讚記廚房 (Closed)

我开工开六点五点24分入去叫左個炒飯四個字都未炒到比我最後景然話唔好吹師傅啱啱食飽飯啱啱先埋位又唔七早講最後四十五分先出到比我我錢就照比經理同我講話你一係攞走攞返去公司食兩淡都好緊住我話唔洗呢碟飯留比你以後都唔去讚記食好心唔夠人就比高啲人工請人諗起就嬲

下午茶餐牌混亂食物極有問題Order 左個厚多士紅豆冰太甜 飲完飲水都唔得個多士寫明可以跟奶、糖跟住又話要收錢最後都無比奶我完全唔好食 又乾又唔得都癡線間野唔好幫襯啦銅鑼灣甘多好野食

14:42分落單，15:05先攞到個外賣自取，其實都已經唔係你送，我直接攞走，但求lunch返公司食坐得舒舒服服，門口亞姐仲要勁串「你個外賣未有喎，有就會攞出嚟俾你」到我第二行入去嘅時候問有未嘅時候，如果未有就退返錢，我真係唔夠時間食，佢先走去幫我追下個外賣，其實打工仔食茶餐廳都係求快靚正，唔使你好好態度，不過等得耐麻煩你幫手追一追都唔係過分啦，如果咁多單又做唔切，我叫外賣嘅時候咪講聲，等個客自己考慮等唔等，唔好等個客等完一輪先講話多單，我嚟食野，唔知你點運作，我淨係知我食完已經夠晒鐘，脷呻我係隔離條街返工架咋

叫咗個外賣，1個鍾鐘都未送到，人手唔足夠，又要不停落單，你做唔到外賣，咪出聲，我可以叫其他，等咗你1個鍾 ，最後我都係要落街買，本身肚餓先叫外賣，但要人等1個鐘，最後重要無得食，再落街買，真心想去你地鋪頭，問下你班貴富，到底要唔要咩叫外賣呀～

要嚮銅鑼灣吃下午茶搵食, 睇下餐廳啲食評, 呢間啲食評幾正面, 下午茶時間款式都好多點咗鰻魚雞粒炒飯, 幾分鐘就有啦, 份量適中, 味道ok, 個人食得清淡啲就覺得佢濃味咗少少餐廳環境ok, 寸金尺土, 都係要搭枱啦咖啡亦係我鍾意飲嗰隻, 好憎有啲茶餐廳嗰啲咖啡又苦又澀, 呢個奶啡適中淨係幾好, 滿意, 可以keep住幫襯👍

叫左個lunch炸豬扒飯，跟餐飲同一碗湯塊豬扒勁大塊，炸皮唔厚粉香脆，份量勁抵食出餐又快有機會會再encore是日lunch唔使排隊但係9成滿座友人叫個份都唔錯

今晚是中秋節的前夕，想到銅鑼灣打花燈咭，打咭之前先醫肚。逛了一陣，都沒有頭隨今晚想吃什麼，最後經過這茶記，想叫餸吃中餐，於是決定到這茶記吃晚餐。到達茶記門口是晚上6.10, 可能時間尚早我們是第一枱客人。茶記的裝修簡潔，牆上掛了黑白淡奶的咖啡杯和碟的木架作裝飾，另一幅牆有一幅拉鍊天空牆畫，很別緻，食店的左右兩邊是卡位而中間部份是長枱配梳化椅，每枱都用膠板相隔，非常安全。看一看睌餐住家小菜套餐，價錢由$70~$128，奉送例湯、白飯和飲品。今晚點選了下列菜餚：先送上例湯椰子排骨湯，湯是沒有加味精的而且是重椰子和排骨味，應該是煲了幾小時的老火湯，要讚一讚例湯都用足料和用心去煑。鐵板黑椒牛仔骨($128): 牛仔骨的口感嫩淋，牛仔骨的黑椒醬汁味道濃非常入味，餸白飯一流。枝竹斑腩豆腐煲($88): 斑腩作得香脆不油膩，醬汁味濃但不會過咸，配菜的枝竹、東菇吸收了醬汁很入味，加少少醬汁伴飯更美。凍檸茶、凍奶茶(每杯加3):茶味濃，檸檬味道清香，茶的甜味適中。很欣賞這食店無論用的食材和制作都一流和用心，我會經常來光顧。吃飽後就到維園賞花燈和打咭。

銅鑼灣晚餐，叫了兩道小菜👉🏻西檸雞$88同餐牌展示的一模一樣，大碟！雞皮夾脆，肉質嫩滑，一d都唔粉！酸酸的味道很開胃！非常好味！👉🏻枝竹斑腩豆腐煲$78係龍脷柳，啖啖肉，枝竹同豆腐都非常入味，一上菜已經好吸引！所有套餐奉送例湯白飯及即磨咖啡或茶，今晚係花生眉豆豬骨湯，非常足料！可能因為我地夜晚8點幾去，加上又係平日時間，所以唔算多人，有得坐卡位，好寬敞！有一點大家要留意番，呢間店只收現金only！

在銅鑼灣悶悶地 諗住搵啲嘢食下 但是最近經濟不景氣諗住40蚊喺銅鑼灣又可以食飽又好食真係好困難行過海傍見到有一間讚記廚房 居然39蚊有豬扒飯連埋凍飲 睇落真係好似幾抵所以一入到去就即刻order咗豬扒飯而且加底仲唔需要加錢估唔到下午茶都可以加底因為有一啲茶餐廳會講明下午茶係冇加底如果唔係就叫午餐先可以加底佢哋呢度嘅豬扒唔會好似坊間咁樣用好多鬆肉粉去拿到佢冇曬肉味 而且佢嘅薑蔥油雞翼做得非常香口配上啱啱先好嘅太陽蛋蛋汁加上豬扒再加蔥油簡直係配合得天衣無縫最後加多個凍檸檬茶就正啦 不過最大敗筆係當我去洗手間嘅時候廚師居然去完 去完廁所冇洗手令我馬上質疑佢呢間店舖嘅廚師衛生準則

呢日趕住去銅鑼灣睇戲, 就係附近搵間餐廳食個快飯。啱啱過左早餐時段, 但又唔想食飯, 食特餐就一定係最好既選擇。特餐B – 煙鴨胸龍蝦汁意粉 + 火腿絲炒蛋 + 牛角包 ($50 , 配熱飲)鴨胸唔錯, 可惜龍蝦汁有點太咸, 但好大碗, 意粉唔會過淋, 絕對係飽肚之選。炒蛋好滑, 牛角包又熱又脆, 唔錯。特餐A – 沙嗲牛肉出前一丁 + 火腿絲炒蛋 + 牛角包($50 , 配熱飲)沙嗲牛肉睇落好深色, 肉質嫩滑, 而且味道濃郁, 唔錯。係銅鑼灣區黎講, 呢個價錢可以有咁好質素, 大件夾抵食, 真心推介。

呢間茶記位於銅鑼灣內街，所以唔算太多人，價錢合理。 芝士煙肉熱狗，配薯條同凍檸茶呢個熱狗係新出架！平時得普通熱狗。熱狗入面有腸仔、蕃茄、煙肉、芝士、菜，煙肉好足料，啖啖都有。上面白色嗰啲醬應該係芝士，但食嗰陣以為係沙律醬，其實唔似芝士。但係整體黎講好足料，好滿足，好食。薯條冇平時嗰啲咁粗身，但係都好香脆可口，仲要有啲黑椒喺上面，好正。凍檸茶一般，個人建議可以試下佢嘅凍奶茶，好有茶味，茶同奶嘅比例都唔錯！

#breakfastforlunch, #cheapeat, #causewaybay, #茶餐廳the title say it all, they constant clean the place before and after you eat. take no casualties on all the hygienic requirement, making sure you clean your hands, check your temperature, and when the waiters are not serving, they are cleaning tables menu and everything. even before the pandemic, I loved to come to this place for a cheap eat... definitely more often i come here even more because of the hygiene.love this place...

今日喺銅鑼灣行街突然好想食瑞士雞翼😳😳但係瑞士雞翼唔係間間茶餐廳都做一般可能冰室先至會有🧐🧐點知比我見到呢間餐廳有即刻衝左入去食🐥🐥🐥👾豉油王雞全翼撈出前一丁 $45✨茶餐來講，去到$45真係有啲貴 🤨但係佢撈嘅係出前一丁‼️而且佢係有兩隻雞全翼😍一丁唔會太冧，完全時間啱啱好👌用瑞士汁撈呢個麵，絕對均勻🥳至於雞翼，一望啲色水就知靚😍入味又唔會煮到冇口感😚唯獨係西蘭花仲係好生陣味好青😅😅

今日約左朋友係銅鑼灣，諗住搵個位近巴士站 食個午餐食完就走。見到讚記就試下，首先幫下環境都幾好，可以舒舒服服同朋友休息下。午餐想食西多士就食左佢個藍帶西多士，等左都5算幾耐 大約4分鐘左右。食物黎講就 不過不失一般西多士價錢5會有咩特別之處。推薦指數 6.8/10分

今日放假都要番工，又唔想出街食飯，叫個外賣又快又安全，唔想食太肥厭，叫左個蒸肉餅，講講個餐先，例湯幾出各色，好足料，幾多豬骨同蠔豉，唔似味精湯，值得一讚，之後杯野飲都幾大杯，最後得飯，肉餅幾厚身，唔差，50蚊黎講，其實叫抵食，送上門又快