阿芳上海餛飩 (Closed)

今日晚飯會比較夜，想食下午茶填一填肚先😆就選擇這間阿芳餛飩試一試😋可能這個時間，所以全店只得我一台「包場」，看見坐在角落有兩個媽媽級的姐姐不停咁包餛飩，好有住家感覺☺糖醋排骨- 排骨非常瘦肉質鬆散，冇肉味😫豆漿- 豆腐是暖暖地的，淡淡沒有豆味韭菜豬肉餛飩配上海麵- 餛飩皮薄，韭菜也很香，麵質彈牙，而湯底清淡有蝦皮和蔥香，不錯！總括來説這間餛飩真的不錯選擇，但小食真的非常麻麻，不知其他會否一樣呢🤔

之前已寫過一篇讚美食評，近排試埋店內推薦既“玉豆豬頭餃”再寫多次依然食埋下午茶set ,三樣加埋 $35蚊，外賣加多一蚊近鏡一張，佢個湯好淡，加左d麻油（我估炸，仲之食落飲落有香既油係入面）仲加左好靚既蔥花，蝦米，增加香味正正今次食玉豆豬肉餃，都係呢餐牌有推薦的，一樣 皮薄餡靚， 成個配搭玉豆豬肉好 balance， 唔會覺得：有冇搞錯呀 豬肉咁小or 菜咁少！ 玉豆咬落有口感，又香菜味，仲會食到豬肉既鮮甜，都唔知點做到既呢碗係我今日食嘅洋蔥豬肉餃配年糕唔再多介紹洋蔥豬肉餃啦，對我而言佢比玉豆豬仲好味 我今次係想講年糕， 之前食過一次年糕，結果有點硬唔like但今次叫佢哋煮耐啲,好好多， 我睇過其他人對年糕嘅食評， 都有同樣有啲硬嘅問題， 所以大家下次要年糕嘅時候可以叫佢煮耐啲或者煮林小小

同男朋友經過佐敦見到間上海餛飩，又見到好多人光顧，就入去試下，點知一試就愛上套餐有分兩種，招牌套餐和輕食餐，輕食餐岩曬不太餓的我，我男朋友就叫左個招牌套餐😂小食-五香牛蹍(凍食)，牛蹍好薄但都入味！糖醋排骨好好味，酸酸甜甜，好入味推介（大）洋蔥豬肉餃配年糕，起初都擔心會好怪，但出奇地好味，好特別，切粒既洋蔥完全唔辣（細）韭菜豬肉餃配上海麵，韭菜同豬肉比例岩岩好，有住家感覺兩個套餐都會送豆漿，豆漿係暖暖地但好淡，應該係溝左水總括而言，店鋪雖細小但餛飩用心製作，小食都好有驚喜，價錢合理，兩個人埋單$108下次再光顧！

介紹一間真心覺得好味既餃子店比大家 我超鍾意食餃子，但係市面上，大家推薦既太子美x餃子食過，覺得好一般，心諗與我家包的沒什麼兩樣！每次食出面食餃子都抱著會失望既心情，但又好想試下既心情個種感覺好複雜直到前排見到呢間餃子店有下午茶，33蚊有餃子湯面，配小食同豆漿！感覺好抵就算係中伏，都冇所謂啦！我第一次係食上海面，（張相應該係第n次食，入面係餃子配年糕！）重點要講個餃子真係一食難忘，因為睇左餐牌，個到推薦洋蔥豬肉餃。雖然我成日叫野，都中伏，但抱住冒險精神，博下！真係博到係好好味架點解會咁鬼襯？清甜既紅洋蔥切到一粒粒，撈埋d豬肉到，真係好正，應該係我暫時記憶中，最好味既餃子黎口感有洋蔥既脆，成個味係清甜鮮味！絕對冇洋蔥既辛辣味！大家一定要試下，勁推！！呢個係下午茶， 煎洋蔥豬肉餃餐 $30蚊煎都好味，脆卜卜每次黎都食洋蔥豬肉餃，因為真的好好吃！聽到呢到既玉豆豬肉都好味下次試下先

人地上海人新年先會食餃子開年，但今年一返工就俾個同事拉左去公司食餃子了。但我地又唔是上海人😂。其實呢間鋪係之前武士拉麵附近，所以都係飯堂範圍內，坐低見餐牌同樣價錢可以點雙併，所以兩人各點左個雙併套餐，可以試盡佢嘅口味嘛😂呢兩個係跟餐小食。前：五香烤麩，後：五香牛蹍。牛蹍偏乾身，雖然薄切但香料味幾足。而個烤麩因為第一次食，個汁甜甜酸酸咁，幾開胃的。口感似酸齊齋嘅麵根，不過係個調味汁變清淡左。比較之下呢個比較好食。洋蔥＋韮菜豬肉餃子配年糕。韮菜同豬肉比例大約１：１，所以食落唔會太重韮菜味，仲食到兩者的鮮甜味。不錯吃。反而呢個洋蔥餃就偏多洋蔥了，一咬下去全都是蔥味。太濃了我就有啲抗拒。同事都反而覺得可接受。白菜豬肉餛飩。呢個同韮菜餃一樣，都係菜肉比例平均。更清甜而且順口，食完兩個濃味嘅再食呢個都唔會比下去。而仲有個薯仔豬肉餛飩的，但同事自私食晒無緣一試。不得不提呢度嘅餃子同餛飩嘅皮都算薄，食左幾隻都唔覺太飽。同埋個湯底應該幾足料，我嗰碗有蝦米啊！！反而點左嘅年糕反而硬身左少少，再煮腍啲會好。

其實我真係好鐘意食餛飩餃子， 看似好樸實簡單的食物， 但又很難拿捏到獲得我的好評的東西， 曾經食過最好的餃子， 莫過於來自東北朋友媽媽親手做的玉豆豬肉餃子， 她嫌香港現成的餃子皮不夠好，很用心地自己搓皮， 很有家鄉的風味之餘，亦有窩心的感覺。冬天的晚上，來到韓國街，到處部隊鍋和炸雞的人龍之下， 看見一間樸實無華的小店-阿芳餛飩， 簡單的幾張桌椅， 又沒有旁邊的北京餃子的油油煙煙，簡直是一道清泉， 價錢又大眾化， 50元已經有餛飩麵、小食和豆漿。我點了薺菜豬肉餛飩凈食加上四喜烤麩， 好期待吃到有水準的東西。前菜是四喜烤麩， 烤麩其實是生麵根經過高溫蒸制而成， 四喜烤麩的四包括木耳， 冬菇， 毛豆和烤麩，是家常的上海菜。這裡的濃油赤醬令烤麩好像海綿一樣， 吸收盡醬汁的味道，好入味， 連毛豆也炆得鬆化了。但香港人可能覺得濃味了丁點。薺菜豬肉餛飩, 首先湯底是比普通的出色， 不是白水般湯底， 有些蝦皮去熬的湯， 雖不致很出色上湯， 但有喜出望外之感。 薺菜是有一股菜根香的味道， 清雅幽香， 喜歡的人喜歡， 又不致九層塔和茴香的霸道香氣，反而幽幽淡雅， 引人入性。肉和菜的比例是3：7,顯出薺菜的

行過門口見到貼滿晒報章雜誌話正宗上海水餃，日賣600碗，講到咁勁就入去試下!叫咗個套餐，玉豆豬肉餛飩年糕，拍青瓜同豆漿。餛飩湯底有蝦米仔吊味，而且有好香麻油味，有啲似出前一丁嘅淡味版。餛飩皮好滑，不厚也不薄，而玉豆即是四季豆，餛飩味道比較清，同平時食開嘅鮮蝦餛飩完全唔同感覺。年糕係切片的，煮到幾腍。青瓜味道似係用豆板醬加醋調味，辣同有輕微嘅酸味，都幾好味。豆漿係小甜，豆味雖然唔係好濃，但都會飲得出，而且唔似其他地方得個甜字，似飲糖水。下次經過會再幫襯。

多次經過這家餃子店也未曾光顧，只因每次也碰巧是星期日(這家店逢星期日休息)。這個星期六終於可以入內一試了！ 玉豆豬肉餛飩 ～ 這玉豆原來是四季豆，清甜爽口，滿有豆香味；豬肉新鮮，這個組合竟然相當的不錯，暫時亦未有在其它地方見到，餛飩皮又滑又薄，隱隱能透出一些內涵來，難怪會成為其中一款推介了。 薺菜豬肉餛飩 ～ 薺菜香氣濃郁而帶甘味，是一種風味很獨特的菜蔬，作為水餃材料頗能促進食慾。 韭菜豬肉餃子 ～ 這是我自己最喜愛的一款餡料，這裏的韭菜新鮮味濃，可是仍不是我理想中的菜多肉少(大多數食店也是這樣)，後來有位廚㙯了得的朋友告訴我，韭菜非常之容易出水，如果菜多肉少的話，處理上比一般的費時；那當然是捨難取易了。 四喜烤麩 ～ 外形像海綿的烤麩, 是最為人熟悉的上海菜之一，冷吃熱吃均可，當然主要還是作為冷盤居多。簡單的用醬油、冰糖、八角悶煮，配上冬菇, 冬筍, 雲耳和毛豆，便已很滋味可口了。 五香燻魚 ～ 這個用鯇魚製成的燻魚，色澤金黄，甜味偏重，肉質卻是較為嚡口。 豆漿 ～ 豆漿味不是太濃，甜度適中，可惜不是太凍，美中不足。

很久前跟Honey吃過阿芳，印象不錯。今天天氣翳焗，想吃一點｢輕｣食，所以想到阿芳。小店，只有十個八個迫窄的小座。可散點，也可配餐。我選薺菜豬肉雲呑，配豆漿，再選配小食。雲呑皮薄，薺菜和肉均勻，薺菜本身是粗菜，經細切，易嚼，但仍保留薺菜的粗質感，我很喜歡。而年糕呢？並不是｢機製｣的均一形狀，是被手切的不規則的形狀。質感煙韌，軟糯。小食，我選四喜烤夫。汁醬甜香，好好味！Honey選胡蘿蔔素菜餃子。餃子皮和雲呑皮是不同質感、厚度和嚼勁，值得讚(有些店子，不論雲呑或餃子，都同一款皮)。有誠意！餃子是全素餡，但，很爽甜！餡料非常飽滿。大大粒！吃完很是飽肚！非常好味！但，手拍青瓜就麻麻哋，只用豆瓣醬，太鹹！雲呑餃子各具風味！皮不同、包法也各異，很正宗！小店，製作得細心，用料足！抵讚！

突然心得血來潮想食餃子，想起了這間阿芳，一於來試試。這間店很細，放了5，6張小枱，幸好人不多所以不太擠迫我點了個大套餐($56)玉豆豬肉雲吞拼素菜餃配上海面 ，加個糖醋排骨，送豆漿一杯※糖醋排骨，先上枱一碟3舊，其中一件像是豬軟骨，超有骨膠原感覺，超入味，有點似食薑醋味道！排骨會比較鞋口同硬，對我來講可以接受，有一點口感因為水餃是即點即煮，所以要耐心等候。。。在等候其間忍唔住再叫多個小食4喜烤麩※ 4喜烤麩，其實我都唔知咩叫烤麩，只知道很索汁一種食物配上一些毛豆，冬菇片，同木耳，只可話個汁都好味，甜甜地※玉豆豬肉雲吞拼素菜餃配上海面，等丫。。。等丫。。約10分鐘左右上枱，一上枱超...超...超級香麻油湯還有少許蔥花。先講玉豆豬肉雲吞(3粒)，我對這個皮有少少失望因為皮餡分離，有點煮耐左素菜餃(3粒)，反而個皮同餡沒有分離，餃子的皮比較硬一點，裡面是滿滿碎碎椰菜同小量紅蘿蔔碎，我反而比較喜歡素餃多一點。上海面比較有口感，唔會太沐！食到最後，飲啖湯，發現原來除了麻油同蔥花外，還有一些蝦皮，怪不得個湯特別鮮甜

阿芳的上海雲吞全部自做自買食材自己包~~你可以隨時看到他們在包上海幫之中這間最環保她們自己做大部分工夫店子小小工夫多多必食煎餃子可以選擇多種口味建議一一洋蔥韮菜肉若果有 必要西洋菜最近人氣急升在佐敦白加士街開分店這樣也好這間小店太擠老是不夠座位午飯和晚餐期總是等待坐不舒服但是至今可是我至愛上海菜特別上海菜肉雲吞他們也做年糕上海面配套價可配10款小吃如醉轉彎烤豆腐渣香菇無敵手拍黃瓜一套餐約40港元至尊的食材無論如何是好的小食堂

夜晚係佐敦搵野食醫肚, 其實佐敦都幾少選擇行過一間阿芳錕飩, 有套餐, 仲送埋豆漿於是叫左個韭菜餃 (淨食10隻)+小食, 我地2個人, 小食揀左烤麩+糖醋排骨各一烤麩的確好食, 入味, 咬落去充滿醬汁, 小食來講, 份量都夠多 & 滿足; 糖醋排骨, 甜酸剛好, 又唔會好肥韭菜餃不過不失, 皮薄, 單係外皮睇都睇到,最可惜係個湯, 十足公仔麵味精湯底, 令人印象深刻&失望

天已黑，還剛剛下了場雨。走著走著，沒多久便來到《阿芳上海餛飩》，這間又是我在閒時上網發現的，多少是為了店內的貓貓，可惜當晚未能一見，也許跟食客較多有關。二人點了兩客輕食餐分享來吃，豆漿選了熱的，端來時是暖暖、可即時入口的溫度，甜度恰好。套餐是以小食來區分價錢，拍青瓜（$39），份量算多，清新爽脆而帶微辣。四喜烤麩（$45），烤麩即是麵筋，鬆軟而富彈性，就如一塊塊小小的海綿般，把醬汁完全吸收。再加上毛豆及雲耳，整體吃來鹹中帶甜，卻又沒有太重負擔及油膩感。玉豆豬肉餛飩（四隻）跟湯年糕，年糕煙煙韌韌，上面灑上青蔥及蝦皮調味，湯頭清澈，沒有重味精的感覺。洋蔥豬肉餃子（四隻）跟上海麵，麵質彈牙，不會煮得過腍。餛飩及餃子均由店員於店內包製，蔬菜都已搗碎或切碎，豬肉肥瘦比例均勻，皮薄餡多。前者的玉豆即是四季豆，吃來有點草青香，嚼來富「咬口」；後者則用上紅洋蔥，味道較白洋蔥溫和，爽脆帶甜香。總消費$84，餛飩及餃子餡料頗多，食味不俗，配搭健康。輕食餐才三十多四十元便有小食、麵食及豆漿，對於女生來說已足夠吃飽有餘，個人覺得性價比也蠻高。下次再來的話應該不會選配湯年糕／上海麵，是因餛飩和餃子才是店子的焦點

午膳時間，想搵間未食過既，見到呢間阿芳上海餛飩好似幾好，而且環境OK (之前響同一條街食過另一間雲吞，食完成身油煙味，直到放工都唔散，唔想重蹈覆轍)，一於黎試下。午餐時間黎到，已經滿座，好彩有枱學生妹走人，即刻有位坐。打開餐牌，都幾特別，除左一般既白菜餃、韭菜餃，仲有出面無既「玉豆豬肉餛飩」同「洋蔥豬肉餃子」，可以雙併唔另收錢。既然係咁，我就要一碗水餃雙併，加豆漿，套餐盛惠$40，抵！餃子上枱，面頭係好香既麻油。餃子size適中，女仔淨食十隻一定飽 (驚唔夠飽既可以跟年糕或上海麵，但餃子就只得六隻)。洋蔥豬肉餃子，好香，洋蔥夠爽甜，豬肉無肥肉，好正，好啱我口味。玉豆豬肉餛飩，我先頭幻想D豆係好似青豆咁，粉粉地，但黎到又唔係喎，D豆係爽既，睇真D，呢D應該係長長既白豆，所以質感爽脆，豆既分量頗多，感覺好健康。不過相比起洋蔥，呢個比較淡口，我下次黎到會食十隻洋蔥。偷左同事一隻白菜餃，味道好普通，而且清淡，唔係我杯茶，但的確好多菜，夠健康。食完出番餐廳，完全無油煙味，而且食物又平又好味，我一定會再黎幫襯！

連鎖食肆林立各繁華鬧市中，雖然每次光顧也聽到店員此起彼落的歡迎光臨或者所謂日本食肆的二三四，但只感到冷冰冰的感覺。或者是因為這幾句是經理的要求，無可奈何每見到有人進入店內也得要說一遍。難道在市區中已經找不到一點人情味？幸運的是，一次逛尖沙咀時隨機找一家店吃午飯，在那小小的店內感受到那股人情味來。那家是一家吃上海菜的店，主要是吃餛飩。位於很多韓國菜的那條街那邊，店內坐位大概二十個，街外的人流不算太多，但食客不絕。餛飩試了洋蔥豬肉和玉豆豬肉跟上海湯年糕，再配上小吃烤麩和燻魚，以及煎餃子。餛飩皮很薄，洋蔥豬肉比玉豆豬肉較為好吃，應該是因為洋蔥帶出的味道比較凸出，年糕軟軟的亦有口感，湯頭有種家的味道。可能不太習慣吧，兩款小吃也不算喜歡，烤麩酸酸帶一點甜味，有點點發酵過的味道。而燻魚質地很硬，鹹中帶甜。煎餃子雖小，但薄薄的皮底部被煎得香脆可口，這比起其他店皮厚但仍然會穿的餃子好太多了。食物質素雖然不是很高，但感覺上像在家吃的一餐飯一樣。在用饍時發生了兩件小插曲：1) 身後那台3大1小的一家人，在用餐後買單和跟店員(老闆娘??) 閒談，隱約聽到店員說這餐不用付款，下次再來就好。心想這應該是開玩笑吧