巷·弄 (Closed)

✨巷·弄 @alley_hk ✨呢間位於長沙灣既台灣菜，佢地lunch set好大份抵食。依家仲全新推出咗「鍋物系列」，最啱冬天天氣凍食。。🌟12小時慢煮豬軟骨飯 $65試咗呢款lunch set 豬軟骨飯，豬軟骨好軟淋，肉都係半肥瘦，加上少少甜嘅醬汁，真係幾好食，而且份量都好多。仲有附送兩款伴碟，食完超級飽。🌟台灣紅燒牛肉麵 $69佢地既紅燒牛肉麵係自家改良既湯底，用咗二、三十斤牛骨加香料熬近10小時，湯底香濃。牛肉係半肉半筋既金錢腱，仲用紅燒汁浸煮3小時，腍到夾起身都就斷。麵底軟硬啱啱好.🌟火腿芝士蛋餅 $45可惜食唔到肉鬆芝士，不過火腿芝士都唔錯，皮夠薄煎得幾香。🌟椒鹽花枝丸+$20套餐加$20可以揀一款小食，都幾彈同有花枝丸粒。🌟是日特飲 水蜜桃綠茶、🌟綠茶 、🌟紅茶套餐送既飲品，味道正常。

台灣好多隱世小店都會開喺巷弄間 呢間台式小店都唔例外🤪小店主打台式飲品同食物 木系簡潔style🪵而家仲推出左台式一人鍋物 冬天食暖笠笠🥳.📌祕製香煎雞扒飯 $62啲飯唔淋但飯底好多油🥲不過飯好多 雞扒厚肉 好抵食😚肉質唔鞋夠嫩滑 煎得好香 仲有少少咖喱味🥘西蘭花係白烚 好淡味🙈每個飯都跟配菜 炒蟹味菇好香好滑 大豆芽就正常😆.📌酥炸大排骨飯 $63豬扒好薄身 外脆內軟幾juicy🐷酸菜唔鹹 撈埋個飯啱啱好😝滷水蛋都好入味🥚.📌鹽酥雞肉燥飯 $65鹽酥雞炸皮正常厚薄 炸得好脆好juicy🥰肉質滑 唔會好鹹😋啲肉燥鹹鹹地微甜 肥瘦適中 唔會係一patpat😎.📌炸五香肉卷 $48內餡係黑豚肉整成一條腸咁 再用腐皮包住🫔炸得唔太脆 入面仲要炸得未係好熟 食落有少少生粉漿喺度😢仲有啲馬蹄 但整體味道唔太啱我地口味🙈旁邊係酸甜醬 都幾夾嘅😛.📌炸雞翼 $20跟餐可以加小食一份😝炸得幾香脆🐔.📌是日特飲 跟餐會送紅茶/綠茶/是日特飲🥤今次飲左蜜桃綠茶🍵少甜唔會好甜 蜜桃味好出🍑

阿女好鍾意食「巷·弄」嘅台灣紅燒牛肉麵😋不停話個湯好味好味🤣🤣原來佢地牛肉麵嘅湯底係自家研制係用咗二、三十斤嘅牛骨加埋秘製香料熬近10小時㗎‼️而且牛肉係用金錢腱，半肉半筋用紅燒汁浸煮3小時，唔怪得小芙話好味👍🏻台灣美食點少得鹽酥雞香口脆嫩，好juicy🤩鹽酥雞肉燥飯有齊我鍾意食嘅鹽酥雞同肉燥多汁惹味，真係食極唔厭😆另外巷·弄全新推出「鍋物系列」啱晒鍾意食鍋物嘅香港人1) 海鮮涮涮鍋（價值HK$118）2) 巷弄麻辣臭臭鍋 (價值HK$108)3) 台式麻辣牛肉鍋 (價值HK$118)4) 牛奶豚肉鍋 (價值HK$108)5) 清膳蔬菜鍋 (價值HK$88)6) 紅燒藥膳牛三寶鍋 (價值HK$128)

本身打算跟朋友試試店家最新推出的「鍋物系列」，誰知道由於晚市堂食禁令下，暫時沒有提供。不過不打緊，其他食物也很美味。店內牆身寫上台式小確幸風格的字句及一些貼紙，是少有的良心小店。 台灣紅燒牛肉麵 - $69 必試之選，湯底是店家根據台灣傳統做法，再經自家改良而成，以迎合香港人口味。用上接近二、三十斤的大量牛骨，再加上各種香料長時間熬成，味道甘美清甜；而兩大塊的牛肉特別用上金錢腱部位，帶半肉半筋，長時間浸煮特別入味，質感軟而不爛，滑嫩又入口即化。 椒鹽花枝丸 +$20 午市套餐以優惠價加六款指定小食之一款 外表炸得金黃的花枝丸，滿佈芬芳的椒鹽粉，裡面飽滿結實的塊狀花枝肉，紮實又彈牙。 山葵燒汁牛肋肉 - $65 山葵燒汁有點日式風味，味道甜甜的又帶微辣，牛肋條燉煮得入味又嫩，肉塊上方那層白色筋膜略帶嚼勁。 熱帶水果沙冰 +$25 套餐跟紅茶、綠茶或是日特飲，其他飲品正價則減$20。 沙冰打得很綿密細膩，完全不覺有冰塊感，而且每一口也充滿酸酸甜甜的熱帶水果香味。  

兩年幾無飛台灣，好在香港都找到台式料理餐廳，這次我來到長沙灣的小店 巷·弄，叫滿一整桌台灣街頭蔬食小菜，真係食得滿足又過癮！搭地鐵去長沙灣站，或者去黃金商場買完電腦野再行過去都好近。店面設計都幾有特色喎。入面裝修設計都很有台灣感覺，就像去了當地的街頭小食店一樣。主食有牛肉麵肉燥飯之類，本來想食佢地新推出個一人鍋物，點知原來晚市先有，所以我就叫左幾款涼食和小吃。涼拌皮蛋豆腐 HK$40去台灣的時候好鍾意食麻醬麵再配個皮蛋豆腐，講起都好耐無食過，這裡的皮蛋豆腐配了麻辣醬汁，尤其好多原粒花椒，吃起來都幾刺激，皮蛋當然都夠晒風味啦！滷香蛋 HK$20一份有兩隻雞蛋，可以見到中間都上晒色入晒味，味道都唔錯架。滷豆腐 HK$43使用比較結實的豆腐，咬起來非常有質感，味道中規中矩但就非常飽肚。醬油秋葵 HK$30非常有菜驚喜的涼菜，不過佢其實係暖暖地，醬油和蔥蒜都份量十足，吃起來非常惹味！甘梅地瓜條 HK$35這個也蠻有驚喜，用了黃色地瓜口感和甜度都唔錯，吃起來唔會太油膩，加點酸甜梅粉夠晒台灣風味。百香果綠茶 HK$28這天剛好沒有珍珠奶茶，所以試試店家的台灣綠茶，百香果是用新鮮水果並非糖漿啊，酸酸

L8 台灣紅燒牛肉麵 $69Braised Beef Noodles Soup紅燒牛肉麵屬自家改良的的湯底，店家用了二，三十斤牛骨加香料熬近10小時，所以味道十分惹味。牛肉麵內的牛肉份量亦十分多，牛肉為金錢腱，紅燒汁浸煮3小時，半肉半筋，既腍且入味。配菜有蔬菜和紅蘿蔔。麵質煙韌彈牙。L3 12小時慢煮豬軟骨飯 $6512hr Slow Cook Pork Cartilage Rice豬軟骨份量多，味道濃，肉質腍，但偏瘦的部分略帶點韌度。••••••••••••••••••••••••••••••可加配以下$20小食，一餐一份。椒鹽花枝丸 (三粒）十分惹味，調味適中，彈牙。甜不辣(小份)份量一點也不算少，甜不辣表面沾上泰式酸辣醬汁，十分惹味。••••••••••••••••••••••••••••••是日特飲：荔枝綠茶（凍）荔枝味和綠茶味道十分平均，又不甜，不俗。其他飲品正價減$20巷弄珍珠奶茶 (原價：$35) $15 （小甜）濃淡適中，珍珠十分煙韌，茶味醇厚。

今個冬天都仲未打過邊爐突如其來又禁晚市堂食(⊃｡•́‿•̀｡)⊃趁禁令開始之前去左巷·弄試佢地新推出嘅「鍋物系列」-♡︎牛奶豚肉鍋 $𝟷𝟶𝟾台灣野雖然好食但好多都好重口味呢個牛奶豚肉鍋味道反而比較清食完雞扒飯同甜不辣再食佢 感覺好似健康左ฅ^•ﻌ•^ฅ-♡︎秘製香煎雞扒飯 $𝟼𝟻-♡︎甜不辣 $𝟹𝟾呢度嘅牛肉麵比較出名主打自家改良嘅湯底用牛骨加香料熬足十小時！牛肉仲可以揀半筋半肉見到隔離枱食非常吸引ʕ♡︎ᴥ♡︎ʔ有機會再黎試下～

平日晚餐非繁忙時段入座，上菜速度慢，食物質素不了。當時得我哋一台客，野飲都整咗成十幾分鐘先到，主食等得仲耐。小食有好多都冇得叫，話賣晒。主食叫咗紅燒牛肉麵、豬軟骨麵、南部拌麵。紅燒牛肉麵、豬軟骨麵完全唔掂，兩款都係用上海麵，湯底一樣，只係牛肉都豬肉嘅分別。南部拌麵偏鹹。小食叫咗 甜不辣、炸肉卷，味道就還好。飲品：百香果綠茶、洛神花蜜、薑母茶，味道影真麻麻地，完全係失望。總結，好睇 唔好食，呢餐唔值四百幾。

疫情，不能外遊，極掛念台灣旅行，地道小食，夜市！這家在長沙灣的台灣餐廳，裝修如台灣的地道小食店，樸素，舒服。食物很好口，尤其红燒三寶麵的牛腩軟滑香腍，口感一流，牛肚( 以本人不太喜食港式牛肚, 太腍)這家咬口剛好，爽口而不太硬, 而且湯底十分惹味! 鹽酥雞十分香脆惹味！一吃有如身處師大台灣夜市掃街中！蚵仔大腸米麵線，蚵仔大腸味道互相配合，麵線軟滑，極足料！味道如西門丁阿宗麵線！在未能自由到台灣掃街之前，唯有去呢到暫時解單思之苦！

今日八點收工同另一半行過，見佢門面幾好。諗住入去試食，坦白講，入去之前真係好有期待。餐牌有台式火鍋，亦都有好多款台式小食選擇。我哋選擇左一個台式火鍋，一客鹽酥雞，一碗柯仔大腸麵線。三個字講晒，好難食！！！！我哋選擇左麻辣湯底，110蚊火鍋。肥牛係用最平價嘅街市肥牛，湯底食得出係味精粉公仔麵嘅湯底。鴨血淡而無味，用料極差。鹽酥雞算正常，但係唔熱又細粒。柯仔大腸麵線，柯仔極腥。仲要碗麵先唔記得咗放柯仔落去，我提示完店員之後，柯仔分開另上。凍冰冰咁叫我自己放返落碗麵線度。飲品係送嘅荔枝綠茶，穩定樽裝飲品水準，沒有期望沒有失望。結論就係，如果你純粹想填飽個肚，我建議你去對面茶餐廳。如果你係想食好嘅台灣野，咁你就搵個第二間

果日早放工去左搵美食，想食得平平地但又唔hea，台灣菜真係至佳選擇😆閒日的下午一個人都沒有，可以慢慢享受😎🔆台灣紅燒牛肉麵$𝟞𝟠 本身睇佢個麵好似有d乾，但食落個質感又幾好同掛到湯😋牛肉有兩件，軟腍有jelly膠質🥰湯底濃而不嗆，好似辣但飲落又唔辣🤣🔆南部魯肉飯$𝟝𝟠 呢個對比起其他無咁大驚喜，魯肉半肥瘦，肉腍到我撈完就同個飯融合左😅呢個唔試都得，但如果撞岩tea time可以叫個細嘅食🔆黃金炸饅頭+$𝟚𝟘 原本都打算單叫呢個小食，之後見到原來套餐叫咁抵😭饅頭外層炸到金黃香脆，加埋鍊奶真係極品🤤又抵又好食💯🔆炸五香肉卷$𝟜𝟠 呢個外層腐皮炸得好香口😍裡面是黑豚肉餡料，覺得個味好似一種酒樓點心但諗唔到邊隻，可能係腐皮卷果d😂🔆多多綠茶好鍾意多多系列的飲品，但覺得多多味可以再加重🤣🥰呢間意想不到質素唔錯😳除左套餐前菜唔係幾岩我口味🤣另外可能果日無人坐得幾舒服👍🏼係會想推介比人同再訪嘅餐廳

唔知道大家知唔知長沙灣係一個食店臥虎藏龍嘅地方呢？穿過佢哋嘅橫街小巷，總係會搵到一兩間特色嘅小店，今次我就搵咗一間台灣菜小店想同大家分享吓。呢間餐廳主打自家製紅燒牛肉麵，聽講佢哋嘅湯底係用咗30斤嘅牛骨加上香料熬製10個鐘而成，而且佢哋用咗金錢腱配上紅燒汁烹調三個鐘而成架，聽到都覺得好正所以就叫咗一碗試吓。一上枱第一件事當然要試吓佢個湯頭啦，佢哋嘅湯底顏色比較清，入口濃淡適中，微微散發出香料嘅味道，好適合一啲好怕中藥味嘅人食用。麵條入口QQ，而且牛肉都好大舊，入口唔會有騷味同埋肥膏，追求健康飲食嘅你可以一試。另外我都叫咗一份台式煎蛋餅同埋滷肉飯。台式煎蛋餅入口好酥脆香口，裏面嘅餡料好豐富。滷肉飯我都好推介，用上嘅豬肉肥瘦均勻，每一口都有豬肉嘅油香，送飯簡直一流呀！

周末中午十二時左右，店舖剛開門不久，店內顯得冷清。直至我們用餐完畢，店內都只有兩三枱客人，所以還算坐得舒服，但如果客滿應該就會略嫌擠迫。點了兩個午市套餐，排骨飯的排骨表面炸得不錯，但吃下去只略有咸味，沒有肉味；飯好像是蒸出來似的，太濕軟，西蘭花則好像白灼一樣。豬軟骨麵的12小時慢煮豬軟骨並沒有入口即溶，咬下去會變成一條條的幼肉絲，味道、質感普通；麵則有點像刀削麵的咬感，配上類似平常紅燒牛肉麵的湯底，是整餐最能接受的。套餐跟配的兩款前菜只有蒜味及大量花椒八角的麻，不是台灣的味道，個人並不喜歡。最令人氣憤的是，飲品。跟餐可點紅茶、綠茶或是日特飲，跟餐轉台式飲品可扣減二十元。於是，點了一杯是日特飲水蜜桃紅茶，味道太甜；另一杯加十五元轉為珍珠奶茶，整杯珍奶味道極淡，溶冰後更甚，奶茶完全沒有奶味及茶香，珍珠完全沒有味道。.坦白說，不用加錢也未必會考慮。如果單買十元是這個味道，也會因為較市價平一半有多而覺得算了；但現在以三十五元、相等於較為貴價台式飲品店的價格售賣，實在感受不到這家店怎有用心製作和對待客人。

《巷・弄》 長沙灣💛@foodie_milktea_hk雖然我唔係住嗰頭，但我特別喜歡去長沙灣揾小店，舊區小店特別多，而且越開越有質素🤗這間其實我Bookmark左好耐，一直比新開店舖插左隊，所以一直末去，今日終於‘的’起心肝去試下😃＜台灣牛肉麵＞🍜台灣牛肉麵每間都有自己獨特既湯底，這間除左用二，三十斤牛骨去淆湯底外，佢仲有藥材既味道，我特別喜歡💖牛湯清澈，牛味又帶有藥材味，不自覺地就飲左半碗😂麵底可以根據個人喜好選擇粗麵或幼麵🍜牛肉係選用牛腱位置，切條狀，炆得好軟淋☺套餐附有二款前菜及飲品，相當實惠😝＜北部肉燥拌麵＞賣相已經好高分，本身拌麵係選用幼麵，我特別喜歡這個粗幼度，拌麵時不會容易拌斷，而且相對容易吸汁😌肉燥沒有太多肥肉，食到底部時都沒有太多的油🤭感覺清爽好多，套餐同樣附有二款前菜・小青瓜及小雲耳＜奇異果荔枝沙冰＞套餐免費配紅茶或綠茶🥃🍵但我又想試下其他飲品所以加錢轉左沙冰，但感覺就普普通通啦！

去遠d食個late lunch，食完就差唔多打風lu🌬️兩點幾冇乜人，仲可以慢慢坐慢慢食🤫---🔸酥炸大排骨飯 $63豐盛既賣相，驟眼以為豬扒overcook，但落都還好，香脆juicy，但飯太dry~送是日特飲-🔸蚵仔大腸麵線 $58睇名覺得佢夠曬台灣地道，出到黎都好杰撻撻同想像差唔多💁🏻‍♀️佢面頭有一大堆蒜蓉，非蒜頭控要小心，事關撈勻曬都好重味，睇怕都口臭到聽朝🤣蚵仔同大腸唔算多，整體正常啦-🔸巷弄珍珠奶茶 $35味道一般般，珍珠較稔---🍽️ 巷弄{兩人共 $156}#跟同事搵食 #lunch #sis長沙灣 #長沙灣黃店 #長沙灣美食 #sis黃店 #💛#hkfood #hkfoodie #eat #food #dessert #美食 #香港美食 #相機食先 #香港 #平民美食 #sisterfoodcourt