81手工餃子

Open Now

Now Closed

一直都好鍾意食餃子，既有澱粉質又有餡，齋食都算係營養均衡的一餐。不過，我少出街食，一般都係喺超市買番屋企蒸或煮。最近有食過Plant Sifu本地製作的多種口味素餃，又有外賣過有得餃的素餃，不過前者勁重口味，我唔識欣賞，後者又有啲貴，所以今次又上網搵下，最後嚟咗呢間舖頭外賣素餃。呢度的生餃售價合理，比起有得餃1打素餃~$70，呢度只係$50/打，而且佢的餃子飽滿程度同有得餃不相伯仲。我係自備铝盒外賣，店員都「裝」得幾好，拎到返屋企，啲餃都冇「痴」住，而我亦即時蒸咗4隻，加油+豉油嚟食。素餃子調味唔錯，唔會好寡、好淡，佢有味道之餘，又冇話搶咗素料的原味。餃子的餡料我無逐一分辨出嚟，但咬開見到有紅蘿蔔、粟米同冬菇。因為啲餃子都幾大隻，所以女仔一餐要食飽的話，我覺得6-8隻都夠，而其後當我煮麵一齊食時，我亦只係放咗2隻，點到即止。外賣時，我見呢間舖頭都幾多嘢食，呢度的素餃我會再幫襯，到時會考慮堂食試下其他嘢。

餐牌都多選擇，每款都可以揀湯餃/煎餃，入鋪聞到幾香已經好期待，叫咗大路嘅白菜豬肉煎餃，諗住點都會好食，點知就中大伏😵‍💫等上菜等咗好耐，不過係即叫即煎所以都可以接受等耐d，一上枱嘅時候聞到好香，咬落去先知出事，白菜苦到痴線，咬咗一啖已經苦到想嘔，未試過食到咁難食嘅白菜豬肉餃🤮另外叫咗紫菜豬肉湯餃，點知入面有椰菜，本身唔鍾意椰菜，食到懷疑人生… 紫菜同豬肉味道唔夾，唔推薦煎餃會送碗湯，同湯餃嘅湯底一樣，見餐牌寫到咁足料又冇味精，本身都幾期待，點知鹹到…完全中伏嘅晚餐，食完應該短期內都無勇氣食餃子，唯一可以讚嘅係餃子皮煎得幾香，建議可以食煎餃走餡，齋食餃子皮都冇咁嬲😐

第一次幫襯呢間小店，買左一打沙葛 沙葛爽口，多汁，但唔夠糖肉份量足夠偏多半打韭菜，半打白菜 餃子入面好多汁，係爆汁調味好食餃子皮，好滑又有口感，食得出係自家制味道買左樽菜脯，味道偏辣，爽口，嗜辣者必配買左两碗湯，煮餃子，味道正常，無好突出

實小編係個餃子控﹗除咗旺角甜記、太子豐信、大埔遠東、觀塘滾餃同蒲公英和牛呢啲好高質。都仲會keep住去試其他餃子﹗今次介紹係 元朗 81 手工餃子，朋友買咗生餃煎嚟食﹗餃子皮夠煙韌，值得一讚餡料真係好好滿，仲好大隻餃子﹗味道雖然冇平時食開咁驚艷，但剩係差唔多拳頭哎大隻餃子同啖啖肉餡已經幾加分﹗不過元朗唔近我就冇咩機會食，如果經過呢間都會吸引我再食﹗1打 $48 - $60 （視乎口味）⭐：大隻爆餡﹗

🇭🇰81手工餃子 ·我哋之前見餃子關注組有人推介呢間 嗰日去元朗嘅時候就專登嚟咗食😎我哋去到嘅時候佢入面其實冇咩人嘅 所以我哋都有啲卻步 不過難得嚟到所以都照入咗去 最後超好味🤤🤤·韭菜/白菜/椰菜/芹菜餃子拼盤$46佢呢個拼盤係有四款餃既 每樣2隻 我地食到超滿足😋佢啲餃子超大粒 而且好飽滿🥟之後佢個湯底都係超清甜嘅 入面有啲粟米 紅蘿蔔 同埋一舊細花膠仔 我哋最後飲晒成碗超滿足🤩🤩佢椰菜嗰個入面有啲雲耳 口感最豐富嘅 而且佢呢個食落好甜 韭菜嗰個就食落多汁啲 而且韭菜味好濃 之後芹菜嗰個都好好食 佢係香得黎唔會澀 幾有驚喜😍而且我覺得佢個餡比例較得好好 啲肉碎都唔會太肥 四款都好好味🤤🤤·紫菜/沙葛 $50/打我地一路食見幾多人黎外賣生餃子 所以我哋又買埋一份😂佢呢個放入冰格可以保存一個禮拜嘅 之後佢個紫菜餃真係超級高質 佢口感好特別 而且紫菜味好出 超有驚喜😍😍之後佢個沙葛食落有啲似馬蹄既 雖然都唔錯 但係我自己覺得佢食落口感冇其他幾款咁好🙊·#rbyeat#rby港式#rby元朗·📍元朗鳳翔路45-67號金馬大廈地下13號舖·

餃子控又出動😋依間位於元朗81手工餃子店外賣同堂食我都試過，幾有水準，雖然餐廳環境比較細，但坐落都唔會好逼，堂食有3張四人枱，有14款湯餃/煎餃子選擇🥟另有多款小食同外賣生餃提供💕1️⃣雙拼 韭菜豬肉餃 芹菜豬肉餃 $38 / 6隻推薦兩款手工餃子外表大大粒，成個湯匙甘大，餃子皮唔厚同好多餡，值得一試👍🏻韭菜豬肉餃餡料幾足，韭菜同豬肉份量平均食落好香韭菜味仲有超多肉汁，唔錯，另一款芹菜豬肉餃食落芹菜爽口有口感，湯底揀左花膠淮山豬骨湯入面有細粒花膠、粟米、淮山同紅蘿蔔飲落幾濃、足料無味精🥰最後成碗飲晒😛2️⃣芫荽豬肉餃 $46 / 6隻依款芫荽豬肉餃食落超多芫荽好足料，有芫荽、沙葛同埋豬肉😋芫荽控必選💯湯餃可另配上海麵或米線 另加$8🍜每枱都有辣醬同辣菜莆提供，辣菜莆唔算好大粒，食落都爽口唔會太辣😊PS: 堂食見到幾多人外賣生餃😋建議大家外賣湯🥟要分湯另加 $1，小編下次去會試埋煎餃🥰

之前想食餃子就出太子果間食原來元朗都有！仲要大隻過太子果間自己住左元朗咁耐都唔知叫左雲耳椰菜餃 加上海麵 花膠湯底同冬蔭公餃 加上海麵 重慶湯底湯底全部無味精 好正 飲哂都得仲有一細粒花膠同粟米仔 以後唔洗出太子啦價錢方面 兩個人預$120抵食

諗住去食牛肉麵，又係食唔到，仲要落勁大雨，唯有是但搵啲嘢食🥲啲辣菜脯好正😙#雜錦拼盤 ($54)😋好味指數：(7/10)粟米冬菇 香菇木耳雞肉 韮菜(本身係沙葛不過我地轉咗)重慶湯底，我諗應該係佢本身嘅花膠淮山煲豬骨嘅湯加辣🤣重慶感覺不是太重🤣....佢地啲餃子好足料好大隻，我地仲加咗麵，勁飽💨#芝士豬肉餃 (8隻 $46)😋好味指數：(7/10)我地呢款就嗌咗煎，有細細碗湯送~一咬有好多汁🤣芝士味就有啲淡🧀不過芝士豬肉加椰菜呢個配搭嘅餃子就不嬲好好味😚

一向都好鍾意食呢間餃子，粒粒都大大隻🤩之前食過好多次煎餃，粒粒都金黃香脆😋今次朝早嚟到就唔想食咁熱氣，所以就食下湯餃啦！叫咗韭菜餃配粟米冬菇豬肉餃雙併😛餃子足足有湯羹咁大隻，而且餃子皮又薄又滑，仲非常有內涵😍😍韭菜餃韭菜同肉嘅比例啱啱好，唔會有好多肥豬肉，非常香口😝粟米冬菇豬肉餃入面有大量粟米🌽食落有冬菇香味😍湯底鮮甜，仲有有花膠紅蘿蔔同粟米，感覺清潤滋補😚超好味！一定要繼續幫襯！！

依間食過唔同口味我只會揀芹菜餃，我本身最愛食白菜餃但依間並不是用白菜而用咗小棠菜扣分，菜又切得大塊水又榨唔乾令到餡好散肉冇咬口，論較子相比憐舖有得餃會比較優勝，但81手功餃唯獨是芹菜餃做得不錯湯又覺得好正好好飲，鍾意湯嘅我都係會揀依間

#81手工餃子 🔻雙拼餃子共8隻$48🔻#香菇木耳雞肉餃 🥠: 諗住呢個味實穩陣，點知難食到食唔落，餃子皮係ok既，個餡冇調過味咁，得香菇烚左既原始味😂（唔係炒香個種），🥶好乾冇汁。#海鮮餃 🥠: 比較少食呢款味都幾期待，只有滿滿既韮黃味，魚柳塊口感好霉🥴，仲有1，2粒好細嘅蝦仔，然後食唔到仲加左啲咩海鮮了。一個唔太喜歡食韮黃的人表示👋🏻。-個#老火湯底 🍲偏淡口，不過佢嘅#韮菜豬肉餃 係ok的！可能咁啱呢2隻味伏🤡

去完元朗行山 當然要搵下附近有咩好食小店🤸🏼‍♀️上網搵到呢間大大隻餃子 即行去試下同出面食到既有咩分別餃子可以揀煎/湯餃🥟同樣都會配一個冇味精既湯（花膠豬骨/重慶酸辣湯）我地一行4人都係要花膠湯）花膠湯個味唔夠濃，似粟米湯多d，但都好味既。每枱都有辣菜浦同辣椒醬👍🏻🥟 餃子//🥢 芝士豬肉煎餃（$42/6隻）餃子大大隻😮入口d汁爆出來係食到有淡淡既芝士味，豬肉加椰菜基本上就冇得輸。煎餃係即煎既，但唔知點解入口唔算話超熱，偏油，食完6隻有d濟，建議同人share。🥢 粟米冬菇豬肉湯餃（$50/8隻）💕推好多粟米粒，好好味，食落多汁👍🏻🥒 小食//手拍青瓜($22)微辣+微酸，幾開胃，有加紅蘿蔔絲同白芝麻，個汁幾好味，可惜面頭嘅青瓜唔多入味，下面浸住嘅就入味整體來講好味既，但係唔會特登入元朗食，因為其他地區都會有類似既餃子店。

呢兩年呢周圍都有好多好多嘅餃子店，基本上大家賣嘅嘢口味都係差唔多㗎啦。有唔同嘅話，大部份只係湯底之別。今日幫襯呢一間餃子店位於喺元朗雞地附近，要喺呢個位生存都真係有啲難度。隔離附近就有元朗最出名嘅台灣羅東肉焿番、潮興清湯腩、合興車仔麵。呢幾間都好好食，有一定水準，不過羅東就唔係咁啱我口味！呢間係名副其實嘅舖頭仔，只可以容納大約6人。廚房係開放式，見到有兩個人喺入面包緊餃子，另外有一個人咩幫手落單之後都入去煮。今日分別叫咗韭菜豬肉湯餃、芹菜豬肉湯餃，及白菜煎豬肉餃。餃子都係一般般大小，當然唔會好似雲吞咁細粒啦。第一口當然試下個湯底，好清淡，食開重口味嘅人一定要加調味料。芹菜餃都足料，好清新！煎白菜豬肉餃，睇個樣都靚嘅，脆卜卜好老實講，當我食完韭菜豬肉湯餃嘅話，我再食白菜餃時，根本就覺得完全冇味嘅。我唔知道係前者味道太濃，定係呢款太清淡？可以肯定嘅係呢間舖頭一啲味精都唔係好重，食完一啲口渴嘅感覺都冇，而且都好屬於自家製，因為感覺上係比較輕口味。

這一間位於元朗的手工水餃店真係好食，他的餃子款式都真係算多，傳統的有︰韮菜豬肉、白菜豬肉、芹菜豬肉；特色少少的有︰雲耳椰菜豬肉、粟米冬菇豬肉、香菇木耳雞肉、沙葛豬肉、京蔥羊肉；至於口味新穎少少的有︰芝士豬肉、紫菜豬肉同埋冬陰功豬肉。我點了韮菜豬肉餃mix雲耳椰菜豬肉餃，粒餃漲卜卜，好多料，而且入口感覺好Fresh好新鮮。兩款餃之中我比較鍾意雲耳椰菜豬肉餃，D雲耳好爽，好味道。另外佢個湯都好正，所以飲晒。

事源午市去食買2人份量嘅外賣，一開始短頭髮呀姐收錢，佢個啲廣東話差過譚仔姐姐，所以我就聽唔到，叫佢講多次，點知就黑晒面咁。前面個個比我買得多就2個態度講到味道就好食又抵食嘅，但真心吾改下態度好難想翻轉頭食。