alfafa Cafe (Closed)

行行中上環之餘一心想黎食未來漢堡，點知岩岩賣晒🥲睇黎好受歡迎，下次要早d先得！不過我地照叫左個2人set，包沙律/湯、主食2款、飲品同甜品，勁抵食！沙律係羽衣甘藍同蘋果，酸甜開胃，同其他餐廳普通個d唔同，feel到佢有用心制作。雜菜湯正常水準，一樣一份試下都唔錯見到公司三文治二話不說即刻叫左，好耐冇食過！雖然佢未去到超級好食，但都係記憶中嘅味道，料夠多，唔會太乾🤤薯條新鮮即炸，好食對面位人兄明顯怕三文治唔飽而叫左豬扒飯🤣豬扒夠淋而且食落有豬香味，有驚喜！只嫌d飯太軟身，但整體幾好最後個甜品好好食！🤤🤤🤤brownie夠香濃之外有少少果仁，好香口，仲係熱上，配雪糕一流！

星期六要過海做嘅嘢，順便係中環覓食，搵到呢間坐得舒服，食物質素高嘅餐廳，價錢重好合理！星期六嘅中環人唔多，餐廳都唔算多人，唔洗等位當日去到已經有下午茶，價錢都合理不過我地最後簡左二人餐，價錢都唔貴點左餐之後收銀姐姐會比部機仔拎番去擺係枱面特定嘅位置，之後侍應就會將食物送上黎，唔洗自己出去攞，如果可以用信用卡比錢嘅，嘟QR code自己online訂完餐就得啦！對一個人黎食嘅朋友都幾方便！餐湯係甘荀湯，餐包望落好硬，食落都好軟，重送左細細罐嘅果jam點麵包，疫情下獨立包裝真係衛生好多！餐廳重比左咁多罐我，可以拎番屋企食早餐果時用我好中意食千層麵，呢款一黎到個樣已經好靚！焗得好香口，侍應姐姐送黎果時重好貼心提醒個盤好熱小心啲唔好掂到，服務態度一流鱈魚柳朋友話鹹左啲，但我覺得岩岩好，應該係有用鹽去醃過帶起左魚嘅鮮味，意粉係用左甜甜地嘅汁去炒，撈埋一齊食岩岩好，重有啲蘑菇都好香食完兩個主菜已經好飽啦，不過食甜品係有第2個胃嘅！朱古力味好濃，配埋雪榚岩岩好唔會好漏，正！ 當然唔少得飲品，選擇都幾多，朋友杯咖啡好香濃，佢話整得幾好！我果杯Earl Grey就Twinings嘅，都好難唔好飲可惜唔係

最喜歡星期六下午嘅中環，放工人潮散退😌留低嘅都係悠閑渡週末嘅人💕偶然發現呢間新開cafe☕️走上嚟Hea住嘆返個午餐☺️餐牌主打有機健康又環保嘅概念，新午餐肉，可持續海鮮，但價錢一啲都唔貴😃我哋叫咗個二人套餐附送有湯、飲品及甜品都係$199仲無加一😍超抵點完餐比好錢就可以坐低等食🥰可以喺星期六嘅中環Hea住食真係好正先嚟餐湯今日係南瓜海鮮紅蘿蔔湯將所有材料打成蓉，所有精華都喺晒度大西洋鱈魚柳配有機鮮磨菇照燒炒意粉鱈魚柳好新鮮無雪氣味，意粉軟硬適中用蒜炒過特別香😋公司三文治🥪配薯條呢個三文治好足料，內裡啲雞肉唔嚡，蕃茄火腿雞蛋煙肉樣樣有口感十足，粗薯條都炸得脆脆最後附送甜品係朱古力蛋糕配雪糕為呢餐午餐劃上完美句號！身處中環以呢個價錢食得咁豐富真係好抵食

經過中環發現呢間性價比超高嘅餐廳💯🤩價錢同食物質素都真係好唔錯👍🏻而且環境都幾舒服 員工服務態度又好🤩💯嗌咗個套餐 有兩個餐湯同餐包仲有果jam👍🏻餐湯係雜菜湯 味道都幾濃郁唔似罐頭湯😋另外可以揀兩個主食 揀左焗肉醬千層闊條麵配薯蓉😋一上碟熱辣辣又香 有好多肉醬餡😋薯蓉好滑另外嗌咗烤雞有機蘑菇亞麻籽燴紅米飯呢個夠晒健康🤩烤雞好嫩滑 個飯亦好creamy 最後仲有甜品係心太軟 熱辣辣嘅朱古力醬加埋雪糕真係冇得頂😋跟餐仲要有埋嘢飲可以自選🙌🏻🙌🏻

🕰️用餐時間：18:30-20:30 👥人數：2人店內裝潢鮮艷，令人十分精神，亦適合兩三人聚會。 alfafa Cafe Set for 2 ($199)前菜—是日餐湯2客甘筍湯配麵包：忌廉味濃、多甘筍粒主菜—2款食品A3a 焗肉醬千層麵配薯蓉蕃茄醬不會過甜，千層麵有真蕃茄，千層麵、薯蓉的份量各佔一半A5 大西洋鱈魚柳及有機鮮蘑菇照燒炒意粉意粉炒得超香~ 不過可能有人會覺得偏甜(因為用照燒汁炒)甜品—朱古力蛋糕配雪糕2客或+$22轉焗軟心朱古力蛋糕(每客計)朱古力蛋糕配雪糕 朱古力蛋糕是brownie質感，內含果仁碎，味道真不錯焗軟心朱古力蛋糕流心朱古力配雪糕、一冷一熱，很有口感餐飲—咖啡/奶茶/各式茶或+$4/+$9升級不同特飲凍玫瑰咖啡熱牛奶咖啡

📍 【Alfafa Cafe-抵食二人餐】每人一百蚊都唔洗仲包埋野飲，甜品既Dinner Set，抵食之選！個湯雖然睇落普通，但勁好飲，佢整得好濃郁，有啲杰杰地既感覺，幾正😚我地main嗌咗一個卡邦尼流心蛋煙三文魚煙肉芝士炒意粉🍝味道都okay既，但唔夠creamy，芝士味亦唔夠重，不過不失啦！另一個係焗肉醬千層麵配薯蓉 薯蓉勁多同埋都焗得幾香，可惜敗北位係啲蕃茄醬同個千層麵分開整。個味道就分開曬，無咗一齊食嗰種層次感🥲反而最令我哋有驚喜嘅係個甜品🍮我哋嗌左一個朱古力心太軟同一個朱古力brownies🍫兩個都係食完main後上既，即叫即整。所以個表面係焗脆咗又熱辣辣而入面係流心，再加埋個雪糕一凍一熱有個強烈對比都幾正😂🤣 不過就甜咗少少啦，食到一半開始覺得有啲膩，但整體黎講係幾好食😋Overall 食物水準一般，但係勝在性價比好高😳 Dinner Set有湯，Main，甜品同野飲每人$100都唔使，都真係幾抵食😳

牛油果碎蛋三文治，牛油果🥑超多，而且都好新鮮，啲碎蛋🥚撈埋沙律醬非常之開胃，仲有蕃茄🍅係入面。不過最重要塊麵包太硬，唔係即刻整，所以算係美中不足。但份量咁大既三文治都只係$20，性格比好高。

而家生活節奏越嚟越急促就無人不知，但如果因為咁樣而令到lunch都要求其食嘅話相信好少人會妥協，就算要快食都唔可以忽視食物嘅質素，呢啲就係現今香港人嘅精神尤其中環一帶基本上都係寫字樓嘅天堂，連行步路都需要快過人，更何況食呢。喺呢一個咁倉猝嘅環境底下總算搵到一間節奏慢得來快快得來慢嘅餐廳。就係Alfafa Cafe呢一度order形式就係先叫然之後喺個座位度等一等就會有同事送上食物，等候時間唔算好耐，但食到嘅絕對係中上級嘅美食。每一道set lunch都奉上餐湯餐包同埋沙律，羅宋湯足料而且淡淡都係新鮮蕃茄製造，至少唔會飲得出大量調味料，感覺係非常清新。至於餐包亦都唔係普通牛油餐包反而係軟法包，鬆身但同事保持一定嘅韌度，至於羽衣甘藍沙律就絕對係健康之選素菜薯蓉千層麵： 一個非常飽肚又唔覺得「溜」嘅嘢食，一大堆嘅薯蓉同埋千層麵提供非常充足嘅澱粉質，薯蓉打磨到非常creamy嘅狀態, 並唔會起顆粒感，千層麵配茄汁絕對係絕配，再整多啖素菜平衡返大量嘅澱粉質，換來更清爽怡人嘅感覺。就算人流比較多但員工嘅效率保持高水平嘅狀態所以絕對放心喺倉猝嘅時間仍然滿足到食慾

嚟中環見完客順便食埋下午茶先至走，呢度嘅下午茶有$49起，價格實惠，位置10分方便，食完就可以搭車過海返屋企。呢度望到德輔道中電車路，一路食一路望住中環佳景，感覺寫意。點餐時才發現其實佢係DeliFrance集團的餐廳，我不嬲都好鍾意食佢哋嘅牛角酥，所以點了一個煙三文魚炒蛋法國牛角酥配意式雜菜通粉，跟餐加$9 配特色飲品，我都選擇我最鍾意嘅Cafe latte。我朋友食焗無添加激素雞髀配薯條，焗雞髀真係俾炸雞髀更加健康，油份更少，雞俾肉嫩滑，肉汁豐富，醃製入味。佢再加咗個藍莓芝士$26，亦唔錯。而家買滿$40仲送自家製士多啤梨果醬，有得食又有得拎更抵。

中上環地段來說，要食得有質素，又要價錢合理，真的有點兒難度！但哩間餐廳的二人餐就認真抵食了！餐有沙律或雜菜湯，沙律質素一點也不低，菜不是平日吃的生菜，是稍為貴價的沙律菜；而雜菜湯味道也不錯，不會是很酸羅宋湯那種，幾好！主菜點了最貴的兩個，因餐是包任揀的！未來漢堡配薯條，很大件的一個漢堡，素肉扒感覺很像牛肉，好味道！另一個叫了大西洋鱈魚柳及有機鮮蘑菇照燒炒意粉，意粉較爽汁料帶甜，炒的來說不太油!甜品是朱古力蛋糕配雪糕，朱古力蛋糕是班尼仕，暖暖的，超正!飲品：凍檸檬蜂蜜及鮮橙汁，加錢轉了特飲，原先包的是奶茶，檸檬茶之類，都ok～跟餐還加購了馬卡龍及意大利芝士蛋糕，兩者也不太甜，很抵食!

今日同豬先生搵到衣間有街景既中環cafe,而且真係好抵食，估唔到中環搵到間咁平即cafe，仲要好近地鐵站，超易搵！我地餐dinner叫到好似放題咁😂仲要唔洗三百蚊我叫左個星級自選套餐，可以揀兩款主菜配白飯，意粉或者薯蓉，我揀左烤無添加雞腿配野菌醬同埋香蒜有機蘑菇鮮菌，份量好多，好大碟，男仔都夠食另外仲加左個超級沙律，勁多料，唔係淨係得菜，有好多牛油果，又有藜麥豬先生就揀左大西洋鱈魚柳及有機磨菇照燒炒意粉，賣相非常吸引，味道唔錯食完主菜到甜品，焗軟心朱古力配雲呢拿雪糕，有少少流心效果，好大份，食到衣度表示好滿足之後仲要每人一個乳酪仲有野飲，跟餐包埋，真心抵食

住上環嘅朋友介紹 Alfafa Cafe，除了食物高質，價錢親民， 而且相當就腳極近地鐵站。 今日有機會來到，坐滿人要等一會， 原來餐廳優惠的 coupon今天到期， 所以比較多人， 餐廳店員都耐心地安排顧客入坐，服務唔錯！食物選擇好多， 單點主菜，二人套餐，下午茶。。 就選2人套餐。 頭盤，主菜，飲品，甜品都齊！雜菜湯， 清甜美味 ， 極多蔬菜好健康！超級沙律， 超級食物羽衣甘藍， 還加入蘋果片， 果乾，杏仁片， 同樣豐富健康！👍卡邦尼流心蛋煙肉芝士三文魚炒意粉流心蛋蛋汁令意粉又香又滑， 煙三文魚份量很多， 配合洋蔥炒香嘅煙肉 ， 香濃惹味～ 小朋友至愛～大西洋鱈魚柳有機蘑菇炒意粉中式嘅做法， 醬汁甜甜地，有機蘑菇好香， 鱈魚柳啖啖肉無骨，而且煎得香， 意粉煙韌彈牙， 只是稍嫌較多油份。跟餐加$9配特飲， 質素有驚喜。Iced mocha製作認真， 可可味偏重， 鮮奶和咖啡比例均衡， 唔會太甜， 越飲越滋味！另一款『凍法式朱古力』， 朱古力味濃郁， 配合忌廉，鮮奶，顯得幼滑豐厚， 味道唔錯！套餐還包括甜品： 朱古力蛋糕配雪糕也是值得等了十多分鐘， 蛋糕其實是Brownie? 啱啱出爐

上環區，想找間coffee shop 或者cafe 和朋友食下野，閒談一下。朋友不想去大集團咖啡店和人逼，於是她上網找到了這間「Alfafa cafe」。Alfafa就在上環與中環之間，非常方面。上到cafe ，週末人流依然不減，相信很多人都是一早已熟悉alfafa。我們看看餐牌，發覺原來點一份二人餐比起散叫set更加抵，所以就吃多一點，慢慢傾計。➹ 1. 餐湯、餐包餐牌寫着二人餐有兩客餐湯，但原來除餐湯外，還配多一個餐包。今日餐湯為蕃茄雜菜湯，將餐包放進湯內浸浸會更好味。➹ 2. 未來漢堡配薯條想不到這裡會有beyond meat 可以食，既然二人餐可以任選cafe set，那就當然要嚐嚐這裡出品的beyond burger吧。其實漢堡內除了beyond meat 「素漢堡扒」之外，還有牛油果作為配料，使得整個burger 營養值再提高。我有一個小建議，就是餐廳可以將其漢堡名字加上「牛油果」，會更加吸引。➹ 3. 烤薯蔬果吞拿魚沙律配欖油多士想來一個輕食，alfafa 迎合到小胃之人，有多款沙律供應。這個沙律非常清新，包含了一粒粒的烤薯、各式雜果如蘋果、小蕃茄、菠蘿等及大量的吞拿魚。

alfafa Cafe (中環).今次呢個係中環性價比超高cafe，價錢好抵，我地兩個叫左二人set $199已經係貴啲，另外有set 係$49包飲品!!! $199 2人set包餐湯，不過我地晚市去到已經無曬湯，店員幫我地轉左salad。 另外再可以揀兩個main 以及係包甜品😛.🔹焗肉醬千層麵配薯蓉🔹.不論賣相還是味道，性價比都超高，薯蓉香，配上肉醬茄汁，中間再係千層面，好好食😋.🔹大西洋鱈魚柳有機鮮蘑菇炒意大利粉🐟🔹.鱈魚煎得微焦外皮，魚肉嫩滑，意粉係我倆喜歡炒得乾身的(˶‾᷄ ⁻̫ ‾᷅˵).🔹朱古力蛋糕配雪糕🔹.🥰甜品係我嘅最愛，焗熱左嘅蛋糕配上凍冰冰嘅雲尼拿雪糕，雖然無心太軟嘅流心但都好好吃.🔹Macaroon🔹.🥰加$9有得食macaroon!!! 我加左兩件檸檬同雲尼拿，個人喜歡檸檬多啲🥰.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌 alfafa Cafe (中環)中環干諾道中68號華懋廣場第二期1樓1A號舖—————————————————————-#hkig#hkigfood#hkfoodie#foodie#food#food#foodstagram

好不容易又到星期六休息日，雖然下著綿綿細雨，也無礙我走入中上環，逛逛街輕鬆一下。午餐去了呢間餐廳，室內裝潢設計突出，用了數種顏色配襯，予人開心感覺。先到櫃檯購買食物，或可掃描QR Code，非常方便，之後自然有工作人員送餐。鱈魚柳配磨菇意粉鱈魚柳是大西洋環保海鮮，磨菇是新鮮有機的，認真健康有營。照燒醬汁沾滿每條意粉，惹味十足。伴以洋蔥，紅椒，又增添口感。雜菜湯加$可配餐湯。好足料，有嚼口。味道也不錯，清甜好味。Tiramisu份量不大，剛好適合想食甜而又不想食太多。綿滑，少少酒香。咖啡味道少許苦澀，餘韻持久。