金三角

Open Now

Now Closed

九龍城一向是泰菜天堂，當中不乏有質素的，像這家小店「金三角」就是其中之一金三角的門牌不易找，就一個小小的門口，小店也就廿多個座位，不算闊落。而整家店上上下下都是泰國人，態度非常友善食物：泰式炒金邊粉＄５０幼身的金邊粉帶甜，再加上一條香茅，香氣四溢，花生碎跟豆乾帶來一些口感。青檸令本來比較滯膩的炒金邊粉變得提胃點，還有生豆芽，好吃！店家特製：泰式烤辣椒乾烤過後非常爽脆，入口就像辣味薯片一樣，惹味十分！菠蘿海鮮炒飯＄７８這個炒飯有夠多配料，菠蘿，腰果，臘肉，魷魚，連尾蝦仁，提子乾，番茄仔，肉鬆（大量），玉米，再加上店家特製：泰式烤辣椒（這個真的爆好吃）完全是一口接一口吃個不停，炒飯超好吃！飯粒分明，口感多層次，也不會太肥膩，味道層次也豐富，難怪店主說是推介品！生菜包＄７５肉的份量很多，半肥瘦的肉碎加上大蔥跟莞茜，配以店家特製：泰式烤辣椒（超爽脆！！！），反而生菜雖然不俗，但菜的份量不太多，吃完菜肉還剩１／３呢！芒果糯米飯＄５０店家只提供白糯米，椰漿分開讓你自己下，這非常好吃！一給就是半個！芒果甜而且無渣，白糯米連甜中帶一些咸的椰漿，甜跟咸的衝撃實在很有感，份量比較大，最少要二人食呢！

今日想食泰國野，緊係要去九龍城搵食經過呢間餐廳，見到有好多泰國人等緊位我心諗連泰國人都食，應該有保證就決定入去試下！餐牌有好多選擇，一般正常泰國餐廳有既都有，仲有即叫即燒串燒炸蝦餅炸得剛剛好，外脆內軟蝦肉好彈牙，好鮮味海鮮冬蔭公湯辣度適中，連我唔食得辣都飲到有大量海鮮配料，令成個湯好鮮甜好開胃泰式炒金邊粉好有鑊氣，亦有青檸花生碎提供好正宗，撈埋之後好好食海南雞飯雞肉好新鮮好嫩滑配上黃薑飯，味道好夾完全唔記得自己有幾飽，不斷食泰式奶茶有茶味，一飲就令我諗起去泰國旅行既回憶

#美食推介 #泰國人主理 #正宗泰國味道 突然好想食泰式生蝦，於是去咗九龍城人氣泰國店<金三角>。呢度係泰國人主理，每道菜都食到正宗泰國味道，好似去咗泰國咁呀! 店舖雖然唔係好大，不過食物就有好多選擇!泰式冬陰功(S) $75充滿泰式風味的冬陰功海鮮湯，有好多蝦球，好足料，又唔會太辣，啱晒我口味，如果想食辣啲order時就同店員講聲。鹹蛋炸蝦餅 $73香濃鹹蛋味，送飯一流，蝦餅彈牙有口感，幾特別🥰泰式生蝦 $78超級正宗泰式生蝦，好新鮮爽口，另外有意外驚喜贈送炸蝦頭，香脆可口，好惹味😋。芒果糯米飯$50芒果又甜又新鮮，糯米飯夠軟身，加上脆米花、椰漿，非常正🤤。泰象啤 $30去泰國一定會點嘅啤酒❤️呢度價錢唔貴，食物又有水準👍🏻。店主用心打理，臨走前還詢問我們有什麼改善地方。值得再來吃🙌🏻。金三角 (九龍城)九龍城衙前圍道32-38號衙前圍大廈地下4A號舖

九龍城呢間新開泰國菜由泰國人主理，味道絕對正宗，舖頭唔大，估唔到菜式選擇咁豐富，餐牌都密密麻麻，價錢又經濟實惠，門面仲寫咗啲slogan講支持民主，非常有心，如果去九龍城食泰菜又想試下新餐廳，不妨考慮下幫襯小店泰式炒金邊粉($50)味道酸酸甜甜好開胃，火喉控制得啱啱好，唔會太濕或者太乾，入口煙韌，午市套餐仲送泰式奶茶或者龍眼冰，非常抵食炸蝦餅($68)面脆有咬口，肉質爽口彈牙，配埋泰式酸甜汁零舍惹味炒通菜($53)色澤嫩綠，入口爽脆微辣，好有鑊氣另外仲叫咗幾款泰式串燒試下，包括豬肉串($12)、沙嗲雞($12)同我至愛嘅燒雞全翼($14)，唔單止皮脆肉嫩，泰式香料仲醃製得非常入味椰汁西米糕($30)口感好豐富，椰汁糕滑溜充滿椰香，西米糕有咬口，最鐘意佢落咗少少鹽，鹹甜交集好特別

無晚市唯有放假同朋友出去食個豐富的午餐啦，今日落左去九龍城搵食，一講九龍城第一時間就諗起泰國菜，這間金三角對正大巴士站，交通非常方便。本來想試芝士蝦餅，可惜已沽清，退而求其次要了炸蝦餅，六件蝦餅全部都炸得金黃香脆，中間蝦肉新鮮爽口，而且無溝太多粉漿，入口鮮味充滿蝦肉香。沙爹雞燒至表面帶焦香，雞肉嫩滑；燒豬就比較腍，味道不及燒雞肉香口；燒雞全翼外脆內嫩，而且很juicy。菠蘿炒飯很特別，除了有新鮮蝦仁、腰果、肉鬆等，還有泰北特有唔辣的辣椒，辣椒炸至香脆惹味，完全唔辣，配菠蘿炒飯起夾。青檸梳打夠酸又唔會太甜；再加上杯象啤真係無得頂。最後店員還送上甜品，椰香味十足。

九龍城向來不乏泰國菜，基本上一講親九龍城，大家都會諗起泰國菜🇹🇭我多數都會去小店，比較出名果幾間我就去過其中一間嘅，環境冇錯係當然好過小店，食物其實系小店好過嗰啲出名嘅餐廳，之前幾次去九龍城都系去小店，今次都吾例外。次次去到泰國餐廳都會叫冬陰功😍🧡呢度嘅冬陰功真心好正！一黎已經feel到好濃嘅香茅同埋椰奶味☺️迎合香港人嘅口味，幾乎唔辣，不過湯嘅味道已經夠濃。入面嘅料好足，有好多蝦肉同埋秀珍菇，蝦肉隻隻都好爽口彈牙。炭燒雞串比想像中好食😋見到店員系用新鮮炭爐燒，難怪咁有風味，食落系好香嘅炭燒味，又吾會話系燒焦咁。雞肉件件都好嫩滑，沾上沙嗲汁更加美味。原本想叫燒牛肉，店員話賣曬🙈佢推介咗燒豬頸肉比我地，味道其實都好正🤩每一塊都好長，夠乾身又吾會over，咬落系幾爽口，炭燒味都好明顯。呢間有款好特別嘅炒飯，就系蟹膏炒飯，開始叫戈陣都有啲驚會吾會系伏🙊食咗就知一啲都吾伏，仲好好食😍就咁睇系睇吾到蟹膏，食落口先知蟹膏味淡淡哋好好味，冇諗過同炒飯可以咁match😊呢度嘅泰式奶茶堅係好飲😍🧡平時飲泰式奶茶都驚會太甜，呢度嘅又唔會有呢個情況，奶同茶味都好香濃，茶底又唔會話好苦，神還原正宗泰式奶茶嘅味道

Heard about this small shop recently opening up in the area and had to go give it a try while the wifey came to do some shopping, was not disappointed at all. So much selection and the smell coming from the kitchen amazing. The few dishes we tried were delicious and everything definitely authentic flavours. Sadly couldn’t try everything in one sitting but will definitely be coming again for seconds and thirds.Especially loved the dried fried chili and sesame they give on the side to mix with the

店舖細細地，不過感覺好地道，啲店員好似仲係泰國人黎架，價錢都幾平民，幾貼地，臨走前仲見到啲文宣，原來係黃店黎架泰式炒金邊粉 📍$50呢個價錢已經包咗嘢飲架啦，都幾抵 👍🏻 上面有3隻蝦，金邊粉味道唔錯，炒得幾夠味，如果再乾身啲就更好啦牛丸湯河 📍$42冬天食湯麵就最舒服架啦 🍜 牛丸份量都幾多，襯埋個雞湯底，暖身岩哂芒果糯米飯📍$50芒果糯米飯真係無論晏就又好，夜晚又好，都同樣咁吸引 😍 仲要呢個季節啲芒果都甜喎

去開九龍城幫媽咪買嘢就硬係要食泰國菜 滿足去不到旅行的心情 餐廳前身都係我成日食開既泰國菜易手後 都保留裝修風格 及味道最緊要係餐廳都係由泰國人主理食物地道 價錢經濟實惠簡單叫左幾款菜式蝦膏炒飯坐係廚房隔離 都聽見師傅炒飯既火喉雖然蝦膏味唔濃 但吃得出有火喉同好香泰式炒飯既味炸蝦餅4件新鮮炸起 熱辣辣既蝦餅脆口彈牙 外脆內嫩加埋泰式酸辣醬 完美串燒 (沙嗲雞肉 +豬肉)沙嗲醬 混得唔錯雞肉燒得唔（鞋） 口豬肉醃得好入味 火喉控制得好唔會過火 而且吃落重保留肉汁燒牛肉一定要推！ 牛肉醃得好入味燒完都保留牛肉味加埋佢既酸辣醬 真係無得輸食泰國菜點少得椰青飲椰青解毒夠清爽 又有椰肉食一雞兩味

每次出外工作，差不多都會路過這裏，之前的泰國食肆已經搬遷了，代之而起是一間新的泰菜。泰式燒鯽魚$118，看到店員將鯽魚放進微波爐解凍，然後放在炭爐上燒烤，差不多等了15分鐘，便吃到熱騰騰的烤魚了。鯽魚味道鮮甜，魚肚充滿香茅的香氣，點些泰國海鮮辣汁，味道更佳。馬拉盞炒芥蘭$63，馬拉盞的香氣十足，香辣惹味，令到這個芥蘭不再平凡。干炒豬肉河粉$50，包一杯飲品：龍眼冰。干炒豬肉河粉，鑊氣十足，即點即製，河粉軟滑爽口，是吃過最美味干炒豬肉河粉。龍眼冰，龍眼乾的味道十足，還可以當作甜品把龍眼肉吃掉。芒果糯米飯$50，糯米飯帶點鹹味，配合椰醬和芒果的香氣，非常有泰國風味。

禁左晚市一排都無食泰國野好耐，今日難得星期六下晝都搵到位係九龍城泊低車，擇左間地道泰式小店，係近著富豪東方個邊既衙前圍道，看似不太起眼，但見到餐牌價錢好抵食😍.餐廳細細間，只有5張2人枱，職員全部都係正宗泰國人，只識講英文同泰文，感覺好似係泰國🇹🇭所有野食都係勁大碟，細胃既要睇著叫🙈.🍴皮蛋炸蝦餅 $73泰國野最中意叫呢樣，重點係個蝦餅夠爽，咬落彈牙，炸粉薄薄地，加埋皮蛋都係7x，我印象中應該係九龍城最平😁🍴串燒 豬肉$12 雞腎$12 墨魚丸$14串燒係即叫即烤 價錢定價仲好平 新鮮熱辣 仲配埋自家製既燒烤醬點黎食好滋味😋🍴泰式豬頸肉炒粉絲$58粉絲炒得幾香 應該要歸功於極多配菜（包括：椰菜、芹菜、紅蘿蔔、蛋花、蝦米、蕃茄仔）蔥味濃郁 加上粉絲炒得好滑身 條條分明 👍🏻🍴豬頸肉炒椰菜苗$72本來想叫青炒椰菜苗，但加埋豬頸肉都唔使加錢😱🙈🙈 係好食既 不過鹹咗少少😋.簡單小店 以平價抵食正宗為主打，唯獨係餐廳比較細間，如果只係黎食野唔係食環境的就絕對推薦👍🏻

好耐冇食泰國菜，就同屋企人去左九龍城食地道既泰國菜。我地搵左一間泰式小店，啲野食夠哂抵食！打開餐牌，見到有好多選擇！我地點左泰式乾炒海鮮河，大碟夾抵食既河粉啊！河粉落左好多料，入面有蝦、魷魚、菜同紅蘿蔔等，勁豐富。河粉好入味，口感又好！高度推薦呢度既串燒，串燒係即叫即烤，新鮮熱辣！雞腎口感實淨，配埋自家調製既燒烤醬，好惹味！香芒炒飯都好正，新鮮既芒果配上炒到粒粒分明飯，好香！椰汁雞湯落左好多香料，味道豐富！食泰國菜點少得飲返個新鮮椰青呢！

想係香港尋找地道泰國美食，當然要去九龍城走一轉啦。今次想發掘一下新餐廳，搵間從未去過既餐廳幫襯，發掘下另一種新既感覺。行左一陣發現金三角依間餐廳，門面光鮮，就決定去試一試佢啦正式入戲玉講下食物啦1.泰式炒金邊粉 (套餐 包一杯飲品：凍泰式奶茶)金邊粉酸酸甜甜，味道一流有層次，炒得好亁食，又夠多蝦地道泰式奶茶方面，香甜幼滑，茶味濃，唔錯2.炸蝦餅4件熱辣辣既蝦餅，香脆可口，蝦肉彈牙，外脆內嫩，點埋泰式酸辣醬，係好好嘅配搭3.生菜包肉碎味道好惹味，調味岩岩好，豬肉唔會有好多肥肉，用新鮮生菜夾埋一齊食，好好味4.冬陰功冬天飲碗熱辣辣既冬陰功，好暖身暖胃，湯底味道濃郁，酸辣度合適，味道一流，而且湯料仲有好多菇同蝦，份量十足，絕不戲場5.串燒 (雞軟骨&豬肉)豬肉醃得好入味，加上串燒醬汁，正！出面好少泰國餐廳食到雞軟骨串燒，而且味道亦相當唔錯6.青檸梳打友人表示好夠青檸味，酸甜度適中，食完辣野飲返啖，最好不過金三角餐廳由泰國人主理，雖然只係一間小店，但味道水準絕對唔惹少食物地道好味又夠火喉，價錢經濟又實惠，服務殷勤又有禮，絕對會回頭幫襯

星期日放假，想食泰國菜。於是，約埋朋友一齊去岀名多泰國菜既九龍城試一試。經過呢間，見到個餐牌，好抵食咁。決定去試一試。我地叫左一個套餐，泰式炒金邊粉包一杯飲品，都系$50炸，好平。~泰式炒金邊粉賣相好靚。份量都好多，味道岩岩好，吾會太酸，好有鑊氣。~泰式奶茶好香茶味，好滑。味道岩岩好，吾會過甜。另外，叫左泰式串燒(雞，豬，雞腎），燒豬頸肉同咖哩海鮮。~泰式串燒燒得好香。雞同豬肉質都好嫩滑，食落好juicy。雞腎好脆口，好正。~燒豬頸肉份量好足。唔會燒到好乾。肉質爽口，加埋個汁，少少酸少少辣，好開胃。~紅咖喱海鮮咖喱香濃，好重椰汁味。個咖哩唔太辣。唔食得辣既人，都可以食到。入面都好足料，有好多海鮮，有蝦，有魷魚同蜆肉。好滿足既一餐，下次一定會再幫襯。

近排天氣凍冰冰，最好食返D又熱又辣既野，所以今日就去左泰國菜集中地 「九龍城」食泰國菜今次選了這間地道泰國菜，老闆同員工也是泰國人，只懂少許廣東話，但因為餐牌是中文，所以點菜也沒有問題我們坐低先叫了飲品，我點了椰青，我朋友點了青檸梳打豬肉粉絲，配上很多配菜，味道 ok 由於我地只有兩個人，唔敢叫太多嘢食怕食唔晒，所以我地每人只點了一款串燒 share 食 🙈我地點了一串雞肉及一串豬肉串燒，豬肉串燒略嫌太少，但雞肉串燒就唔錯，雞肉好嫩滑，配上沙嗲醬幾好食天氣凍冰冰所以我哋一開始已經諗好要飲冬陰功湯，呢度d冬陰功湯果然沒有令我們失望，我哋點了一碗細的冬陰功湯，足夠我們兩人飲，湯入面至少有六七隻蝦，而且湯嘅味道啱啱好，又熱又辣，飲完個身都冇咁凍泰式拼盤，有春卷丶魚餅丶蝦餅同雞翼，端上來的時候還是熱辣辣，每一款味道都唔錯，其中蝦餅係最好食😋蒜蓉包，好香蒜蓉味，而且焗得好脆，好食到停唔到口，我地兩個清晒D蒜蓉包呢間泰國菜都唔錯，其中最推介嘅係冬陰功湯，好好飲，仲有炸蝦餅，串燒尤其是雞肉也好味，下次都會再來幫襯