阿媽靚湯 (Closed)

星期三到飯堂. 例湯之首鯪魚煲粉葛. 小菜有魽魚, 不過我到達的時候已經售罄. 好彩有黑立, 還有我好少碰見的炒蟹, 花磥, 回蝸肉, 及例牌的蒸肉餅. 我叫了黑立及炒蟹. 非常經濟及好味.

試左下午茶 20$ 雙拼米線..揀左清湯..個湯真係清到不得了..無任何味..oh咀...送就豬大腸..切得幾好..幾大塊..有4~5塊度..但味又係無乜..健康呱..仲有粟米魚肉雲吞..只feel到小小肉+粟米味..唔大特出..真係一般＊１０聲．．．招呼亦係幾怠慢下..坐低1分鐘後先有杯水..但係無乜客..4點左右..米線就一般..始終受湯底影響都變得無趣味了...

係太子附近做完野，又夠鐘食午飯，想起上次去阿媽米線撲了一個空，是日平日應該有開門，所以就決定前往。來到的時候大概下午一時，正正午飯時間，所以整間店子也坐滿了人，剛好有一個二人位，就立即坐下了。看看MENU也頗多食物選擇呢，由於喉嚨不舒服，想叫個清淡的，最後要了一個菜肉雲吞腐皮米線，加$8可要一杯紅豆冰，紅豆冰也有多款選擇，最後我們要了Cappuccino的味道。另外我們眼見牆上的醉雞樣子非常吸引，所以就叫了一個醉雞飯，跟送一個飲品則要了咖啡。先說醉雞，來到的時候賣相真不錯，很多杞子伴著。吃一口雞，雞肉嫩滑，不過只有微微的雞味，味道不太夠呢。另外酒香亦不夠，而且滲不進雞肉裡，所以吃下味道偏淡，差了一點點，酒香味更濃會加倍好吃。再來清淡的菜肉雲吞腐皮米線，份量不小，大大碗的呢。一碗有四隻雲吞，吃下去皮夠薄亦夠平均，真的不錯。菜與肉的比例...大概是九比一吧，哈哈，真的只有很少肉，只是微微來調味的。菜很多有椰菜白菜等，吃下幾爽口，也算不錯。腐皮煙煙靱靱，如果再多些就好了，湯底是一般的清湯味道。最推介的絕對是Cappuccino紅豆冰，非常好味!!! 咖啡味超香濃，一點也不淡，亦有奶香。再加上

這是個人飯堂之一，食物水準不錯，麵舖格局但不會很嘈很雜（偶然會細聲播吓宗教歌咁啦）。我喜歡佢不落味精（我對此很敏感），又唔會狂用生粉芡（是超級垃圾食物，很多識食嘅人會敬而遠之），我自己也煮飯所以吃得出材料也算新鮮，在家吃較濃所以出街吃清淡一點比較平衡。

太子道西 . 新開的. 試下先. 下午茶, $15 細碗飯- 叫了 鹵肉飯. 鹵肉肥廋相間均勻, 有點藍乳味. 不錯.但就白飯瀾左 d .但 $15. 要求唔好咁高啦. 未有飲佢 d 湯, 下次試下先. 新開小舖支持下啦.

下晝無野做，跟左個friend去太子試奶茶紅豆冰之前有其他舖頭都因為奶茶紅豆冰上過電視，都好想試不過佢地賣個價錢都幾貴今次呢間個價真係幾抵，所以就去試下喇。我叫左一個菜肉雲吞酸辣湯米線+奶茶紅豆冰先講紅豆冰，有茶香，上面有D cream(or奶?)泡沫，亦都幾香奶味~紅豆非常粉香，無諗過奶茶同紅豆冰可以咁夾！好好味碗酸辣湯米線，湯底偏酸偏辣，幾夠味米線煮得剛好，菜肉雲吞麻油味香，皮薄而滑。酸菜酸酸甜甜、脆口。算係綜合算係中上。朋友叫左個炸龍蝦丸+雞翼+Cuppaccino紅豆冰~炸龍蝦丸+雞翼只屬行貨~~我問佢覺得杯Cuppaccino紅豆冰點，佢話：將你形容你果杯野既"奶茶"改做"咖啡"。咁我諗應該唔錯~~三點幾鐘去，現在環境都幾靜，播著福音音樂。座位闊落，而且較一般茶餐廳乾淨~~伙記禮貌亦都唔錯~~~值得再去食多次~~

近日我的體重直線上升，心知係時候開始節制一下，要吃得清淡一點，正好看到食友蝗蟲同學介紹的阿媽靚湯米線，其健康的住家味道，正合我意。阿媽是一間基督教食店，店內放了不少宗教書籍供客人取閱，餐牌也寫上歌頌耶和華的字句，環境則是一般茶餐廳的格局，但空間寬敞，都算坐得幾舒服。阿媽靚湯跟餐價六蚊碗，是日的沙參玉竹蘋果煲瘦肉，是我家裡少見的配搭，無添加的味道十分清甜，生津解渴之選，店方表示湯水用了鹼性還原水去煲，莫非就係電視大賣廣告的 Diamond water？其實我唔太飲得出有咩分別 。另加十二蚊的雞絲青瓜，幼滑雞絲混上適量的麻醬芝麻，但墊底的青瓜切得太薄，感不夠爽脆，水準只是一般。新鮮手打鯪魚肉、番茄薯仔湯飯 ($32)，配料包括手打鯪魚肉，原個番茄、娃娃菜及唐生菜等，湯的色水不深，味道卻來得十分鮮甜，果然是真材實料。至於手打的鯪魚肉，內裡夾雜不少香蔥，可惜質感比較實，如果可以做得彈牙少少會更好。另加六蚊的太子飯，是這裡的招牌，以粟米粒、菜粒、南瓜粒、沙葛粒、蛋絲與白米、紅糙米混成，纖維相當高，值得一試。鰻魚汁肥牛飯 ($32)，本以為是不太健康的選擇，想不到粟米和生菜下得比牛肉更多，大約六四

會對這餐廳感興趣的主要原因是參考過or 的食評, 見笑臉分數蠻高, 家常味道亦是小妹的偏好, 於是今晚就帶綿羊1起來吃晚餐。週5的晚上8時多, 我們2女孩步入店內, 阿姐指示我們坐1張4人圓桌, 而另桌已有1人坐著吃飯, 我小妹見店子不算很爆滿, 問到"1定要搭檯架?" 阿姐大條道理"係架".... 那好吧, 小妹與綿羊就乖乖坐下。 圓椅子坐得不是太舒服, 1般茶記的感覺。 這裡主打米線、湯飯, (可惜小妹不愛米線, 綿羊不吃湯飯也不准小妹吃﹏=), 就選是日客飯, 然後是小妹太揀飲擇食, 在7 款小菜中就點了韮菜肉碎豆腐 ($34, 跟"阿媽靚湯"及白飯各1碗)。 只有1個客飯餐似乎不夠呢, 就再點1份粟米鯪魚雲吞($25/10粒) 及拍青瓜 ($10)。是日"阿媽靚湯"是蓮藕湯, 味道淡淡的, 可能真的不落味精但材料又不夠豐富才令味道不夠濃郁。 小菜到了,,「.........」 這是小妹心裡的感想, 味道普通, 豆腐1大塊1大塊, 韮菜只有很少量, 以肉碎下飯還蠻不錯; 只是本身這道菜的食材已經比較平凡, 連賣相也求其, 感覺跟大學canteen的 "$10飯" 差

唔想煮飯，所以試下新嘢，點知食完搞到口都＂寡＂晒！我自己叫咗個醉雞飯，個大廚可能唔記得咗落鹽，食落去得陣酒味，連雞０既鮮味都蓋過晒。我媽叫咗個一品湯飯，料就好足，不過又係＂淡謀謀＂，好似落完冇落調味料。無味精唔等於無味啫！湯係無落味精，但其實係好普通滾湯，完全唔係老火湯。好失望，下次唔會再幫襯。

8-4-2010想食屋企飯, 自己屋企卻無煮飯 , 唯有出街搵住家飯食. 記得上次搭小巴路經呢間米線 / 湯水店, 幾有興趣, 收工後專程過嚟試試. 對幾款客飯興趣不大, 叫了「一品鮮湯飯」($36), 跟一碟麻辣豬肚絲 (屬「小食」, 加 $12).先嚟豬肚絲, 醬汁賣相好似好水汪汪, 但鹵水味十分香, 食落帶甜, 又有少少辣味, 豬肚絲就入味得很, 質地爽滑, 正! 再嚟「一品鮮湯飯」, 原來「湯」同「飯」係分開上, ie 一大碗湯 + 一碗白飯 , 湯內配料就有豬膶, 肉片, 魚腩及鯪魚滑, 仲有唐生菜, 娃娃菜及菠菜... 清湯底 (亦可選蕃茄薯仔湯) 少油, 飲落帶豬肉湯的味道, 清而味鮮, 亦果然無 MSG 痕跡, 不過又豬膶又肉片又魚腩, 都幾難唔鮮? 魚腩肉多骨亦多, 食落肉實清甜, 好食; 鯪魚滑亦好食, 食落軟滑新鮮, 蔥味剛好; 肉片難得幾有肉味, 食落就有點硬; 而豬膶就絕對係「湯渣」質素, 食落較粉較苦澀, 可以不試. 白飯份量亦勁大, 只放了一半落 d 湯度, 仍然食唔晒, 下次都係叫「少飯」好 d.埋單 50 蚊有找, 食物「阿媽」feel 味道

入到去可以放心食，因為佢標榜的是健康的飯餸及米線。我叫了一個醉雞飯，加一個例湯(粉葛眉豆豬骨湯)，好味道的湯，我八點幾晚上點菜，九點鐘想叫湯，已差點沒貨，是最後兩碗！相信例湯是很受歡迎的一個選擇，跟餐六元，淨叫十二元。醉雞味道不錯，酒味好香，雞都頗滑口，杞子都可以食埋，唔錯。跟餐叫小食十二元一碟，叫了一個雞絲粉皮，粉皮沒有其他上海菜的鋪頭整得入味，很簡單的一個小食，我覺得太普通，但其實完全不會話唔好食，只是頗失色。另外還叫了一個清湯米線，味道真的好清，沒太多味，也好，食不出味精，龍蝦丸，紫菜，生菜，酸菜都好味，這個米線其實不錯。我見其他晚餐客飯也不錯，很多唔同的選擇，但我今天想食清D，所以下次再試其他！佢好夜都仲人來人往，好多一家大細過黎食飯，要黎的要記住星期日休息架！唔好摸門釘。

是日要健康d!每日都有不同的例湯,今日係蓮藕綠豆豬骨湯~~都有三四o舊蓮藕 ~Cuppaccino 紅豆冰,好特別,其實仲有奶茶紅豆冰,阿華田紅豆冰~俾我呢d唔太鐘意椰汁既人有飲紅豆冰既機會~叉燒豆角炒蛋, 好有屋企feel的一碟食送,如果可以再加多d豆角就好喇~好似屋企咁,你唔會見到好多油o係碟底ga~醉雞, 雞肉很滑也有酒味,絕不欺場節瓜咸蛋肉片湯飯, 飯跟湯是分開上的,要自己加飯入去撈~又一冇味精之作~nice!掛住屋企飯味道或者想健康的話,這裡絕對值得推介~值得一提的是服務都好好ga~~~~~

之前食過米線,都ok,之後見過隔離枱食D晚餐套餐好健康好給引咁.今日放早,可以同老公去試下啦,咁叫咗2個套餐.黎咗湯先,真係好味,無落味精咁,之後再黎D餸,嘩,條魚好幼滑,我地食咁耐烏頭.呢條真偽令我地好開心,老公話可以再去試其他餸..^^..

同嫲嫲從北角走來太子,為的是要飲吓所謂的靚湯,果然不負所望...那碗'沙參玉竹蘋果煲豬骨',你唔會搵到一大層油,十足十我屋企煲啲清淡湯水咁,少油到你睇唔到,啱晒啲勁驚油嘅女士,同埋好清甜. 據負責人所說,他們每天的湯水都不一樣,每日嚟飲都唔會悶.另外同嫲嫲點咗'鴛鴦雲吞米線'同'粟米鯪魚雲吞米線',加熱杏霜同cuppaccino紅豆冰. 粟米唔係冷藏粟米粒,而係用新鮮粟米用人手逐粒揻出嚟,怪不得食落冇雪味;雲吞啲肉好鮮味,湯底又係好清,正到你想再試埋其他嘢!仲有,佢嗰杯cuppaccino紅豆冰,係佢哋自創的!好香好香,紅豆又好淋,服務員又主動問我使唔使少甜,真係覺得好周到. 其實仲有其他配搭,可以配'好立克','阿華田','杏仁霜'......而家諗起,都好想再試埋其他.再約埋family,friends,uncle,auntie...再食過!!!p.s. 環境非常舒適, 服務員態度又好

>>有日行開太子,之後就試一試呢間阿媽靚湯米線,靚湯米線果然靚湯,ok,女仔比較鐘意,因為比較清,但又好好味.