1988 (Closed)

食咗超過兩年，一直都好鍾意嚟呢度食，貪佢可book枱又無限時，價錢又合理，值得推介！位於觀塘區工廈內，如第一次去係有少少難搵，夜晚會閂電梯，只可以沿停車場離開，要注意安全！泰式辣度，唔食得辣嘅我都會忍唔住一隻接一隻咁食每次嚟必叫之一，味道甜得來帶點苦澀味，但佢係好有益的！含多種維他命、胡蘿蔔素、葉酸、礦物質及纖維，值得試試。一湯碗份量，大約都可以分到六小碗，份量好足，建議有三至四人先好叫呀三味炸魚 (甜、酸、辣) (原條) ，味道唔錯，魚皮脆、魚肉嫩滑小食拼盤有2件蝦餅、2件春卷、4件泰國雞棗，乜都有D，係方便之選春卷炸得好脆，入面有青豆、椰菜、姐紅蘿蔔絲泰式炸蝦餅，即叫即炸，熱辣辣，蝦肉彈牙充滿香茅味，必食Lunch 同 Dinner都試過呢個賣相很好嘅Pad Thai，唔知點解夜晚係好食D嘅香茅汁好香，送飯一流，但大家已經飽飽哋了，所以就叫多個烤薄餅嚟點汁，個人認為佢似酥皮多D微脆充滿蜜糖味，但西柚啫喱略嫌偏酸最愛呢個脆脆蛋白餅！配酸酸甜甜嘅Raspberry醬，而奶凍有濃濃雲尼拿味，好味！另外，呢度嘅飲品都唔錯，留返下次介紹啦~

小倆口去了觀塘逛街，自不然晚飯也在觀塘解決啦。該區餐廳選擇多，尤以工廈餐廳為甚，想起之前去某工廈café下午茶時有路過一間名為1988的泰菜餐廳，便決定去嚐個鮮。餐廳所在的工廈距離APM商場約五分鐘路程，地點頗為隱敝，如果不是之前知道位置的話會有點難找。雖然餐廳內裡地方不算很大，但佈置和用色令人感覺很舒服，座椅也很寬敞，不會有跟鄰桌肩貼肩的情況。餐牌上的選擇都是常見的泰國菜色，價錢也屬中等，小倆口今天想吃蝦餅，看到泰式小食拼盤裡有蝦餅又有泰國雞棗，便要了一個小食拼盤，再要了青芒沙律。主菜則點了青咖喱雞，為了配咖喱汁那麼焗蒜蓉法包也必不可少啦！先來的是青咖喱雞，賣相十分討好！可以看很出是有用心上碟的，份量也比想像的大，雞肉很嫩，除此之外蔬菜也很足，有南瓜、西蘭花、椰菜花等，兩個人吃的話可以不用另外再點一碟蔬菜。再來的青芒沙律口味清新，青芒絲伴著蝦乾，口感一軟一硬互補長短，頗為豐富，當中亦有椰絲和青檸汁等，也有一點點的微辣，令人十分開胃。小食拼盤的蝦餅絕對要給一個讚！十分大件，皮薄餡足，配泰式酸甜汁往往令人回味窮。泰國雞棗(有4粒)和春捲則正常水準，這個份量3-4人吃也足夠哩。雖然小倆口已

朋友介紹觀塘工廈有一間人氣泰式餐廳，經常門庭若市, 午餐選擇紅咖哩燒鴨飯$78和海南雞配油飯$78， 海南雞的雞肉肉質又嫩滑又入味, 無骨的, 重雞油香味的油飯, 雞肉沾個特制酸辣醬汁,更開胃,還有個甜鼓油, 更好餸飯。紅咖哩燒鴨飯, 唔算太辣, 偏甜, 鴨肉有嚼口, 咖哩內好多配菜, 有蘑菇車厘茄, 最重要係有新鮮菠蘿, 清甜, 還有荔枝肉, 這兩款生果為此餸增添色彩同加分。餐飲叫了青檸梳打和泰式奶茶, 有少少香草味, 好滑。

又響觀糖覓食1988呢間店 一直響我最想試既list內今日食到喇!!!唔難搵 觀塘B出口 行過黎6分鐘左右佈置都幾有特式餐牌 好多選擇 主菜點左個香葉肉碎飯我最愛的甜品 一直都諗緊點邊款好青檸梳打 my favourite呢個小食拼盤 件件都好好食蝦餅好厚身 啖啖肉 又彈牙雞棗較新鮮 因為唔係道道有春卷 超脆 配料好清新 唔油膩新鮮 清檸汁 勁檸 足料唔好因為冰而變淡 讚呀香茅汁魚柳 送飯一流魚柳份量多 肉碎份量多 少辣香料味比較重又係送飯一流甜品必食 mango好新鮮 唔會酸2個人 食左300幾 唔錯!

官塘工厦有好多隱世好食嘅特色餐廳，今日同朋友一月一聚，揾到間食泰莱既餐廳1988，聽講經常滿座，所以前一天已訂位，我地到達時果然仲有顧客在門口排隊等位，餐廳座無虛席😅餐廳有一點點文青感覺，侍應都是年青人，做野快手快腳，對客人態度親切有禮😄我地叫咗兩份午餐，午餐加唔同既小食，飲品同甜品都有優惠，梗係加哂嚟試下啦🤭食品好快就遞上，先來泰式鳳爪同串燒，鳳爪無骨爽脆，酸酸辣辣好入味，串燒唔乾身，少少焦面，醃肉味道適中，唔會太鹹，點埋沙嗲醬食😋無骨豬手飯係滷豬手肉，豬手好腍，骨膠原豐富，佢哋嘅滷水汁好好味，配飯係一流，豬手再沾上泰式醋來食，特別開胃😋海南雞配油飯，油飯出色，飯粒分明，有油香但完全唔膩👍🏻，海南雞皮爽兼肉質嫰滑👍🏻芒果百香果沙冰，賣相好吸睛😍,杯沙冰超多芒果蓉，可以話係一杯飲得既芒果，加咗百香果酸酸甜甜既果肉，香甜帶甜酸，超级好飲👍🏻泰式甜品係芒果糯米飯，糯米飯帶點甜，撈埋椰汁食，一啖飯，一啖芒果，好滿足呀😋我地見隔離枱客人叫咗椰子雪糕，雪糕用椰皇盛載，賣相都好靚😍好想食呀，可惜，我地已經太飽 la😅，唯有約定下次再來食🤭

每日一放LUNCH, 最頭痛嘅就係要諗食咩.今次就去食同事介紹嘅泰國嘢. 因為早咗少少出去,所以一去到就有位, 但坐咗唔夠10分鐘, 門口已經排晒隊~呢間餐廳位置有少少難搵, 入面唔算大, 但都算乾淨企理, 因為多人所以都要搭枱, 但都尙算坐得舒服唔逼~LUNCH SET包一杯嘢飲, 選擇都好多, 大多數都唔洗額外再加錢, 又可以加錢外加小食.我地驚食唔晒. 就一人叫咗一個餐同嘢飲, 無再加小食~叫咗烤雞青木瓜沙律飯 同豬頸肉撈檬嘢食一到, 我地嘩咗一聲, 因為都好大份!!!!對面搭枱個人見到我地嘅餐, 佢即刻叫人改單, 問可唔可以換對面個餐(烤雞青木瓜沙律飯)烤雞好嫩, 青木瓜沙律小小辣, 好開胃豬頸好香口, 檬粉唔係軟淋淋果隻.份量多到, 我地兩個都食唔晒~總括來講, 咁嘅價錢有咁嘅水準同份量, 好抵食, 推介

平時食泰國野多數要出去九龍城，今晚於是試下係觀塘食泰國野。首先試左杯荔枝特飲，幾fresh,解渴既，賣相仲好靚Tim個冬陰功湯好足料，好正，味道剛剛好，吾會好辣，推介！再黎個泰式墨魚餅，超彈牙，好好味，有咬口。泰式豬頸肉燒得剛剛好，仲附送好多沙律菜，份量都係好足夠。泰式炒金邊粉都係好出色之作，好有鍋氣。再order左個泰式炒椰菜苗，好大份，感覺好似食左成個星期既纖維，好健康，又好味！環境好舒服，適合同朋友聚腳，總體黎講，非常出色。

朋友說在觀塘工廈內有一間超水準的泰式餐廳，這晚就帶先生來品嚐一番，到了美興工業大廈A 座後，發現大門已鎖上，走到B 座，上一層樓梯便到達餐廳了。餐廳雖然藏身在工業大廈內，卻坐無虛席，熱鬧非常，證明餐廳的食物有一定 質素。無骨豬手～最喜歡的菜式，豬手炆的軟腍，滷水味重，豬皮滑溜，底下還有青菜墊底，是一款健康菜式。鮮蝦炒金邊粉～碟子充滿泰國風情，泰式炒金邊粉必不可少的紅蝦， 油豆腐和生蔥都齊備，大蝦也不少，味道正宗。泰式炸蝦餅～剛炸好，大大件而且香噴噴的炸蝦餅非常吸引我，顧不上熱氣馬上咬一口，香脆彈牙而且重蝦味。

想食呢間好耐，但成日都好見好多人喺門口等位。今日專程早D出去食lunch，終於同朋友食到啦。餐廳裝修清新,以白色為主調,完全唔似工廠大廈，天然光充足, 坐位雖少,但係無擠迫感。午餐以中價為主, 和朋友點了海南雞飯和無骨滷水豬手飯。 飲品都幾多選擇, 我地試左泰式奶茶。 飲品好快就到, 都幾大杯 , 唔甜, 味道清新。海南雞飯, 叫左油飯, 但唔油膩。雞肉份量多而且無骨(雞翼另計)。抵食。滷水豬手飯都係無骨㗎，煮得夠軟，尤其是豬皮嘅部份，軟綿綿，再沾埋D汁，微微酸辣，開胃又唔太油腻👍。整體嚟講，經濟實惠，係食lunch嘅好選擇，唔掛之得成日都有咁多人等位。

觀塘工廈樓上食肆開越多，我試過好多，有唔少伏o架，但係依家1988泰式菜，唔單止一啲都唔伏，仲值得我一次又一次去幫襯。呢間1988 ，隱藏喺官塘其中一條橫街嘅工廈其中一個單位，算係比較隱蔽，但一開𨋢就會見到有指示牌，都唔太難搵。之前嚟呢度食過兩三次晚飯，都好滿意，佢有一款烤薄餅非常酥脆，點咖喱一流，而呢度嘅串燒亦都好抵食，大大份最緊要係燒得好，保留到肉汁一啲都唔乾！媽咪最鍾意食呢度嘅酸辣鳳爪，夠晒入味，每次嚟到都係必點嘅。好食嘅嘢當然要開心share，今日就介紹啲同事嚟呢度食lunch！我揀咗黃咖喱牛腩配白飯，呢樣都係我每次嚟食飯都必點嘅，我本身好怕辣，但又好鍾意咖喱嘅香味，呢款黃咖喱就啱晒我，只係好微好微嘅辣，加上濃濃嘅椰香， 同埋燜得軟淋嘅牛腩，配上白飯或者烤薄餅都係一流❣️仲有薯仔做配菜，大大碟，有時一碟自己都未必食得晒⋯朋友叫咗無骨滷水豬手飯，滷水入味，咬落全部都係肉，食到啖啖嘅骨膠原，汁料好好餸飯，要點讚！呢間餐廳無論價錢同埋質素各方面都幾好，美中不足嘅係同好多工廈餐廳一樣，比較困聲，一座滿人就變得好嘈⋯另外補充一點，呢度連平日晚市都好多人，如果要想去食，就早啲訂枱啦！

好耐之前都幫襯過，值得再回味既泰國菜餐廳！見到佢哋係由幾後生仔一齊經營，吸引左一班嘅食客年齡層都係後生為主！裝修富有格調，菜式都加入左新派元素有別於一般嘅泰國餐廳，而且價錢合理，幾適合三五知己一齊過食飯傾計！生菜肉碎包🥬份量非常大碟！肉碎比得一啲都唔孤寒，而味道方面加入泰式香料味夠惹味，再帶有小小辣味，包住生菜👍🏻唔怪得知見到好多枱客都有叫呢個生菜包泰式蝦餅蝦肉爽口彈牙，做到外脆內軟，份量有4嚿大大舊，可以再切開share 做8舊泰式炒金邊粉有別於出邊嘅泰式金邊粉，炒得唔會太乾，配菜亦都相當足夠，仲有爽口既蝦泰國脆脆雞翼雞翼炸得夠香脆，入面入味，外皮配上蜜糖減熱氣！仲有啲泰式嘅甜品可以order，但係我哋今次太飽食唔落

觀塘都幾多泰國菜餐廳今日經開觀塘專程黎試下朋友介紹既1988佢既地點都算方便門口係工業大廈入面有d隱蔽8pm去到 已經坐滿客幾欣賞佢入面既裝潢好多植物 好舒服既大自然感覺我地兩個人叫左三款菜冬蔭公湯原條三味炸魚(甜，酸，辣) 鮮蝦炒金邊粉不得不讚下廚師非常有效率十分鐘已經上齊三道菜！冬蔭公湯兩個人夠飲每人兩碗半非常足料有大頭蝦極鮮味而且唔會覺得有味精飲完都唔會覺得口渴原條三味炸魚係我最期待的菜賣相非常吸引魚皮炸得好脆魚肉保持到好嫩滑而且好入味甜，酸，辣都好出色岩岩好鮮蝦炒金邊粉金邊粉軟硬剛好 唔會過淋蝦亦都好彈牙整體黎講性價比高環境舒服 食物亦有質素

今日要到官塘這邊和同事上堂，上完堂已經晚上七點，同事在附近工廈餐廳訂了位，跟他穿過工廈停車場，入到大堂，就見到餐廳位置指示, 這類真是他帶路才知到有間泰國菜餐廳。餐廳座位濶，環境好好。我叫了杯粉红石榴特飲，粉紅石榴有幾片，石榴肉好甜，好香石榴味。炸軟殼蟹有兩隻，每隻一開二，熱辣辣即炸即食，好脆口，又有蟹膏，真係好香甜。鮮蝦炒金邊粉, 炒得好香，隻蝦大大隻，蝦肉好彈牙。粉炒得好香，味道好適中，又唔會太酸。炒椰菜苗，清请地好爽脆。食完炸軟殼蟹，飲啖石榴特飲，味道特別清新。

今日咁岩同同事就嚟咗觀塘開工， lunch就梗係喺返呢頭食。上網見到呢間係工廠區嘅泰國菜，膽粗粗嚟試一試佢。🤩我就叫咗個海南雞飯，朋友就叫咗個咖喱。海南雞飯佢俾咗雞胸我，但都唔算好鞋，啲雞都有肉汁，已佢個汁唔係平時啲海南雞飯咁有三個，佢自己調左一個啡色嘅汁出嚟，竟然係出奇地酸酸甜甜咁好食！👍🏻👍🏻👍🏻朋友個咖喱，擺盆認真唔錯，食落就普普通通啦，唔係話太特別太出眾。總括來講，呢間位於工廠區嘅泰國嘢，都幾特別，不過呢區實在太多嘢食，下次會繼續試吓其他嘢😋😋。哈哈！🤣🤣

放假的好節目就是食好西，今天心血來潮想來一點泰國風味，便來到位於觀塘區工廠大廈的1988。餐廳鮮明的燈光，配簡單的植物擺設，很是放鬆舒適。這次我們點了兩份午餐，食物和飲料的在水準之上。黃咖哩牛腩配白飯出色的食物需要有色香味，店員奉上食物時，已有陣陣咖哩香，賣相也美觀。味道方面，咖哩濃郁，屬於帶甜的口味，加上椰漿，用來送飯一流；牛腩份量不吝嗇，能吃到香濃的牛肉味及絲絲質感，沒有一點柴口，相信廚師下了不少功夫，而咖哩的好朋友薯仔也有兩大件，讚。泰式無骨滷水豬手飯豬手滷得入味，鹹甜鹹甜，也上豬皮滿滿的骨膠原，令人很滿足。豬手飯附上的醬汁有酸辣，沾上醬汁又是另一種風味，一次吃到兩種口味，性價比高。豬手飯更配有蔬菜，增添一份清爽。泰式奶茶想不到在工廠大廈內的泰菜，飲品亦做得到位，喝一口已感覺到泰式奶茶特有的味道，個人覺得奶和茶的比例剛好。青檸梳打朋友想來一點小清新，青檸梳打正符合需要，酸酸的青檸很開胃口呢~