阿媽靚湯 (Closed)

成日經過都未試過,今晚一於食佢啦晚餐揀咗蝦同魚香茄子.$42有蝦有飯有嘢飲添可惜太夜冇晒靚湯嘞價錢平不過一啲都唔吝嗇,碟蝦都幾大碟又夠鮮甜,連膏都食晒,正魚香茄子唔油,感覺好健康!!撈飯一流

都市人生活繁忙 種種原因不能吃上頓"住家飯" 很多時候隨便吃個麵包或速食便一餐 味精吃不少,有些又味道欠佳"每逢此刻倍思親" 傷心又傷身相信這位"阿媽"的出現便是拯救這些人吧;)標明無味精 真材實料 菜色以健康為主 更每天有靚湯加上地理位置 所以這裡便成為我偶爾要"自我解決"時的好選擇我最愛點的便是一品素湯飯($35)而且必定要選蕃茄薯仔湯作底(可選雞湯)加了$6把白飯轉為此店主打之一的太子飯 素食不一定很清淡沒趣 豆腐,雜菇,雜菜,昆布等材料配上有著真材實料的蕃茄薯仔湯紅米飯混入了沙葛 粟米 蛋 南瓜等 效果很好 味道和口感也佳 光吃也不淡整個份量不少呢 但每次也吃光(笑)這裡的食材不但配答得好和豐富 質數也絕不馬虎例如豆腐並不是百X出品 粟米粒更是人手摘的新鮮貨 十分香甜午/晚餐時段有套餐選擇更每天有不同款式 價錢也相宜而這裡的飲品除了每天不同款的湯外 也有咖啡紅豆冰等較特別的選擇此外還有雲吞餃 滷水 湯米線等菜色 味道也不錯在家做出來的菜 一定較顧及健康 足料 不需過度包裝 吃得安心,飽肚又美味雖然沒有是家的溫暖 卻有家的味道

今日要O.T,做到成8:00幾先走天氣又熱身同心都唔想煮好在晌太子站上地面都見到食個靚飯先橫掂都係旨在碗湯,叫咗個大路D既魚香茄子$36先嚟碗湯4.5分:真係一D味精都無,起碼飲完都唔會口乾嚟埋其他3分:一般,但連餸都好似無味精.得!!!!!加$6有油菜.非常好.阿媽你係得!!!!!

今晚食完佢個好味蒸肉餅之後, 真係要上黎讚讚 好好味o既阿媽靚湯米線, 全部食物都無加味精.晚飯餐晚晚不同, 每晚包括不同海鮮(花甲,炒肉蟹,魚...)另外佢個酸菜鹵肉飯都好好味, 不容錯過

真係無味精 食完一啲口渴要飲水既感覺都無 沒有屋企靚湯既日子 一個人或者兩口子唔知煮咩好既時候 隨便叫兩個小菜就可以待應會因應幾多人進行推介 個人喜歡每晚不同既套餐 但大約七點半八點 海鮮／魚／雞 既套餐都賣光 例湯才是至愛

今餐得自己一個食, 諗住求其食個米線,呢間阿媽靚湯米線, 就係標榜唔落味精,心諗清清地幾好丫, 但係又驚佢淡得滯,於是叫左個腩肉秀珍菇麻辣米線.個米線都幾大碗, 湯"極多",雖然係麻辣, 但係望落係好清的, 辣度輕微.秀珍菇大概係新鮮既關係, 好爽, 味道亦都好.總括黎講, 值得一試.不過我就唔會再幫襯了... 唔係食物唔好, 只係清得滯, 唔岩口味.

10月25日, 好想食米線~ 而米線最著重嘅就係湯底! 呢度叫得阿媽靚湯米線, 應該都唔差, 所以就同呀比去咗食~::: 羊肉片秀珍菇清湯米線 ::: $27呀菲又想食肉又想懶健康, 結果叫咗呢個羊肉加菇嘅米線! 呢度叫得阿媽靚湯, 湯底自然標榜健康無味精~ 呢個清湯雖然浸住d羊肉, 但真係一滴油都無! 清得嚟仲要幾鮮甜~ 好得! 羊肉帶少少羶味, 唔算嫩滑但有嚼勁. 秀珍菇同埋d酸菜都新鮮爽口, 而且唔會調味得過鹹過濃, 好健康! 講埋d米線, 亦都係招牌之一, 夠煙韌彈牙唔會過淋, 讚!::: 薑蔥霸王雞飯 ::: $32見佢有唔同嘅雞作招來, 都叫番一碟薑蔥霸王雞先~ 雖然標榜健康, 但係呢碟霸王雞都幾多油wor, 多到氾濫! 雞肉都算嫩滑, 應該係自己斬嘅添, 不過雞骨太碎, 每一淡都要吐番d骨出嚟…薑蔥好多. 但係味道反而亦唔太夠, 雞皮都幾肥添~ 呢樣就真係睇唔出健康喇…::: Cappuccino紅豆冰 ::: $11呢個真係純為gimmick而做, 亦昆到我地為咗gimmick而叫! 實則上Cappuccino同紅豆冰兩者味道真係唔會溝得埋… 而且Cappuccino甜

這一夜獨自來到這家「無味精食肆」吃一頓簡單的晚飯。雖然這晚因為節日的關係，沒有平日裡供應的晚飯套餐，不過在餐牌中仍有不少的選擇。見這裡有自己喜吃但有一輪沒有吃過「霸王雞」，於是叫了一個「霸王雞飯餐」，加$4加一碗無味精例湯做晚餐。這食店的店舖既名為「阿媽靚湯米線」，想當然地除了米線出色外，靚湯應也不賴吧。這天的例湯是「花旗參雪耳雪梨豬骨湯」。這湯的湯料雖然很少，但湯味尚佳，一喝便知道真的完全沒有下味精，湯的味道完全是從煲湯的材料而來，便人感覺良好。正主兒的「霸王雞」雞件雖不太多，但雞肉頗滑，加上自己喜愛的薑蔥這裡下得毫不吝嗇，而且醬油味道亦濃，所以把這雞用來送飯還算不錯。雖然這夜沒有阿媽煲靚湯，但可以在這「阿媽靚湯米線」裡喝一碗沒加師傅的湯水，吃一頓簡單的家常便飯，都不錯啦！

其實我巳有一段時間冇嚟過食喇,,係最近屋企人提起先再嚟食番...仲記得以前依間鋪頭5係叫''阿媽靚湯米線'', 係叫"阿媽湯飯" (大概06/07年左右)!由於我屋企人好注重健康, 所以我以前細個果時好少出街食...但有次經過''阿媽'', 爸爸俾佢''絕無味精''的招牌吸引左, 於是就入左去食...食完果次之後, 我同屋企人都大讚好味!! 不時邀請d親戚朋友去食^^我鐘意嚟''阿媽''嘅原因, 除左係佢d野又健康又好食之外,仲有因為佢帶俾我一種5使趕, 可以好好享受一餐嘅舒服感覺!喺''阿媽''入面一邊食, 你會聽到音量適中, 音調柔和嘅音樂...令你整個人頓時放鬆了不少~所以當我每次我食完之後, 總會帶着飽足的心情離開=]講左咁耐,, 係時候介紹我至愛同極力推介嘅一品素湯飯&太子飯!!優點1: 揀蕃茄湯底有得食蕃茄^^ 我食過三次,,次次都叫蕃茄湯...因為實在太好飲了!!-v- 優點2: 足料之餘又入味 5洗飲野都勁飽!優點3: 湯&飯分開上 你可以將D飯倒入碗湯到食又得 先食飯+餸再飲湯又得@v@$:34優點1: 粒粒超甜粟米 非常YUMMY!!優點2: 份量適中 可以當Tea

因為要去金魚街買魚~所以上黎搵下有咩好食,見到d食評都唔錯所以一行四人去試下啦~去到仲有5分鐘先到下午茶,老細(得佢一個冇著制服)好識做叫我地等多5分鐘~咁我地慢慢睇下個menu,唔算好多野食,但因為做左research~我自己叫左細雞飯+"cup吧串奴紅豆冰"!另外三個朋友叫左太子飯加湯,豬扒飯+"cup吧串奴紅豆冰"!同埋一碗唔記得咩米線同阿華田紅豆冰講野飲先~cup吧串奴紅豆冰真係good!d紅豆好冧!而咖啡味道都好濃下,朋友H都叫好呀!佢仲有七款咁多,真係有排試!而朋友A個湯我都令左一啖,正宗屋企湯,而唔係例水呀!鐘意飲湯朋友記得試我同朋友個飯就冇咩特別,係個雞叫做有雞味啦!個米線朋友就話一般~總之一句~鐘意紅豆冰同湯既朋友都可以黎啦~!!!

平常大魚大肉的生活，雖乃吾之大欲也，但間中亦想吃清一點點的。標榜無味精的家庭小店自然是一個不錯的選擇....跟小友兩人到了太子這間提倡全店msg free的食店，吃些家庭風味甚濃的家常便飯，尤如在家中吃飯一般，不錯、不錯....例湯的確是無味精的，但味甚淡，不算特別的夠火喉。雖則如此，這總好過喝至喉嚨乾，令人混身的不舒服....食物未至，飲品已先行報到。紅荳冰cappuccino有點似曾相識之感覺.....對了，這跟龍城樂園的咖啡紅荳冰如出一徹。兩者相比之下，這裡的咖啡沒夠香濃，紅荳亦不夠"溶"及淰，水準很是普通....兩人分食一份滷水雙併。挑了荳腐及五香牛展兩款，前者硬實有如在吃豆乾，吃至大皺眉頭；牛展好一點，起碼夠淰，咬得動；滷水帶少許微甜，但卻感受不到如花椒八角等材料的氣味....是日的例飯是蝦醬通菜牛肉飯一大碟。件頭甚巨，大吃如我也只能甘拜下風，吃了四分三左右便舉手投降了蝦醬味不夠濃，鹹香是全然感受不到的；牛肉是梳打產物，尤如在吃無味的淰膠；通菜不老沒渣，是最好的一環....看到這裡的大量好評，想是因為這裡的食物給人一種"在家千日好"的感覺。不過平心而論，東西水準只是不過爾爾

其實呢度差唔多係我既飯堂，因為佢真係冇味精....如果要飲啖靚湯，呢度真係首選，平靚正！不過今日冇飲湯，但又係食我最喜歡既咸旦節瓜肉片湯飯！原隻咸旦0係碗湯入面，正！肉片好嫰，又唔會俾梳打粉"那"到冇晒肉味！節瓜薄片，食落好清新！諗唔到食乜既時候，想食D清淡消暑野，呢個真係好選擇。另外可以配雞湯底或蕃茄湯底，當然明智應該揀蕃茄湯底，因為真係好足料，好多新鮮蕃茄！本人極力推介一眾喜歡食湯飯既人氏！另外今次再叫了太子飯，由好多種米煮成，有些紅米，糙米，粟米等等，食落超有口感，又夠味道，散叫十二蚊一碗，可以食得飽的，而家營養價值豐富，值得一試。除我今日既選擇，其實這裡每天都有八款晚市飯餸選擇，通常總會有兩款是魚，每天款色不同，我每次點的總是非常惹味！價錢都只是四十餘元，我個人覺得都幾超值，最緊要還是信得過佢既一句無味精！入面經常客滿，因為好多熟客仔！大家都是喜歡吃家常飯的人，職員也個個笑面迎人！當然不是那新派的所謂禮貌，不停乜都講一餐多謝光臨，但那份親切又是外面難找的。我會繼續支持！

出外食飯多多少少都會食到一些味精，好少會食到一些完全唔落味精的地方，聽朋友就家的附近有一間食店是不落味精的地方，一聽到就非常有興趣試試這些說話是真還是假的，去一去這間健康的食店。來到的時候是閒日的六時半左右，從外面看這是一間普通的食店，沒有太多的廣告或是宣傳的海報，唔似旺角其他的食野的地方這樣放到鋪的外面全都是廣告的，放太多反而令人反感，所以在這裡反而有一種清新的感覺，入到裡面已經有一半的台已經滿了，我們就坐了一張比較入的台，台上看到的食譜有湯飯、大碗飯和米線選，再看到牆上有一些客飯選擇，價錢大約三十多到四十多元的，有飯有湯加一個白飯。想了一陣想叫了一個客飯是白切龍崗雞加了一個油菜，再叫了一個一品鮮湯飯，配了一個小食豬肚絲小辣。白切龍崗雞套餐($38)加油菜($5)這個餐有餸有湯和一個白飯，加了一個油菜只是$5，首先來到個蓮藕湯，一飲就知道和其他地方跟餐的"例水"唔同，因為在其他地方飲得到的例湯千篇一律都是都是個種味精湯味，這裡的例湯真是沒有味精的，味道也都足夠，就知道是落足料的，不然沒有味精又唔落足料個湯是沒有味道的，食個三十多元的客飯都有一些無味精湯的地方我想在香港都是好少的，比了

同亞媽唸食乜野晚餐唸到頭都爆,上OPENRICE睇吓有咩抵食,見到呢間食評都OK咁,滿懷希望去試, 點知亞媽擰晒頭, 連我都覺得好失望 叫左 :腩仔肉秀珍菇麻辣米線 --- 麻辣入面竟然係酸仲多過麻辣香,唔好味 $25腩仔肉豬骨湯米線 --- 一般 $25一品鮮湯飯 --- 冇食評講得咁好食, 唔覺得D湯鮮囉 $36麻辣豬肚絲 --- 夠淋, 但冇乜味 $15奶茶紅豆冰 --- 講到好似好正咁,但原來都係一般,奶茶唔好飲 $11阿華田紅豆冰 --- 一般 $11環境又唔係特別好, 招呼都係一般, 整體黎講係唔會再去.

上月老公在Open Rice找到這間店, 現在就成了我們的新飯堂啦, 上次帶過嫂嫂來佢都覺得好味, 所以今日又同佢來啦, 我哋太約晚上8時到, 星期三例必粉葛鯪魚湯, 今日有蒸黑立, 炒蟹, 白灼螺, 蒸魽魚(售罄), 蒸肉餅, 回鍋肉, 醉雞, 同埋菜心炒牛肉共8款, 由於本人是蟹痴, 一見到有蟹就必選這個啦(記得上次來到又係有蟹但已賣晒啦, 當時極之失望), 今次好彩仲有, 於是我們就叫了清蒸黑立, 同炒蟹套餐啦, 再加兩碟灼菜.清蒸魚(黑立) - 好有住家Feel, 正, 我每次到此店必叫的餸炒蟹 - 亦都好好味, 佢係生炒架, 所以食到蟹的鮮味, 唔同出面的店多數都走一走油再炒, 無晒蟹的鮮味, 所以小妹雖然是蟹痴, 亦都很少到外面食蟹, 只喜歡在家食, 由於對此店有信心, 所以今次就試下啦, 果然沒有令我失望.佢哋仲有一嗰叫太子飯, 又係好好味架, 但今次食唔到, 因已經賣晒啦, 此飯用白米加紅米加玉米沙葛等材料做的, 好味又健康.總括此店極之往家Feel, 餸菜少油, 又健康.