阿茶茶。館 (Closed)

西鐵朗屏站走過來，原來就在嘉城廣場附近。回程坐了輕鐵直接到西鐵站，交通很方便呢。來這裡前看過open rice的食評，大家都說殼飼牛好吃，當然要來一試。牛扒、肉眼扒吃得多，全天候365天殼飼牛真的是第一次。餐牌的第一頁就是殼飼牛了，二話不說就點了($218)。肉眼扒一上桌，份量大得即時拍下。足足10安士，厚度高、肉質嫩、牛味重。沒有不好吃的地方。一整塊被我吃光。紫薯作配菜有特色，軟滑，容易入口。甜甜的紫薯蓉正好中和一下充滿牛油香的口腔。羊架亦毫不遜色。遠遠而來，香味撲鼻。三隻羊架肉量不少，配菜同樣用了紫薯，還有少少的荀，爽甜。羊架肉質軟，容易切入。炸蒜鋪在羊肉上方，香脆而不失羊的味道。吃下細嫩的羊肉，羊脂融於口中，飽滿。羊架的骨邊位也不能放過，最香的位置在這裡呢。烤過後的焦香，沾滿香草的位置當然要吃得乾乾淨淨。不可缺少的甜品來了。Crispy banana pancake! 不要低估這個甜品，滋味十足。即點即煮好考功夫呢。又薄又脆的薄餅，放涼了便變軟，要即時吃! 香蕉切片伴著pancake邊，酸酸甜甜的果醬、香蕉肉、薄餅三合一，一口吃下去，大滿足，差點想多點一份呢。可是主菜份量真的不少

元朗美食往往你唔去發掘下就永遠唔知呢條街有邊咩野，呢個小巷又有咩餐廳!平時行起嘉城商場附近，就只知道個邊有打冷、有安娜餐廳、SUGAR MAMA咁，今次起安娜餐廳行入去向左轉或者大洋市場旁，竟然發現左一個隱蔽的CAFE & BISTRO! 梗係為食主義者，當然要試試啦!招牌都有幾有特色，再加上調飲品既位係有門窗望到入去，都幾開放式!門口外的酒桶與MENU黑板!另，詳細的餐牌! 呢個去襯CAFE都發現好興用記事板夾起餐牌俾客人睇!內裡的裝潢簡單又乾淨又企理!我大約2點左右到，避開左繁忙的午餐時間，店內既人流都唔會太滿，可以好享受品嘗。好彩，餐廳到左2點都仲有午餐叫，即係就左望望右望望!好啦!最後既決定!首先，黎左個餐湯先! 其實自己好怕飲羅宋湯，所以見到個陣都有點勉強! 抱著咩都要試的精神，飲左落去發現原來係蕃茄湯黎! 仲有，係蕃茄味好濃郁，唔會太酸味，有點甜味的!證明都用唔靚的蕃茄煮出黎!讚呀!再配埋個有脆脆的外皮並帶有坑紋的麵包，簡直一流! 本身服務員俾左個醋同橄欖油俾我，不過始終及不上麵包點蕃茄湯的味道! 檸檬香草茶好有英國HIGH TEA既感覺! 所以即場科普左個茶包既INFO!

沿朗屏西鐵站走過來十分鐘左右，位於元朗市中心，很旺呢。小小的餐廳容納30至40人左右，要來吃就要預先訂座啊。餐廳空間雖小，但小小的佈置及點綴，仍能讓客人坐得舒適。長長的餅乾伴上忌廉吃，前菜來得不錯。點了2杯凍檸茶，用小樽放糖漿，份量自由調配。365天殼飼牛是這裡的主打菜，不得不吃啊。殼飼牛肉眼扒($218)。10安士，份量大大的，食得又睇得。殼飼牛跟一般牛的分別，就是殼飼牛肉質較嫩，味道較鮮。從橫斷面切入，滲出肉汁，juicy的肉汁流出，咬進去絲毫不韌。羊架亦很不錯。羊味混入香草，香草依附著炸蒜牢牢的黏著羊身，使香草烤焗至不分離。焗過的香草帶點焦燶，吃下去更有香脆的感覺。羊的羶味不過份，剛好突出羊的特點而不過度令人反感。羊架一共3件，配菜用了紫薯，甜甜的像薯蓉，一口口吃，新鮮軟滑。甜品來了- 香蕉香脆班戟。薄身的皮烤至金黃，即時吃又熱又脆卜卜。香蕉切片，伴上果醬及香蕉果肉，香甜。整個pancake比我的手掌還要大呢！

始發現呢間元朗區內最佳牛扒之後，每次想食牛都會去阿茶茶～呢到d酒種類好多 幾抵飲我今晚就係想呢塊10安士肉眼😍呢杯麵包條送既～ 每檯都有，幾香口，脆卜卜！餐湯濃濃的，好香滑，配埋店員親自奉上既暖暖麵包，即刻覺得加十幾廿蚊有餐好抵食！頭盤另外仲叫左份鵝肝，大大份，外皮煎得好香，生煎的，入口充滿著鵝肝既油香味，算是高質的煎鵝肝，醬汁調得剛好，不會蓋過鵝肝香味，只吊味而不搶味，佳品！主菜： 叫左5成熟，血水不至於流出但仍能保持生生地既口感，煎牛扒火喉控制得好！而牛味亦相當濃郁，近乎有點牛so味，實在食得我Lam Lam 脷！ 而配菜紫薯亦十分出色，紫薯甜味高，相比一般配菜如薯泥等特別！食到成隻碟清晒！是晚4 人晚餐，十分滿足，每人只需二百元，難怪人頭湧湧！ 希望一直能保持水準！

心血來潮就去試下2個女仔叫左3個set食煙肉火腿法式薄餅：面好脆，底好淋，幾好食炸魚薯條：好好食鮮茄什菌意粉：好濃茄味，仲有茄碎係面，睇落好似小份量，個人認為標準蘋果錫蘭茶：麻麻，不過係free煎green tea:加錢，好飲焙茶：加錢，好飲Green tea and 焙茶會放漏斗係枱，焗茶3分鐘，職員會再來起茶葉會再來

亞查查已是元朗西餐廳名店捐燶捐隙open rice推介之一朋友之前亦極力推薦殼飼牛365天美國牛排2方面是得人歡心的首先是1 格調餐廳在一角落路口站崗兩邊都是元朗食店十字路口令人想起三义口格調要培養得回來這裡很歐洲雖然殼飼牛是美國牛但美國佬卻不太有文化牛是好但居也要種竹最好有美國的肉又有歐陸的風味2 面包條 隨餐送上3條面棒 酸忌廉醬 隨手拈來吃 那料吃到停不了一直吃真失儀非常好吃的面棍，了不起。問起侍應生，原來專門委託一廠造成佩服成功非僥倖，信矣！既有友人推薦叫一個10安rib eye殼飼牛排十分足秤全塊只加入紫薯，少少綠色菜一刀切開很軟綿吃了較焦處跟著放黑胡椒完全出來好吃的牛排黑胡椒粉是個人口味蠻富信心我做得對分牛排太大吃吃下，難免會膩，他們的黑胡椒又是精彩新鮮放一定量牛肉就少了油膩結合面包棒 90分格調 88鮮忌廉 86牛排 87分元朗一行總算值得。

上回提及老公要去工幹，臨走前同佢去食左餐壽司，今晚我背住佢偷食～～～講緊既係呢份和牛鵝肝漢堡～～講真，我幾高要求既～ 不過呢間好想比個好評佢！上餐湯時竟係店員親自夾麵包放係旁邊，幾難得！而麵包軟熟，暖既！食落感覺十分良好～相比起連鎖店，這些微小動作便是我喜愛食小店的原因～呀～唔記得講，今日偷食地點在元朗，嘿嘿，偷食都要在屋企附近～抵打～～主菜上檯時，心諗：嘩！塊和牛好平架？咁大份既！好厚啵大佬，點食？用手定刀叉好？？最後都係決定用刀叉！太足料喇，咁厚，我咀大都唔係咁用掛～～～～～學下d食家，close up 下～～鵝肝可能係為左視覺效果，放左係面，不知從何入手......粗薯條，即炸，好新鮮！萬惡的熱氣薯條～～跟餐加$20，抵飲～～～ 好強既薑味！蜂蜜加了熱茶亦唔會變酸～好解渴！另茶具亦十分精美！總結：和牛好juicy! 意想不到既係小店都做出這種水準！粗略估計塊和牛有6cm厚！絕對不是cheap野！咬落去時整到成手都係牛肉汁，呢種污穢感好正，啖啖肉！洋蔥好甜，痴住d cheese 一齊食好好味！下次去訂定位穩陣d,因為店都幾細，都幾多人訂定位！

7點左右到達,人唔多所以唔洗等就入得個包微溫,個湯好RICH,好飲!有餅乾條送,點D SAUCE更好味, 貼心!三文魚沙津,但我地不喜個羊奶芝士,所以要挑走哂佢。雞胸好厚,但因為太厚,所以唔多入味。配紫薯都幾特別,不過其實真係食緊蕃薯咁,如果有蕃薯薯條咁就好啦。個BURGER大大個,係幾好食既,薯條炸得唔錯。如果有D特別既SAUCE就更加吸引啦。餐飲係LATTE,正常。

星期六放假入咗元朗探朋友，她帶我去這間「Achacha Cafe」食Lunch，這間餐廳好英倫風，座位不算太多，但在這裡食lunch抖吓傾吓計，都是不錯的休閒好去處。餐廳既環境舒適，餐具也整潔。我叫咗個Lunch Set「美國黑安格斯漢堡薯條」唔好睇佢好似細細個咁，佢塊漢堡都幾厚㗎，不過一定要趁熱食!肉汁會Juicy d!配菜薯條也不錯，新鮮整出來熱辣辣，薯條粗身有口感，更有飽肚感。Lunch set配有餐湯(蕃茄餐湯）和多士大熱天時，食主菜之前飲碗開胃既蕃茄湯先，酸甜適中，好開胃。Regular Coffee 去Cafe食晏，緊係唔少得叫返杯香濃咖啡啦！餐飲加$3，熱噴噴好香醇濃郁。我覺得最特別是這間餐廳既咖啡糖！用個樽裝住黃糖和白糖供客人選擇，十分精美。

去咗間有情調嘅西餐廳，但心情麻麻不想吃肉，聽店員説可試法式Pizza喺邊一區比較特別嘅菜式，所以點來試試。頭盤餐湯喝了一口覺得好味呀，問問店員這是什麼湯他說番茄湯，點解可以做到番茄湯咁濃、又酸酸甜甜，真的開胃呀。配溫溫的、軟綿綿的麵包真係好吃。等我介紹下薄餅餐可以揀一款咸和一款甜的薄餅。先來行嘅薄餅就是煙三文魚菠菜薄餅。賣相很靚、很特別, 已經引起我有了食慾。薄餅是好薄脆脆的再配上煙三文魚和菠菜感覺真係好新鮮嘅配搭。薄餅中間有車打芝士仲有啲菠菜又好好味，可能加左啲海鹽簡直係色香味俱全。跟住甜嘅薄餅來啦（蜜糖香蕉薄餅）。食完咸，再食甜兩種口味嘅風格真係唔錯。餐飲㸃左榛子牛奶，再叫多個甜品焦糖燉蛋。榛子牛奶又香又好飲焦糖燉蛋啲味好濃郁簡直一流，超有水準。

第一次大膽嘗試新嘢，因為朋友仔生日想係元朗食搵左好耐有咩好選擇，決定去阿茶茶，環境雖然唔大都好舒服，食物等待時間唔長，員工服務都好好，想食多d食物但得3條女肚皮有限，哈哈

今日約咗兩位好友喺元朗摸下杯底食個飯, 從籃球場走啱啱經過一條小巷,巷尾見到一間優雅的酒吧餐廳,就入去試試。叫左大大塊美國肉眼牛扒 ，五成熟，廚師手勢好好出色，嚟嘅牛扒真係啱啱好五成熟。配上佢特製嘅牛肉汁，好濃好香連肥肉都煎到又香口又唔會韌。再叫左保雲蘇焗紐西蘭羊架，羊架熟度啱啱好五成熟， 羊架蘇味十足，肉質嫩口，連脂肪都入口即溶，值得推介。店內有超多款手工啤酒，三位朋友試左一人一支，香蕉味啤酒係好甜嘅香蕉味，有極淡嘅啤酒味。Gusswerk Horny betty係有好有強烈男人味嘅黑啤 (strong and power)Pauwel kwak既啤酒味好濃，但係味道好純，容易入口。

呢間西餐廳聽聞頂級牛扒好出名，於是相約好友前來，點叫牛扒六成熟肉質幼嫩，原來３６５全天然穀飼，配上紫薯作薯菜味道一流，純天然配料煎靚牛扒而且價錢便宜，餐單配蕃茄湯和軟包，蕃茄湯鮮甜，口感帶點番茄肉，意式軟包熱烘烘相當特式朋友也同樣點叫羊扒味道不太穌，七成熟恰到好處，剛好肉質配薄荷膏味道非常可口，同樣有紫薯配菜，健康配答之選甜品別具特式，蜜糖香蕉薄餅香脆的薄餅配上香蕉熱烘烘香噴噴，內熱外脆的口感，蜜糖味道清甜一試難忘

每次經過這轉角小店,總覺得像"遺世獨立的佳人",安靜地立於街角也散發莫名的吸引力讓你光顧。難得放假的下午一於讓自己食好D,所以終止踏入去嘆個LUNCH先。入到去播著輕鬆的音樂,令整間店子充滿了悠閒的感覺,十分舒服,牆壁上畫有塗鴉,裝潢唔錯，有大塊玻璃窗,所以好光潔。LUNCH SET 有不同款以供選擇,想食雞胸肉,但又被慢煮蛋吸引,15,16之下,終於簡左Spaghetti,64degree Slow Cooked Egg,Bacon & Raclettle跟餐是蕃茄湯同自家制的面包,蕃茄湯酸溜溜得令人很開胃,而面包外層少少脆,內層就鬆軟,好有特別的面包香,而且都幾大個凍檸茶,用鍚蘭紅茶沖調,茶味香濃略帶苦澀,最欣賞店子送上糖水而不是就咁落糖,細心度值得加分。最後,到主角Spaghetti,64degree Slow Cooked Egg,Bacon & Raclettle出場了,隻蛋嫩得仲會震藤藤,輕輕劃開,晶瑩的蛋黃流入Spaghetti中,仲有煙肉作為配料。Spaghetti軟硬度控制得剛剛好,蛋黃加上芝士的,絕對是我食過意粉以來最最最好味的醬汁~~不但香滑濃郁,而且又唔會令人覺

位於元朗附近的阿茶茶。館 Achacha Cafe & Bistro ，是我很久前吃過的餐廳。第一次去過後，紫薯溶令我念念不忘，今次來很想又吃。午餐包括湯，餐包，主菜。湯是蕃茄湯，可惜極酸用上真蕃茄，帶有蕃茄籽，飲後好像補充了很多茄紅素。餐包如無記錯，是餐廳自家製的包身鬆軟，帶有白面方的香氣令我驚喜的是，可沾上自家製的欖油和醋，醋酸剛好頗好吃。蜜糖芝士焗雞胸$64不貴的雞胸，份量較適合女孩進食。雞胸上佈上一塊小芝士，雖芝味不太濃但雞胸調味不錯，加上可自行配上蜜糖醬，更好吃。令我想又光顧的紫薯依然好吃，甜度足，紫得吸引，若份量多點更好。