阿茶茶。館 (Closed)

去開元朗，又到中午，搵個地方食lunch，咁岩見到間有d格調既西餐，咪入去試試。門口有個啤酒桶，幾得意。見佢d set lunch都係幾十蚊，都ok啦，入去坐低先算。入到去都見到唔同既小擺設，幾有意思。有幾樣野都想食，想試下羊架同法式油封鴨，不過最後都係食清一D，就叫左個f餐意大利扁意粉+慢煮蛋+煙肉芝士。侍應落單都幾快，唔使一陣就有得食。先黎左個湯同麵包。雖然係白湯，但唔咸，仲帶有蘑菇味，麵包很有口感同淡然的蕃茄香，好似係佢地自己焗架。pasta的份量剛好，食完都飽飽地，不過唔肥膩，以往食個D都幾咸,無諗過佢可以做得幾清，清得黎都試到佢D芝士味，意粉口感整得幾好，仲有個隻慢煮蛋，拮穿左個黃，將蛋汁撈入意粉中食，味道更佳。最後餐飲點左黑咖啡，黑咖啡唔加奶唔加糖，咁先試到咖啡既原味，咖啡酸味重，味道唔錯。

去南生圍之前, 係元朗食個LUNCH先黎左個餐包同忌廉湯，西班牙芝士忌廉湯, 湯好creamy, 又有西芹同白菌，增強口感， 份量剛剛好，可留番quota食個main, 而個包熱辣辣，浸落個湯度吸引晒湯既精華，特別好食意大利扁麵， 64度慢煮蛋，煙肉及拉客雷特芝士意粉口感富彈性, 慢煮蛋半礙固狀態, 我好狠心咁用叉吉穿佢, 蛋黃慢慢咁黎出黎，先是一陣淡淡的幽香，恰到好處的鹹鮮味慢慢散發出來, 意粉吸收蛋既精華, 再加埋煙肉既咸香同拉客雷特芝士既CREAMY, 好食!檸茶係跟餐包埋, 去左個MAIN的飽膩感

又係我搵嘢食嘅時候，今次喺元朗教育路附近行街，其實成日都經過呢間餐廳，都冇行過入去食嘢，今日行到熱熱地，經過間餐廳所以就入去食下野，休息下我就叫左我最鍾意嘅意大利麵，煙肉及拉客雷特芝士餐，佢有餐前湯加麵包，湯係忌廉湯，個包都幾有咬口，幾好食意粉中間個慢煮蛋幾得兒，配合意粉一齊食，加埋芝士味口感好濃郁，意粉都好彈牙餐廳地方不大但坐得舒服，中午時段可以靜靜地自己一個食嘢，係一個唔錯嘅選擇

想揾間有dinner set既西餐食飯，行過見到就入左嚟，店內有音樂幾relax，隔離咁岩係外國人好有feel。忌廉西蘭花湯既西蘭花蓉多，好濃味。個包又熱又好食，又有餅條，前菜好豐富。美國牛膈肌扒好香好林，紫薯配菜少甜，牛膈肌扒好濃味，肉質好好！64度慢煮雞蛋煙肉配拉客雷特芝士意粉超creamy，慢煮蛋好似食落滑點，煙肉大過平時個d又軟既唔會乾。煙三文魚菠菜法式薄餅有車打芝士，更濃味，皮脆唔錯。甜品蜜糖香蕉crêpe，食完咸味食甜味好滿足，香蕉份量多！飲品係英國茶都跟餐唔洗加錢，錫蘭茶都係。

今日去左元朗踩單車，去左教育路個邊揾野食，朋友想食英國菜就揾左間試下先。有dinner set，散叫，beef dinner set都係二百蚊有找，好似幾平！忌廉西蘭花湯，好creamy，西蘭花都多，無馬虎！個法國包好好食！好夠熱同軟，沾湯一流！另有長餅條配芝士醬，少少酸幾開胃。美國Prime牛膈肌扒係全天然，超過365天榖，店員話平較林同細，5-6成！紫薯配菜第一次食，甜甜地好粉，好食又健康！牛膈肌扒牛味重同唔會食到根，幾好喔，血水唔會太多都。64度慢煮雞蛋煙肉，拉客雷特芝士意粉。又係creamy之選，內有蘑菇。意粉硬度ok，雖然係細碟上，但都幾大份。雞蛋好靚haha。仲有法式薄餅餐，勁多元化擇。我地擇左煙三文魚菠菜法式薄餅，內有車打芝士，蛋白同另有沙津菜！賣相不錯，煙三文魚有少少似玫瑰花形haha，菠菜creamy份量都算多，薄餅就咁食有點甜味同邊係脆既，內係濃味。沙津菜係黑醋yummy！重點crêpe依個餐包甜品蜜糖香蕉or朱古力蜜桃crêpe，擇左前者！係法國返嚟都未食過crêpe，期待！蜜糖香蕉好甜好豐富口感，好飽啦！

本身諗住去元朗搵間西餐食下，就去左呢間永不會錄用的餐廳！首先，地方好細，得個幾張枱，得2個待應，要嗌佢地都好耐先應！嗌左個十安士西冷牛扒，但完全無味，肉質唔鮮！放左好耐的貨品！仲要好肥，真係有10安士？價錢218！真係0嘴！加左餐湯，無得簡白湯，得紅湯，但好酸，仲要得水，咩料都無！食到呢到已經好想走，無耐仲嗌左個甜品，仲要佢得翻香蕉！無其他口味簡！除左難食，都無其他形容完全未試過一間價錢又唔抵又難食到甘既餐廳！永遠負評！真係一次就乜都夠！

週年紀念，就搵間西餐浪漫下平時去元朗多數食日本野，今次試下呢間阿茶茶館。一入到去環境不錯，好安靜舒適。首先就黎個十安士肉眼扒，加30元有埋餐包同湯，個湯酸酸地幾開胃。個牛肉叫左七成熟，熟度岩岩好，唔會太生，啲肉質幾嫩。再配埋個汁好夾。配菜叫左薯條，好厚身足料，食落去軟身唔太熱氣。另外試下個幾特別既法式煙肉薄餅，個皮同入面啲料加埋甜甜地，味道幾夾。最後甜品係香蕉薄餅，外脆內軟，加埋個蜜桃果醬岩岩好，陣陣香噴噴味。

又到元朗覓食。經過見到呢間叫"阿茶茶"既餐廳，以為係食台灣野飲珍珠奶茶睇睇門口既menu 先知原來係食西餐。70 幾蚊就有羊架食包湯同飲品，就食呢間啦餐廳內環境係一間小店，做既應該係街坊生意。Lunch 坐滿晒人，睇黎都幾受歡迎。一早決定食羊架，再order 杯榛子牛奶。餐包同湯先上。餐包暖暖地，有好香既蕃茄味，點湯食一流餐湯應該係忌廉薯仔雜菜湯。個湯唔會太濃，所以唔易食滯。入面好多薯仔，而且煮到好林易入口。加埋好香既紅青椒味。呢幾日又得10 幾度有碗熱辣辣既湯飲，真係好味又温暖。榛子牛奶上面有一層厚奶泡。開頭見到甘白既？榛子牛奶唔係偏深色？心諗會唔會好淡。但係細心一聞已經聞到好香榛子味，飲落都覺得味道濃郁，係甜左少少。紐西蘭羊架+紫薯主菜來了，兩大舊羊架而且有一定既厚道。上面已經預先加左黑胡椒，香味四出。切開睇睇，唔會overcook, 7成熟差唔多。唔怪之得食落會甘juicy, 肉汁必晒出黎。而且個羊架本身靚，有一層厚脂肪，咬落去係脆的。估唔到lunch 會食到d 高質素既扒。平時一個茶餐廳鐵板雜扒都要呢d 價錢。而且呢度感覺氣氛好悠閒，慢慢啖。同樣價錢，有得食點解唔食好d?

我哋一家四口去咗元朗嘅Achacha Cafe & Bistro食晚餐，位點旺中帶靜，餐廳環境優美，因為長身有幾幅畫，我覺得間餐廳充滿藝術氣息，我見店主對裝修擺設，演進心思。餐廳職員非常細心，見我推住BB車，即刻問我需唔需要BB坐位，並幫我安排妥當，態度值得一讚。我哋叫咗一份美國Prime 牛腹側扒，同埋一份羊架。餐前小食係餅乾條，口感鬆脆，兩位小朋友十分喜歡，食過不停。牛腹側扒，職員建議五成熟，但我比較喜歡熟一點，所以我點了七成熟。賣相一流。牛扒鮮嫩多汁，牛味豐富，配以醬汁，味道無懈可擊，食得津津有味。另外一份餐，羊架配紫薯。一向唔食羊肉嘅我，居然今次被香味吸引，勇敢嘗試一口。出奇地，羊架味道鮮甜，全無「蘇」味，今次一試，令我對羊肉完全改觀！這款羊架，可算是色香味俱全。最後值得一提，就係紫薯。紫薯入口即溶，口感非常幼滑，絕對有別於一般餐廳的薯蓉。值得一試！

日前為咗同多年好友慶祝生日，特登去元朗試一間新開嘅美式餐廳ACHACHA。原本好怕係元朗食野，啲街條條都差唔多咁，而且食肆又多人又迫，好彩佢都唔算難搵。訂枱時話係ANNA餐廳附近，立即知係邊﹗哈哈估唔到入到去呢間餐廳又坐得幾舒服，雖然地方唔大，但好「骨指」。最鍾意佢牆上嘅粉筆壁畫，帶點歐陸風情咁，啱晒教美術嘅壽星女﹗好可惜壽星女份工好鬼「正經」，話我攞住部電話周圍影好「港女」，怕俾佢嘅學生家長見到唔多好，唔俾我影，所以冇得影。好唔俾我影牆，咁我唯有影食物囉﹗我同朋友叫咗兩份set，壽星女食羊，我食牛我叫咗餐廳嘅chef recommend $238餐，都唔錯，我鍾意食生生地，5成熟啱啱好塊牛都幾嫰，朋友唔鍾意點汁食，佢就話淡咗啲，但由於我係「汁怪」，點住汁食味道啱啱好﹗不過最有驚喜係佢叫嘅羊架，超正羊架上滿佈醃料，好入味而且又唔「蘇」，最最最鍾意係佢個配菜紫薯蓉，好味到極點，又CREAMY又有薯味，超香超滑，好似食緊雪糕咁，真係可以一人食一個當甜品。好可惜由於叫咗兩份扒餐，所以食唔落甜品，我見隔離枱份甜品好似好正咁﹗不過放心，為咗個紫薯蓉，我一定會ENCORE呢間餐廳，到時必定留肚食多

周日去元朗揾好野食，找了一間西式餐廳，裝修有點特色，位置方便，又可以泊車，加上靜靜地，吾似最旺嗰幾條街成日咁嘈，不錯嘅選擇。點了黑松靈雜菌意粉，一上碟，好香黑松露味，雜菌份量比一般的多，好粗好大條，意粉好creamy味，吾知落左咩汁，整體黎講味道好夾，好好味。朋友叫了扒餐，我比較欣賞佢嘅紫薯，上碟時熱呼呼的，好香薯味，加上紫薯本身甜甜地，好正呀！好過其他只是配薯條薯角之類嗰啲，有啲新鮮感嘛！飲品點了凍咖啡，比一般餐廳的香濃，餐湯是忌廉湯，好濃好香嘅cream味，堅係好飲！配上這個香脆脆的包，好好味呀！大家可以試下價錢不算貴，我就是喜歡這些格局，容許我慢慢品嚐談天說地。

今日11月11日，眾人口中講既「光棍節」，今晚我亦選擇做「獨」女，一個人晚餐，自我沉澱一番。今晚寧靜既achacha成為我沉思既好地方。點餐後店員馬上送上熱騰騰既蘑菇忌廉湯，在涼夜中帶來絲絲溫暖。微燙既溫度剛好入口，緩緩浮出深厚既蘑菇與忌廉香氣，濃郁纏繞住舌尖帶點稠濃。餐包麥香四溢，口感豐富，相當煙韌。餅乾實在太香脆，只係咬一口，清脆既餅乾聲音劃破寧靜既achacha🙊我都唔想打擾大家食dinner既氣氛。旁邊乳酪芝士可以比大家調調味，冇咁單調。餐牌主打有三款牛扒，各有吸引之處，最後心繫美國牛膈肌扒。呢度伴菜唔係平時食開既炸薯角，而係紫薯蓉，輕盈香氣加上淡淡甜味，豔紫色既紫薯蓉好有秋天繽紛感。牛膈肌扒冇太豐厚既油脂，全是軟嫩感，刀叉切下與細味時都感覺得到牛肉既嫩度，牛味迴盪口中。法式焦糖燉蛋口感綿柔而細緻，焦糖滋味挑逗口中既味蕾，空氣中彌漫著淡淡焦糖與蛋香，未食已經口水直吞。cafe mocha奶泡綿密細緻 ，咖啡香濃，口感滑順可口，值得一飲。

元朗多左好多美食，今次朋友生日，揀左呢間，我都是第一次食，位置唔算顯眼，環境少少暗，侍應都好有禮貌又有笑容。由於友人不能食牛蝦類，於是我地叫左個All Day Breakfast, 一個甜(朱古力水蜜桃)和一個鹹(雜菌帶子)薄餅，黑松露雜菌意粉，加左3個set餐湯連烘麵包，仲有有麵包條配cream。All day breakfast好豐富，大啡菇、鬆餅、滑蛋、煙肉、火腿、茄汁豆、沙律菜、多士、薯蓉、鵝肝、雞肉腸，基本上都整得唔錯，賣相都好好，唯一係我地食到火腿變酸壞了，請侍應試下，係我地唔識食嘅問題定真的變壞，佢都好樂意試和解釋，最後開過新一包再煎返比我地，非常細心和充滿笑容，值得一讚!黑松露雜菌意粉，喜愛黑松露嘅朋友應該都愛，意粉煮得剛好，不會太腍，整體好香好味先上鹹薄餅，以為係pizza，原來係crepe,未食過呢類，有驚喜，雜菌帶子餡，一樣係好好食最後甜薄餅，好正常的朱古力水蜜桃crepe, 從此愛上crepe了，不限於甜，鹹都一樣咁得!小店似小本經營，裝潢幾特別，位置不多，雖未爆滿，但都有8成客，整體非常滿意!

星期天趁著係屋企無野做，就決定同家姐兩個人係元朗嘆個好味brunch。見好多人推介阿茶茶館，於是就不假思索咁黎左。lunch款式有8款，我揀左french crepe。分別有兩隻味：一隻鹹（煙三文魚菠菜）一隻甜既（朱古力蜜桃）。跟餐有一杯飲品，但係偏偏crepe呢個set就唔會有餐湯。我揀左一杯earl grey tea, 味道一般，茶味比較淡。等左一陣就上左其中一份crepe，煙三文魚菠菜crepe。有少少意外既係，本來以為係兩隻唔同口味既係同一塊crepe上面，點知原來係各一塊，分類都幾多。呢個鹹crepe味道不錯，個crepe都幾香脆，帶點蜜糖既甜味。而且菠菜好似混合左忌廉，所以食落味道都幾豐富，同煙三文魚配合得幾好。不過旁邊既沙律菜就一般般，感覺沙律菜未算新鮮。食完鹹既之後就上左呢個朱古力蜜桃crepe。始終個人比較中意甜食，所以呢個crepe更合我胃口。蜜桃份量雖然不算多，但好彩食落都唔寡，而且可幸朱古力醬放埋另一邊，可以自己決定點幾多黎食。整體黎講食物質素都ok，價錢都合理。不過餐廳環境就麻麻，比較逼，cafe黎講唔係好chill。

中女梗係要hea下 咪行下食下又係一day都方便去。安娜牛扒隔離🤓服務就一般啦，我地去到3點左右。佢就話4點要交枱，因為佢有客。唔緊要啦都，但無人俾過個餐牌我地囉。個裝修就幾靚呀 但個餐牌其實都可以靚d😆加特飲都唔算太貴。分別叫左焦糖奶，榛子奶同英國早餐茶。反而最好飲係焦糖奶呀。個榛子奶無咩榛子味。個粗薯條口敏唔錯，但就無肉汁味同得面戈幾條有芝士。個牛係多汁既，面戈粒酸瓜係好食既。食左咁多大個漢堡再食咁多薯條再食呢個會好飽好飽同好飽。呢個岩早餐食多d。係中女一個可以坐既地方。👹