阿茶茶。館 (Closed)

一向都知元朗又新街好多美食, 但隔多2-3條街既教育路都有好西食.今次友人帶路去左間酒吧餐廳, 餐廳雖然要行入少少, 但在轉角位也顯眼易找.門外有個啤酒位, 也有高身位座, outdoor飲酒也很有氣氛.店內裝潢也有特色畫上裝備的圖畫, 吊燈營造微暗有情調既燈光, 加上一半牆身都換上落地玻璃, 自然透光又增加空間感. 半開放水吧位, 廚房即設在店內的另一邊, 不混亂而有效率地方便上菜.餐湯是蕃茄湯, 還有烘暖的鬆軟麵包. 蕃茄湯不是濃調的, 反而是溫暖開胃的清湯, 清淡蕃茄味偏酸. 麵包外層輕輕烘香, 保持麵包鬆軟度, 而且不會好乾身, 好喜歡呢個包.煙三文魚羊奶芝士沙律 ($52), 4大片煙三文魚, 肥美鹹鮮, 質感柔嫩. 羊奶芝士幾濃味, 份量再多點更好. 沙律業新鮮爽脆. 最值得一讚的是這裡用油醋汁, 較為健康清爽, 而且還可以自己調配油醋汁份量, 更合自己口味.脆餅干, 酸忌廉, 餐前小食每枱都附送, 脆卜卜既餅干沾上酸忌廉. 簡單食材又輕盈又美味.黑松露雜菌意粉 ($98)(套餐+$30), 上枱時見份量比較少, 但原來碟中間有深度, 食完剛剛好. 伴勻意粉時飄出陣陣黑松露

元朗區匯聚了很多各式各樣的餐廳！縱使對我來說是路程遙遠，但是每月我總會到訪一次。住元朗的朋友之前告訴我阿茶茶館是一間性價比高的西餐廳。今天晚上可以有機會試一試...餐廳面積不大，設有落地玻璃可以看看街上的人與事。餐牌上有很多主食如美國穀類飼肉眼牛排、牛膈肌扒、牛腹側扒、漢堡包、意粉、全日早餐、沙律薯條可以選擇。飲品亦有英國茶、日本茶、朱古力、咖啡、手工啤酒！蕃茄餐湯加餐包 - 湯很酸，蕃茄味亦偏淡。餐包兩側微微烘過，食落不乾身之餘還很鬆軟！煙三文魚羊奶芝士沙律 - 份量很多！落了黑醋及橄欖油的情況下，沙律菜食得開胃，而且菜質很鮮之餘色澤翠綠沒有發黑發爛！煙三文魚頗肥美。羊奶雖則份量不算多，不過我很喜歡其味道夠羶～(上)非洲的秋天 - 意即紅莓+橙的茶包～店舖提供沙漏，沙粒倒滿後代表茶葉焗好！味道適中，帶有微香的果味，飲完確實可以減輕滯的感覺！(下)蜂蜜生薑特上焙茶 - 起初飲時茶味不算香濃，不過加了蜂蜜及薑後，茶味提升不少，夠醒神之餘還帶有微微的香甜味！黑松露雜菌意粉 - 黑松露彌漫著十足的香味，雜菌份量多之餘食落亦爽口！意粉索汁度高，啖啖都很creamy！Prime牛膈肌扒(三成熟)

今晚預祝父親節！我都知太早架喇，不過早好過遲呀嗎～難得一家人一齊食飯，其實慶祝乜嘢都無所謂啦！我今日嘅晚餐係平時出邊好少食到嘅美國牛膈肌扒呢度標榜佢嘅牛係全天然用谷飼養牛所以牛嘅肉質應該係較厚實同埋更加有牛味一咬之下，這個位置的肉味真的十分濃郁～兼且十分嫩滑！膈肌部位味道果然比肉眼更濃郁有彈性牛排的烹调方法亦煮得剛剛好，五成熟Fit晒下次我覺得可以試吓三成！配菜可以選擇紫薯蓉或者薯條一聽到紫色嘅薯蓉咁特別，我就揀咗啦～估唔到配菜都可以咁靚！影出嚟好似一球雪糕～食落甜甜地，番薯味好濃，好特別呢度嘅嘢飲好多選擇我就揀咗韓國嘅蜂蜜紅棗聽落好養生飲落亦都係好好味紅棗份量亦都好多，約佔左杯嘅五分一飯後當然要食甜品跟餐只不過加＄22就可以有法式焦糖燉蛋當然要一試啦燉蛋質地好滑，幾好味原來元朗真係有好多好嘢食架

係元朗有咁多食店 比呢間既外面吸引住 好似好舒服好靚既餐廳 佢既擺設都好靚 感覺好舒服 好relax 佢既野食都好多種類 本身跟既例湯係番茄湯 酸酸甜甜咁好開胃 都好濃好結身 落足料 佢配既餐包好好食 好彈牙 係好好口感 好香既麵味 仲外脆內軟 好正我就簡左鴨脾配紫薯 覺得好特別 好小地有得食 佢既鴨脾好香好滑 d肉係好林 一切d肉已經離開d骨 唔痴肉 同埋佢既紫薯係好香 好林 好特別

係元朗好多餐廳既選擇 不過呢間望落去好舒服 入到去地方都好精緻 佢既menu既選擇都好唔同 有全日早餐 又有意粉 又有冬粒 我就簡左個意粉食 佢本身跟餐時日例湯係番茄湯 酸酸甜甜好開胃 佢都唔會好膩 跟埋個餐包 應該係佢自己整 因為個口感係用新鮮既烤母粉整 好彈牙 好香既麵粉味 同埋佢焊左個面 做到外脆內軟既口感意粉方面佢面頭係慢煮雞蛋 其實好似平時食開既溫泉蛋 不過佢既蛋白比一般既溫泉蛋更滑 意粉係好煙煙unun 好香既磨菇加芝士忌廉味 磨菇佢用上新鮮磨菇 口感特別爽口 佢既意粉好好味 好好咬口呢杯綠茶latte佢拉花好靚 真係要相機食先 奶既泡泡好棉好滑 綠茶味香濃但唔苦澀佢夜晚都好多手工啤酒 有機會可一試

從朋友得知，穀飼牛比一般牛肉好食得多，於是就上open rice找找!咁啱今日入開元朗，於是就喺元朗揾間有穀飼牛嘅嚟食!從大街轉角，就看見相當吸引的門面!很喜歡牆上的牌ay less ! Experience more !這句話在很多地方都適用呢!最吸引就是餐牌的首頁，就叫這個肉眼牛排跟紫薯蓉，加$15跟餐湯和法包!餐湯是蕃茄湯，湯裏一點蕃茄也没有，但卻有濃郁的蕃茄香甜味，滑滑香香的!跟湯的法式軟包，皮脆，内裏很鬆軟，醮一點湯放進口，吾。。。。一個字"正" 大大份的肉眼扒，足10 oz，絕對足料切開肉質鮮嫰，入口鬆軟，牛肉味美味 !原来穀飼牛肉是指以穀物飼養至少若干天數的牛隻。這裏是365天呢!穀物的營養較為均衡並含有高能量飼料，比如大麥、小麥、高粱和玉米，所以穀飼牛肉是非常細嫩美味的

晚上我去咗元朗依間餐廳食晚餐，好好味今晚我食咗一份穀飼牛膈肌扒（7成熟），飲品係凍吉百利朱古力，另外更餐有湯，包是常識吧！我仲加多一個甜品蜜糖香蕉法式薄餅。先講下個湯，番茄湯好濃郁好好味，個餐包外脆內軟，熱烘烘，，呢個係我食過最好味嘅餐湯同包，主菜係穀飼牛膈肌扒，牛肉好香，加上啲類似係意大利黑醋嘅汁非常好吃，牛嘅外面有小小脆脆嘅燒焦內裡嘅肉質鮮嫩，最後係甜品蜜糖香蕉法式薄餅，法式薄餅非常脆內裡包住甜甜嘅蜜糖香蕉，正

Achacha cafe系英式風格嘅口味，我點左最愛嘅黑松露雜菌意粉好香濃嘅黑松露菌味樸鼻而黎，仲要有一小更黑松露醬俾你拌黎食，好正，扁意粉煮得岩岩好，好有嚼頭，好而且每一根粉都伴有濃濃嘅忌廉加黑松露味，加胡椒味，仲有好多雜菌，好爽口，餐湯系番茄湯，酸酸地，好開胃，打溶左嘅番茄和薯仔，食到原材料嘅味道，同埋可以真正吸收距嘅營養，加上脆脆嘅餐包，外脆內鬆軟，沾D湯黎食都好好味蘋果拉花嘅Mocha都係第一次飲賣相已經好吸引，迫不及待地嗒左一啖，表面有一層薄薄嘅泡沫，底層系熱嘅朱古力咖啡☕，距系用100%小果咖啡豆，現磨製成，飲得到嘅咖啡文化，I LIKE而且朱古力和咖啡嘅比例岩岩好，小小甘甘地，好正飲到最低都唔會酸，果然夠功夫呢個特大法式焦糖燉蛋，真係試出師傅嘅功夫，焦糖好脆，燉蛋好滑，好有蛋味，距唔會太水，真係蛋嘅份量好足夠，又⑤會太甜，呢個燉湯蛋我俾滿分，好食，而且食返童年時嘅味道，童年時嘅回憶好開心，好滿足，多謝你～ACHACHA

向來唔鐘意同人逼既我地，六點半就黎到餐廳，唔洗等位餐廳裝修算幾好，但廁所壞左，同埋食飯途中，有幾隻蚊飛黎飛去😅首先，上左個餐湯～感覺係蕃茄醬加左水飲左幾口就無再飲，反而個包好好食，即刻焗的～好新鮮～內軟跟住上左杯野飲，男友幫我叫左黑糖牛奶～杯野飲比想像中好飲～淡淡既黑糖味+濃郁既鮮奶味然後就係餅乾，不過不失。幾脆最後就係上主菜啦個牛我地order左5成熟，但上到台，感覺似8成熟,牛味無乜😅個汁都淡～ 好在個牛唔會太乾。反而配上紫薯，感覺有趣甜甜地，不錯另一主菜就係意粉，黑松露味好出，意粉唔會太淋，整體黎講都唔差。略嫌cream太多，食左一半已經覺得有點膩意粉散叫98蚊，加30蚊有餐湯+餐包+野飲

在元朗的阿茶茶館，來一個全日早餐也不錯。這裡的全日早餐有三款選擇，有全份，有半份。這個是半份的全日早餐（＄88)份量其實也不少, 有一杯小果汁。個人比教喜歡當中的薯蓉，沒有牛油的，比較健康，味道用了鹽同香草來調味，味道雖簡單，但勝在吃到薯仔粒和薯仔的味道。其他食物也在水準之上。至於飲品，當天點了白咖啡，這款咖啡入口奶味較重，但咖啡香味仍是不錯的！

雖然而家周街都是ALL DAY BREAKFAST, 但我始終覺得食英式餐廳會正宗D。呢度的ALL DAY 有幾款, 識叫當然是叫最大份果隻~有炒蛋, bacon, sausage, beans, 薯餅, 鬆餅, 仲有balck and white pudding 各一小塊, 我只講幾樣的評價LA。加幾十蚊有餐湯, 餐包, biscuit stick, and drinks餐湯: 忌廉湯, 無咩特別炒蛋: 都算滑, 但無咩牛油/牛奶香味, 我覺得炒蛋要滑, 最好是加奶/用多D 油sausage: 當然不是普通廚師腸, 似德國腸, 幾好味薯餅: 唔係現成的, 應該是自製, 有原粒薯仔肉, 不過比較濕同林, 暖暖地,唔錯~white pudding: 似香腸咁GE味black pudding: 來到最得意的一PART, black pudding 是英國傳統食品LA, 不過真是唔係人人接受到, 所以佢地都只是俾一小塊, 一咬.... 好大朕內臟味 + 血味.... 好想吐番出來, 但咩都要試下嘛~ 哈~hot chocolate: 都幾好飲, 唔太甜, 介乎milk + dark 之間~他

難得有個weekday 唔使返工，就出左去搵間cafe hea 下，睇下書，享受下唔使同人迫既時光！因為有d 野搞遲左，去左另一間cafe ，話下午茶4半last order 左，真係sosad!!結果就黎左呢間睇落都多好評既茶茶館！由於係weekday, 真係一d 都唔多人，都係得2，3枱客，非常好，可以靜靜地hea!揀左窗口位坐低，就開始叫野食！因為過多陣又晚餐，叫個crepe 頂住肚先！香蕉同朱古力既配搭本身都已經係冇輸，佢個crepe 唔知點烤，又薄又脆，用叉一吉就會分開兩截，配埋香蕉食，有口感得黎唔會成浸面粉味，唔錯！野飲方面，明知呢間野應該茶出名d，但唔知點解唔想飲茶，又見到個叫沖繩黑糖latte，配搭幾新奇，就嗌個latte na haha飲起上黎略甜，d 泡打得唔夠令同滑，睇到d 大氣泡，睇黎都係咖啡真係冇咁擅長，下次要試下佢d 茶先得！cafe 裝潢唔錯，有大塊玻璃窗，雖然附近係垃圾站，不過其實坐左入去就唔多見到，同埋餐廳都好乾淨，所以還是會推薦這家cafe 😊

今日黎到元朗真係好想飲咖啡! 搵到哩間阿茶茶館!佢OUTDOOR得一張枱! 因為我帶住我隻狗! 咁啱人客走, 我就坐OUTDOOR!有下午茶叫! 啱啱好時間~我ORDER左香蕉巧克力法式薄餅同埋煙三文魚沙律!其實即係香蕉班戟 !而佢既香蕉放左係餅皮上面!而佢配埋不可缺少既CREAM AND CHOTOLATE醬! 仲有小小糖霜! 好味!佢既薄餅皮煎得夠脆 ! 啱啱好香口因為唔會太燶又唔會生得制! 份量仲好多好大塊! 沙律菜都幾新鮮呀!佢用提子乾再加紫洋蔥! 再配埋小小水牛芝士! 支D檸檬汁落去!開胃又好味! 煙三文魚份量也不少 有3大塊!！ -食沙律最啱要減肥既我！下午茶通常份量唔多! 但哩度份量足! 而且味道也不錯!飲品方面我叫左杯MOCHA!以我一貫作風就係叫佢多啡少奶!味道不錯呀! 都算幾濃既! 

放工後同老公過元朗食飯。好似好耐冇去過元朗。因為自己有啲作病，所以都係選擇食西餐。之前已經想試下呢間。。咁啱有位，唔洗等就可以入座。簡單叫左一個dinner set同一個意粉!SET入面, 包括一個湯, 一件朱古力酥, 有一個麵包條, 前菜黎講算好豐富!麵包條好鬆脆, 冇話擺到淋晒, 一咬好似餅乾咁, D碎食到周圍都係, 有D醜怪添....朱古力酥, 應該再焗返熱, 外層既酥皮都好脆, 重牛油味. 仲有好多朱古力粒粒添! 個人黎講, 好喜歡呢個酥~~餐湯呢, 好香港濃既忌廉湯, very creamy~~主菜黎喇!好少見到伴菜係紫薯蓉, 或者呢排興食紫薯, 餐廳都幾與時並進喎~Prime grain fed hanging tender其實上菜時, 一眼望落去舊牛, 好似好細咁..不過食落, 個份量其實又足夠架喎!起初職員介紹話牛煮到5成熟係最好味, 但我地又怕會唔會好生好多血水, 不過之後都聽職員既介紹, 所以都試左要5成熟. 切落去既時候, 會見到肉質的顏色係好酒紅色, 不過就唔見有血水出. 咬落肉質好軟身, 而且好有牛味, 職員的確無介紹錯. 紫薯蓉味道甜甜的, 呢個配搭都可以接

兩個瘋子book左枱7pm食晚飯，5pm出到黎行行下見到呢間阿茶茶幾特別，竟然入去食多餐先再去食晚飯 就咁睇門面幾型格又有氣氛！好喜歡呢兩個牆呀，果隻鹿好3d 樽糖太靚喇，又要影一影先得 朋友既凍榛子牛奶同我既凍沖繩黑糖牛奶~黑糖味都幾香，唔錯呀！NOM-MOM-NOM $138大大份ALL DAY BREAKFAST當中既黑布丁，白布到係最特別，本身仲以為真係布丁，問問店員先知係血腸+燕麥製成，質感係軟軟綿綿味度咸咸帶點鯹，類近鵝肝醬既東西！我最中意個炒蛋同波多貝羅磨菇，炒蛋半熟好滑嫩又有奶香，而大大個既波多貝羅磨菇味好香濃好味呀 最後叫左個法式焦糖燉蛋 跟餐價$22好滑好CREAMY,雲尼拿同蛋味都好突出，面頭既糖燒到脆卜卜微微焦，香甜美味