最想吃 (Closed)

難得約左朋友星期六飯聚，當然要揀返間有水準嘅餐廳啦！要成為有水準嘅餐廳，不外乎以下幾個元素，包括：內在環境乾淨企理、服務態度良好、食物水平高質、價錢合理等等，而呢間餐廳喺各方面嘅水平都唔錯，綜合評分嚟講算係一間幾高質嘅食店！先講下地段，佢係坐落於灣仔區灣仔道83號3樓，由於地面係街市嘅關係，所以一開始對呢間餐廳嘅印象麻麻，直至上左去之後，先發現係另一個世界。餐廳環境方面，由於我地Book左五點，係最早到嘅一枱，基本上你想坐邊都可以，我地兩個就揀左一張for 四個人嘅大枱，所以全程都食坐得好舒服，唔使好似平時中午食飯咁要就住就住咁坐。餐廳嘅裝修好華美，用色好似時下嘅打卡咖啡廳咁，以少女粉紅作為主調，配合牆上嘅霓虹燈裝飾，即刻覺得自己好似去左一個夢幻主題遊戲室咁，唔似係打邊爐嘅地方。之後，我地發現侍應們著嘅衫都係時下最流行嘅魷魚遊戲服裝，男仔就扮工作人員(紅色衫)，女仔就扮456參賽者(綠色衫)；之後電視機都係播住《魷魚遊戲》，真係跟得好貼呀！令我好奇佢地喺未有《魷魚遊戲》之前，唔知又係點嘅裝扮嘅呢？野食方面，佢分做三個plan：A、B、C，Plan A最平但最少野食(無魚生)，Plan

呢間堅要推介，之前和同事黎食咗個石燒牛扒，勁好食，今次同阿姐食飯都推介佢黎呢度試下午市一人一鍋，呢度仲有任食叫架！.阿姐即係阿姐，佢揀左個最貴嘅一人一鍋火鍋任食套餐🤤，係有M6澳洲和牛食囉～ 滿足晒！.我揀左花膠湯底，清清地！然後就有一堆頭一轉牛肉送過黎 應該有8盤牛肉和4盤豬肉。.價錢係包咗飲品，又有薏米水飲、洛神花茶、罐裝忌廉溝鮮奶、都有hite 啤酒等等。.食完仲可以食雪條，但認真講太飽了！食唔落😆.好滿足嘅一餐，又有人請。一個字「正」.最後一提，阿姐好滿意三個人坐六人枱，好舒服，又好食，我都覺得值得再來嘅一間食店👍🏻

開頭見到灣仔區午餐任食火鍋$148，樓下門口又普通，都做咗心理，食店可能環境一般，食物合格都算，結果完全係超值。環境:枱夠大，每枱距離都寛敞，同朋友傾計都非常舒服服務:全部員工都有禮，有介紹點樣攞食物同飲品，亦有適時收碟。食物:一人一鍋湯底，係麻辣、日式或韓式湯底，有辣有唔辣，好正，以為揀最平嘅餐$148，仲要冇加一啲牛肉都唔會太好，結果係樣靚牛肉味夠，唔太肥，其他食物款式都好多好多，仲有韓國啤酒任飲，韓國雪糕任食，絕冇取巧，一定會再去。

青蛙又跳跳吓找到此處，極力推介抵食。 白飯任舀，加紫菜芝麻，飯質雪白有軟綿口感，蕃茄牛肉椰菜洋葱湯又係任取，足料又濃，2隻大红椒在煲湯裏，微辣。 豚肉涮涮渦$88,昆布湯底，甜，豬肉片甜爽，蘸我自家調配醬汁，芫荽葱必備，生蒜，炸蒜，麻油，花椒油，豉油，隨便溝，牛丸牛味濃，有質感 ,還有一小籃菜及金菇，都算ok,粟米就難腍。 日本黑豚腩肉石燒$78，燒焦香蒜片，香草牛油，增添靈氣，肉質有嚼口，有彈，可蘸照燒汁，燒汁，柚子醬，可加胡椒或塩，隨君喜好。 不收加一，位子濶，舀飯湯及醬料處，醬汁樽，各方面都整潔！

北海道牛乳鍋底好似比較少見 所以比佢吸引咗去試有三款放題餐可以揀 分別係雪花牛板腱 安格斯牛同澳洲M6/🤍特級雪花牛板腱放題套餐($238) | Rating: 7.5/10肉類可以任食牛板腱同日本豚肉仲有其他火鍋常見嘅配料都可以任點再包小食拼盤+海鮮拼盤+雞煲/韓國炸雞🤍牛板腱肉質同牛味都唔錯 以放題嘅肉嚟講質素算幾好🤍雞煲幾麻幾香 都算惹味 不過醬汁可以再多啲🤍小食拼盤就正正常常 係你想像到嘅味道🤍海鮮拼盤有蝦 扇貝 鮑魚 魚片 沙白 食材新鮮 只有沙白同海蝦可以免費任添🤍牛乳鍋底味道比較淡 只係有時食有少少牛奶味 用嚟淥蔬菜類先會比較適合🤍另一個我哋叫麻辣鍋底 正常放題水準 港式麻辣湯味😂/🤍嘢飲方面都有自己特色 有啲手搖飲品喺雪櫃任拎 有個士多啤梨爆珠乳酪幾特別🤍仲有7-8款嘅韓國Melona雪條任食！/整體我會話係喺放題界入面幾高質嘅餐廳但覺得fusion嘅感覺唔太出 自己都係會偏向好明確咁台式 日式 川式 嘅店多啲裝修比較乾淨簡約 座位好闊落坐得舒服 朱仔話耳根清靜嘅放題食得好開心😂不過我個人如果食任食火鍋 都係鍾意嗰種好嘈feel到成個場都趕住食回本嘅餐廳多啲😂咁先有氣氛

非常值得一推既火鍋放題✨環境好闊落，座得好舒服！而且服務好好，食得開心，絕對會去再幫襯😍一人一火鍋呢個設定好好👍🏼可以揀自己鐘意既湯底🥰仲有麻辣雞煲，而且一d都唔馬虎，怕客人會覺得太辣，上雞煲既時候，有另外提供調味料，想辣d再加😋😋火鍋既料都好新鮮，有2個鐘食，唔覺唔覺叫左好多🙈野飲方面都好用心！唔只有罐裝同包裝飲品，仲有店家自製既飲品😋好好飲！

All I wannnna eat is good foodss with friends~黎到灣仔，一間小巷入面，估唔到樓上都有一間任食嘅打邊爐，仲可以一人一小窩！佢有五款湯底俾你揀嘅，價錢呢都有ABC餐任君選擇，唔同Chan嘅分別，就係佢有多幾款唔同嘅牛， C餐係會有埋M6和牛的嘢飲方面，呢度係任飲嘅，你自己揀想飲乜嘢就得㗎啦，仲有呢度仲有蜜瓜雪條食😬我哋四個人，每人叫咗一款，我就叫咗個美顏花膠嘅～估唔到佢個湯底都唔係太流嘅，堅有花膠㗎。唔好以為淨係打邊爐原來佢仲有前菜嘅，有一個小食拼盤，超多款，根本食完呢一個酒已經半飽😛，仲有刺身呢😅粒帶子大到😳，要有兩個胃先食得晒啲牛肉都幾新鮮，除咗肉之外，我仲有嗰個海鮮！ 唔係蟹柳喎，喺成盤，又帶子、又蝦、鮑魚、蜆....超多！！！食極都食唔哂！價錢唔貴，應該話個價錢同佢個食物係match既！ 值得推介👍🏻

一人一個獨立鍋，相信係疫情期間很多人都會比較接受主打日韓火鍋，120分鐘，超過40款火鍋配料又有自家製飲品，同韓國雪條價錢由$148-$248不等最後揀左c餐，澳洲m6和牛放題可任食m6和牛，安格斯牛小排，雪花牛板腱，日本豚肉等等先送上剌身拼盤4人更送上北海道海膽，已經值回票價剌身件件厚切，有三文魚，帶子，油甘魚等等鮮味十足小食便當，一共有五款，個人最愛黃金魚皮，就是沾滿鹹蛋黃，非常香脆，好惹味韓國炸雞跟麻辣雞煲可揀一款最後怕雞煲食唔哂，所以點了韓國炸雞，炸雞有驚喜，而且無骨海鮮拼盤又係有五款，新鮮甜美幾款湯底之下揀左北海道牛乳奶白色湯底，配牛肉同蔬菜一流湯底夠濃味M6牛肉油花充足,入口即溶相當不錯其他火鍋料也不錯，這晚相當飽足

這天我們一行四人，進行了一項「不可能的任務」！咩咁大件事？原來是去了灣仔樓上火鍋店「最想吃 All I Wana Eat」，吃了一頓火鍋。「Chur~~」我知道你會咁講，但請耐心聽我說完。這個火鍋共分為五部分：日本刺身、小食便當、韓國炸雞 / 麻辣雞煲、海鮮拼盤、任吃和牛，外面還有任飲任食吧枱，我們四人光顧和牛套餐，餐廳還贈送了一板海膽，每人只需$328就可以吃那麼多，我問你怕未！All I Wana Eat位於灣仔一幢毫不起眼的商廈，是一間樓上店。餐廳呈長條形，座位不算多，裝修走年輕路線，據知名廚陳國強是餐廳主理人之一，質素有保證。吃飯之前，先在外面巡一圈。醬料區不大，但基本醬料，如火鍋豉油、日本麻醬、辣椒、蔥花、蒜蓉、芫茜等都齊備。飲品選擇多，除一般啤酒汽水，還有自家製飲品，如宇治金時、檸檬薏米水、菠蘿柚子蜜等等，我怕肥，選了韓國的無糖牛蒡茶。如果你吃罷和牛還吃得下，外面還有不同的火鍋料，丸類、午餐肉、腸仔、蔬菜等一應俱全，我們幾個「老人家」胃口不大，最後只挑了蔬菜來吃。驚喜位是這個雪糕櫃，裡面都是韓國果味雪條，最受歡迎是蜜瓜味，香氣四溢，我不爭氣的肚皮只吃了一條椰子味。湯、飯、茶

年輕時最愛在上課時發呆，學苑瓊丹係「逃學威龍」中一句:「上我堂縱橫四海？」真係深得我心。亦都有一句「人無夢就似條鹹魚！」或者，大家都是在夢想中成長，亦明白夢境成真的可貴。近日跟一班朋友走訪了「最想吃」。餐廳位於灣仔道的商業大廈內，都算就腳方便，走的是日韓火鍋放題路線，附近有不少商業樓宇及住宅，所以不愁客路。而主理人是位廿多歲的年輕人，老實講，望落同自己囝囝差不多年紀，但接觸下是謙虛有禮，亦樂於聽取意見，令人印象良好。望望餐牌，午間石燒定食亦不過$78起，都相當實際。至於晚間任食火鍋，有A/B/C，三種不同組合，就算是最貴的C餐，都是$348，若然是1930前離座，只須$328，小童及長者更是任何時段有$248優惠，至於「A」餐及「B」餐，都是由$218起，只不過肉類的選擇及有可能沒有了刺身。是晚就選了最抵食的「C」餐。食物未上，先去凍櫃取飲品，好多都係自家出品，種類亦多，有宇治金時、洛神花茶、檸檬薏米水、士多啤梨乳酪爆爆珠、檸檬柑桔蜜、忌廉溝鮮奶、韓國七喜、韓國可樂、無糖牛蒡茶、無糖烏龍茶及礦泉水，果然是走韓風。首先出場是日本刺身拼盤，當中包括了原板北海道海膽，夠矜貴了吧？仲有帆立貝、

臨時朋友約出來聚會，當然要立即赴約餐廳寬敞明亮，環境舒適多人聚餐、少人用餐都很OK重點是一人一個獨立鍋，不用遷就別人，疫情下感覺安全多了餐廳收費方面分A、B、C三款套餐價錢$218起季節性新鮮蔬菜、麵食、火鍋料，吃多少拿多少店內更有自家製飲品洛神花茶、檸檬薏米等等可選擇韓國雪條數十種火鍋料可挑選，樣式很多花多少少選上C套餐就可以吃到澳洲M6和牛及頂級黑牛肩脊，極上安格斯牛小排等等還有兩款豚肉有五款湯底可挑選美顏花膠鍋、北海道牛乳鍋、韓式泡菜鍋、麻麻辣辣鍋及日式海帶豆腐鍋最後點了牛乳鍋，奶白湯底配上少許南瓜跟菇，奶香味濃最後再煮個韓國麵真的很對味！四人同行更送上原板日本北海道海膽，送完即止，超值划算將海膽放紫菜上同吃，更加滋味先送上日本刺身包括甜蝦、三文魚、油甘魚，帶子、北寄貝、希靈魚、三文魚籽等等質素不錯，鮮甜肥美小食便當，有雞肉串、黃金炸魚皮、番薯仔、枝豆跟沙律菜最喜歡黃金炸魚皮，充滿蛋黃的鹹香韓國炸雞跟麻辣雞煲二選一揀了韓國炸雞，炸得不會太乾身，配上韓國醬汁，不錯吃海鮮拼盤，包括大蝦、鮑魚、大蜆、扇貝等等牛奶搭配海鮮也是很吸引人的牛肉軟嫩好吃，肉質很細嫩、保有牛肉鮮甜味其他火鍋料都

每次跟友人吃火鍋，總有個尷尬位出現，不吃牛的我首要便是要張個攞鴛鴦鍋。這裡的一人一鍋，不但解決了我的煩惱，且還有兩款豚肉及四款牛肉任食，真正的皆大歡喜！店子呈長方形格局，首尾各有一間廂房，自成一角、吃得更盡歡。收費方面分A、B、C三款套餐，A款最實恵；除特級雪花牛板腱及日本豚肉任食外，還有「最想吃」小食便當、韓國炸雞或麻辣雞煲、直送海鮮拼盤，另可填紙仔及到自助區選擇喜歡的蔬菜、菇菌、粉麵、年糕、豆製品、鴨血、炸魚皮、餃類及丸子等；五時至九時半入座，每位只是$238，如晚上七時半前離座或九時半後入座，每位$218。B款看來較適合我，每位多附$50、即$288，但就添加了日本刺身、日本黑豚腩肉及極上安格斯牛小排 。牛魔們必定會選C餐，事關有澳洲M6和牛及頂級黑牛肩脊，且選擇C餐更有另一重優惠；四人同行便免費獲贈「原板日本北海道海膽」一客，在重重誘惑下，最後所有人都揀了C餐。跟住便要揀湯底，五款任選：美顏花膠鍋、韓式泡菜鍋、北海道牛乳鍋、日式海帶豆腐鍋及麻麻辣辣鍋；最吸引我的是花膠鍋及牛乳鍋，但花膠鍋已在其它食肆吃過，那就揀牛乳鍋吧，乳白色的湯底內有幾片南瓜及小量鴻喜菇；試喝一口；滑溜帶奶香

灣仔區一放飯時間餐廳🍴門口一定堆滿人群，所以我同同事多數鐘意食有得訂位既餐廳🍴而呢間位於灣仔道83 號3樓主打港日韓火鍋🍲料理放題店「最想吃 All I Wanna Eat」係同事介紹下用WTS 訂位，餐廳🍴回覆速度快，決意午市挑戰打邊爐🍲。餐廳面積不大，大約佔地半層範圍，設有卡位雅座，而且有大量霓虹燈作打卡之用🤳環境夠乾淨衛生，空間感十足而且店員服務態度好好，準時十二點安排入座。👍🏽我哋挑戰90分鐘午市港日韓火鍋放題（供應11:30 -15:00），提供超過30款自助火鍋配料飲品同埋韓國雪條任飲飲食，仲有自助沙律🥗秋田米任食。最抵可簡「特級雪花牛板腱放題套餐」（HKD 148)已包牛板腱同日本豚肉任食🐖幾本上食肉到夠回本。牛板腱牛味濃郁，滾十秒可入口，好嫩滑，帶點筋根，有咬口。豚肉比較薄，但吾會咁飽。多款特式湯底，我簡左美顏花膠鍋， 一人一鍋十分衛生，特別呢個時期，真係比大大塊花膠，膠質濃，補補骨膠原，養生之選。提供蔬菜🥬拼盤，好女精美高質，有香菇、粟米🌽、金菇等，仲有日本烏冬同韓國不倒翁拉麵🍜除左雪櫃火鍋配料，仲可以寫紙仔點餃子🥟、台灣鴨血、滷水大腸，多款特色食材。飲品方面：有檸檬

疫情解禁，立即約朋友食飯，知道返工附近有間火鍋店，立即打去book左間房，入到去，非常之大，非常乾淨，立即放心哂，食物水準都非常好，款式亦多，員工好好禮貌，一定再有下一次！

同老公去灣仔街市辦完年貨，午餐時間有d肚餓但想搵d人流比較小既餐廳食飯，始終疫情嚴重，見到樓上舖超值石燒午餐價錢吸引抱住試下心態，我地order左2份牛肉石燒，有塊熱石熱住牛扒上菜，自己可以再切细細塊再煎香，自己控制，最正係白飯＋湯任飲任食，啱晒我既大胃王老公🤭下次可以再去