81手工餃子

Open Now

Now Closed

這家餃子店的餃子款式很多，由於第一次光顧，所以決定試一試最簡單的餃子，選了韭菜豬肉餃和白菜豬肉餃，雙拼不用加錢，真的很開心。另外還點了雲耳椰菜豬肉餃及芹菜豬肉餃，煎的。幸好決定不加麵，因為那些餃子很大粒，雖然放湯六粒，煎的六粒，不過服務員拿來時已經肯定份量太多應該吃不完。四款餃子都材料十足，當中我個人覺得味道最好的是雲耳椰菜豬肉餃，雲耳和椰菜爽爽的，好味道，白菜和韭菜豬肉餃都不錯，至於芹菜豬肉餃，它的芹菜很香，如果喜歡芹菜的朋友會很喜歡。最後想讚他的湯，後來才知道那是花膠湯，怪不得味道很好啦。

朋友知道我鍾意食餃子，因此極力推薦我一定要試呢一間位於元朗的餃子小店。老老實實，呢幾年在元朗都開咗唔少呢D專賣所謂手工餃的小店，我之前都有試過，總覺得唔係唔好食，不過似乎都係無乜驚喜，所以一直無乜動力去試下呢一間，不過今日Lunch Time在元朗，想起未試呢間野，於是決定去試一試佢嘅餃子，結果就如標題一樣，真的喜出望外。呢間小店好好，雙拼竟然唔洗加錢，不過佢有好多款餃，真心選擇困難症，最後點了香菇木耳雞肉餃同埋沙葛豬肉餃各四隻放湯(因為佢個花膠淮山湯底似乎好正)。香菇木耳雞肉餃同埋沙葛豬肉餃之中，我自己比較鍾意後者，沙葛好爽，"shock""shock"聲，但又唔會一味只有沙葛無乜豬肉，我覺得佢D料嘅比例配得唔錯。雖然話鍾意沙葛豬肉餃多D，不過其實個香菇木耳雞肉餃都好味嘅，木耳都爽，同埋都食到有菇嘅香味。至於個湯雖然無我想像中會似燉湯，不過我都真係食到一粒花膠，真係真材實料，碗湯淨飲都抵。另外題外話，之前見D Post話店員無禮貌，我又唔覺，反而覺得D阿姐好Nice添。

😍 大大粒餃子🥟 足餡又多汁🍜 花膠湯底仲要冇味精😀 價錢超值個鋪面唔太起眼，都衝動去幫襯。但成日行過見到門口都好多人排緊隊、等外賣，就好8想試吓 🤓 舖頭專注賣餃子同埋花膠湯底。 每份餃子又多（有成6粒）又大粒到次次都食唔晒，仲可以攞返屋企做宵夜 😆自己睇相。至於煎餃，佢哋好有心機煎曬3面，包保香脆。食個你就知道出邊淨係煎兩面嘅餃子係冇咁趣咁好食仲有好鍾意飲佢個花膠湯底，冇味精，正。😍 big portion 🥟Juicy & tasty dumplings that you can’t miss! 🍜 soup base with no msg 😀great value for money Properly the best dumplings i ever had in hk so far 🥰 Love their pan-fried lamb dumplings (Chinese: 煎羊肉餃）, it is not popular stuffing in any average dumpling restaurants, so if you get a chance to vi

完全冇服務，居然叫外賣係冇湯送話堂食先有得送，係外送速遞都有湯送價錢仲要一樣，咁點解我仲要企喺度等　點解我仲要企喺度等呢。d煎餃又燶，又唔好食嘥我時間，條街又熱。服務態度又差

我食左3次，第一次粉紅內餡又冰冷，唔熟，重煎；嬸嬸態度已經好差；話係咁架😔即係我問題：（第二次，俾個機會幫襯小店，然後寫錯曬單， 1+2變左1+5， 然後收左貴價，然後一碗煎一碗上湯，變左兩碗上湯，都照食，但係已經講到好清楚😢第三次，男朋友想食，又去買外賣，買24隻外賣，16隻煎， 8隻上湯，今次算係滿意唔洗堂食受氣，但係餃子內餡有發泡膠粒，好明顯洗菜洗唔乾淨🤢🤢🤢🤮歡迎問我拎返啲相🥺環境唔係好衛生，見啲員工食野用手放入口，又拉低口罩講野又唔洗手，又食野，整體唔衛生，跟住包外賣🤮

雖然地方淺窄 同埋有少許蚊滋仔 不過食物好食就冇所謂 小菜-辣菜脯我次次都加碼 餃子係湯定係煎都好正🤤 湯我就鍾意白菜豬肉同椰菜雲耳 好甜！肉就梗係煎啦 芝士豬肉同紫菜係好正！ 🤤🤤個湯夠大碗 好有住家feel 佢話冇味精添加 一開始我唔信架 但係飲完之後我信啦 個口冇乾既感覺個湯又真係幾足料 有粟米、蘿蔔 聽啲姐姐講話係用淮山煲 有陣時仲會撈到花膠！真係非常之驚喜！🤩 佢已經不知不覺間做咗我喺元朗區最鍾意食最經常食嘅一間店👍🏻

今日去呢間餃子店，見差唔多坐滿客，舖面只有一個男人，我就自己拎隻碟仔去匹菜脯，點知個男人（我估佢係老細）話我當呢度係自己屋企咁，又話我匹咁多.... 唉！啲菜脯值幾錢？你擺得出嚟就預左人匹嚟食，有乜理由黑口黑面俾說話啲客聽🤬🤬咁嘅服務態度，以後永不幫襯！

元朗有好多嘢食、常常為我帶來驚喜、今次介紹的這個餃子店吃了好幾次、每次也會吃羊肉煎餃、我們喜歡吃羊的人、羊肉一定要夠「騷」如果怕「騷」那你就不喜歡吃羊了、這裏的羊肉餃有「騒」味、而且煎得很香、很均勻、皮很有彈性咬口、另外配一碗冇味精靚湯！很滿足的一個晚餐。媽媽就吃了湯餃、她説餡料夠新鮮好食、吃了又不太濟、而且餃子的用料多🈵️🈵️的、浸於冇味精的靚湯之中、好吃！另外你可以買生的餃子回家自己煮、價錢也是不是很貴、我覺得店主他們很有心機而且對客人亦十分有善、絕對唔會再幫襯！

So far食過咁多間餃子呢講 餃子屋一定係第一 但係食唔到果陣都可以食住呢間頂住先🤤佢啲size同餡係可以媲美餃子屋😤-雙併白菜豬肉餃/椰菜豬肉餃 6隻$34睇相都見到好大隻 爆餡既菜爽豬肉淋🥳湯底都夠濃同鮮甜既 不過飲得出佢有落味精辣菜蒲惹味😎😎

星期日嘅晚上 朋友介紹下 嚟左呢間餃子店  店內裝潢普遍 只有3張枱 (2張4人枱同一張較長小小嘅枱,大概可以坐8個人左右)嚟到見到有12款唔同餡料嘅餃 但比較想試嘅都係芹菜豬肉餃 $32/6隻 本身想試煎餃 但店員話今日太多單 煎餃需要額外等多3-4個字 所以都係叫番湯餃 湯底超好食 好似係籮白栗米湯 , 飲落去覺得都好似屋企煲嘅味道 感覺好健康, 至於主角餃子 十分足料 夠大隻 所以叫左6隻都夠飽 因為餐廳位置較小位置 大多都係一食完就會離座 但係呢間餃子應該係近期食過嘅餃子最好食嘅一間 

元朗呢排開咗好多餃子店餃子一向都係我鍾意嘅食物今次呢間店舖雖然細細但入面已經坐咗好多人主要有分六隻八隻嘅餃子可以煎或者湯 仲可以雙拼 我同朋友分別叫咗以下四隻味道:冬蔭功芝士豬肉芹菜豬肉韭菜豬肉味舖頭仲會提供菜甫湯底可以揀唔辣嘅花膠豬骨湯底或者辣嘅重慶湯底 我地要左豬骨湯 好有粟米甜味 正煎餃皮夠曬脆配豆瓣醬同醋真係一流 入面嘅餡料亦都非常新鮮韭菜味芹菜味好香而冬蔭功餃係意料外好味 芝士豬肉其實都唔錯 不過芝士味略嫌唔夠出 整體餃子大得黎皮又唔會好厚 抵食又好味

店内餃子好多款選擇, 可以併款落單,而且好好食, 最鐘意芹菜餃！！！！個花膠老火湯正, 飲清光呀~真.無味精仲有個辣菜莆都好味道！！！！舖頭細細, 店面乾淨企理, 坐得舒服.

叫了外賣，加了一蚊分湯，十多分鐘左右有得攞，回家先試了一口湯，感覺應該沒有加味精，而湯的濃郁度剛好，正中豬骨湯底味，而且有甜味，應該加了不少紅蘿蔔和粟米，味道十分不錯，跟家裡自家煲湯味道相若。餃子皮不會“粉糊“，都算薄，亦夠大隻，內裡的白菜豬肉雖然不是即叫即包咁鮮，但都無雪味，整體我會給中上。這家店容許雙拼，收番貴d既餃子價，食客可以一次試兩種味，所以我都拼左韭菜豬肉餃子，兩種都不錯。整體的食的感覺有別於一般餃子店只有普通湯底，因為餃子加了豬骨湯一齊食的話，不容易會食幾舊就開始覺得滯。下一次應該會試試酸辣湯底，看看會否有驚喜。

突然心血來潮想食餃子，係OpenRice睇到新開嘅餃子店就去食下。有好多款唔同嘅餃子，我哋揀咗6隻餃雙拼，叫咗冬陰公同埋沙葛餃，再另加個上海麵。有老火湯做湯底真心正，好甜。每隻餃都好大隻，好足料。水餃皮係好有咬口果種，厚身嘅。沙葛餃冇得輸，好食呀，好爽口。不過，我對冬陰公餃就有少少失望，味道有啲怪。因為每一隻餃都好大隻，女仔食6隻都其實夠飽，加多個上海麵，我覺得有啲多。不過，佢嘅上海麵都好食嘅。涼拌手拍青瓜個醬汁好開胃，少少麻辣，又有少少花生醬味，鹹鹹甜甜的。

呢間餃子🥟店開左唔算好耐，但我已經試過幾次，係高質既餃子😻今次試雲耳椰菜豬肉餃，雲耳椰菜好夾，爽口有咬口。餃子超大隻！女仔食6隻已經好飽，都只係33蚊👍🏻👍🏻👍🏻