上創新設計，底部糅合盲盒元素😳，內藏一枚幸運球，可以換到咒術襟章、角色閃卡、手機屏幕抹布、文件夾或兩面宿儺手指朱古力曲奇😍，真令人興奮呀有飲品又有禮物帶回家，大家記得試試運氣啦💕不過我當天抽不到五條老師的文件夾😭，我抽到熊貓手機屏幕抹布，有沒有人想跟我換呀👉🏻👈🏻~▫▫▫▫▫📍餐廳地址: #灣仔 皇后大道東200號利東街地下G39號舖▫▫▫▫▫

【 蠟筆小新主題小清新Cafe 】🧸灣仔利東街內的「1011 Teabar」最近換上蠟筆小新主題的佈置，全店都有蠟筆小新的插畫和可愛圖案，更有限定商品買，吸引到一班蠟筆小新的忠實fans。🍞下午茶時間，我同仔仔兩個點了一份套餐，有蜜糖蜂蜜吐司條和蕎麥冬瓜茶，$78一份。🍯蜜糖蜂蜜吐司條份量都多，每塊吐司條都沾滿香甜的蜜糖蜂蜜，外脆內軟，非常好味！🥤凍冰冰的蕎麥冬瓜茶清涼解渴，甜甜地好啱小朋友飲。

呢間茶飲店嘅老板娘係Stephy開設嘅其實我都係而家先知🙈🤣今次1011 teabar X 蠟筆小新主題珍珠奶茶 + 小新 + patpat植物🤣經灣仔呢頭黎參觀下順便食件蛋糕飲下嘢其實就～都無咩特別🤔舖面都係以小新為主題嘅裝飾😆同埋啲小量嘅精品😳覺得比較特別都係小新罐罐植物名為「魔豆」可以種出幾個圖案🤔坐位唔多😔都幾多人流😩想食嘢/飲嘢都未必有位😕好彩店員都處理得幾好👍🏻好快就有位坐底食/飲嘢嗌咗一件特濃朱古力蛋糕🍰一杯凍mocha🥤不過～個人覺得杯iced mocha味道麻麻地🤔飲唔到有朱古力味🤭反而件蛋糕好味啲👍🏻

新開業不久，估唔到同一個舖位都係做返飲品店。見到經常都有人排隊，今日心血來潮去試下。叫咗奶蓋，有啲失望，杯茶係用茶包嘅，味道好普通，奶蓋都一般般，下次要試吓個咖啡。不過好特別個杯底有份禮物仔送。

1011 TEABAR (灣仔)好食度：😋😋😋😋😋/5環境： 😌😌😌😌😌返工返到悶悶下，緊係趁午餐買杯台式飲品邊做邊舒適下！今次黎到利東街原本諗住買杯珍珠奶茶🧋，點知發現了這門口不算很特出，內裏可打咭的Miffy店舖。這裏的飲品很有特色，同時有輕食等。我叫了杯蕎麥芝士奶蓋，蕎麥味很香，芝士不會太咸，好飲！可因為我選擇左無糖，所以茶底會淡一些，濃味的朋友都係吾好叫無糖。買嘢飲佢仲送了一個口罩同公仔，令人很驚喜！環境方面有Miffy沙灘主題的設計，很有夏日放假的感覺，喺工作好忙嘅時候嚟呢度飲杯野輕鬆吓都唔錯㗎。