Amazing Food Hall by city'super

Open Now

Now Closed

銅鑼灣區有太多好野食，成日唔知點揀好，不過今日行完街之後覺得攰，就諗住不如近近地去 City’super 食啦！自從 Amazing Food Hall 裝修好之後，一直都覺得呢度係屬於高級 food court，選擇多，質素高，又係簡簡單單食一餐~今日 order 咗我最鍾意嘅芝士意粉！淨係個賣相已經無得輸，未食果陣濃郁嘅芝士味令到我垂涎三尺 🤣 影完相之後已經急不及待開始食啦~ 入口果下好有驚喜，芝士味好香濃，意粉煙韌有口感，芝士醬汁夠 creamy 得嚟又掛到上個意粉度，加埋芝士粉，令到成碟芝士意粉更加突出，完全唔係 food court level 😍 😍

行到好肚餓唔想周圍搵野食，索性喺citysuper坐低，以為要頹食，點知相當有驚喜。中日韓西式，要咩菜式都有，唯一係價錢高左d....泡菜手撕豬捲餅裡面嘅泡菜一d都唔辣，但手撕豬都幾夠味，鍾意佢有海量嘅沙律菜，中和左豬肉嘅濃味，令到成個捲餅一d都唔會覺得膩。**三文魚炒蛋捲餅**三文魚比我想像中多，但係全熟，非常腥，炒蛋亦都比較熟，呢個組合可以更好味，依家最突出嘅係腥味。值得一讚嘅係薯條，即叫即炸，一啲油膩感都冇，非常香脆，仲要係我最鍾意嘅鬚生薯條。

經常在citysuper外賣區搵食，各種各樣嘅生蠔同刺身都好新鮮靚仔！關鍵是可以試到唔同款式，每種小小，最適合我這種什麼都想試的眼闊肚窄人😊🦪美國珍寶蠔 98hkd平時在西餐廳幾百蚊一打根本無可能有這種king size蠔，要分三口來食。爽脆肉甜，入門首選！🦪法國Fine de Clare芬迪加蠔 58hkd（好像是）也是Nr.0咁上下嘅超大size了，以前酒店buffet如果有法國蠔自助多數就是這一款。但city super的真的質素好太多，海水味重，甜味同金屬味都重，重口味首選！這兩款是我試下來比較推薦的，當然吉拉多Gillardeau還是我最喜歡的，可惜不是常常有。話說我在city super試過開完個蠔裏面有活著的螃蟹仔，可見新鮮。🍝西蘭花肉腸意粉意粉也一定要試一試，這一間的意粉我試過好幾種，每種都有驚喜！意粉彈牙，醬汁清爽，調味恰當，確實不輸大部分西餐廳。🐟油甘魚刺身city super的日本🇯🇵魚生絕對拍得住好多中價日料得來，份量也會大好多。總體來說，city super是不講究用餐環境和服務，只講究食材新鮮高級的人的不二選擇，雖然一餐唔會平，但每一文都用來買食物本身，一分

今日兩個人食野，黎foodcourt諗住平靚正快分別嗌左一個西京燒比目魚定食同海鮮意大利飯係兩個唔同既counter西京燒個個落order個時職員已話要等15分鐘咁等15分鐘都正常既因為要燒海鮮意大利飯個個就無話要等點知個西京燒仲快過西班牙飯 大概等左4個寺個西班牙海鮮飯等左半個鐘都仲未有 出去問啦 原來都有其他人等緊個職員話因為要等夠4張單先會煮個飯大家就一齊鼓躁真係搞笑 如果我知道要儲夠單先煮我就唔幫襯啦 點知等齊單要等幾耐谷鬼氣 勁肚餓唔夠10分鐘已經食完 食仲快過佢煮一兜飯

一小盤salad 原來以 gram 計別人集團都是一份幾錢 明碼實價$80 一份小薯仔samon salad⋯ 失望材料算OK不過價錢有蠱惑 ， 你真才實料寫$80 就算啦。有沒有當別人盲⋯

中秋佳節當然同屋企人一齊過架啦～食下生果食下月餅賞下月🌕今晚係壽喜燒之夜～極力推介City Super 既生蠔🦪，好高質，細隻既比較creamy，大隻既好有生蠔既鮮，唔算重海水味，吊到生蠔既鮮味😋👍🏻A5和牛同韓牛都係City Super買，試試有咩分別，壽喜燒點可以無和牛架😆生果係app 買，即時落單，半個鐘就送到，唔洗自己拎得咁辛苦，做會員每月俾$40，就免運費，其實成日買既話係慳到好多運費，最正就係凌晨都送貨，不過就一個鐘左右送到，真係好方便，凌晨睇波想食薯片而又唔想落街，無問題啦😁

時代廣場B1地庫的Foodcourt裝修完之後的Amazing Food Hall，入便的Seafood Kitchen 用上不同的優質海鮮食材制作美味的燒魚定食鐘意食魚的朋友，真係值得一試！ 食品方面 : 西京燒加拿大銀鱈魚定食 : 銀鱈魚肉質嫩滑細緻，充滿油香，再加上西京漬，美味的定食套餐西京燒挪威比目魚定食 : 比目魚肉質豐厚白嫩、細膩爽滑，再加上西京漬，又一個美味的定食套餐

和牛烏冬 雖然唔係超高級既和牛 但牛味都好香濃食落好嫩就甘加烏冬都好正一碗有六大塊 每塊都大大片如果去d日本餐廳 食唔到甘多分量不失為一個好既選擇平得黎性價比高 唔洗一定要去日本餐廳既

叫左份salad 中東百味好大份 拎起好墜手 食菜都飽埋好多吾同既配料 味道吾錯有d芝士 sour cream 有d加左香料既飯每樣少少但加埋都好多價錢合理可以食到好多種吾同既

「健康Gluten Free Organic 都咁好食？」❤️You are what you eat 系列❤️💋牌子推介 - freee💋呢個星期俾八號風球玩串晒個party，而作為健康飲食小先鋒，係街食就好多時難免會食咗好多好雜亂嘅食物，通常係屋企都係盡力用力咁食健康嘅食物。簡單quote一段gluten free嘅簡介： 「無麩質飲食」除了用於臨床治療乳糜瀉病患外，亦有使用在治療疱疹樣皮膚炎、過敏性腸道疾病、神經疾病、類風濕性關節炎和糖尿病等疾病上。我就無去到好乖好乖，但係係屋企就真係自律大過天，而freee嘅gluten早餐粟米片，加上我之前講嘅無糖杏仁奶，簡直係好味嘅早餐健康配搭！而今晚嘅打風晚餐係 蕃茄龍利柳西蘭花gluten free pasta！佢個質地真係好食到令我懷疑佢係澱粉加工物！正到無朋友囉救命！而freee竟然除上網上購買到之外，我終於係city super度買到喇！喜歡健康嘅你，留言話我知到底你哋仲想知道啲咩健康產品啦！

-🦄AMAZING FOOD HALL @citysuperhk-SUPER GREEN Hkd88Rating🌕🌕🌕🌗🌑-已經三訪Times Square嘅Amazing Food Hall然後我三次都係食 @citysuperhk 嘅沙律吧我想講其實佢裝修完之後 都真係幾多嘢食碌去最後一張圖有餐牌睇喔 有興趣可以收藏沙律吧都抵食嘅 而且確保你吸引到均衡嘅營養Base有我最愛嘅Baby Spinach同埋Kale佢嘅Kale仲要係美國有機嘅Kale 都算係貴價菜啦沙律菜幾新鮮 爽脆 Kale唔會有苦味架放心之後仲可以簡各款Fruit Protein同埋Vegetables有紫薯同埋甜薯呢兩個選擇真係好吸引 必食呀而我個人十分推薦咖哩椰菜花同埋雜野菌咖哩椰菜花比較上食到薑黃嘅味道 感覺上好健康而鍾意食菇嘅話就一定要叫雜菌 一定有驚喜架慢煮紅菜頭都唔錯 煮得好淋 而且紅菜頭夠哂甜不過我就唔太推薦烤南瓜 南瓜一啲甜味都無本身諗住佢會唔會比日本南瓜我呢 點知無 失望了-最後芝士我推薦Mozzarella 好Creamy幾好咬Nuts嘅話簡松子仁 好似係平時比較少食到嘅款醬汁就推薦食莎莎醬 感

又係時代廣場優惠券惹的禍。話說之前佢都優惠券仲有啲未用完，所以早幾日去咗最後衝刺，派到晚飯時間又唔想用腦，所以就落咗去樓下City Super Food Court食嘢啦。其實佢哋幾年依家收咗之後我都未試過入去食嘢，今次入去又估唔到啲餐廳都幾吸引喎。最後我哋揀咗一間專食肉嘅餐廳，叫咗個日式滑蛋吉列豬扒飯，吅一個日本和牛壽喜燒套餐。滑蛋吉列豬扒飯比我想像中嘅好食好多，因為屋企人唔食生野嘅關係，所以我都要求咗佢將本身嘅生蛋黃變成熟蛋。估唔到佢個蛋味都幾濃郁，豬扒炸得都好鬆脆，而且醬汁都好香濃。佢嘅米飯都唔會黐住，我最欣賞佢嘅麵豉湯係夠熱仲要唔會好鹹，都不錯吃。點知個和牛壽喜燒調返轉就有啲失望。佢嘅牛肉送到上枱面已經全部熟晒，牛肉亦都好韌入口比較鞋，而且牛嘅香味都唔係好突出。好彩佢有生雞蛋作為點醬令佢有返少少滑嘅口感。而且豆腐入口完全冇豆味，蔬菜都好少，令到成個套餐性價比都好低，同頭先書滑蛋豬扒飯相比真係差天共地，下次如果有機會再去嘅話我都會試吓佢其他嘅嘢食，睇吓佢嘅其他餸菜係咪都係中伏之選，唔知道大家有冇試過呢？有嘅話記得喺下面留言同我分享下丫！

放工好肚餓，見citysuper foodcourt都可以用coupon就試下啦！一黎到，夜晚8:30咁上下，仲有咁多人既😂😂好彩仲有位坐。怪只怪我太肚餓又心急，冇上黎睇完食評先點餐，咁就中伏了！其實依到既服務幾好，坐定定就有人送餐黎，一開始見到個湯仲幾開心架，配包都幾好。無幾耐，主菜黎到，個樣已經夠衰，芝士味仲要臭臭地😑😑唉😮‍💨鼓起勇氣試下啦.. d麵碎碎地，又淋，又水，仲要無乜味，認真真係幾核突！至於煙肉就又硬又肥，冇香味。食左2-3啖已經頂唔住，放棄了。點解d質素可以咁恐怖😑😑😑😑 冇下次！

一直都以為citysuper 只係得超市⋯原來仲有個food hall ..而且種類都唔少！有salad、果汁，有牛扒、burger ，pasta 、仲有生蠔🍟🥗🥙🥑🥯🍳🧇🌭🍝🦪我呢兩次都係星期日玩完hammock 之後去呢度食個煙三文魚牛油果班尼迪蛋😋😋😍😍整得唔差，加埋應該有一個牛油果🥑，煙三文魚唔算少，隻蛋熟度非常好，仲係流心😍又配有salad…塊包唔會話好硬好乾⋯牛油果🥑蜂蜜特飲好正，唔會話好甜，都唔會係浠，都傑身，所以應用用唔少牛油果，一杯特飲就$48，套餐加就平$10 只需$38做完運動肚餓梗係要食呢啲健康得嚟又唔dry又唔heavy嘅野啦🤪🤪如果唔好食我都唔會連續兩星期都食啦不過就等候食物嘅時間耐左啲，需要耐性

🐷🎈銅鑼灣時代廣場購物優惠券連food court都用得！💥美國安格斯牛肉片配日本山形A5級和牛肉碎斷骨麵豉湯拉麵 $108好食指數：🐷🐷🐷🐷🐷🐷🐷🐷🐷9/10回頭率：🐷🐷🐷🐷🐷🐷🐷7/10本身係因為其他餐廳排長龍所以唯有去food court睇下可唔可以用啲購物優惠券結果試左citysuper嘅Noodles&Pasta部估唔到都有意外驚喜尤其呢個和牛拉麵🍜採用美國頂級安格斯牛🐮以及日本山形A5級和牛兩種牛烹調而成嘅豚骨湯底小編自己好鍾意呢個濃郁湯底不過如果有辣味就更加好啦🥰雖然和牛得四小塊🐄但係肉質相當唔錯而且生熟程度剛剛好 少少血水油脂分布幾平均🥩入口有牛味亦有油脂香呢個價錢加埋購物優惠券杯咖啡真係抵👍🏻💥芝士卡邦尼亞手工制意粉 $88好食指數：🐷🐷🐷🐷4/10回頭率：🐷🐷2/10呢個意粉就令人失望🥲賣相睇落好creamy又香好吸引但係食落淡而無味🙃雖然都係幾creamy但唔夠滑幾乎加咗半支芝士粉一齊食另外意粉亦都唔夠al dente或者話口感有啲粉狀🙃//💥A5 Wagyu Beef Ramen $108Deliciousness: 🐷🐷🐷🐷🐷🐷🐷🐷🐷9/10Willingne