Alize Noire de Nova (Closed)

不知不覺跟男友拍拖第4000日多了，對於我地黎講，食餐好就已經係好好的慶祝活動喇！行經北角就來到呢間餐廳喇～餐廳位置北角MTR附近，位置都好易搵！餐廳內燈光較暗及柔和，好有浪漫情調，牆上有手寫的是日精選～地方好大，座位好鬆動，唔怕隔離枱聽到傾密計～最特別就係有兩部標機可以玩掟標啦～仲有燭光在枱上，為這餐再添上一點浪漫氣氛～先睇菜單，晚餐時段是有四款Set Dinner的，價錢由HK$188-248不等，唔岩心水的都可以散叫，我們就選擇了散叫啦～西餐即時西餐，枱上都滿了各種餐具～先來一客面包，這是免費的，不論點多少每枱都有的～面包跟有牛油及自家制蒜蓉醬～塗上自家制蒜蓉醬果然非常惹味呀！白色的是普通面包，而深啡色的是提子法包，是廚師手製的！煙三文魚凱撒沙律（HK$68）一碟沙律份量好大好多呀！內有煙三文魚、沙律菜、面包多士粒～沙律菜混上微酸的沙律醬，加上有少量煙肉味脆脆及面包多士粒，仲有少量芝士碎，每啖食落都充滿口感，好開胃！而一碟有三大片煙三文魚，三文魚味道夠帶少少咸味，肉質鮮嫩易咬開，配合沙律菜好夾！海蝦大蒜意大利飯（HK$108）成日食黑松露意大利飯，所以今次就特別點了其他口味，是海

今日同媽媽到左呢間位於北角新商場嘅餐廳食Dinner，交通都好方便，係地鐵站附近。而且呢到嘅裝修好有feel！家人、朋友聚會，拍拖都好適合～Meun都有好多選擇～：Set Dinner嘅價錢幾吸引～不過細食嘅兩母女都係散叫 1. Foie gras 鵝肝牛肝菌手工蛋麵 $158好難得可以食呢款用人手工打嘅意大利麵！質感好柔軟，口感比較彈牙，好有咬口！相比起普通意粉，呢個更加好食～ 而且仲同鵝肝牛肝菌好夾，正啊。牛肝菌嘅味道好濃好入味，每一啖都有呢種味道。不過，鵝肝方面就有啲失色，煎得乾左少少同焦比較多。2. Oyster Risotto 白酒煙肉大蒜鮮蠔意大利飯 $118整體個飯好清，有煙肉個味帶起，但我就唔係好慣咁樣食。蠔好鮮甜，而且大小適中 不過，白酒味就唔係特別重。相比起人手工打嘅意大利麵，呢個就梗係普通啦～3.Mixed Berries Mille Feuill $88本身想食心太軟，點知賣晒無得食，所以試下呢個～對呢個甜品都幾失望，因為＄88黎講好普通，唔值。千層酥個口感係幾脆，但帶啲硬同唔夠鬆化。4. Rosemary cream brulee $38好香滑，表面嘅焦

上網搵到呢間北角的西餐廳, 就帶埋朋友去試下地方唔難搵, 好近地鐵站, 所以我地好快就去到坐底叫野食內面環境都幾大, 位置都幾闊落, 而且服務員態度都好NICE~而且店內的用餐餐具好有特式, 好可愛~前菜個芝士係焦糖花生醬香梨沙律伴金文不芝士, 開頭聽個名好似怪怪的, 我叫左個香烤三文魚芒果沙沙 餐, 而佢前菜有南瓜湯同我最愛的芝士.. 而每人入去食野都會送餐包, 好香又唔會好濟, 正但食落口, 香梨既甜加芝士奶香味, 梨係微甜, 夾埋芝士一齊食味道竟然好夾跟住南瓜餐湯就黎啦~ 好濃郁的南瓜香味, 而且又帶南瓜的微甜~正好啦, 主菜的香烤三文魚芒果沙沙來了, 三文魚係烤到半熟的, 食落去的肉質較淋身而入口即溶,而且表皮脆脆地, 增加左魚的鮮味最後叫左個比利時朱古力心太軟加雲尼拿雪糕, D黑朱古力唔會太甜, 而且好滑佢既表皮係唔同出邊既厚身, 佢係薄身, 所以薄薄一切D朱古力已經流晒出黎..就算肥死都要食佢啦~~

男友有事甩底自己係屋企附近行吓最後黎左呢間坐底食飯餐廳係行暗黑路線陰暗的燈光帶到比大家一種浪漫ge感覺如果男友係度就好啦 見到有dinner set，而我好鍾意食牛所以就點左dinner set AOsso Buco 百里香草汁好香有濃濃的香草味 佢用紅酒燴，個牛膝燴到好霖肉質好好 配埋粟米蘿白 好正啊個set係配野飲湯同沙律我覺得個野飲最特別因為我叫左熱情果茶 一d都唔酸個茶勁香帶有少少果香同果甜絕對推介 不過佢係日日唔同荼所以睇你撞唔撞到熱情果茶啦 我仲叫左個野莓千層蘇安慰吓我要自己食ge毒毒的心靈呢個係我成餐飯最鍾意ge甜品佢個皮好鬆脆個cream唔算好甜所以食到曬成舊加埋野莓同醬好彩有食咋即刻心情好曬一個人食係毒左d但自己一個靜靜地享受個氣氛都幾好見到有d人係成班人黎玩同食仲有標掟tim所以我下次一定會帶男友黎

好少黎北角，係今日咁啱幫fd買嘢就openrice左呢間，虛榮感驅使我食左餐百幾蚊既lunch，不過環境真係好靚，仲好飽好好味。我揀左menu上既A餐七成熟，配莎樂美腸沙律。($128加一)沙律一到已經擺得好靚，仲有麵包配牛油。沙律醋較得幾好，酸酸地好開胃。沙律菜好企理，莎樂美腸係高質既，有煙熏味，個肉係鬆化，唔會好難先咬得開，一食已經有好香既肉味，啲油好香，零腥味。仲有粒細細既蕃茄仔，超級甜，可惜得半粒~佢送既包唔係流，烘得好脆，平時我係走包既人，結果兩塊包食哂，一塊無塗牛油，淨係塊包已經香到爆，好難得有餐廳連塊包都咁好食！好！到主角！牛扒一上已經好香，配菜全部都係我中意既，而且有經過處理，有煎香過，薯仔連左小小薯皮，食落口感過一般煎薯塊，紅蘿蔔應稔得稔，翠玉瓜應脆得脆。廢話唔講！到主角，牛扒！好味既咩牛扒配咩汁都唔洗，佢問我洗唔洗芥辣，我say左no，啲汁我用哂黎點薯仔食。因為牛扒好Juice，七成熟就真係七成熟，入面嫩粉紅色，外面煎到脆口，肉質真係好稔。我食嘢不嬲勁慢，塊扒都凍，肉都唔韌，真係好掂。不過把刀可以利返小小就好喇。店員哥哥仲向我推介今日甜品，香蕉麵包(+$15)我毫不

平日約舊同事吃飯，地點大多數在北角，而我偏愛到北角與炮台山之間的餐廳吃飯，皆因這裏的美食較多，這天由於中午要到北角見客，那就改一改，留在北角吃飯，沒想到濶別多時，寶馬花園竟然進駐了不少食店，而這次我們就來到Alize Noire de Nova試試。平日約舊同事吃飯，地點大多數在北角，而我偏愛到北角與炮台山之間的餐廳吃飯，皆因這裏的美食較多，這天由於中午要到北角見客，那就改一改，留在北角吃飯，沒想到濶別多時，寶馬花園竟然進駐了不少食店，而這次我們就來到Alize Noire de Nova試試。這間餐廳以義大利及法國菜為主，主打輕盈菜式，不論是PIZZA、意粉還是醬汁，全都是自家製的，每天更由大廚以最新鮮食材入饌，保證每款菜式都鮮味十足。 餐廳設有專業調酒師，因應不同場合提供酒、茶或咖啡與食物配對。而這裏的店員態度親切，經常向客人報以微笑，感覺窩心。 餐廳環境挺優雅，佔地亦頗大，坐下後完全沒有侷促的感覺出現，更新增設了蠔吧，全都是即叫即開，非常新鮮。 這天我們點的set lunch，當中已包括餐湯／沙律，主菜 (價錢由HK$78-HK$128不等)、飲品／甜品，當然，多付HK$15就可

週日和細周生上完興趣班，驅車到北角吃午飯。餐廳位於一商廈的一樓，地方挺大。因時間尚早，我們是第一批食客，可隨意擇位而坐。餐廳主打一般意式西菜，假日亦有一系列套餐供選擇，定價由 $68 至 $128 不等，計及環境及食品質素賣相都算合理。先來的麵包碟是八片小多士，口感挺脆，亮點是配上的醬料，除一般牛油外，更有以蒜蓉、小茴香及橄欖油製成的醬料，食感香滑富特色。起初以為這份麵包碟是跟餐食品，及後才知道要收取 $28，為免爭拗，建議提早和食客言明為佳。西餐中的一般主菜意粉，很多時也不是細周生杯茶，有見及此，特意要了一份芝士漢堡包伴上沙律薯角。漢堡包以外脆內軟又酥香撲鼻的丹麥包作外層，選料特別。夾層漢堡扒以安格斯牛肉製作，肉香汁量普通喇，另建議追加多一些芝士相信口味更佳。當然，整份主菜最吸引細周生及魚仔的固然是伴上的脆薯角，熱辣可口。吃罷多吃少許鮮爽田園沙律菜，亦有助平衡膩感。主菜香烤美國豬柳配黃薑蘋果沙沙，醬汁爽甜中又帶點薑的獨特味道，製作特別。豬柳選材都算厚身，切開內層呈微粉紅狀態，火喉合適，鬆軟度及肉香亦見合理。主食香辣蕃茄汁意大利粉伴辣肉腸，廚師以大量車厘茄製作醬汁，口味以甜酸感為主，辣

很久沒來到北角區一帶啦.與朋友相約來到北角區覓食這間餐廳所在的商場是兒時補習地方啊!現在已經煥然一新!這間餐廳位置都頗隱閉的但看真.位置相當寬敞.便在這裡享用午餐.剛巧碰上這天是週末,有特別餐單呢朋友是吃素的,很高興也有很多選擇!先來一杯餐飲,好驚訝hot chocolate 也有美美的拉花.而且甜度適中! 先選了蕃茄牛油果醬benedict配薯仔沙律Benedict做得有水準!已急不及待切下,看著蛋黃心隨隨流下,搭配軟硬適中的麵包, 帶來清新感的番茄,錦上添花的牛油果醬,使到不會太乾又感到很健康!薯菜的薯仔也滿滿的! 香蒜辣椒炒意粉伴海蜆這碟菜份量十足,海蜆數量很多,無沙感的!香蒜感十分惹味,辣椒味沒有蓋過蜆鮮味道,值得一試 香煎鰡魚伴檸檬牛油汁這碟用了檸檬牛油汁煎了魚,很欣賞的他巧妙地能夠用檸檬味道帶給不油膩的感覺.也半點腥味也沒有. 點餐後.才發現黑板上的畫功原來隱藏著推介餐牌包括推介甜點及餐飲很想試試這裡的甜品唯有下次再試值得一提的是這裡播著輕音樂不會趕客人,很適合慢節奏待著聊天！

兒子來北角上堂，說要跟我吃午飯。知道這年輕人一定唔會鍾意飲茶，嫌太老餅，就一於選擇去吃西餐吧！揀了位於馬寶道的《Alize Noire de Nova 意烽》，餐廳位於商場一樓，地點就腳，離北角港鐵站不遠，只是幾分鐘路程。如果唔想等𨋢的話，其實也可以行樓梯直達餐廳。餐廳店面頗大，佔地約有 5 千呎，而且一入門口右手邊更有間 VIP 房，可供客人聚餐或開 Party 之用。入座後先揭開餐牌，午市套餐選擇豐富，有西冷扒、烤豬柳、鴨胸、意粉、千層麵、意大利飯、沙律和漢堡包，而且仲包埋 House Salad 或是日餐湯，另外午餐更有飲品或甜品可供選擇，如果想兩樣都要齊的話，就要另加 $15。先送上來的前菜是 Parma Ham Salad 巴馬火腿沙律，成品分量不大，賣相亦絕不花巧，面頭只有一片薄薄的巴馬火腿。叉起一試，火腿入口雖稍嫌唔夠鹹香油潤，但用來配口感清爽的沙律菜，味道亦不俗。是日餐湯是南瓜湯，筆者對南瓜雖然興趣不大，但煮成湯後，味道香甜濃郁、質感幼滑濃稠，是用心之作。跟餐的麵包質感非常軟熟，只可惜唔夠熱，就算塗上牛油後，食味亦大打折扣。主菜分別點了烤西冷扒伴燒汁 ($128) 和香

在炮台山工作的我,上堂前去了北角的Alize Noire de Nova食飯. 地點好易揾, 一出北角地鐵站行1分鐘左右使到達.坐下後, 店員先奉上麵包. 提子黑包配牛油, 香草白包配蒜蓉.兩款包的味道也很不錯.我先點了香煎牛舌配芝麻醬.愛食牛舌的我, 較少見到牛舌的菜式, 所以一見到便想一試.牛舌是薄身, 但我自己較為愛食厚切牛舌, 因為較有口感. 牛舌味道調教不錯,幾咸香, 外層也煎得夠脆, 但略為過了時間一點, 較為黑和乾身.這個點不點芝麻醬可以隨自己喜歡.見到這裡有手工麵,決定點來試下, 我揀了香草醬蕃茄青口手工蛋麵.上枱已經香味撲鼻.份量都幾大碟, 而且青口的數量也有不少, 有成一打咁多.手工麵軟硬適中,質感較為彈牙, 而且香草汁沾在麵上, 稀杰適中, 入口時, 多了一份淡淡的香草味道.青口幾爽身, 又彈牙, 不會太過乾身. 這個手工麵真是整得不錯, 下次要另外試其他款式.最後, 就是甜品, 我點了比利時黑朱古力心太軟.這個大約要等十五分鐘左右.對於我來講, 心太軟最重要是夠流心, 這個時間控制相當重要, 好考師傅的功夫.我用刀切開後, 朱古力慢慢流出. 這個心太軟若能再流心

今日去左北角Alize Noire de Nova 食晏，舖係走廊盡頭，有些隱蔽。。。系門口等左一陣就坐底order，周圍既環境好舒服，以黑白為主題，另外有兔仔耳logo既menu！ 入正題先，我order 左2個lunch set, 一個係sirloin beef, 一個係burger set with salad!!!首先，餐湯黎左先。。。係南瓜甘荀湯，而本人覺得有點偏甜，不過尚算接受 不過burger 黎左之後發現原來係sandwich... 不過如果只係講味道，個麵包烘焙過加上安格斯牛香味十足，比普通既buns出奇既夾！ 另外，牛排我要求五成熟，而廚師煮得剛好，當黎既時候巳經嗅到其香味，食既時候就發現牛汁鎖得非常之後，表示欣賞！ 不過唔知係我大食抑或份量少。。。(其實我諗兩者都係)，所以再order 左risotto 同朋友share, 由於我鍾愛菇菌類，那當然揀黑松露意大利飯啦，當然味道亦不錯，不過唔覺有咩特別@@ btw, 跟餐咖啡出奇地好味，同埋覺得好抵食

經過北角 同朋友入來試左呢間餐廳 估唔到又幾好feel 服務質素好 坐得夠舒服 生活咁忙 可以用一個三四百蚊 兩個人舒舒服服咁食一餐飯 唔洗趕時間 唔洗坐得迫 已經係一種幸福呢間餐廳有dinner set 亦都可以散叫 不過dinner set 通常經濟啲😎 所以絕對係考慮範圍之內前菜- 海蝦青木竹瓜沙律海蝦好大隻 處理得好乾淨 平時最怕啲蝦有黑腸 食都唔放心 調味方面 廚師應該只係落左少少海鹽 簡單既調味 可以更加食到海蝦既鮮味 肉質彈牙 好有口感 不論佢係用冰鮮蝦定係新鮮蝦 可以做得咁好 都要一讚木瓜沙律方面 就有小小令人失望 本身係想像佢會泰式風格 濃味啲 味道豐富啲 點知食落同想像好大出入 青木瓜口感爽脆 但佢調味依然簡單 淨係食到酸酸地 無咩特別😕 唔會想一口接一口咁食餐湯-磨菇湯好濃既磨菇味,飲落口好香好滑既質感 味道雖然略重 但佢仲加左少少松露 少少黑胡椒 的確引起食慾 唯一不足係略嫌湯稀左少少主菜-魷魚墨魚汁意大利飯先由賣相講起 TOPPING有D巴馬臣芝士 意大利飯睇起黎都算肥大飽滿 魷魚份量都唔少食落口無想像咁濃味 食到魷魚鮮味同墨汁既香味 飯既口感咬落亦好軟熟 但

北角比較多舊式食物， 但好多都有試過 甘難得經過開北角 於是俾我search到一間 喺馬寶道33號呢個大廈入面一間西餐廳， 大廈入面好陣教室 好似畫廊 , 學音樂甘， 同出面既舊區感覺格格不入 上到一樓就會見到一間以綠紅白為主題顏色 (除左枱櫈係啡色) 既西餐廳， 食店裝修簡單但整齊 , menu制作精美， 彩色得黎 推介食物都會清楚有埋圖片， 食物眾多， lunch, tea dinner , 都有set , 亦有散叫 飲品 甜品 前菜等等。 食物偏向係意法式，雖然我3點到可以點tea set, 但我更想點d特別d既野 首先點左個 parma traffle cheese puff , 上枱中間有沙律 沙律菜清甜， 應該落左少少甜醬同醋 清新開胃， 4 個角位有 4 個細細粒既puff , puff切開一半查左牛油， 夾住 軟滑既cheese , parma ham, 一小粒蕃茄 仲有查左d traffle醬， parma ham 咸得黎 又俾traffle同芝士中和番， 蕃茄既juicy同乾身既puff亦配塔得宜 食落好特別， 值得一試st pauline cheese沙律同樣既沙

呢間係西餐廳 價錢大概150至300 係西餐廳來講食物款式都叫幾多 氣氛唔錯 位置寬敞 枱既密度唔會好高 所以環境都叫靜同舒服 幾適合親朋密友食飯 大蝦凱撒沙律大蝦肉質嫩滑彈牙 size 都幾大下 只係用左少少鹽調味 所以鮮蝦味好出 一碟大概有4-5隻左右 羅馬生菜有啲老 唔夠fresh 但份量夠多 好襟食 麵包粒好脆 但煙肉粒份量唔夠多 至於個醬汁酸少少會更好 但見到每條菜上面有凱撒沙律汁真係好開心😍 蜆肉闊條麵好多蜆肉 隻隻都好大粒 奈何入邊有啲沙 不過我切左啲內臟唔食 都仲有好多蜆肉食😋 慢慢切慢慢食 好享受 至於闊條面sell自家制 好彈牙 成個味都幾好 淨係咸左少少 朱古力曲奇沙冰必食推介👍 上面有Oreo 同曲奇雪糕 侍應會攞隻碟比你食雪糕用 夠體貼 我叫左杯大既 好大杯 兩個人飲都好夠 朱古力味同曲奇味夠濃 但又唔會太甜 啲冰夠碎夠滑 唔會食到一粒粒嘅冰 佢呢隻係無朱古力碎 同Starbucks 既好唔同 滑好多😍 好耐未試過可以咁優閒食一個dinner 可以慢慢傾計 坐得又舒服 餐廳服務又好 唔會催你 仲要睇你食完一

娘家住北角，經常留意附近有咩特別餐廳可以試下，其實北角多數以茶餐廳為多，好少有西式或者質素較高既餐廳。 今次比我發現到馬寶道竟然有間西餐廳，真係不可不試。 Alize令我諗起愛麗絲，一入去見到logo係兔仔，不禁令我聯想到愛麗絲夢遊仙境😂 入面係一貫西餐廳作風，燈光較氛暗以制造浪漫氣氛。 menu有扒，飯，意粉，蠔，甜品，另有set dinner。 未點菜已經先上餐包供我們享用配以牛油加蒜蓉醬，麵包鬆軟，沾上蒜蓉醬超級好吃，因為蒜蓉醬十分惹味，令到麵包味道得以提昇，即使唔點牛油，都一定要點蒜蓉醬。 Set dinner 前菜海蝦青木瓜沙律 蝦肉新鮮爽口，下面係青木瓜絲+蘿白絲，感覺有點似泰式沙律，不過又唔辣，都幾清新。 番茄忌廉湯番茄蓉同忌廉混合令餐湯呈杰身少少，入口酸酸地，同一般羅宋湯有所不同。 美國安格斯羊T骨伴乳酪檸檬時羅汁牛T骨經常食，羊T骨就第一次，上碟3大片，羊肉嫩滑帶少少羶味，乳酪檸檬時羅汁酸酸地，點左都幾特別。 意式雞肉忌廉汁手工蛋麵手工蛋麵係呢度主打，因為係新鮮手造嘅。 麵質彈牙而且富有蛋味，雞肉嫩滑，雞肉的