蒲頭島 (Closed)

今次又係從有飲食界鬼見愁之稱的朋友欽點一齊食呢間 , 已經知道奶硬野 , 結果果然不負眾望 , keep住劣食之勢一行5人進店 , 訂左 $168-178的放題再加一 , 可能是因為價錢較平 , 所以應得的服務及質素一樣是縮骨縮了一截首先牛肉味道偏怪 , 無雪花紋不特止, 完全沒有牛味, 很明顯是入了賤價牛肉所致青口味道極怪 , 唔識形容 , 唔知次貨定假貨啦蝦霉味重,肉淋唔彈牙,隻隻都係咁貝殼類等海產類完全唔新鮮 , 可能賣唔出放左唔知幾多日先黎招呼食客象拔蚌 講到明任食 , 每次order都俾勁細碟又拖時間 , d蒲頭嬸招呼都已經西晒面 , 擺到明唔想你食咁多每輪落order好似求人咁份量又俾得少 , 慘過"藝" "溪"弟其他肉類及菜蔬 , 菌類等都沒有期望 , 質素只徘徊失望至中下之程度唯一讚既只係有細罐燕窩可任食 , 除此之外 , 一無是處希望各位幫襯前三思 , 切勿倒錢落海

今日帶家人來吃火鍋，早幾天已訂好位了。點知到餐廳才知價錢有變。倘若訂位時職員告知我了，我不會因價錢有變而不來吃的，現感到被欺騙了，不誠實的餐廳。話明是放題，即是任吃吧。牛肉要跟職員講才有的。只是第二次叫加牛肉，有位長髮大姐表情告訴我不應再叫了，看見她的表情真是一肚火！如果你那麼不情願客人食你的牛肉，那就不應做放題吧！而且貴公司今日收貴了的，客人叫食物為何要受你氣，什麼態度！之後再叫她加牛肉，她已經扮失聰。十分過份。食物的味道已經忘記，只記得吃了一肚子火！

我們三人昨晚慕名到佐敦用餐，但優惠餐$178縮骨，沒商業道德。三客其中一個是次貨，八款海鮮都有一客是劣質貨品。無論龍蝦，鮑魚，扇貝或蝦，蜆都有一個是劣貨。擺放用好的遮蓋差的，有圖為證。同樣付費，是否對其中一個客人不公平？這餐廳被out了

$178包左海鮮大大盤， 仲有兩盤嘅餃類丸類同埋肉類嘅嘢食， 仲可以出去攞埋菜、菇類同埋熟食，仲有雪糕、 雪燕食添攞去燒烤超級正， 扇貝加埋蒜蓉蔥辣椒好惹味。 啲蒜蓉、蔥和辣椒、可以喺佢嗰個調味盆度攞，咁多款配料，仲係免收醬料費嘅啲鍋底有好多選擇，有十款選擇， 而我揀嘅係芝士蕃茄海鮮鍋。又有頭盤沙律食，唔夠食仲有烏冬、韓國麵。啲菜款式仲好多款。仲有木耳、南瓜同埋蓮藕 蕃茄、芋頭、紫薯、秋葵粟米、冬菇、金菇枝竹、蘿蔔、魚豆腐、豆腐真係菜、菇類都有勁多款選擇熟食都仲有幾款你揀。

入坐前已經揀好套餐，入坐後主菜一路無上，店員見我不停四處張望，就問係咪有嘢未上？之後又再問揀咗邊個套餐？答咗之後又有另一店員嚟問揀咗邊款套餐？結果用餐後半個鐘先改返我要嘅套餐。雖然任食任飲但唔包括啤酒，啤酒要額外收費(唔同品牌收費有異，要就全枱一齊加)。至於食材方面海鮮唔太新鮮，其他配料不過不失。醬料方面有D奇怪，豉油無咸味，點兩下就完全無味，加辣椒就淨得辣味。

今日相約友人來到位於佐敦的蒲頭島打邊爐。我們點了龍蝦鮑魚海鮮拼盤+任點任食火鍋。火鍋湯底有新意，我們最後選擇了南瓜蜆湯。先說海鮮拼盤，海鮮全部大大隻，有龍蝦、鮑魚、蟹棒、帶子、蜆、花甲、青口和大蝦。龍蝦啖啖肉，蝦膏多，帶子、花甲等貝類亦非常鮮甜，抵讚。除了海鮮拼盤，其他火鍋配料是任吃的，種類亦不少，有肥牛、牛舌、一口牛、豚肉、羊肉片、海蝦、豬肚、各式丸類餃類、蔬菜、菌類等，應有盡有。而且下單後上菜速度快，不錯。餐廳更有小食吧和飲品吧提供各種冷盤、炸物、罐裝飲品和果汁。甜品方便除了乳酪雪糕外，更有冰糖雪燕任食。值得一提的是餐廳提供十多款火鍋醬料配料、松露醬、XO醬、蝦醬、芝麻醬等應有盡有。除了火鍋，餐廳亦提供網燒和火鍋加鐵板/網燒，一次過滿足兩個願望。

星期日晚市，入內前㨂咗$188 任飲任食，揀咗火窩，加$60 海鮮拼盆，並加一。裏面似足大牌檔，原始的gas 爐作烤肉火鍋。本來冇乜期望$60 的海鮮拼盆，點知一坐低，就有一碟有齊半只龍蝦，大大只的老虎蝦，大蜆，班塊，帶子等各一件！QR code點湯底和海鮮，唔駛5分鐘，就送到！嗰盆$60的海鮮簡直喜出望外，勁扺食，鮮甜好味！但竟然連餐點內免費任食的海鮮也很新鮮好味!我剩食海鮮已飽！食肉獸的老公就話豬牛羊也好味，我就鐘意脆肉鯇魚和用酒醃的田雞！我己沒有食小食，炸魚片，炸雞等！阿仔除左飲韓國飲品外，還飲咗幾樽紅棗雪耳燕糖水！總之，還有很多也沒有點，下次要再來！回到家，還帶著一身店內的燒烤味！

平時都幾中意食放題，貪款式多，自己順便選擇，一定食得飽。昨晚去左佐敦的蒲頭島食極尚網燒鐵板燒任點火鍋，他們做緊暑期大優惠，每位連服務費238元，就有和牛海鮮拼盤，大大隻龍蝦網燒，好新鮮彈牙。湯底選了木瓜雪燕，好滋補。手機下單無漏過單，出面仲有很多款式小食。叫了鬼馬蝦滑，即油炸鬼釀蝦膠，幾特別，平時係其他地方食放題都無。任點的海中蝦好新鮮，蝦頭多膏，肉質又彈牙。最愛他們的樽裝雪燕，好滋潤，飲左3樽。

上次同朋友去左食任食火鍋🍲！蒲頭島有得揀任食火鍋 +/- 鐵板/網燒~ 唔同時段有唔同假錢~蒲頭島除左佐敦，仲有其他分店~我們就揀左純火鍋，配龍蝦鮑魚海鮮拼盤 🦞 (8pm前離座有優惠價!)海鮮拼盤好豐富！😍 有多款不同海鮮~除左肉類，丸類等任點之外，飲品,小食,甜品等都係任食！小食有春卷，南瓜餅等。牛肉都幾好食🐂 電子落單，上菜好快😊甜品有冰糖燕窩😍😂唔太甜，幾好食，我食左兩樽！P.S. 場內比較大煙🙈

最近留意到佐敦呢間鐵板燒加火鍋半自助放題promotion, 每枱有極盛龍蝦🦞鮑魚帶子海鮮拼盤盛合之外, 仲可以另一邊箱任點任食火鍋！作為食肉獸既你, 仲可以任飲原漿嘉士伯, 咁既價錢, 今次仲唔攬住個肚腩走？一坐底職員就會好快為你送上海鮮盛合, 全程QR Code任點任食火鍋配料。海鮮拼盤有龍蝦帶子聖子鮑魚大蝦等等, 職員建議海鮮比較適合鐵板燒。龍蝦夠大隻又鮮甜仲有膏喎😍😍火鍋配料食材都唔錯, 牛肉款式多, 仲有其他任食火鍋比較少見到嘅百花釀冬菇、鬼馬釀油條、牛舌、蒲台島牛拼盤、小籠包、特長蟹棒等等，絕對係火鍋CP之選。甜品方面較為有驚喜既就是有樽裝雪燕任食!! 好岩我養顏!! 唯一需要改善既就係抽氣麻麻, 食完油煙味比較重。-●驚喜菜式: 海鮮拼盤、鬼馬油條、樽裝雪燕-●綜合評分: 1. 湯底: ★★★★☆ 2.食材: ★★★★★ 3. 環境: ★★★☆☆ 4. 價錢: ★★★★☆

佐敦廟街【$148】火鍋放題 | 任食象拔蚌 | 龍蝦 | 肥牛打邊爐燒肉放題 | 1664 | BBQ | 尖沙咀 | 自助餐港式【打邊爐】點少得一班朋友!! 燕窩都有食品質素: 一般, 打邊爐食品會好D餐廳環境: 都係中式打邊爐坐位舒適: 都算OK 價錢低食: 平囉, 食品一般個人感覺: 價錢同食品比.... 一般啦睇片^^詳細食評請到YOUTUBE 到睇啦^^如果您鐘意記得訂閱同俾個LIKE 我地不過唔係話好識點評有幾好食, 我地只係用返平常口味黎講解

📍海鮮控必試 -- 蒲頭島任食火鍋🦀今日同朋友reu想坐耐啲傾下計 就決定去打邊爐😂見到呢間蒲頭島價錢相宜 就決定試下😳-------⭐套餐C2龍蝦鮑魚海鮮拼盤+任食火鍋配料($208）龍蝦有四大隻 隻隻都超大隻又新鮮 💕食落肉質好鮮甜👍好好食😭另外仲有帶子 青口 蜆 鮑魚 象拔蚌😳質素都唔錯😆滿足晒我呢個海鮮控😳小編亦都好中意佢個自家製鮮蝦滑 好爽口又彈牙😳另外肥牛同牛柳粒都唔錯 脂肪同肉分佈平均👍其他丸類同餃類同正常水準！👍甜品方面 有自助雪糕機自己DIY💕雪糕係雲呢拿味 配料有脆米 oreo 仲有焦糖醬 抹茶醬 朱古力醬等等任君選擇😆食完真係好飽哈哈😆------總括黎講海鮮幾高質 食物種類選擇多 有水準！大家同朋友reu不妨一試呀💕四個人早一日訂就可以享用啦！------價錢：$208------評分（10分滿分）賣相：7味道：8性價比：8回頭率：8------餐廳資料名稱：蒲頭島地址：佐敦彌敦道219號莊士倫敦廣場10樓前往方法：佐敦站D出口

又黎到世紀大難題：今晚食咩好？難得黎到莊士倫敦廣場，心血來潮，決定食十樓呢間好出名既蒲頭島。踏進門口，已經聞到一陣燒烤既味道，好吸引，不過老公話吾好眼闊肚窄，所以我地只叫左C2 龍蝦🦞鮑魚海鮮拼盤+ 任飲任食火鍋🍲配料放題🥢（半放題）*姐係海鮮拼盤無得REFILL💪🏽沒有加錢網燒。一坐低豐富海鮮🦞龍蝦鮑魚拼盤上菜，嘩！龍蝦🦞：份量十足，龍蝦🦞頭多膏，好香！配埋我地簡既沙嗲湯底就好似喇沙味咁，蝦身爽彈無比。鮑魚：好煙韌，食得出好新鮮，❤️大大隻帶子/元貝：見到個size 已經嚇親，膏的部分估好大範圍，好鮮甜呀🙂大蝦🦐：色澤吾錯，大大隻彈牙爽口，一大啖咬落去，爽！花甲：一隻已經有掛咬，煙煙韌韌，鮮甜🥰青囗：比較細仔，碌完之後更加縮水， 一般蜆：好飽滿，細細隻先清甜。佢呢到係採用掃QR CODE 落單，仲有提供免費WIFI，方便快捷，方便怕羞仔吾洗出聲落單😂湯底都有好多款，連莞荽控皮蛋，蕃茄薯仔，木瓜雪燕美容鍋等等。而我地簡左沙嗲味，夠重口味。仲可以簡不同丸類、肉類、部份海鮮（蝦），最估吾到仲有花彫田雞，好少餐廳提供。牛肉：滑嫰，碌一碌十秒食得，牛香濃郁，色澤雪花紋分佈平均🥩吾夠食出面仲有大雪

莊士倫敦廣場不嬲都多任食邊爐韓燒個啲，今次就試新野。🤩 鐘意佢嘅鍋好大，熱得好快。職員送野同收碟嘅速度都幾快。座位同枱都算闊落。--👉👉 價錢 & 菜單拉去後面 👉👉--🦞 龍蝦鮑魚海鮮拼盤 &🍲 任飲任食火鍋 HK$208.海鮮拼盤係按人頭份量比嘅，有鮑魚、龍蝦、大蝦、扇貝、大細蜆、蟹柳等。海鮮幾新鮮，而且算幾大隻，特別係蜆同扇貝。.任飲任食，基本上大部分材料都係掃QR code落單，湯、肉類、丸類、餃類等。外面仲有，炸小食、前菜、粉麵類、菜類、甜品、飲品。.🍅 湯底揀咗蕃茄海鮮，佢湯原本都有少量海鮮係到。湯幾鮮，唔係罐頭好鹹個種。( 鴛鴦鍋 +HK48).🐂 肉類，個人幾鐘意牛肩胛，好大快，而且幾重肉味。🤙 另外，特別在佢有田雞肉、 駱駝肉、羊肉。 可惜嗰日駱駝肉賣曬冇得試。.🍨 甜品類，雪糕就一定有。特別啲嘅係有冰糖燕窩，感覺似自家製，唔算好甜。我自己係一路打邊爐咁燥，飲反個就覺得好爽嘅感覺。😂.📌 平日價格📌 20:00前埋單離座 / 21:00後入座

兩公婆鐘意打邊爐，仲要揾任食，試左係佐敦嘅蒲頭島。果日我地冇食燒烤放題，淨係海鮮加火鍋，一大盤龍蝦鮑魚同帶子比你食，粒粒新鮮。而且餐廳乾淨。打邊邊湯底選擇又多，可以再返兜再食。