蒲頭島 (Closed)

蒲頭啦喂！今晚終於同朋友食到呢間個名夠特別,原來嘢食都好唔錯嘅明火網燒 + fusion火鍋放題 !!客人入座前可以揀定想食邊個套餐優惠，我同朋友就揀咗優惠A，即係明火蒲網燒海鮮 +歐亞式fusion火鍋放題，因為單單呢個優惠，個性價比嘅感覺都夠晒高了 ~呢三張係之後用嚟食火鍋放題嘅點心紙，食物選擇都幾多㗎，有啲食物仲幾特別添飲品嘅種類都幾多，當中就有相對比較貴價，而我都好鍾意嘅道地紙包裝飲品，例如解茶餐廳都好貼心咁，為免大家等嘢食送到，或者整熟d野食都需時嘅情況下，係醬料區旁邊都放咗少量熟食比客人自行拿取，例如炸燒賣，雞肉串等等，味道都唔錯架，可以醫下個肚仔先呢個就係優惠A所講嘅 - 明火蒲網燒啦！個爐非常新淨，一大盤海鮮都放咗喺眼前，個感覺有少少似日式磯燒，不過唔好講咁多，快啲自己開動燒啦！啲海鮮好吸引，好新鮮呀！當中嘅海鮮，其中最吸引嘅一款就梗係呢個大扇貝啦，個扇貝肉夠晒大粒，客人可以自行拿取配料區當中嘅配料，為每種海鮮調味，例如我就加左啲蒜蓉同蔥花，令到隻扇貝更惹味！真係好好食！就算唔加入任何調味料，都非常好食，因為啲海鮮夠新鮮！例如海蝦，青口及章魚魚等等，真係又有得食又有得玩

睇見食評咁高分，咪同亞媽去試下，點知海鮮唔新鮮🦐（部份有沙），完全冇鮮味，連最普通嘅蝦膠都好難食，實的的兼冇蝦味，肥牛十分普通，不過預左唔係貴價嘢都算，我最喜歡食嘅餃子都唔掂，雲吞冇蝦，菜肉餃冇菜，糖水唔凍唔熱，除左食物放雪柜較好之外，d碟同杯有漬，中伏😰，原來打手威力咁大😱食完超級後悔，帶亞媽食咁難食嘅嘢，未試過任食都唔飽，唯一最好係d服務（除左門口帶位勁差）其他侍應好好👍🏻不過咁難食都唔會再嚟😤

唔好意思... 我都知個標題有d搞笑😂重點講呢間火鍋店既衛生情況但出過街打咁多次邊爐... 對於衛生情況實在係有太大concern...好多邊爐店, 貴價定平價都好... 總係敵唔過有蚊滋飛黎飛去既宿命🤦‍♂(特別係自助醬料區啦)真係睇見都食得唔放心架... 而呢一間係罕有地 有勁大個自助區但都保持到衛生既一間!!單係呢樣已經加唔少分啦~~裝修非常有熱帶雨林感覺既fusion火鍋店 -- 蒲頭島內在環境, 真係好有係叢林入面食野既感覺, 幾wild~~不過呢度冷氣都好凍下.. 建議可以細返少少.. 大家記得帶外套過黎呀我地揀既係C餐.. 全因鐘意食安格斯😍😍湯底和食物選擇, 也不少呢~~自助加湯區:: 其實我都係情願咁樣自己搞掂晒仲方便!!醬料堅係多款!!沙嗲, 野菌松露, 蜆肉芥末, 麻醬, 蝦醬, 豆乳醬, 意大利香草醬, 瑪莉安醬, XO醬, 泰式酸辣醬, 陳醋, 意式紅酒醋, 麻油, 自家香辣醬...我地都係試左幾款咋... 試唔晒咁多🙈私心推介::: 野菌松露醬😋多款蔬菜類丸腸類可以係自助區拎到::南瓜, 枝竹, 蓮藕, 粟米, 木耳, 豆腐, 紫薯, 芋頭, 秋葵, 丸類,

佐敦美食塔之蒲頭島餐廳本身有得揀打邊爐或者打邊爐加網燒，但我哋嗰日成10點半先去到，網燒賣晒，唯有下次先試。我哋揀咗C餐，$248頂級安格斯牛肉。湯底有10款俾你揀，想試人心白玉鍋，但由於我同我男朋友近排太熱氣都生飛滋，所以最後揀咗蟹肉冬瓜蓉鍋，清下熱氣去吓濕。除咗三張火鍋紙之外，各種菇菌蔬菜丸類，都可以出去大雪櫃到任你揀。出邊仲有幾款熱食，幾款糖水，大量甜品任你選擇，仲有雪糕機，旁邊仲有大量toppings任揀唔嬲。醬料方便都有10幾種，全部有冰粒坐着，感覺好新鮮。火鍋料質素一般，但安格斯牛肉值得一讚，雪花平均，入口滑脫脫，牛味夠濃。

放左工係食好野既時間, 咁岩有個朋友由外國過黎香港, 就帶佢試下感受香港食火鍋既文化。 點左安格斯牛肉+歐亞式fusion火鍋放題 湯底鴛鴦鍋（野味沙嗲+珍味雜菌鍋） 配料點左唔少, 除左生菜，有魚皮餃，雲吞，粟米豚肉餃，響鈴，魚柳，帆立貝，墨魚丸，金菇等等。 牛肉肉質軟腍，丸既味道都唔錯，湯底入味，點d溝好既豉油XO醬加蒜蓉就更惹味。 飲品種類頗多，飲左巨蜂提子同蘋果綠茶。 重點係佢甜品選擇都唔少，西米露，紅豆餅等等，重有fo yo添，加toppings更正。

一開始食呢間餐廳嘅時候，忍唔住諗餐廳老闆係咪成日約唔到朋友出嚟，所以開餐廳叫蒲頭島呢🤣呢間餐廳係佐敦入面，呢棟大廈收納咗好多餐廳，有泰國菜、亦有其他火鍋餐廳，最後揀呢間係因為個名好young似係啱我食🤣餐廳燈光有少少暗，座位闊落，幾多座位嘅枱都有，無論情侶、小聚會定一大班frd都無問題我揀咗最貴個個C餐，有得仼食安格斯牛。其實都係賭博嚟，因為其他火鍋餐廳一係就所謂靚牛但完全唔靚，一係就得第一碟靚之後嘅變番少低質湯底就揀咗西班牙海鮮湯，除咗有幾張紙點嘢食之外，例如菜、麵等等就係出去出面雪櫃攞嘅唔知係我孤漏寡聞定咩，第一次見到用有門嘅雪櫃嚟裝菜、雞蛋、丸等等嘅食物，之前食過嘅火鍋餐廳都係開放嘅雪櫃，而家咁樣可以keep住嘢食更加新鮮又衛生其他地方亦設有甜品區、自助飲品區、小食區，品嚐火鍋以外嘅美食，飲品款式多到攞滿兩個雪櫃安格斯牛一上菜就驚嘆咗，因為真係靚嘅，你可以見到啲雪花條紋分佈得好平均，見到都流哂口水，食落口真係好腍好有牛味，最緊要唔好淥太耐，唔係就會浪費咗個美食😛真正嘅考驗係下一碟，由於太美味我地即刻再加咗三碟，結果都係咁靚啲肉，食落一樣咁腍咁有油香🤤另外佢設有是日海鮮（掛住食牛s

2018年8月1日 下午18:20左右我同男朋友上咗去呢間餐廳門口，見到個女侍應（mk妹既look），首先佢冇上前招呼我哋，但唔緊要，可能佢想俾我哋了解咗個餐牌先。之後我哋行上前問佢，佢就遞咗張餐牌比我睇😒👈🏻佢真係咁嘅面口遞張餐牌比我～其實嗰刻我都好無奈😑佢係咪覺得我冇錢食飯？定覺得我食唔起？好啦咁之後決定咗食邊個餐set，咁就同個女仔講啦～其實成個過程佢個樣都唔係好耐煩。😒😒😒之後仲加多句：嗱，我同你講返先，你依家入（18:20）都係計你19:30個時段。咁我哋好好奇就問明明依家先6:20點解要計我哋7:30個價呢？首先我覺得呢間餐廳個定義有啲狗，唔係入席計，反而係食完果刻計？🤷🏻‍♀️你已經有限時㗎啦喎👀👎🏻👎🏻仲用咁樣嘅標準黎計既話，有啲講唔通囉🗣好啦之後我問完個女侍應點解要收7:30個價？佢就同我講：你一個鐘會唔會食得哂？（我地就細細聲答：唔得啦～🤷🏻‍♀️）咁咪計你7:30個價囉！痴線！佢黑哂面咁！未食已經要睇佢面色～我話你知，唔係要食過你間野先可以比評論嫁～我依家評論你地既服務質素呀，極度需要改善！你公司請埋啲咁無禮貌既員工，等於趕客嫁咋！😤🔥真心嬲！最後我都係選擇左第二間，

在尖沙咀附近逛完街, 和友人同時心血來潮想吃火鍋, 剛好想起早前在網上看過這家火鍋店有優惠, 於是便到這兒來了六時多左右到, 時間正好, 不會太多人之餘, 原來七點半前還是優惠時段, 海鮮明火蒲網燒+任食火鍋也只是$158而已先端上來的是蒲網燒, 配料有帆立貝、海蝦、八爪魚、蜆和青口等,好豐富呢帆立貝和海蝦夠大隻,且肉質爽口而鮮味, 蜆肉鮮甜, 至於八爪魚也十分彈牙,反正就是每種海鮮皆具鮮味但畢竟是網燒, 記得要多加留意生熟程度, 避免燒得不夠熟或燒得過久變得過熟過乾。  好吧!食過網燒海鮮, 就是正式打邊爐的時候啦!半自助式的火鍋形式, 除了可在點菜紙上劃選火鍋材料外, 餐廳內更有一排放滿火鍋料的雪櫃, 供客人自取。 有新鮮菇類, 菜類瓜類, 肉丸, 腸仔,  麵類, 烏冬, 粉絲等等。另外,還有好些熟食以供選擇!自選醬料選的湯底是蒲頭鍋,第一眼吸引到目光的是巨型章魚,鍋內還有大量紫菜, 蝦米等等, 好香海味的味道蒲頭島牛拼盤: 脂肪勻稱, 肉味濃郁自家製鮮蝦雲吞 爽口彈牙又足料太多的火鍋配料未能盡錄,不過都是不錯吃的啊!特別是自家製的,值得一試呢!

今晚去左佐敦隨意搵野食，上OpenRice 見到呢間野唔錯，決定試下。我同男友唔食牛，所以叫左$214個隻磯燒海鮮加火鍋放題，但其實要$10 醬油費再加一，野飲任飲，有自助雪糕湯水食，幾款熟食，火鍋材料整體不錯，特別推介手打蝦丸同手製鮮蝦雲吞，好香好好味。自助吧亦有不同丸類同蔬菜自己可以去拎。至於海鮮新鮮程度一般啦，蜆就可以無限叫，我見好多人勁叫。下次一大班人聚，都可以考慮再去，空間大，應該唔使點等位。

同朋友到離島郊遊, 行山、踩單車, 運動完一番, 今晚一於拆餐勁！呢間位於佐敦嘅火鍋店, 主打海鮮同靚牛, 按時段收費, 晚市7點半前 或 9點半後就最抵食。不過留意返！星期五、六、日每位要另加$10喔。想食海鮮, 但牛板腱又好似好吸引, 點揀好？好似我地咁揀Set B, 牛板腱任食, 配個海鮮鍋, 再追加任食海鮮, 就滿足晒啦。火鍋店必不能缺嘅調味吧, 選擇超多, 野菌黑松露、 蜆肉芥末醬、瑪莉安醬等都比較少見。冧酒火焰加勒比海鮮湯湯底內有5款海鮮, 加上蝦湯同蕃茄味醬料, 鮮味提升。薄切牛板腱, 肉色鮮艷, 肉質及脂肪比例平均, 牛味夠濃, 一份4片, 唔夠再點, 唔怕浪費。我地仲追加咗帆立貝任食, $48/位。帆立貝上檯時, 唔食得嘅部份基本已經切走, 未清晒嘅, 落鍋前就要自行清除啦。淥幾分鐘貝肉呈現實色就食得, over咗就會變韌㗎啦。牛板腱同帆立貝以外, 仲有多款自助同自選項目。鯇魚片新鮮彈牙, 鯇魚腩肉厚爽脆。墨魚仔落鍋後好易搵唔返, 淥太耐會大縮水....放落篩淥一陣就食, 先可以保持嫩滑。蔬菜選擇多, 其中生菜特別新鮮爽口。甜品有糖水、糕點同乳酪雪糕。雪糕toppi

今晚和我的好朋友相聚，當然要打一下邊爐啦有A，B，C款選擇，我們喜歡食靚牛肉，決定選C選左個湯底：蒲頭鍋～有大量紫菜，蝦米，巨型章魚等等，滾起好香海鮮味道自己調較喜歡醬汁先上頂級安格斯牛肉，滾一滾，就可以撈上來食，好牛肉味，滋味多汁一口牛粒，美國肥牛，羊片，五花豚肉，清酒豚肉，超多肉類選擇脆鯇魚片，帆立貝，花彫田雞腿，青口，蜆肉，蝦水餃百花釀鮮菇，炸響鈴，炸魚皮等等蔬菜類需要自取，運動一下，可以食得更多甜點都幾好，最喜歡綠茶餅，我連續食左三块慢慢食，談談心飲品任你選擇環境舒適，全場滿座

今晚去晚餐的地方位於佐敦，交通非常方便，而所在之處，差不多整幢大廈都是食店，要在如此多競爭之下立足也絕非容易。正如我們所選的食店，不單只可以食火鍋，還可同時食網燒，價錢又適中，同一時間有兩種食法，不過就得同時兼顧兩個火，一邊燒得快要乾了，另一邊又滾起來。進入食店，裝潢就如西式餐廳般，以綠色為主題，雖然沒有一般火鍋店的抽煙管，但也不覺有很大的煙霧蒸氣。座位尚算寬敞，而自助的配料區、醬料區、飲品區、甜品區以至小食區都分得很明確。火鍋配料包括菇類、丸類、蔬菜杯、芋頭、蘿蔔、枝竹及粉麵等都可以在凍櫃中自己去取，也可以填表落單，都很方便。飲品方面，除了現成的罐裝及紙包飲品外，還有自製熱的五花茶及羅漢果茶。火鍋店熱賣中有三個餐，分別是A餐的蒲網燒+歐亞式Fusion火鍋放題、B餐的安格斯級牛板腱任食+歐亞式Fusion火鍋放題及C餐的任點任食頂級安格斯牛肉+歐亞式Fusion火鍋放題，還有入座後可再加錢另點靚食品，而我們就選了A餐 (每位$198，另加醬料費$10及加一)。蒲網燒即時送上，海鮮拼盤包括帆立貝、海蝦、原隻八爪魚、藍青口及蜆等。帆立貝與大隻的海蝦都肉爽而有鮮味，原隻八爪魚就略嫌無甚鮮味

book 左位所以唔洗等就入座lu。我地叫左B餐牛板腱任食同蟹肉冬瓜蓉湯底。本來係為左清清地先叫冬瓜蓉湯底，點知黎到真係淡到一個點雖然見到入面真係有冬瓜蓉同薏米，但同打清水邊無分別咁又係既，所謂既蟹肉係蟹柳黎又點會有鮮味唯有乜都點豉油叫有少少味見其他人打番茄湯好似食到津津有味咁好羨慕所以話打邊爐都係湯底最重要！不過牛板腱係好正！厚薄岩岩好，一d都唔肥重好香牛味！$238（未加一）任食呢個質素既牛超抵！其他野都係一般貨色，好多野都係自己係出面拎，種類唔算少。舖頭人手好似唔係好夠，加上坐得比較入既關係長期都無人理我地，要等好耐先有人黎收野食紙同埋單。不過如果佢keep住俾到咁好質素既牛我都有機會會再黎食，今次俾住ok先

上次跟朋友黎食蒲頭島火鍋，覺得佢好味又抵食，今次就叫埋阿爸阿媽一齊黎食餐飽嘅。蒲頭島喺佐敦莊士倫敦廣場，佐敦站行3分鐘就到，非常方法。電梯一開就係呢個充滿森林氣息嘅門面啦。呢度有3個選擇，A係網燒+火鍋放題、B係牛板腱任食+火鍋放題、C就係頂級安格斯牛肉+火鍋放題。我地最後揀左$188嘅B--牛板腱任食+火鍋放題。火鍋放題選擇多多，各式肉類、丸類、海鮮一應俱全。本身揀左蒲頭鍋湯底，但最後黎左野味沙嗲鍋，正所謂既來之，則安之。唔緊要啦，個沙嗲鍋都幾香，試下都好吖。黎左湯底就出去醬料區混一混佢先。除左有大量罐裝飲品任飲之外，自助飲品區仲有熱飲及果茶供應，真係大人細路長者通通都照顧得到。第一轉個個都餓鬼咁，就梗係叫魚腐、響鈴、魚皮、魷魚呢啲啦。貪佢呢啲夠快熟，填補左個胃嘅空虛先。呢個就係我地可以任食嘅牛板鍵啦，肉質鮮嫩，紋理分明，牛味十足，我地叫左好幾轉呀。老婆就最鍾意食蜆，通常一碟得一兩隻大隻，其他都細細隻咁，不過就幾夠鮮味而且食落無乜沙，抵讚。記得細過阿媽會用田雞脾焗飯比我地食，而家搬出黎住好少機會食啦。所以我一見到就點左呢樣唔係度度都有嘅田雞脾，考敬番阿媽。田雞脾都算啖啖肉，味道不錯。

原來莊士倫敦廣場，每一層都有餐廳，係電梯入面已經比蒲頭島既海報吸引了， 因為見到有得燒又可以打邊爐，好吸引。餐廳好大，好多座位，雖然又燒又打邊爐，都唔會搞到整個餐廳好大油煙。先選湯底，有成十款湯底，餐廳做緊優惠，只需在Facebook like &share 就可以唔駛加錢轉鴛鴦鍋，我地簡了野味沙嗲鍋&人蔘白玉鍋。兩個鍋都好足料，野味沙嗲鍋配以多種香料自家製沙嗲醬湯底，而人蔘白玉鍋人蔘味濃郁。有3款落單紙，而且出面有一排雪櫃放滿了不少蔬菜，丸，腸仔，生根，牛柏業，豬紅，魷魚，雞蛋，烏冬，粉絲，餐廳好貼心，每盤份量都唔會好多，可以避免浪費，食完好食可以再出去拎。醬料有成18款，有些醬從未見過打邊爐既地方有，意式紅酒醋，泰酸辣醬，瑪利安醬，意大利香草醬， 風味豆乳醬，蝦醬，真係好特別，好配合客人需要。飲品區有自助斟既五花茶，水果茶，羅漢果茶，另有罐裝同紙包飲品。推篤墨汁墨魚滑，爽滑彈牙，墨魚味好濃郁，而其他食物味道都唔錯，有些配料索晒湯汁，更加好味，湯底做得出色。另外一定要講既係明火蒲網燒，有驚喜海鮮新鮮，而且每款海鮮都大大隻，北海道大凡立貝有成手掌咁大隻，蝦和韓國原隻八爪魚都係，好新鮮，