蒲頭島 (Closed)

一年先番一次香港，朋友唔係唔約啊嘛？好多時侯約幾個人一齊食飯，都係會去打邊爐，尤其係番親黎香港都係冬天，岩哂恰下恰下！！我就最憎諗食邊間，因為香港既餐廳實在太多，好似朋友話呢間蒲頭島佢想試好耐，我又見網上食評唔錯，價錢又唔係貴咁就一於食呢間！食放題或任食邊爐我地幾個都一定揀最早果個時段，貪佢夠平，食物既種類同繁忙時段都係一樣姐。我地打電話book左5點鐘，我早到左10分鐘，門口係幾個位比人坐係度等位，仲有個screen叫號。準時5點鐘就安排我地入座，坐低就揀湯底，湯底款式非常多。本身我就想試d特別d既湯底，但朋友想普普通通食個沙嗲，咁就叫左沙嗲。沙嗲湯底既味唔夠濃，不過當你打到咁上下既時侯個湯就會夠味，所以都ok配料方面，簡直係多到數唔哂！除左肉類同海鮮類需要同點餐紙落單之外，其餘丸，菜，菇，粉麵之類既野都係係雪櫃自取，非常方便！不得不提既係佢地有幾款手打魚丸，如牛丸，墨丸，蝦丸，鯪魚肉丸同豚肉丸，仲有蝦滑同魚滑。蝦滑好好食，爽滑蝦味濃！其他手打丸都好出色！另外仲有個非常特別既 “鬼馬蝦膠“，係油炸鬼加蝦膠，細細舊，吸哂d湯汁超好食！打邊爐，牛肉就一定唔少得！佢地既蒲頭島牛拼盤有一口牛

同個fd想試下新野，就揀左呢度。呢度有幾個價錢揀，我地揀左網燒肉拼盤+打邊爐，任飲任食，$198。入左起計兩小時，真係要快d揀啦。呢度有部分打邊爐配料落單係要用自己電話落單架。要落單既大部分都係海鮮，類，同丸類為主。而菜類，面類，同小量丸類，飲品，甜品，都係自助既。like佢fb, 仲有一板海膽送添。我地揀左招牌湯底，要加$58。嘩，個湯底真係超足料，勁大隻章魚同勁多紫菜，仲有蜆架。一隻食到尾，個湯都勁濃味。講返個拼盤，都唔少野架，4串雞肉，2隻雞翼，4串羊，2條司華力腸，2件菠蘿，食完都飽飽地。而佢自助bar既選擇都好多，成三大個雪櫃架，refill 得好快，都冇漏單既情況。連秋葵同䈑筍都有甜品就有綠茶餅，雪耳糖水，仲有雪糕呀。雪糕仲有topping 自己任加添。而飲品都有十幾種架，仲有五花茶添。不過紙包飲品就唔見佢refill啦。個人建議：唔加拼盤都夠食，如果想架可以加海鮮拼盤，見到人地d海鮮都好大隻架，而且肉拼盤太飽肚啦。

大家真係唔好再信個d 所謂既食評 難食到hihi都話好食 相信覺得好食既應該係味覺有問題 琴日同2個朋友去食千萬吾好食果個有紫菜既蒲頭鍋湯底，一上已經覺得好咸，開頭都免強食到，之後越打越吾對路，加左水都重係好咸，想再加水，點知連水都冇，吾知係咪星期日晚已過12點關係，全部既侍應只係掛住執野！仲有個環境地下好污穢，每個服務員都淨係收野同執枱…最尾我俾錢都唔找返錢俾我，就當收小費咩玩法，呢個價錢咁既服務差到爆囉！！

蒲頭島呢個名幾特別，望下價錢又一啲都唔貴，學生仲有額外優惠！即刻諗起想約埋班friend上嚟一齊食，咁抵食應該冇藉口推我喇！原來呢度又有得燒烤，又有得打邊爐打邊爐湯底可以選擇，我哋揀咗韓風辣鍋裡面有張reminder, 話比你知呢度有D咩～好細心，我地第一次黎咩都唔知，睇呢張紙就清楚曬！醬料選擇多配料（菜、丸、肉）都係無限任拎，而且望落乾淨衛生先會比一碟海鮮，期後要追加就要加錢海鮮乾淨得嚟都算幾新鮮～自助美食區有好多熟食，等緊嘅同時都可以去睇吓有冇野啱食嚟到好貼心咁有張紙條教你要點做有自助雪糕機，仲有啲朱古力粒粒配料可以隨意製作啱心水嘅雪糕

前排同成班fd去食我地食嘅時間都幾早下去到個場都幾大愈食愈多人黎食幾熱鬧期間聽到另一枱有人生日佢地仲會播生日幫個枱人慶生好喇講返正題先入去之前有三款唔同價位嘅可以比我地簡我地就簡左燒海燒同邊勞入左座之後跟手就有十個湯底可以比你簡小食個餃子個味幾好食但個皮好厚最好食嘅係涼拌個啲前菜勁醒胃其他嘅小食冇咩太特別我地就簡左個沙嗲湯底同自家制香辣湯底首先依兩個湯底我同成班fd都覺得好咸依一樣係差咁啲囉不過依兩個湯底嘅味都幾出下自家制香辣湯底冇我想像中咁辣同平時出去食辣野嘅辣度真係差得遠仲要嘅係佢比平時另一個湯底更咸唯一覺得好嘅地方佢啲湯料都幾足見到佢落左唔少花椒 辣椒 八角 豬紅個啲聞落係真係好香嘅辣味飲落個湯底啲湯滲哂豬血嘅味出黎另一個沙嗲湯底同平時出去食其他舖頭嘅沙嗲湯底個味差唔多冇太大分別唯一都係覺得咸左啲打邊勞啲配料都幾多下佢啲滑真心好食食完再返叫🙈仲有係油炸鬼入埋包左個滑個個都好正幾特別其他嘅配料同平時食開啲邊勞都差不多個網燒得地係燒海鮮都幾正啲海鮮都ok種類都多嘅海鮮一黎就黎左一大盤海鮮最多都係一兩隻唔開口 入面係有啲沙但佢網燒最正嘅係燒八爪魚呀！勁正！唔會燒到好un燒到啲鬚位好脆口

呢到成日好多人排隊人多都要等下，好彩我6:30pm去唔洗等😍未去已經可以諗定食邊個套餐優惠呢到有A B C D 餐優惠A就係明火蒲網燒海鮮 +歐亞式fusion火鍋放題 係有帆立貝同羊肉2串 司華力腸 菠蘿 安格斯粒 茄子等等..各一件優惠B 就係D配料轉咗做海新鮮拼盤優惠C 就係B餐再多咗牛板腱任食優惠D 就係終極version B餐再多咗高級安格斯牛肉任食呢幾個優惠，聽落個性價比感覺都夠晒高 ，不過都要食完先知係咪👻之前就食過D餐 仼食安格斯牛d 安格斯牛真係好靚雪花條紋分佈得好平均食落一樣咁腍咁有油香!今次我同朋友就揀咗一個A餐 一個B餐C D 餐就無得各一咁叫 因為比你任食啊嘛❗醬料區自己選配醬料區旁邊會放咗dd熟食例如春卷 炸燒賣 炒飯等等肚餓食住先😋另外仲有火鍋配料同前菜自己拎例如沙拉 麵類 菜 飲品都係自己拎飲品嘅種類都幾多 解茶😛火鍋放題嘅點心紙有3張食物選擇都好多有啲食物都幾特別叫完餐同湯底就會上個爐爐身非常乾淨之後就上一大盤海鮮同A餐嘅配料成個感覺似日式磯燒😍當中最吸引嘅係個大扇貝入口啖啖肉口感十足客人可以拎醬料區嘅配料調完味真係好惹味！好好食！😍湯底就揀咗加勒比海

是日約了舊同事吃晚飯, 臨急找餐廳訂位, 又要張就大家的地點. 而且星期五又比較多人食飯難訂位. 臨急之下便找了大家也就腳的佐敦火鍋. 這間食店在莊士敦廣場. 樓下排很長龍等LIFT. 等一會便入到LIFT了. 一出LIFT已彌漫著一陣火鍋的香氣, 急不及待坐埋位和叫湯底. 有幾款湯底只要LIKE FB PAGE和SHARE便可享有. 但我們只選了不用LIKE的麻辣湯底.  一陣陣香氣撲鼻, 湯底非常濃郁而且辣味適中. 食物是出外自助拿的, 我們拿了菜, 肉丸, 牛肉, 腸仔, 薯粉等等, 除了生的食物, 還有熟食給大家醫肚. 火鍋套餐除了火鍋外還有海鮮明火網燒烤, 有蝦, 螺, 扇貝, 青口.,八爪魚. 整體色香味俱全, 美味香口. 唯獨整間店太大煙. 有如去了車公廟.

一早已經聽朋友介紹過，見今晚收工得閒就一於黎試下！呢間火鍋店特別在可以另外有一個鐵板燒海鮮，可以話一個價錢兩種享受，d蝦啖啖肉。飲品種類都夠多，仲有雪糕食，唯一美中不足就係個湯底咸左少少！

信錯OpenRice 的好評。價錢看似幾吸引，但質素好一般。 田雞好大，但完全無味，似雪左好耐。 所有食物質素好一般，其實這樣的價錢，可以有更多選擇。感覺中伏。 絕不會再來。

依間野剛剛新開的時候，都已經想來一試，覺得環境裝修都好新潮，綠色主題令人感到舒適。坐位闊落，唔會太迫，如果枱面不夠位置，仲會有食物車放旁邊。當日book左5點，因為假期才有機會食到早時段，價錢會比較平D，$178再加一。人數不多，得十枱左右，人少都幾舒服。初期開張，好似有特式飲品送，但今次就沒有見到。蒲頭島有提供多個湯底，但我對「蒲頭鍋」很有興趣，只好放棄「西班牙海鮮鍋」啦!全枱人都要like facebook就可以免費有「蒲頭鍋」，原價要比$58。我地選擇優惠A，食埋個海鮮網燒海鮮數量都係按人頭配給，喜歡食海鮮可能就唔夠皮。為了快捷，我地一次過放晒上網燒，大蝦啖啖肉最正，細蝦都不錯，帆立貝大粒，不過什蜆都幾甜但很細，燒完都冇咩肉食。自助吧方面，可以自行拎醬料，我試了野菌松露，沒有特別，反而xo醬很ok! 旁邊有幾款熟食，當日有春卷，燒賣，魚皮，薯角......普通蔬菜、雜丸可以到雪櫃取(平時都會食很多菜菇，但為了留肚食多d牛，基本只拿了3種左右><) 飲品都有十幾款掛，但可惜沒有啤酒，另外有自家五花茶和羅漢果茶斟。仲有，2款糖水，雪糕只有一隻原味，但有幾款醬料唧，我最

夜晚做節，表哥提議去蒲頭島，任食邊爐。呢度幾靚，坐嘅位比起去大鍋口舒服，而我哋一行10個人仲有房😍我地選左set B，最平$188，按時段收費，假日另加$10，醬料費$10，再加一。鍋底都有成十款，我地選左法式牛肉濃湯同冬瓜煙肉。兩款都差唔多味，清清地。野食方面都好多選擇：有少許熟食，可以自己出去拎。推介炸魚皮👍超脆卜卜！生既都有少部分可以自己去攞。其他可以劃紙，選擇都幾多。飲品都係任飲，唔想飲凍野既話，個人推介五花茶、羅漢果！甜度剛好，仲可以幫助下火，我加埋飲左三大杯😍生既食物終於黎，速度都ok。餐廳啲碟可以搭高咖，真係好聰明既做法，超慳位！而且我地枱隔離仲有個架放野食，叫多多都唔怕冇位放😂野食方面推介牛既產品：一口牛、牛舌、牛腩......都係必食！超有牛味！食完正餐，仲可以食甜品！有自助雪糕配料自己加😋綠茶餅唔錯既，有野熱住，食落去仲暖，口感QQ！亦試左紫薯西米露，少伏，味道假假地😕平時食太多大鍋口，蒲頭島都係一個不錯既選擇！坐得較舒服、環境較佳、而且肉類方面質素較佳，但就貴少少，海鮮選擇較少（除非加錢啦🙈）會再黎！

秋風起，又係食火鍋嘅好時候，今日趁屋企人放假，一齊去莊士敦道廣場食返餐好嘅。屋企人一向喜歡酸酸立立嘅開胃湯底，所以特別揀咗西班牙海鮮湯底，裏面配料豐富，都未開始點放題嘅菜式，已經聞到香噴噴嘅海鮮味道，見到我入面有蝦仁、魷魚🦑、青口，仲有不同配菜，例如青椒、番茄、南瓜片⋯⋯重點係番茄味好自然，絕對唔係茄膏嘅製品。好肚餓，立即開始點野食，有咁惹味嘅西班牙海鮮湯底，梗係點一啲海鮮啦，呢度嘅雲吞超級大粒，裏面有兩三隻大蝦，好爽口，當然多啲鮮蝦嘅鮮甜味道會更佳，但係雲吞皮薄餡靚，認真不錯。墨魚滑亦係另一個回本位，推薦大家叫多啲，口感新鮮彈牙，好有墨魚嘅鮮味，真係有手打嘅質感，索埋湯底好好食。呢個火鍋放題有另一個特色，就係有好多不同醬汁可以選擇，其中一種係芝士香草醬，裏面除咗有香草碎之外，仲有好多芝士碎，用嚟點鴕鳥肉竟然係冇違和感，仲有啲芝士牛肉嘅感覺，味道獨特。梗係要食埋個甜品作結啦，雪糕自己擠，仲有好多唔同新地配料，最開心係可以無限加曲奇同花生碎！雪糕甜度適中，而且奶味幾足，整體來說質素滿意🤤下次有機會再幫襯！

夏日炎炎，難得約左朋友一齊聚會。揀左係佐敦既蒲頭島打邊爐。呢到選擇都幾好架，有唔少set, 和牛set, 燒海鮮set 等等，由於鐘意食牛肉既關係，揀左個牛肉set, 包晒最靚最好既貴價牛肉。除左牛之外，其他火鍋配料都好足夠，丸呀水餃雞牛肉咩都有，當然唔少得蔬菜啦係出面可以自己叫火鍋料，同時亦可以單點送黎，丸呀豆腐，蔬菜金菇等自己拎。仲有唔少得調味醬油，自己加揀左個雜菇湯底同Satay 湯底，但真係唔算太辣，普通益食得辣既人都食到, 而且幾濃郁下

朋友生日 一行11人 圓枱岩曬feel 裝修新淨 好多綠色 我地揀左A餐 7點半時段 198+10（醬料）再加一 包海鮮燒烤同邊爐海鮮大量 每人一份 但爐得一個 11條友要輪住燒曬都要時間 個鍋揀左西班牙海鮮同墨魚 感幾新奇 唔錯 呢間野每份食物都會用細細枱既兜裝住 塔到勁高 感覺好乾淨衛生 向上發展又可以慳位 牛方面雖然A餐唔係安格斯 但都有雪花 仲要幾好食扇貝大大隻 啖啖肉 可惜有小小沙 仲有冇燒海鮮既配料 （清酒，鹽）燒到乾果時 waiter 就教用打邊爐個湯去燒 由於慢慢燒冇耐性關係 其他野食都掉落個火鍋6熟再燒 加快進度 效果出奇意料地好 夠曬juicy 又有燒既香味 甜品冇咩特別 最後剩係吱左個牛乳軟雪糕 味道唔會太甜 岩岩好 值得一試！

好耐無食火鍋了，行行下街，剛剛好見到蒲頭島火鍋，就決定係到開餐！蒲頭島係要上10樓，一入去就覺得應該好好味，因為真係好多人食，哈哈！點了招牌湯底蒲頭鍋，裡面有八爪魚同紫菜，個人覺得湯底味道偏淡少少，要沾醬料。其中我最喜歡嘅就是頂級安格斯牛，真係非常吸引，味道好好，好有牛味。因為係放題，所以可以任飲仼食 ，好滿足！不過等的時間比較長，大家可以早小小叫啲靚牛！餐廳職員話係因為全部手工切片，所以上菜就比較慢，但為左食靚牛，等多一陣都值得嘅！野飲方面亦都十分充足，配菜款式好多選擇，所以食到我勁飽。我最最最鍾意嘅係雪糕，係自己擠嘅，好好味，仲有有多款味道同醬料，好似有花生碎和Oreo 碎，我都非常喜歡。食到好飽，都都可以吃得落兩杯！本身覺得食左咁多野好飽同有啲油膩，食下雪糕突然就舒服好多，哈哈！如果有水果就更好嚕！Btw 原來like facebook 可以有免費湯底，好正啊！