8號茶居 (宏業南街) (Closed)

平時叫野食都勁鍾意睇圖，今次呢間點心舖幅牆貼咗大大張點心圖超正😆平時同男朋友去飲茶，都要諗究竟食燒賣定蝦餃，因為一叫就有四粒，食完超級飽，唔使食其他嘢🐒但今次呢間點心鋪2個人都超多選擇❤️⭐️⭐️極度推薦椰皇杞子燉竹絲雞湯⭐️⭐️燉湯好處係保持原汁原味，誇張到侍應一放底已經聞到好香，入口超香甜🫨😍鮮蝦菜苗餃超級足料，大大隻蝦脹卜卜😚作為一個超級鍾意食腸粉皮嘅人，雞蛋牛肉腸超正，相比起出面嘅腸粉，呢度嘅腸粉皮係比較厚，但同時肉嘅份量係冇少到，仲有隻加埋雞蛋🤩就咁食馬拉糕可能比較寡，但上面加咗南瓜籽口感更加豐富👍🏻最後講到明飲茶，茶當然都佔好重要嘅一席位🤣相比起平時常見嘅茶款(普洱、鐵觀音、壽眉、香片)，呢度有菊花同菊花普洱🫖大家都可以試下‼️#bei9sik元朗 #bei9sik朗屏8號茶居元朗宏業南街22號虹方地下3B號舖

收工同fri想飲茶，兜兜轉轉來到了八號茶居離朗屏地鐵站真的好近 下來轉個彎就到了每道茶點份量剛好夠兩個人食點了香片 確實很濃沖了三四壺先變淡🦐每次飲茶都必點蝦餃啦，皮薄餡足，蝦新鮮爽口，一個個都又圓又大個 蟹籽燒賣 區別於外面的白色燒賣皮身，一個個燒賣宛如一個人拳頭般大小，一口咬下去能吃到肉和蝦融合的肉汁老乾媽鳳爪 每一隻被老乾媽醃製的相當入味軟爛一下就脫骨啦豉椒排骨飯🍚米飯顆顆飽滿分明，加上店家的豉油 越吃越香且份量對我們兩個女生剛剛好雪山叉燒包 叉燒包搭配外面酥酥菠蘿包的口感也蠻奇妙的腐乳通菜 也是好大一份 最後完全吃不下來人均剛好💰100吃得超級飽想飲茶的時候還是會選擇再來光顧一下

呢排成日都要去虹方做野，今日就去飲下茶食點心，8號茶居都食過幾次了，佢啲點心有質素😋先來壺鐵觀音，水滾茶靚，侍應仲主動加水添👍🥢8號蝦餃皇依然係大大粒嘅蝦餃，皮薄餡多，蝦肉爽甜👍🥢蟹籽燒賣皇同樣係極大粒嘅燒賣，手切豬肉有口感，入面嘅蝦肉都係好爽口，必食👍🥢鴛鴦鮮蝦米網腸8號名物雙色腸粉，米紙好脆腸粉煙韌，新鮮做起别好食。🥢青咖喱雞粒鹹水角即炸的熱辣辣，個咖喱餡意外地辣喎，雞粒有咬口。🥢懷舊糯米雞好大隻😆入面有叉燒、豬肉、冬菇、蛋黃等，糯米比例略微少啲，飯口感偏硬。🥢擂沙煎堆仔上枱時熱㗎，都係即炸的，入面的芝麻餡好流心，微甜啱口味。🥢榴蓮飄香包最後就係邪惡榴蓮包，一搣開就勁香榴槤味，隔離枱似乎唔係太好榴蓮，佢地話好大陣味，哈哈😆包軟身榴蓮餡香甜，正。人均一百蚊，飽到上心口，抵食🤤

難得同老婆閒日放假，諗住早起落街歎個醒神早餐，在樓下經過，見到門面光鮮嘅食店，望多眼發現係食點心，於是請示老婆嘅意見下，就決定歎個早茶。店內燈光光猛，沒有酒樓般嘈雜，座位闊落舒適，很舒合人少少來歎茶。點心款式很多，還有套餐選擇，而我們點了不少店主推介：海苔鮮蝦腐皮卷- 新鮮炸起，小心燙口，腐皮海苔很脆，蝦肉彈牙，點喼汁食冇得輸雪山叉燒包- 外皮酥脆，麵包軟熟，叉燒肉份量恰到好處，加埋惹味叉燒汁，停不了一啖一啖咁食花雕養顏棉花雞- 真心推介，湯底藥材味剛好，帶甜有少許酒，雞肉很入味，魚肚很厚，吸汁後成件事很幸福鴛鴦鮮蝦米網腸粉- 賣賞已經吸晴，蝦肉彈牙已經是基本，就算腸粉沾滿豉油，吃落米網仍保持脆身，口感一流，推薦蝦餃皇- 超足料，目測起碼3隻原隻蝦，味道濃郁，必點燒賣皇- 勁大粒，一啖吃很勉強，有2隻蝦和足料豬肉，超滿足最後點了腐乳通菜- 菜的份量超多，碟上唔會水旺旺，腐乳汁很香濃另上，足夠點，放假想靜靜咁歎下一盅兩件最好不過。

一間位於朗屏站附近嘅茶居🫖，店內座位寬敞舒適，點心即叫即蒸，熱辣辣夠新鮮，店員服務貼心🥰🤍雪山叉燒包🥯雪山叉燒包嘅外皮超酥鬆脆，咬落有種脆脆嘅口感。而餡料嘅叉燒份量豐富，多汁又入味！叉燒汁甜甜地同外皮又夠酥脆，食落味道好夾🤪🤍8號蝦餃皇 🥟蝦餃二人份量一籠有兩粒，外皮好似水晶咁晶瑩剔透，而且皮薄餡多，食落好有咬勁，超滿足嘅感覺！🤤🤍蟹籽燒賣皇 🦀燒賣都係一籠都有兩粒，入面嘅雞肉同鮮蝦令味道好鮮香，質地都好嫩滑飽滿，加咗蟹子口感好鮮甜😋🤍山竹牛肉球 🍖呢個牛肉球好特別！加咗馬蹄同蔥，增加咗層次感。食落口感Q彈，幾有嚼勁，而且味道鮮美，好好味🤩🤍鴛鴦鮮蝦網米腸 🍤呢個鴛鴦鮮蝦網米腸都好特別！腸粉皮係外軟内脆，一咬就破嘅感覺，食落好滑溜！中間就包住啲脆脆同鮮蝦，令口感更加豐富🥰🤍蒜蓉粉絲蒸排骨 🍖蒜蓉粉絲蒸排骨係用粉絲做底嘅，感覺好有新奇，排骨同粉絲都好滑嫩，加上蒜蓉味濃郁，食落真係好過癮，令人回味☺️🤍木魚燒汁茄子 🍆木魚燒汁茄子又係個新穎嘅組合！茄子燒得剛剛好，表面微微焦香，入面嘅質地軟滑，食落超多汁好豐富！表面又放咗啲木魚調味，帶嚟一種獨特嘅味道😍

喺元朗有兩間分店嘅8號茶居係一間點心專門店，宏業南街分店位於虹方地鋪，地理位置方便，距離朗屏站只需5分鐘。餐廳環境乾淨，座位寬闊。入座第一時間梗係叫茶啦，有得叫菊花普洱茶，實在太好了，因為唔係好多地方有菊花。雪山叉燒包外層有層好似菠蘿包咁嘅外皮非常之香脆，雪山叉燒包嘅味道類似餐包叉燒包，比起傳統叉燒包更加香口，難怪喺點心龍虎榜嘅佔一席位！8號蝦餃王比起傳統蝦餃大1.5倍嘅蝦餃王果然真係好大隻，一盅兩件兩個人食一人一件啱啱好。蝦肉非常之新鮮爽甜，皮薄餡靚。蟹籽燒賣王呢隻燒賣王都係一樣，比起一般嘅燒賣大1.5倍左右，餡料非常之飽滿面頭嘅蟹籽增加咗鮮味。山竹牛肉球牛肉打得好好，喜交嘅程度非常之理想，所以令到牛肉球食落彈牙，而唔會好淋。原盅花膠養顏棉花雞因為係元盅燉嘅關係，裏面嘅湯汁充滿着酒香同杞子嘅香味，魚肚同雞肉更加唔使講入晒味，而同時湯汁亦都有雞肉同埋魚肚嘅味，互相配合。海苔鮮蝦腐皮卷腐皮卷揸得好脆，海苔嘅味道提昇左蝦肉餡料嘅鮮味，如果你鐘意食香口嘢的話，一定鐘意。鴛鴦鮮蝦網米腸呢一個都係店內嘅推介，米腸做到好滑，包着油炸鬼同蝦肉，同埋有兩種顏色，賣相令人非常開胃。

👇🏼8號蝦餃皇(2件)$19，蝦是爽口的，但蝦餃皮很黏，不喜歡👇🏼 五柳炸雲吞(3件)$28，放上枱時，眼已看到其油份，咬一口雖是脆的，可惜幾油膩👇🏼山竹牛肉球(3件)$27，牛肉球質感軟身，有點鬆散，不過不失👇🏼雜果沙律春卷(3條)$26，同樣看到春卷面的油份，吃半條，已沒興趣再吃總括，這裏的點心一般，幸好第一輪沒有叫太多點心，很快決定結帳，再光顧其他食店。以點心的價錢和質素，可以有更好的選擇，既便宜又好吃卡位不舒服，因卡位和枱的距離很窄，自問不是肥人，也覺得有逼夾感

「8號茶居」非常近朗屏站好方便就腳👍🏻入到去店員馬上就問我哋飲乜茶我哋揀咗普洱茶茶葉都幾多😆唔會飲飲下沖淡晒⭐️雪山叉燒包店內排名第一嘅點心😍食落果然唔錯外面菠蘿皮超鬆軟入面叉燒味道濃郁非常好食😋⭐️8號蝦餃皇一籠兩粒蝦餃非常大粒而且好足料皮簿而且蝦好新鮮😊咬落好爽口彈牙⭐️鮮蝦菜苗餃同蝦餃一樣咁大粒裡面的菜苗好嫩🤩而且皮都係好簿好滿足⭐️蒜蓉粉絲蒸排骨首先係排骨好淋好多肉汁蒜蓉好香😆而粉絲係底吸晒d汁入晒味⭐️青薑蓉蒸雞飯青係代表蔥加埋薑蓉非常香😙而雞肉嫩滑份量都幾多⭐️溫室青瓜叉燒腸平時茶樓通常剩係得叉燒依間有溫室種植嘅青瓜食落好清新😄特別唔同⭐️宮廷桂花糕桂花同埋杞子嘅量都幾多而且唔會好甜同朋友分享就啱啱好🥳成餐食得好滿足會再幫襯👍🏻

今日同朋友去元朗想飲個茶食下點心🥟一入到去，餐廳裝飾比較復古，而且好多精選點心都放出黎俾人客有選擇，係牆上仲會放啲菜式相同菜式名比我地見到，嗰食物都好足料😝🌟8號蝦蛟皇$19呢個係招牌點心，一籠有2大粒，每一料都好大料，一食落去就見到成隻大蝦🍤係入面，好鮮甜，好彈牙，蝦味都好濃，再加咪個皮都好有嚼口，好正宗👍🏻🌟鵪鶉蛋燒賣$30呢度嘅鵪鶉蛋燒賣比平常出邊大粒好多，而且佢係將鵪鶉蛋同燒賣包咪一齊，吾會就咁放頂，一食落口入面嘅燒賣好緊實，好足料，又可以一啖連咪鵪鶉蛋一齊食，點咪個豉油真係好好食😋🌟薑蔥牛柏葉 $32好遠已經聞到陣香味，睇見都流口水😋份量都幾多下，個牛柏葉嗦曬個湯汁，食落口個葱味比較濃，而且好爽脆，同平時係茶樓食嘅完全吾同☺️🌟咖喱蒸土魷$32呢個咖喱魷魚🦑係次次都必叫菜式，每一塊都好大好肥美，再有滿滿嘅咖喱汁包裹住，食落去好彈牙，索曬啲咖喱汁，超香 🌟豉椒排骨飯$45呢到食點心，梗係唔少得飯，面頭充滿豉油同豆椒，排骨同飯蒸完超香，內裏熱辣辣，食落口已經聞到飯嘅焦味，排骨每一舊都大大舊，一啖飯一啖肉，正😄🌟香滑鮮蝦腸 $30每條腸粉入面都有4隻蝦🦐每一條都好大條，真係好足料，岩

基本上 我地大約1~2星期 就會黎幫襯一次除左貪佢夠就腳，仲因為夠平靚正，有時想飲下湯 佢都有~雪茄春卷 $15/條第一次試呢款, 估唔到咁creative 真係成支雪茄咁上枱 !!!  XDD份量比一般春卷大 ! 春卷皮內, 竟然係白汁海鮮餡 !幾好食~ 覺得有d fusion感覺 ~鴛鴦鮮蝦米網腸 $36每隔一排 就會想食呢款~ 即叫即炸, 皮夠薄包住雙色既香脆米紙, 中心係大大粒蝦仁, 口感豐富 : )想講呢個價錢 真係良心價 ... 整到咁精美咁香脆 仲有成8舊 先$36...雪山叉燒包 $25次次黎都必食 ! 熱辣辣上枱, 外皮一層帶有淡淡奶香包體鬆軟 ~ 整體又唔太油, 真係好好食蟹籽燒賣皇 $19, 鮮蝦菜苗餃 $20兩款都係勁大粒, 入面又有爽口彈牙既蝦肉 ~ 不錯豉椒排骨蒸飯 $45蒸飯又係每次都會叫 ~ 大約有5-6款飯款今日想食 豉椒排骨, 其實佢款款蒸飯 D餸好足料, 飯又軟熟份量係 兩個人分都覺得有D多 : D茶錢 $6/位, 無加一, 今時今日黎講 真心抵 !仲要佢D服務其實唔差, 好主動加茶同收碟所以 呢度繼續會係我倆既飯堂 : )p.s. 今次無叫到,

#港女覓食到元朗茶位每人 $6 我地揀咗鐵觀音，焙茶要沖到第三轉先出到味😂希望茶葉可以多啲，茶味可以濃啲。請注意⚠️餐廳用餐時間1小時有點少，飲茶至少要90分鐘🫣因為點心係即叫即蒸，都要15-20分鐘先上菜。✨ 溫室青瓜叉燒腸 $29腸粉個皮厚到呢😂配青瓜呢樣野就有啲新潮未識欣賞😂 青瓜都係單獨食較好。✨ 木魚燒汁茄子 $26唔會失手嘅燒汁茄子，汁夠濃，都好食。✨蟹籽燒賣皇 $19/2粒可以慳返錢唔洗嗌😂係得個大粒囉。太多肉，而且唔似傳統燒賣外皮係黃色的。✨鮮蝦菜苗餃 $20/2粒皮薄餡多，食到有醃料的麻油香味。✨豉椒排骨飯 $45米飯乾身爽口，食落有紅椒的微辣味，排骨嫩滑多汁。✨8號蝦餃皇 $19/2粒皮薄餡多，蝦仁爽口彈牙。✨雪山叉燒包 $25/2個酥脆外皮配軟包，內餡係叉燒餡，好食。✨山竹牛肉球 $27牛肉球食落軟身，正常操作。餐廳個喼汁唔知係咪天氣太熱變壞咗？陣味怪怪的😂想食喼汁嘅你，建議叫佢另外上。呢間餐廳質素普通，下次會想試下其他點心餐廳，不會再回頭了🙈✨總結人均消費💸：$78/1人味道：🌕🌕🌕🌑🌑份量：🌕🌕🌕🌗🌑服務：🌕🌕🌕🌑🌑質素：🌕🌕🌕🌑🌑🍴 8號茶居 (宏業南街) (

好耐無食點心上openrice 睇下邊度有就見到虹方原來有間點心店點心選擇都唔小，我地兩個人叫左幾款🔺8號蝦餃皇蝦餃比平時既大粒少少兩個人一人一粒岩岩好皮唔算薄所以唔易穿入面蝦既份量夠，啖啖蝦肉🔺老干媽蒸鳳爪鳳爪夠入味，而且質地蒸得岩岩好唔會好算散，有d 口感又唔會韌依個推介～！🔺豉椒排骨飯因為我地係飲夜茶，所以點左碟飯仲係用瓦煲上，飯蒸得好靚夠乾身排骨好淋又多白骨，好好咬口同埋依度既豉油係偏甜好岩我口味🔺鮑汁豬手豬手又係好入味，醬汁都係甜d唔會好韌，夠淋唔錯🔺香滑鮮蝦腸蝦腸比平時既大條粗身入面d 蝦夠大隻，配埋甜豉油好夾🔺腐乳通菜通菜好翠綠，腐乳自己加所以鹹度可以自己調節一碟份量都好多，兩個人實夠食

返工都喺元朗，唯有喺返附近搵食🤩呢間喺朗屏附近嘅8號茶居就腳，又抵食 仲要全部都熱辣辣上餐速度好快🥢🫖茶界每位$9 係用玻璃🫖茶葉同埋茶分開 咁就唔驚飲埋啲茶葉啦🫗我哋嗌咗幾款小食 10分鐘內全部都熱辣辣送到 速度👍🏻👍🏻鵪鶉蛋燒賣 （3件）$30 豬肉食落好彈牙唔會有蘇味 加埋隻迷你雞蛋鵪鶉蛋💓鮮蝦菜苖餃 （2件） $20粒粒都好飽滿，充滿着菜苗同埋蝦肉 咬開仲有少少油香味🥢推介^ω^擂沙煎堆仔 $25最鍾意呢啲香口小食 外層脆卜卜咬入去滿滿嘅芝麻💞木魚燒汁茄子🍆$26茄子燒到好林身 加埋滋味嘅燒汁 同釀埋單牙嘅魚肉on top 仲有木魚碎 呢個組合係美味嘅保證👣飄香榴蓮包 $30門口已經見到呢個係店長推介 熱辣辣咬開已經全部係榴槤味嘅filling 🧽香滑鮮蝦腸 $30外皮好滑 大大粒蝦肉🦐爽口彈牙 總結呢間特色茶居 上菜速度好快 地理位置都好方便 價錢唔貴，而且又抵食 值得一試💙

上次係元朗西巴士站個間食左次，念念不忘青咖喱雞粒鹹水角，為左佢又再黎食，今次就朋友放工就食呢間店4個人食，計埋茶錢$500有找，食左好多款野食💃🏻最開心係點心餡料好足🤤蝦餃、燒賣都大大粒，皮薄餡靚，蝦餃特別出色南瓜籽馬拉糕出面都少食到，瓜籽微香配埋甜生地既馬拉糕，又幾搭喎😆青咖喱既愛好者真係要試一試，出面好少可食到青咖喱雞粒鹹水角，今次既醬汁少左dd，對於重口味既我覺得上次好味d，但係個鹹水角仍然做到外脆內煙un，依然係水準以上海苔鮮蝦腐皮卷都做得好夠脆，基本上炸野都做得好唔錯👍🏻流沙奶黃西多士、花雕養顏棉花雞兩樣都係少見既野，分數好高，特別係棉花雞朋友讚不絕口，酒味濃得黎香甜，成個湯飲晒睇下個流沙幾澎湃！🤤🤤

喺元朗都算比較少酒樓，就算有酒樓都係啲集團式嘅酒樓，上網搵到呢間8號茶居 喺元朗有兩間店，今次就嚟咗虹方呢間店，好近西鐵站8號蝦餃王兩件 $19每次飲茶都一定會叫黎食嘅蝦餃，蝦餃皮好薄，薄得黎又唔會一夾就爛，入面嘅蝦肉都好大隻好新鮮，口感好彈牙山竹牛肉球三件 $27牛肉球大大隻，食到有啲陳皮味，同牛肉味好夾，仲有啲喼汁 同埋混合咗好多蔥，同埋有少少切粒嘅馬蹄肉😆整個口感好豐富海苔鮮蝦腐皮卷 $28呢個即叫即炸嘅鮮蝦腐皮卷，完全係小編嘅至愛，咬開會見到一半係海苔一半係鮮蝦肉，做到好平均，腐皮卷好薄脆豉汁黃鱔蒸飯 $59喺酒樓比較少食到嘅豉汁黃鱔飯，黃鱔飯有好濃香嘅豉汁味，仲有啲3色椒，完全唔需要加豉油，已經好入味飄香榴槤包 $30鍾意食榴槤嘅朋友仔絕對值得一試，咬開之後可以見到榴槤餡，如果有一絲絲嘅榴槤肉就更好😆鍾意食榴槤嘅可能會覺得唔夠榴槤味鴛鴦鮮蝦米網腸 $36呢個都係第一次喺茶樓有得食，好新穎，外層係腸粉，入面係用脆片包裹住蝦肉，點五點豉油都好好味