Alize Noire de Nova (Closed)

因為要上堂，所以到附近食。去開飯啦搜尋邊間好食。無意中睇中尼度，加上食評好多好。所以決定選這間食午餐。我叫左餐，有沙律或湯選擇，我選左南瓜湯。這個湯很好飲，我很喜歡。口感不錯，唔似出面餐廳咁稀。之後黎左餐包隻碟好可愛。個包外面脆，內裡鬆軟。不過味道差dd，覺得算ok。之後黎波菜煙肉忌廉偏意粉。初時見到個碟咁大，d野食咁少會覺得唔夠食。但原來隻碟個底有深度。食食下就知1個人份量足夠。味道好好食，偏意粉口感岩岩好。熱度岩岩好。波菜同煙肉不錯。整體我覺得好好食同好飽。環境好靚服務不錯，同人傾計或約會可選果度。值得推薦。不過原本覺得咩都好好，只係埋單時等左15分鐘都未埋到單，係餐桌呆坐等比錢。初時以為侍應好忙，但又見其他人埋左單而得我仲未有得埋單，開始懷疑係唔係漏左我...最後攪到我差d遲到。

有次工作需要外出，同事帶路話有間西餐唔錯，又唔貴，叫我一齊去食。間餐廳屬於係內街部分，仲要上商場，唔係太容易發現，但係入到去都幾大，而且座位都幾有格調，非黑即白，是我的菜。見到Menu有西冷wo，只係128仲連餐湯/沙律，真係唔算貴，但唔知質素如何？我膽粗粗咁叫左黎試~燒汁西冷配薯菜，叫左六成，一上檯就見到塊扒真係好厚！仲有D燒紋好靚，睇落真係好滋味，口水都流哂出黎一切開見到肉肉紅紅既肉裡層，D血水隨之流出黎，一啖咬落去，點知一D都唔韌，而且幾有牛肉香，肉汁仲係哂入面，食極都唔膩，真係成塊食哂落肚！燒汁甜甜地，唔算一般好甜既燒汁，拎黎吊一吊牛扒既味出黎，效果更好~薯菜雖然唔算煎得好脆，但有少少鹹鹹地香口，食薯條薯角鍾意點茄汁既我都覺得如果齋食都可以接受~粟米蘿蔔粒煮到好軟林，份量都好多，味道不錯，軟軟地幾好食！成個菜雖然睇落好少咁，但係食完之後真係好飽肚，單係塊西冷扒都咁大塊咁厚，好味得黎唔似食空氣，下次想食平西餐又有一個推介~

在北角想搵一間好吃西餐比較困難，因此區比較多小店。經友人介紹此餐廳，一心想吃牛扒，便到此一試。店內裝修比較簡單，舒服，座位數目比較多。set lunch 有湯或沙律，本人叫了沙律，沙律菜淸新、新鮮配了少量黑醋，開胃美味。友人叫了湯，當日為南瓜湯，味道稍為淡。牛扒叫了五成熟，牛扒頗大，不過有肥膏，配以薯菜，賣相一般。牛扒煮過火以致駭囗，很難切開，可能煮得太熟😓牛扒味道亦一般，不試亦不可惜。

I worked in the North Point area for many years and there was always a dearth of good Western restaurants.  There are a few "hole in the wall" places that do a good job with very limited menu lists, but nothing outside of major hotels that could be described as fine dining.  So finding this place on OpenRice suggested, based on very good reviews, most in Chinese, that this may turn out to be a good evening.  It was! It started badly with a seating behind a pillar, but one of the staff (all of th

黎度呢度食set lunch, 叫左紅酒牛脷燴意大利飯。其實本身第一次食意大利飯俾我嘅感覺係又硬又乾，所以對佢冇咩好感。但係自己鍾意食牛脷，於是就試下吧。由於時間尚早，故食客不多跟餐可選湯或沙律是日餐湯為粟米南瓜忌卜廉湯，好足料，真係有粟米粒在入面，而且好creamy餐包配牛油好香！必食推介，雖然我影到賣相平平，但食落驚為天人！牛脷切成方粒，份量不少最欣賞紅酒汁，令每個飯粒都充滿紅酒香，簡直好味到非筆墨所能形容！甜品是hot cake，味道尚可（或許是髒髒的碟令我打了折扣）

今次約了朋友來北角食晚飯，這還是我第一次到北角食飯晚飯，由北角地鐵站A2 出口步行約十分鐘就可以到達，真的非常方便。因為一早就訂了枱所以一到就可以入座了，餐餐的燈光暗暗的加上每張枱的有一定的距離，令人覺得非常舒服，加上每一張枱上都有一個小小的燈，非常有情調很適合情侶和朋友來聚會聊天。這餐廳還有很多不同類形的食物選擇，有沙律,麵,飯,披薩和甜品等等，餐廳亦有SET DINNER 可以選擇，但就要視付合不合各人口味了。我選了很久才選了魷魚墨魚汁意大利飯和黑松露野菌脆卷，實在太多太多都想吃了，但又真的怕吃不完，所以就點了一個飯一個小食，其他只好下次再來試了。本身我就非常非常鐘意食魷魚，一看到這個魷魚墨魚汁意大利飯就立即想點，但想到這個飯因為是由魷魚墨汁抄成的，吃完一定會滿嘴都是黑色，但為了吃這個黑色嘴我也不怕，這個意大利飯一上枱我就急不及待地要試，飯是有小小硬身，但因為加上魷魚墨魚汁一起炒，吃下去一點也不會太硬也不會太軟，加上每一口飯都滿是濃濃的魷魚墨魚汁味，真係非常好味。除了魷魚墨魚汁意大利飯另外還點了小食 (黑松露野菌脆卷)，這個脆卷是由炸皮包着野菌和黑松露一起炸的，吃下去非常外脆內軟，

北角對於在下來說，是較遙遠的地區，但是卻無阻尋覓餐廳的決心，而且不時會走來這裡。位於馬寶道的 Alize Noire de Nova，是一間意大利餐廳，餐廳面積幾大的，可分為幾個用餐區，而且座位間幾闊落的，坐落也較舒適。餐廳環境較為昏暗，但未至於漆黑一片，不過仍有用餐氣氛吧。餐牌中不乏有沙律，主菜，甜品與飲品，主菜中有意大利飯意粉等，當中也有午市及晚市套餐，窩夫雪糕。薄餅和痷列等供應。麵包有兩款，包括白色的香草法包和提子包，而附上的有蒜茸和牛油。當中香草法包塗上蒜茸醬料，使法包除了有香草味外，加添了蒜茸香味；而提子包內尔乏提子乾，口感豐富，加上牛油，令麵包多重口味。餐湯選自南瓜忌廉湯（五十八個大洋），把南瓜打成瓜蓉再製成忌廉湯，質感幼滑得來又富黐黐黏黏，當中當然有南瓜的絲絲甜味，而且南瓜與忌廉的結合，得出的稠密度是幾高的，因而口感都豐富起來。主菜是海鮮意大利飯（一百一十八個大洋），當中海鮮有青口、蝦及蜆等，與米飯及忌廉融為一體，當中的忌廉也頗多的，令米飯濕潤得多。青口與蜆鮮味足夠鮮甜度也足夠，蝦仁肉質彈牙爽口，都是新鮮之選，而米飯做得不會太軟腍，硬度適中。甜品是香蕉潛艇（九十八個大洋）

北角近家，也多酒樓食肆，閒時也會去逛逛。附近酒樓都吃過，今天就去馬寶道寶馬花園1樓的西餐廳 Alize Noire De Nova 吃個午餐試試。餐廳英文名好長，中文名好簡單，叫意烽。名都系簡單 d 好。餐廳在寶馬花園的商場1樓，地方超大，座位超多，佈置優雅，座位寬敞，環境舒適。午市有多款套餐選，價錢合理。套餐點了烤西冷扒伴燒汁 ($128)，包沙律、餐湯、茶或甜品。是日餐湯是南瓜湯，還跟上牛油和軟包。南瓜湯南瓜味濃，湯夠熱，味道不錯。沙律是巴馬火腿沙律，略咸的薄片巴馬火腿配清爽沙律菜，夠開胃。至於主菜烤西冷扒伴燒汁 ，有薯角墊底。六成熟的西冷牛扒，外面燒至金黃微焦成格仔紋，賣相吸引。牛扒味鮮，肉厚多汁，口感不錯，配上燒汁，更加好味。薯角則嫌有點腍身，不夠脆口。餐茶凍咖啡，咖啡味濃郁，夠水準。

我發現我呢排係咁食樓上舖, 間間都大廈, 呢間好D, 係商場入面係樓上, 有水牌易搵好多個名好似係ALIZE黑色同新星咁解, 門牌幾靚呀佢個牛油都幾咸, 個鴨肝醬就算唔錯既, 點佢D鬆軟既包都係用鴨肝醬好D唔係MENU既春卷加左D橄欖油係底, 油油地都不過味道可以接受, D油都新鮮食到成口都係黑色既墨魚汁意大利飯, 味道好鬼濃, 濃到好似舖左一層醬咁, 而且裡面極多墨魚, 小心膽固醇超標呀~

北角鬧市相隔一條街，在寧願的住宅地帶，小小的地膽商場，除了無數的興趣班補習社，還有這麼的一間西餐廳 餐廳佔地廣，座位寬闊，方便大家大細出入，亦提供了食客很多的私人空間。裝修不算華麗，只是餐具卻都很美，有種歐式鄉村餐廳的韻味 餐牌裡選擇多，weekend lunch或brunch都很吸引~~ 看到餐牌裡大sell這裡的手打意大利蛋麵，已決定非試不可~! 在weekend lunch裡選了"雞肉菠菜忌廉汁闊蛋麵"，聽個名都知吸引啦~~雞肉菠菜忌廉汁闊蛋麵 $88 配料有紫洋蔥、雞肉，菠菜忌廉汁很燶很滑 手工蛋麵比一般意粉薄身，口感卻是比較實，但可惜好似煮過頭了有點太稔。份量比一般餐廳少，可能是惜食的觀念，不過好吃的東西總是會讓人吃完想繼續吃，這個份量就有點讓人吊著胃口了....~~不過講飽肚感，其實因為忌廉都算幾漏的一種食物，所以都OK的 在一輪與brunch menu的糾纏掙扎之下，還是繼續在weekend lunch裡選了另一道菜----"海蝦意大利飯伴大蒜芝士"海蝦意大利飯伴大蒜芝士 $88意大利飯的份量依然偏少 味道方面，卻是上佳之選，白汁與芝士也不覺漏，

最近有位住港島的同事話喺北角揾到間又高級又抵食的西餐廳，所以就同同事星期五放工之後去個道試試，又真係幾號食。因爲同事一早book左位，我地去到就有得入去坐。最後，我點左set食，有餐湯、餐包、意大利飯同飲品。我同同事點左餐無幾耐，waiter就捧上左一碗熱熱的南瓜湯。南瓜湯好香濃，而且仲有陣陣香味，睇得出係用心製作。個湯仲好滑，同普通餐廳的南瓜湯明顯係唔同檔次。餐包都係佳作。餐廳好細心，俾左牛油同蒜茸我地搽麵包。麵包好香軟，再加上兩個調味得宜既醬，真係一流。最重要既係，個牛油同蒜茸唔會帶起油膩感，佳。今次戲玉就係呢個露筍帶子意大利飯。先講個飯，個飯硬度適中，唔會好似普通餐廳咁樣煮到好似中式飯咁，但又唔會硬到食唔到，好。而個汁就非常夠味，撈埋落飯到令到個飯好有層次感。帶子唔需要多講，好新鮮彈牙。本身對露筍無咩期待，但呢間餐廳又煮得幾爽口，唔會有苦味。而杯野飲就係熱情果茶。雖然杯野飲幾好飲，但我唔記得影相俾大家睇，唯有輕輕帶過。不過幾解渴幾重果味，都係一流。總括而言，呢間餐廳真係好值得一試，性價比好高！！！

It’s really interesting to try your home country food in somewhere else, just like we won’t try the Hong Kong style food in Japan, but a few friends of mine from Paris did have such notion . I didn’t know much French restaurant, so I took them to the one that I knew - Alize Noire de Nova in North Point. I was so worry that they will think the food there will disappoint them as first, in contrast, they like that a lot!! Therefore I chose to write a review for this restaurant. We went to there o

3月是生日月，皆因身邊很多好友不約而同都是3月生日，所以花了不少時間上網搜尋合適的餐廳，或是諮詢朋友的推介。今次經朋友介紹，帶同壽星好友來到這間主打意大利菜及法國菜為主的西餐廳。餐廳環境相當闊落，昏暗的燈光營造浪漫的格調。點餐後，侍應先送上外脆內軟的餐包。除了牛油外，同時附上蒜蓉醬，香郁幼滑。沙律菜新鮮爽脆，伴以煙三文魚、面包多士粒及煙肉碎，是不錯的頭盤選擇。一上枱，黑松露的香氣撲鼻，令人食指大動。意大利飯軟硬適中，十分creamy。每一口都充滿野菌及黑松露香濃的味道，實屬推介之作。除特別指明外，平日大部分pizza面層的芝士多是採用牛奶造的芝士。今次點的Pizza，特別之處是採用羊奶芝士。厚厚的羊奶芝士帶少許咸香味，鋪滿整個Pizza，趁熱食時，更可拉出長長的芝士絲。餅底薄脆，面上綴滿煙肉及野菌。值得一提是，羊奶芝士並沒有帶羊騷味，不妨一試。

有朋友最近生日，為左大肆慶祝，我地專誠搵間未食過既西餐廳，唔介意比平時食貴少少一入餐廳燈光幾昏暗，但枱面放哂小蠟燭，感覺幾適合朋友間甚至係情侶既小聚會睇睇餐牌有四個set dinner，有個比較吸引我注意力既叫香烤三文魚芒果沙沙，因為從未食過，所以貪新鮮嗌感試下首先離左前菜，就係哩個沙律，賣相已經好吸引，幾別緻我對芝士研究唔多，同埋都較少食nuts，但當所有材料包括生菜雪梨車厘茄一齊食，味道真係清而不膩，係唔錯既開胃菜其實仲有一個餐湯作前菜既，不過冇影到相所以唔評價太多到到主菜，可能因為碟size影得比較細份，但其實三文魚都幾大份，至少作為女士既主餐一定夠食三文魚煎得有少少偏hai，可能煎耐左少少，試點下左邊黃色既芒果醬又係另一種滋味，係有芒果清香，但又甜中帶咸，仲有紅菜頭蓉，味道係說不出既夾本身我成日覺得西餐廳好睇唔好食，但哩間比到好大驚喜我，好推薦大家試下

母親大人素來愛西餐所以特意帶她來一黎近屋企二黎呢間質素好好其實佢有set dinner但母親不嬲細食所以就散叫了我地叫了墨汁魷魚意大利飯賣相很好母親獨愛意大利飯而我卻鍾愛墨汁飯這飯可謂為我倆而設墨汁份量啱啱好唔會令到個飯太水或太痴口魷魚頗多的 而且鮮甜和飯配合得很好個飯都只是一百多些元絕對抵食之後就叫了個墨西哥辣肉腸pizza芝士味濃食得出唔係得一隻芝士辣肉腸唔算太辣啱曬我媽胃口薄薄的pizza因芝士竟令人有飽肚之感最驚喜我係pizza上有菇極度夾同好味來食西餐當然要食甜品叫了個chocolust with single ice-cream其實我自己覺得太濃但母親大人就話朱古力濃先好食咁各位鍾意食朱古力ge朋友應該鍾意食我反而係欣賞佢個pancake唔會太霖同乾身好易入口雪糕亦都唔錯同個pancake都好夾總括黎講 呢餐食得啊媽勁開心下次會再帶佢黎食