1111 ONES Restaurant and Lounge

Open Now

Now Closed

今日一位好耐冇見嘅朋友請食飯，佢特登book咗呢一間中環安蘭街新開嘅餐廳。一入門口已經見到個裝修好特別，好似進入左山洞咁，仲有幾棵仙人掌。原來個裝修概念係來至羚羊谷，雖然我未去過，但見到張相又真係幾似喎！餐廳地方唔係好大，我7點嚟到已經坐滿一半人。餐廳安排咗坐吧枱，一來可以睇到廚師準備嘅過程，食物仲可以新鮮熱辣馬上食到，其實都唔錯。一個餐有八道菜，每次出餐都會介紹一下，好似帶你去唔同地方旅行。睇住張相望住個食物，擺設又真係做得好似！佩服廚師們嘅心機❤️其實每道菜都有特色，但我特別喜歡食「懵仔魚配鹹蛋黃脆脆、青豆醬和酸醋泡泡」，我朋友覺得「秘製香料煎和牛」好香好好食。甜品都唔錯，楊枝甘露都加咗啲燕窩！

有新餐廳當然要試下 食之前睇過articles 見到裝修好特別 取景自USA Arizona 羚羊谷 想感受一下 太耐無得去旅行！每一道菜都會介紹番個靈感點黎帶出乜野感覺好少有fushion外國同粵式而好match既配搭呢到的確有創意👍🏻野食不多介紹 睇相吸引又好食留待大家各自體驗～服務4.5/5 新開張有待改善速度同介紹時既story telling ~高質+靚環境=價錢都估理🙌🏻好值得黎一試既新派餐廳 慶祝節日一流👍🏻

4人book枱慶祝生日，餐廳有兩個tasting menu, 一個6道菜，一個8道菜。我哋揀咗8道菜，係同香港攝影師Kelvin Yuen合作的menu，話係用8道菜帶客人去到唔同地方遊世界。呢位攝影師本身我一兩年前都有follow佢ig，啲相好靚。第一道係意大利，蜜瓜Parma ham 塔清新，意大利手指餅浸左白松露油。仲加入左港式元素雞蛋仔，雞蛋仔熱，上面嗰個frozen cheese凍，呢個好鍾意挪威King crab，加咗紹興酒啫喱印尼巴東牛肉全餐飯我最鍾意呢個金蠔老雞湯，靈感源自香港萬宜水庫，用咗日式茶碗湯手法，金蠔煎過出面香，入面煙靭！Seafood主菜二選一，朋友叫咗魚，我加錢叫咗軟殼龍蝦，見幾特別之前冇見過。由於呢段時間唔食牛轉左黑毛豬，估唔到咁嫩，幾驚喜。有兩道甜品，有一道生日甜品唔記得影，呢個係楊枝甘露雪芭，上面有官燕。Petit four不過不失，好在唔跟傳統法式所以唔死甜。送上甜品時有幫我哋寫字，侍應幫我哋一齊唱生日歌，唱完open kitchen 的廚師們一齊鼓掌祝賀，好nice氣氛好好8道菜有唔同特色，味道合格至中上，體驗好好，冇得去旅行當去咗旅行！

細佬生日過咗嚟食試新餐廳淨係個名已經好鍾意就係比呢個名字吸引咗我們訂這間餐廳天使密碼1111淨係呢一個頭盤盒已經唔使講同我屋企個香爐一樣！右邊呢個芝士雞蛋仔、黑松露手指餅、同埋火腿蜜瓜撻有驚喜😊第二道係一個蟹肉上面海膽唔錯幾好食中間係黑木耳👍🏻這個是牛來的忘記了是什麼但係也不錯呢個湯有金豪喺入邊、👌🏻👆🏻👌🏻軟殼龍蝦配呢個柚子醬幾清新竟然呢個Wagyu不錯我仲驚會好油、因為之前喺Caprice食油食唔落！呢個燕窩楊枝甘露幾好味重點係呢度嘅甜品唔係太甜我鍾意！食物有心思、服務好、有意境推介這間店❤️👍🏻