美國餐廳 (Closed)

很久沒有來openrice寫食評了，由於受疫情影响每間餐厅只能得2位客人。今天我來到了沙田第一城食午膳，這間餐厅的環境不算大也不算細，服務一般。我吃了非洲烤雞脾配牛肝菌飯我覺得這裡的粟米白湯味道不過不失，牛角包就比較特別，但個人喜歡普通餐包來搽牛油吃。非洲燒雞脾配牛肝菌飯，我就覺得雞脾沒有旺角的餐厅燒的好吃，但幸好飯就比較可口的配牛肝的味道有少少特出。這個午餐盛惠$75就一般般，你話我會不會再來吃就或者會。講真現在受肺炎疫情影响，很多酒店沒有開buffet及各健身室真是很悶的。

服務人員態度非常惡劣，原本叫雜菜湯出前一丁職員事前並沒有清楚說明有出前一丁就沒有雜菜湯餐牌亦不清楚列明， 還要怪顧客沒有常識食個早餐仲要受氣😖😖😖😖😖😖

平日經過都唔捨得食，今日特別日子，同老公慶祝下，兩個人撐枱腳食個靚靚lunch。呢度嘅食材其實唔錯，廚師選擇的都比較上盛，忌廉餐湯再加麵包，食完已經飽咗一半，主菜選擇的種類都好豐富，個人較為喜歡西冷牛扒，經理好醒目，會識得問要幾多成熟，今日有咖喱茄子黑豚肉飯，正 !小朋友就梗係喜歡 pasta啦，老人家會喜歡吃燒春雞配白飯，餐飲可以揀配咖啡或茶，外子揀咗熱朱古力，不錯我自己揀咗即磨咖啡，提提神也不錯呢。

平時都有同家人幫襯開，平心而論食物正常，送餐快，早餐亦算區內抵食，但態度睇老闆心情。果日係假日，兩大一細去食早餐，都心知多人所以我先去拿位，等左廿分鐘追問老闆先發現Miss左我哋飛. 入到去, 因為有BB, 所以問老闆攞bb椅，但安排的卡位放唔到，就夾硬將bb椅放喺兩張枱的中間通道。 我唔想阻住隔離枱出入，見到後面四人枱剛好走，有個哥哥清理緊，就問佢可否調枱，哥哥話ok. 咁我就搬啦。老闆見到即刻話"你坐返果度啦！我有五個人入緊嚟叫左啦！" OK. 小誤會，唔知你叫左五個人入嚟，我搬返去。之後想點餐，侍應都忙著送餐，我揚極手都無人來落單. Ok, 我等。終於落到單啦，老闆走來問我"你朋友到未呀？"我有啲愕然，入左來坐唔夠五分鐘咋阿Sir，就答佢"我剛剛先落單咋。"佢好勞氣咁話''唔係問你落左單未係話你朋友到未呀！咁即係就到啦係咪？"當刻我真係唔識反應，我係做錯左乜野要俾錢食極品服務態度？平日人唔多嘅時候，態度係正常仲有笑容嘅。所以各位要幫襯，唔好揀太多人嘅時候啦，除非你想食黑面王。

從餐廳外面睇，以為幾好，同埋唔算太多人。其實都係中伏餐廳。裝修一流，食物九流。食咗一淡咖喱竟然係酸嘅，而且餐廳經理態度非常差，永不幫襯。 終於知道點解假日都冇乜人幫襯，無言！

男朋友想食扒，於是黎左哩間餐廳，入到去落order果陣，個叔叔對於我既要求表現十分唔耐煩，然而我既要求只不過係想奶油豬多練奶而已，佢竟然答我，黎到唔夠你先再叫我俾多d練奶你啦😑😑你咁講又冇錯既，但我覺得你可以好態度d囉最後佢都係堅持佢自己既宗旨，我亦都唔想為左個練奶同阿叔爭持，我只可以話由落單開始已經影響左我食野既心情，只係想拿拿淋食完就走，開開心心食餐飯都要黎受氣，何必再細心品味，何必再有下次呢🤷🏻‍♀️

星期六早上九時到場，無需要等候，食客不多，很舒服呢！早餐有很多選擇，我點了鮮牛肉湯米粉（意大利鮮茄什菜濃湯底）+ 午餐肉太陽蛋厚多士。鮮牛肉湯米粉（意大利鮮茄什菜濃湯底）：鮮茄什菜濃湯底，未能嚐到鮮茄什菜濃味，調味略為淡味，可讚的是有什菜粒，份量不多的米粉很爽口，鮮牛肉軟腍，厚度適中。 午餐肉太陽蛋厚多士：多士算夠厚，烘得剛好金黃色，但未夠烘得脆口，太陽蛋賣相不錯，午餐肉沒有煎到乾身。 餐茶~熱齋啡：咖啡沒有苦澀味，能夠聞到香濃咖啡香，入口味道一般。 食後感： 環境坐得舒服，味道份量水準一般，如帶著只填飽肚子，無要求，絕對高分，不過不失的普通茶餐廳質素，但外觀扮高級的西餐廳。

生平第一篇食評，獻給家餐廳，可知我對它的恨意有多深。食物質素一般，已是不在話下，最離譜是員工的服務態度，簡直不知所謂。當天，我叫了一個牛扒午餐，把肉都吃光了，但同事們卻剛開始用餐，我便留下薯條暫且不吃，與同事歡樂地聊天。一位女侍應看不下去了，走來催問我，我回答她我還要吃的，如是者多次來盤問。忽然，一名貌似更高級的、類似經理的員工，走過來，二話不說，隔著我的同事（我坐最入），猿臂一伸，便把我的碟子奪去。當是時，同事們本仍在積極用餐，我則本在高談闊論，全都因他戛然而止。你說，他們急著要碟子嗎？非也！環顧週遭，食客只有我們寥寥數桌，非那麼執著於我的一集碟子不可嗎？更教人氣憤的是：那“經理”竟還洋洋自得地教那女侍應：“拿！唔洗問咁多架，一野攞左佢隻碟去就得架啦！” 聽到我火都來了，誓言以後絕不幫襯！ 食物質素不咋的，服務態度更是不知所謂！劣！

這間餐廳的老闆態度惡劣，實不適合在香港做服務行業，比國內餐廳還差。我們原本四個人去食下午茶，後來加多兩個人，要求轉去另一張六人枱，但竟然不被接受，解釋是已經擺好位，有部份食物已經嚟咗，這個人不是一般伙記，而是餐廳老闆，真的不近人情。當時餐廳並不多人。

雖然無論是否要上班，又或是否放假，甚至晚上看完球賽，我都總會是早起的。但每逢放假的時候，家人就難免會遲些才起床，然後吃個 “late breakfast”，跟著午餐就變成下午茶，晚餐又再順延。區內的大型屋苑有一間餐廳，無論食物或服務都是扒房的格局，晚上一份海鮮餐或牛扒餐大約要二、三百元，不過其下午茶的收費卻是十分相宜，雖然要收加一服務費，但與快餐店的價錢竟然相約。我們也曾晚上來這裡鋸扒，但不過更多會是來食下午茶。雖然價錢是如此相宜，但下午茶很多時都會有位或只是稍候片刻而已。太太喜歡食得較為清一些，所以多數會叫雪菜肉絲湯米粉配奶油脆豬仔飽加熱檸水($35)，而我就喜歡沙爹牛肉豬仔飽配意大利雜菜湯通粉加熱咖啡($38)，樂此不疲。她的奶油脆豬仔飽雖然沒有其他材料，但很鬆脆軟熟。我怎麼會知道？因為有時候她吃不了全份，總要奉獻些給我的。我太太及女兒一方面經常叫我減磅，但她們吃不下的又要找我幫忙！雪菜肉絲湯米粉的份量也不少，而且味道亦不錯，不會太鹹而米粉亦不會糊口。我的那份就有些不同，沙爹牛肉豬仔飽是用豬仔飽夾著沙爹牛肉的，牛肉有多片而有鮮味，腍滑而不韌，沙爹汁亦調校得很好味，不似是罐裝貨，不過

第一城附近都有幾多嘢食嘅，不過呢間嘅款式比較多，同埋環境比較寬敞，所以選擇咗呢一間。呢間餐廳鄰近地鐵站位置都方便，食完早餐再搭地鐵出去上班上學，適合不過。醒神早餐嘅選擇都唔少，有通粉、米粉、出前一丁等等嘅套餐，仲有營養套餐、扒類、三文治等等。我點左個美式早餐，有香草雞扒配鮮奶炒蛋、焗豆、雜菜沙律同埋厚多士，超級豐富。香草雞扒唔算好油膩大大份。炒蛋有好香嘅牛奶味，雜菜沙律啲沙律醬幾多，厚多士就可以同蛋一齊食。朋友就點左另一個美式早餐，除咗香草雞扒換咗吉列魚柳之外，其他內容同我之前嘅套餐一樣。個人認為，吉列魚柳好食啲，用沙律醬配搭增添魚柳嘅層次味道。另外加左沙嗲牛肉湯米粉/通粉。米粉比平時食開嗰啲粗身。份量都OK，俾＄10加既。最後一個人大概＄50，豐富飽肚。雖然貴茶餐廳少少，但係咁嘅環境都合理。

忙了一個早上，同事建議多走兩步過第一城食個靚lunch，隨和如娜娜我當然捨命陪君子啦！相信非第一城的居民必定會驚嘆這裡餐廳選擇多！我們左揀右揀，想起這間感覺高級的美國餐廳，見lunch 餐牌的價錢ok，立即入內試試。午餐包餐包及湯～同事說這個是青豆湯，味道一般啦，幸好搭個牛角包，夾起來吃即時加加加分！娜娜不好飯，選了這個牛柳絲野菌乾茄醬意大利粉。賣相不錯，但味道甜甜的，不是娜娜愛的口味耶～娜娜試了一口同事選的雞扒伴提子乾黃羗飯，雞扒和飯都得喎！果然一分錢一分貨（同事個餐費娜娜的$7）😂😂😂最後餐飲叫了杯凍檸茶，就不多說了～

慶祝紀念日，諗住搵間好啲、特別啲嘅餐廳食飯...環境係唔錯，美國餐廳feel，入門口個下感覺上賓咁，門口應該係老闆嘅接待員，入門口頓時覺得自己係想分。打開菜單，嘢食選擇唔算多，價錢都唔係特別平，但記念日就無乜所謂...個餐包賣相好似好特別，但食落口嘅質感實在一般...小食揀咗螺肉薯蓉，唔講真係唔知係螺肉同薯蓉...叫咗個大蝦意粉，個樣好靚，但蝦肌肉好老，浪癈咗隻大蝦...叫咗兩個牛扒，西冷扒同肉眼扒，廚師好似唔識分七成同九成熟嘅分別，七成同九成都係一樣。總括嚟講，嘢食個樣真係好得，但味道就真係好一般...

沙田呢間餐廳，真係唔知點解要叫美國餐廳？食嘅嘢完全同美國冇關係！餐廳係歐風裝修，望落乾淨，價錢合理，不過食物味道就認真麻麻，服務態度超差，貼錢買難受沒分別，今時今日嘅服務態度認真差 嘩！個前菜同唔新鮮，好難食，個汁酸嘅，個包淋啤啤，咬左兩啖真係好難食，個湯正常冇怪味。叫個set lunch-秘製紅咖喱牛筋條配白飯，紅咖哩唔知點解都係酸？牛筋唔多未夠軟淋淋，半熟咁有d硬，牛腩一樣唔夠淋，配菜紅蘿蔔紅椒青椒就夠多，都唔知邊個係主菜邊個係配菜

為見好朋友，於是就她去沙田第一城食飯，她很想到這間美國餐廳吃飯，內𥚃横裝幾新幾歐陸風，環境不錯，今天很多人，我們也等了一會才有位。極速黎左個前菜同餐湯，竟然有我最愛之一嘅ham ，不過個ham可以變得好難食，其實好難出事！但有陣怪味，食咗一啖吐返出嚟！應該說變壞了⋯⋯香草烤美國黑豚扒，賣相如正常西餐不過不失，黑豚肉兩大件厚厚的，開頭食左幾囗味道軟稔都幾有肉汁，再食下去發現有陣"宿"味，夠多兩啖味道依舊，就放下，本來要求更換，不過𨍭頭又約了朋友食飯，所以今次就算我第一次來相信也是最後一次