阿媽靚湯 (Closed)

到花墟一遊...順道經過吃中午飯, 出街食飯, 想戒味精是很難的, 從 OR 得知他們是不下味精, 於是一定要試下!十二點...不太多人, 圓枱搭枱是必然的, 今天想吃清一點, 鮮粟米腐皮清湯米線, $24 + 黑糖薑母茶, $6, 清湯真的很清, 啱我口味, 不過, 對一般人應該覺得太淡, 粟米腐皮米線量不多, 但我亦足夠! 薑母茶夠薑味, 冷天飲一杯暖胃, 此外, 他們還供應靚湯, 泡飯, 客飯, 下次可以再試試! 侍人服務有禮, 不知是否老闆是基督徒, 制服也印有耶穌字樣!**愛好濃味, 一般味道....會覺得淡如水, 但絕對適合老人家!

行過呢頭本身想去譚仔搵唔到路就入左阿媽靚湯啦都係食米線,,我叫左金菇肥牛豆腐米線+麻辣湯底個湯係幾好飲不過唔夠辣=3=略嫌米線份量較少..男仔食可能唔夠不過d waiter勝左夠nice``加分

雖然已經第二次嚟，嚟埋今次先的起心肝寫食評。兩丁友叫咗香酥豬扒飯、鴛鴦雲吞酸辣米線，加咗個粉葛鮮魚湯，餐飲熱奶茶同熱檸茶。香酥豬扒飯$28：豬扒屬於薄身，但肉質偏腍，而且勁油。飯、餸份量多，豬扒都有2件。鴛鴦雲吞酸辣米線$21(下午茶)：勁酸勁辣，菜肉雲吞較削，只有麻油味；粟米雲吞就較甜，不過就實的的。粉葛鮮魚湯+$6：真係有阿媽水準，又甜又濃郁，而粉葛真係好粉，正！奶茶合格，但稱唔上佳品。唔算平，但食得過。

叫了一個日式腩仔肉米線+紅豆冰米線-湯底住家味, 不喊不淡, 但米線分量只夠女生食, 大胃人就不夠, 個湯飲晒...早知就唔叫紅豆冰啦, 飽過頭....紅豆冰- 足料, 紅豆很大粒, 是用煲的方式去煮"冧", 不是太甜, 上面pet cream加了一些肉桂粉, 令pet cream好香....., 白色 liquid個部份....總是覺得欠了一些 "thick"的口感...可以改為用奶or cream之類.......可能用泡沫咖啡的紅豆冰就會是最好了...下次再試環境乾淨, 不是太嘈...很好!是比茶餐廳更好的選擇..好店不要讓他消失!!

有教會背景的餐廳, 會播靜靜的教會歌晚市人流不多神奇地大多數食客都好靜，唔多出聲，可能受氣氛感染砂碢雲吞雞湯飯味道濃沃,必吃!!太子飯有紅米，栗米粒，青豆等等，好健康!!堅持不加味精 食完好舒服

早兩個星期仍在裝修中，最近路過發現重新開張了。為求健康清淡，與祖父選擇到阿媽靚湯米線晚膳。進去後看見新餐牌，過去廿多元的大碗飯都變成了$30。粟米魚肉餃(小)據祖父說，價錢一樣但少了一粒。(我倒沒有留意)湯飯的種類比以往多了幾款，由$30起。餐牌多了夏日飲品選擇，其中有cappuccino紅豆冰，似乎幾特別。不過由於食湯飯已一肚水，下次才試吧。我點了鹹蛋節瓜肉片湯飯，祖父點了手打鯪魚肉湯飯。餸與湯一碗，飯還飯，於是大大家可以share試味。鯪魚肉湯略為淡味，於是我的鹹蛋肉片湯被祖父奪去了…味道沒多大驚喜。選擇「阿媽」，就是愛她的湯飯多蔬菜，湯沒有味精。

這是一所有教會背景的餐廳吧...環境尚算整潔; 播著教會味道的歌曲.侍應服務一般; 落錯了單 (菜心變左生菜)2人點了2碗米線+數個送.這裡強調食物不加味精, 食落有點淡口, 都不錯, 不過不算好味道.比較喜歡的是腩肉(瘦但不韌) & 菜肉餃(麻油香)反而不大喜歡紅豆冰用cream.整體ok可以再幫襯!

我每星期都會幫襯一次,服務好,(因為沒有味精)食物味道不夠濃及惹味,但只要細心品嚐就會覺得好好味.食完一碗米線等於食左好多唔同種類的蔬菜,好少餐廳會做到為顧客的健康著想.*值得一讚的是紅豆冰,唔係水加花奶,係用忌廉,所以味道夠濃夠滑,好好味~

一向標榜不加味精, 多菜少肉的阿媽湯飯, 當然要試一試點了個手攪魚肉湯飯, 蕃茄湯底買相就普普通通碗送好大好多, 超過三分二係菜(多種), 少於三分一係肉, 健康. 不過作為愛食菜的我都覺得多到頂唔順食完成碗都唔口渴, 不過咁多菜居然一d鹽同油都feel唔到, 你知無落油煮菜係幾難食, 仲唔咸...真係健康過頭, 好味不足

之前聽某食友介紹過這裡，但一直沒有試過，早幾日有空便決定來試試。我們試了鮮鯪魚肉片蕃茄湯底太子飯、芫茜皮蛋魚腩清湯太子飯和醉雞。鮮鯪魚肉片蕃茄湯底太子飯- 鯪魚肉幾有魚味，魚片可能煮得久了一點，比較上唔夠滑、但味道都幾好，湯底雖然真的比較淡口、但証明真的沒有加味精、味道又清甜、對我們來說、又健康又美味；太子飯，感覺幾新鮮、淨食就幾好、配合當湯飯就唔算配合，總有各走各路的感覺。芫茜皮蛋魚腩清湯太子飯- 芫茜幾香、皮蛋都算幾靚、魚腩一樣煮得久了；配合太子飯也是唔得配合。醉雞- 酒味很重很香、雞肉也算嫩滑、可以一試。可能老闆是教徒，電視不停播放教會視訊；但唔係教友的朋友，可能會幾無引。食後感：湯底清淡得來帶鮮味，但應該配白飯會好一點；太子飯可能配合其它飯餐會好一點。價錢比較上會貴一點，但想起會健康一點，也是值得的！

阿媽湯米線係我近期最愛去的餐廳..因為佢真係做到無味精..個米線又有咬口,有三個湯底比係自己選擇..又有好多配料比你簡..但我次次都會叫酸辣湯底,加粟米鯪魚用雲吞,個雲吞係佢地自創的,好好味架..粟米係原條"met"出黎,so 好鮮甜..

阿媽湯飯裝修後就變了阿媽米線環境比以前舒服同乾淨加上播放著柔和的音樂, 令人更加舒服主張無味精, 健康, 多菜個度d大碗飯都有好多菜食過醉雞同腩肉大碗飯都好食凍奶茶亦夠滑夠香~ 係茶餐廳中比較好的凍奶茶我也喜歡個度既侍應很友善, 如同招牌所言: 是充滿喜樂的。去個度食, 真係好有阿媽家既感覺^^

老實說，這間湯家幾貴下。一個湯飯，無其他前菜，小食，飲品都成32蚊或以上。常餐都成28／24元。。其實貴過好多茶餐廳，不過佢話無味精，無雞粉，咁就入去試下啦～佢地打正招牌無味精，我信！因為真係好淡，淡到連基本湯湯都好似沒有。叫了一個招牌海鮮飯：好多鯪魚肉四隻蜆（有兩隻未開口。驚！）兩隻蝦，合格魚腩一小件，合格菜同瓜一些飯一碗，另上基本上我唔知佢個湯㷛左先定點，但個湯真係好淡好淡，淡都好似水飯房咁，其他送都係不過不失。以32蚊黎講算貴！應該無下次了。

10月19日，19:30上星期到美餃子店前，經過這店，阿姐在門外不斷宣傳，什麼不用味精、不用雞粉…。因生滾湯是我至愛之一，所以決定一試。本來點了芫茜皮蛋魚腩湯飯，但老闆提議轉鮮茄湯底。起初被我婉拒，因怕皮蛋味被鮮茄掩蓋；及後見老闆盛意拳拳，便一試。配料湯底：蕃茄鮮甜、蔬菜清甜、芫茜和皮蛋獨特香味。鮮茄：鮮酸味仍緊鎖魚腩：甜味實在，但仍有滑的口感皮蛋：糖心，夠甘香芫茜：不愧為四葷之一，其獨特香味，是我的至愛。勝瓜、冬瓜、西洋菜：清鮮、輕清椰菜、薯仔：老老實實的甜草菰：甜味可肴美肉類。這湯的鮮美，除了材料夠新鮮，更重要是廚師功力夠。他能掌握火喉和配料下鍋的先後次序。湯底輕輕地溶合各配料的鮮味，大家不會互搶，最重要是每種食材仍鎖住獨有味道。感到老闆的誠意，對出品有要求。伙計勤快和有禮。店整潔開陽。我會再試其他出品。

人地叫阿媽湯飯﹐梗係食湯飯架喇。。選擇好多﹐湯底真材實料﹐比快餐店健康好多﹐服務態度都唔錯。。叫左個陳皮鴨湯飯﹐好正﹐值得再去