天樂餐廳

Open Now

Now Closed

服務是好的, 因為如果佢要安排你搭台, 你會問你和問下張台的客人是否介意試過在一間中式酒樓, 就有人客中招, 當侍應安排左等位的客人搭台 (侍應有問過那2位等位的客人願意搭台嗎?) 但當人客入到去後, 走返出來, 話那張台的人客黑面呀, 幾慘)不滿意的地方是食物...選錯了青提汁焗魚柳飯未試過青提汁做醬汁但焗飯這種做法較穩陣, 所以想試下失敗在青提汁真的很淡口, 如果醬汁再多些能拌勻D 飯會好D ; 雖然照片內好似醬汁很多, 但其實只是很THIN的舖上面而已 ; 這款青提汁做醬汁的味比粟米還要淡口些 而魚柳本身是淡口食物, 又不會好似豬肉,牛肉等用醃料醃過, 仲要配埋咁淡口的醬汁, 所以未必人人合口味不錯的是羅宋湯, 不會過咸過甜, 有胡椒粉味, 餐包是暖的

3月18日, 每次去完旅行番黎, 都會食番一d港式野, 今次亦唔例外~ 上網見到呢間嘅瑞士汁炒牛河好出名, 仲要係喺石塘咀咁平民化嘅地區~ 好! 我地就行遠少少黎食~ 黎到兩點半, yeah~ 有下午茶餐~::: 瑞士汁炒牛河 + 凍奶茶 ::: $28食過太平館嘅瑞士汁牛河, 呢度嘅瑞士汁深色好多, 味道略甜, 而且汁嘅份量好多. 牛肉都ok嫩! 仲有好多菜芯~ 不過菜芯就質素參差, 有老有嫩~ 整體味道係唔錯, 不過睇清楚d, d河粉白雪雪, 唔似有同d瑞士汁炒過wor… 所以無炒牛河個種乾身. 而且要自己撈勻先可以食. 不過廉價瑞士汁牛河, 論味道都算食得過~::: 豬扒炒拉麵+ 凍檸茶 ::: $28唔錯都炒得幾香, 係真係有炒過~ 豬扒好食, 睇落有d乾咁不過咬一啖個感覺就知唔同, 都幾淋同有豉油味. 炒拉麵都唔錯, 炒得都幾香, 不過油多咗d ~ 再加埋d大蔥令到成碟整體感覺良好~原來呢間野以前係喺銅鑼灣, 好似仲係做一d高級食材~ 見到佢地嘅晚餐餐牌牛扒羊脾成$1xx一個set, 喺石塘咀呢區真係好貴~ 除非真係好好食, 不過街坊見到咁嘅價錢一定掉頭走啦. d位又係茶餐廳

　　由以前係銅鑼灣已經聽過這間大名，亦試過無數次，最近經過見到便走入去試下，睇下水準係咪一樣．　　坐低叫了一個星洲貴刁，瑞士汁雞絲河及香蕉班戟，下午茶餐各款都係＄２８（冷熱同價）　　先嚟瑞士汁雞絲河（可以自行選擇要牛／雞／豬都得，適合不吃牛人仕），賣相同銅鑼灣個間一樣，份量適合一個女孩子，小小地，但係個樣都几精美；星洲貴刁都夠辣；而戲肉就係呢個香蕉班戟，係即造（個皮都係自家整）賣相很一流，切開來，啖啖都有香蕉，真的很好味．　　近排我差不多每天都有去，一定會食香蕉班戟，每個師傅的整法都唔同，可以話係次次去都有驚喜，可以值得推介．但係記住一定要下午茶去，因為本人覺得午，晚市較貴，而且午市食的與下午茶都大同小異，但價錢就相差一大截．

今次叫左瑞士汁炒牛河, 好彩不用加一, 否則不太值他們是兜亂炒,所以上碟時菜在瑞士汁中顯得黑 MUN MUN, 如果炒好後, 將翠綠的菜舖在河粉上, 咁D 賣相會靚D不是太甜, 應該可以再甜些; 自己覺得瑞士汁都是配雞翼好過豬或牛肉, 因為可以慢慢DAP 雞翼上的 瑞士汁

叫左二人套餐　＄１８８, 寫明不用加10% 其他要加南瓜粟米湯 / 羅宋湯 + 法式焗田螺 + 餐包, 天樂特式甜心雞卷生炒牛肉食/ 日式鰻魚蟹柳炒飯 / 白汁雜菌蜆肉天使面 (3 選 1), 香蕉pancake, 茶我是要南瓜粟米湯, 覺得咸了少少 ; 雞卷中心是有件杏脯肉,個汁酸酸的唔錯, 而且是有麵跟的 , 主菜是天使面, 份量都ok, 其他食物味道不錯, 可以將咸味減番少少就好服務都唔錯, 隔離2張二人坐位的台, 分別坐了2位女客人, 因佢地2個都是大包細包的, 所以即使只有一個人亦要佔2個位, 但當時餐廳坐滿了人, 個女客人都打算拿起自己的私人物品, 讓番一個坐位出來. 但服務員話唔駛佢地賣食物的價錢,比茶餐廳貴而且是要加10%, 可能是這個原因, 令佢地不會似其他環頭環尾的茶餐廳咁, ''繁忙時間, 請儘量坐滿4人台'' 那種最後叫飲品時, 我叫了coffee, 服務員話有2種, 較淡是即磨, 較濃味是蒸漏,我都幾欣賞有2種可選坐位逼左d但在一兩年前, 我幫趁過佢地的瑞士汁炒河 (tea set) 覺得好咸

家住西環, 所以到此店食飯/下午茶的次數都比較多. 而且食物質素都幾好.昨天像平常一樣到此食下午茶, 食物都OK, 但飲品越來越差, 特別是平凡不過的凍檸茶都可以難入口! 所以我揀選了凍咖啡...甜到不得了..一點咖啡味都沒有..店內的服務員, 其中有一個態度十分差! 平時已覺得她沒有禮貌, 昨天更惡劣. 我們食完差不多到晚飯時間, 她開始換晚餐餐牌, 竟然跟我們說: "拎個餐牌黎" , 我當時真的十分震驚!! 說到底都不是一般的茶餐廳, 怎可以容許服務生這樣做? 破壞了餐廳的級數. 不過食物真的值得推介, 首選燒牛仔脾肉飯, 紅湯, 梳夫里.

唸住之前喺銅鑼灣搬過去西環應該會一樣,唔太差啦!我地兩個人去食, 叫咗兩個TEA SET,一個豬扒出前一丁公仔麵, 一個星洲炒貴刁,嗰個豬扒一丁麵, 啲豬扒還可以入到口(因為有咸味), 至於啲湯底冇咸味, 冇香味, 直頭係咁倚落咗小小味精粉,有色冇味, 勁呀, 真係好難做到呀!之後我朋友嚟咗個星洲炒貴刁, 我宜為叫咗個兒童餐, 啲份量小到冇得再小,啲貴刁冇咸味,冇辣味 又多油, , 啲紅腸,火腿, 雞蛋又肥脷,真係炒咗好似冇炒一樣, 個廚師真係武功深厚呀!至於啲餐飲, 我地叫咗一杯凍檸茶, 一杯凍咖啡,我杯凍檸茶, 一入口直頭有一種怪味, 完全唔係檸茶味,直頭想嘔, 我飲咗一啖就唔敢飲啦!我朋友杯凍咖啡, 好似嚟咗奶茶咁, 奶多啡小, 望落係奶白色, 好奶呀, 好章口呀!總之啲嘢又難食, 啲嘢飲又難飲, 伙計又態度惡劣!如果邊個克你憎, 一定要介紹你嘅仇人去呀! YEAH!!!

今晚 2008年 6月2日, 我與女友兩支公去撐台腳. 我係第一次去. 今晚落雨, 成8點9先到步, 一去到有闊落卡位坐.睇完之後叫左 2個 set dinners, 第 1個係紐西蘭肉眼配意粉 $88.00, 第2個係魚柳飯 $55.00. ( 未計加一 )值得讚既地方係 意粉, 剛剛好, 不會太熟, 亦不會像意式咁太硬, 食落很有味道, 比出面街既意粉好食, 原來佢地用上湯係整意粉, yummy ! 塊扒都夠淋, 7乘熟 med-well 剛剛好, 高手Cook, 但肉味始終不及美國牛及有些許根, 但 Cook 很有心思地 cut 走左部份 d 肥. 補充: 白湯就尚可, 個包係熱的餐包, 新鮮鬆軟. 餐飲我叫左個 coffee, 簡直驚喜 ....原來係炭燒coffee, 我都係第一次o係街飲到, 不過太濃奶味. 至於另一個魚柳配炒飯底, 以急凍魚黎講, Cook 真係高手, 最難得既係佢提高了魚肉既咪道及級數, 炒飯完全不油膩, 85分. 我女友飲紅湯, 我無飲, 睇落色水很好, 相信係落足料既好湯 ( 不像出面既 cheap 餐廳 溝水 ). 服務方面亦

只偶爾到此吃早餐，並不算熟客，於是乎待遇亦有所不同--- 起碼冇得俾你揀卡位坐，只可以同人搭枱，細細張枱你眼望我眼，好唔自在…採用配搭形式：基本食料揀兩樣，可加錢揀多樣；可選多士、方包或餐包；另薯餅或沙律，如果你第一次看此餐牌，肯定要花些時間消化。估計係即叫即做，因為每次起碼要等五分鐘以上，所吃到的雞扒、魚柳或三角薯餅都非常熨口。我最着意係杯奶茶或咖啡，但飲咗咁多次始終唔得，淡啲。價錢亦比附近茶餐廳貴三兩元，只適宜好久唔久嚟吓…

24-2-08 (日)和朋友打完波，見這裏企企理理，便試一試。客人唔多，又唔肯俾卡位，話要搭位。坐低睇下餐牌，茶餐廳格局，竟然要收加一，仲話要搭位，真係大開眼界！！！和朋友一齊分享兩個午餐，一個是甜酸雞柳，一個是咖喱龍脷柳。結果是十分難食，非常難食，頂級難食。唔想再形容細節，以免再勾起不快回憶。

Attracted by the name Suzie Wong, I came to this restaurant for lunch expecting something good. I am disappointed by their Suzie Wong Fried Noodle, which has taste of old oil and a very ordinary dish. The portion was not big but I couldn't finish it.The tea was served before my dish came, which is wierd. Next time I have to remember to remind myself not to be attracted by famous names. No reason to come here again.

今天吃了一個沙嗲三絲炆米粉,三絲得少少,米粉無味,食了半碟便走人,實在不想我的胃去消化這些不堪入口的無味食物.

以前中學食過2次, 因稍貴&無位鰻魚炒飯, 鰻魚同飯份量不多, 味道中中第二次食鐵板牛, 份量少+無牛味, bad服務平平, 唯裝修好, 但座位稍細, 座得唔太舒服, 價錢較同區貴少少.

其實環境幾好，食物唔差，但服務就勁唔掂。第一次去食，叫左個set lunch,唔記得係咩螺絲紛，送餐湯同野飲，點知我我碗餐湯同飲品黎左後，佢話冇螺絲紛，叫我食意粉。但我係唔鐘意食意粉既，所以叫左其他野食,因佢其他我都無興趣，點知埋單收我食物錢+餐湯+飲品錢。實在好唔應該。佢唔一早講螺絲粉冇晒？！？！第二次去食早餐，我叫左份三文治o者，等左超過二十分鐘，其他檯比我遲黎既公仔麵都比我份三文治快，我都催左兩次，佢話公仔面同三文治係兩個唔同地方出既，三文治係水吧出既，我望望個水吧，個位先生只係企左o係度，都唔係忙緊.第三次，亦係我最後一次，我唔會再幫襯喇，我叫左個飯盒外賣促遞，等了一個鐘。我打落去問送出我個外賣未。佢話送出左，但有位小姐話冇叫到外賣，算啦，可能地址誤會左，咁佢話而加送翻黎，我問佢係唔係會整翻熱先送黎，佢話係。結果，好快就送到黎，不過係凍的。

personally i prefer Tai Ping Koon cuz they have more \'traditional\' kind of similiar style food, but on the other hand it cost much more; as i could remember, i m quite disappointed with the food in 天樂; it\'s like if I wanna have a good steak, i would rather cook myself or choose to visit a real western restaurant, instead of going to 金鳳or 波士頓, although tai ping koon is selling hong kong style western food too.