金三角

Open Now

Now Closed

九龍城出名食泰國菜，朋左帶路過黎食一間新開由泰國人開的店，叫金三角，即係泰國、緬甸、寮國？我特別喜歡小店的人情味💋店內牆身貼左好多電影poster，都係泰國電影黎嫁，好有特式呢測試小店有無泰式地道風味就一定要試下串燒喇，點了燒雞軟骨，燒到外皮好香脆，食落咯咯聲架，燒雞翼味道濃厚，大大件，皮脆肉嫩👍 唔會乾，岩岩好呀，香口又惹味😄我個人好喜歡喔😋所以最後再嗌多串😜燒酸豬肉，呢個幾特別唔係間間都有得食，好有泰國風味呀👅燒青檸牛肉，好香，份量超多，牛肉香嫩可口，燒得岩岩好喔，青檸同牛肉相當配呀，再點埋泰式酸辣汁，好百搭架🥳泰式燒鰂魚，在魚身上平均地塗上粗鹽，魚肉鮮甜多汁，超級嫩滑，果然樣樣都冇得輸，高水平之選呀😍牛肉湯河，泰式湯底及加上自己喜愛的牛肉，牛肉味濃郁，是牛肉河粉的靈魂所在，濃郁的牛肉味和嫩滑口感非常喜出望外的感覺👅金三角九龍城衙前圍道32-38號衙前圍大廈地下4A號舖

九龍城作為泰菜集中地依家都多左好多特色小店不過今次中島都係食番泰菜先🙈—————————————————————揀左間黃真真附近嘅小黃店午市套餐都只係$5、60就有正宗泰國菜食👍🏻中泰國菜中島最中意就係食pad thai所以今次都要試下個炒金邊粉先😊賣相好有泰國feel除左個碟😂加上近潑水節好多泰國人都著花花衫錯覺以為自己喺泰國街頭🙈碟粉超大碟勁足料撈勻花生銀芽甜甜酸酸開胃又有咬口👨🏽叫左個香辣海鮮炒公仔麵同香港普通嘅炒公仔麵唔同呢個似係用左泰國嘅公仔麵底食落好有新鮮感幼身啲炒得好乾身爽口又惹味海鮮配料又比得大方見佢好快就清左碟😂😂😂仲有叫左個特別啲嘅小食因為平時泰菜小食唔係豬頸肉就蝦餅今次都係叫蝦餅不過係包住皮蛋炸嘅蝦餅中島覺得好有新鮮感平時唔會咁樣食皮蛋出面係彈牙嘅蝦膠面頭一層金黃嘅麵包糠就好似皮蛋一樣比起普通嘅蝦餅呢一個味道更加有層次個人幾喜歡而且唔係度度都有得食當然唔少得仲有👨🏽必叫嘅飛天通菜到而家都唔明點解食親泰菜都一定見到佢仲要食極都唔厭😅—————————————————————⊚ 泰式金邊粉 $50⊚ 香辣海鮮炒方便麵 $60⊚ 炸皮蛋蝦餅 $73⊚ 飛天通菜 $53⊚

.九龍城❣️地道泰國菜去九龍城搵泰國菜食，見到有間新開既要去試試，點知好有驚喜👍🏻📍生蝦刺身生蝦好新鮮，有埋炸蝦頭簡直係錦上添花🤤唔係間間都有炸蝦頭食嫁，仲要炸得好通透先係重點！個生蝦汁唔會太辣搶左個鮮味👍🏻📍酸辣鳳爪沙律好大碟😌同埋味道唔會太辣，但都保留到泰國菜酸酸甜甜辣辣既味道！📍豬肉碎生菜包大件夾抵食🤭生菜好新鮮，入口係脆身既！夾埋豬肉碎酸酸辣辣好開胃😌不得不讚係佢側邊會伴左啲炸左既辣椒，好香脆，辣辣地又有口感👍🏻📍金三角炒金邊粉一樣有伴炸左既辣椒，撈埋啲花生碎，唧埋啲青檸汁，係可以將個炒金邊粉昇華去另一個層次🤤📍芒果沙冰見到個泰國姐姐拎左成個芒果黎整個沙冰🤤唔會太甜，又好濃芒果味📍龍眼冰龍眼好大粒又甜，解辣又解渴😆好食指數：8.5/10金三角九龍城衙前圍道32-38號衙前圍大廈

金三角係九龍城呢個泰國菜競爭激烈嘅戰場，舖頭由泰國人主理，舖面望落細細地，但原來另外有間大房，牆身貼滿好多泰國電影poster，我估應該係老細私人珍藏。冬陰蝦湯河 $50 (lunch連泰式冰奶茶)冬陰功酸辣味做得好好，又唔會太辣，所以平時食小辣嘅朋友都可以飲到，河粉用一塊塊薄麵塊，同茶餐廳一條條麵條好唔同，河粉仲更吸湯同細滑。蝦好生鮮彈牙，配料都好充足。拍靚咖哩牛 $72 +蒜蓉包 $25見到拍靚呢個名好特別，所以就試一試睇下同普通咖哩有咩唔同，拍靚比一般咖哩更甜，所以食落都係無咁辣，牛肉嫩滑，夾埋香脆蒜蓉包一齊食非常好味。燒雞半份 $78燒雞燒得好有香烤味，外皮好脆，但肉質嫩滑，燒得啱啱好。雞用黃薑粉、糖、香料等等醃過，食落好香味，好惹味。另外配有酸汁、辣汁，不過唔洗點都好夠味。泰式串燒雞腎 $14 &泰式串雞 $12雞腎同雞肉真係燒得好食，用唔同醬料調味，燒得好香，但串燒又唔會太乾。泰式串酸豬肉 $14又係叫酸豬肉好特別，所以又試下，成日口感味道同台灣腸好似，但酸豬肉裡面有軟骨同洋蔥，所以食落口感更加有層次。芒果沙冰 $25沙凍打得好細滑，好香芒果味，但又唔會太甜，好好飲。椰汁西

🍝泰式炒金邊粉蝦好味指數：👍🏻👍🏻👍🏻👍🏻👍🏻蛋皮相當精緻，格紋非常整齊，盡顯師傅功架。調味酸甜度剛好，有芽菜作配料更爽口。旁邊佢有辣椒乾，喜歡食辣嘅朋友可以撈埋落去，但非常辣。蝦新鮮彈牙。🍤咖喱炒蝦好味指數：👍🏻👍🏻👍🏻👍🏻蝦新鮮彈牙 ，外面有一層煙韌嘅炸皮。蛋咖喱香甜，有青椒、紅椒和洋蔥等配料。🥖蒜蓉包好味指數：👍🏻👍🏻👍🏻👍🏻👍🏻外面香脆，內裏鬆軟。放左陣都仲係脆口，配埋咖喱非常好食。🍮椰汁千層糕好味指數：👍🏻👍🏻👍🏻👍🏻👍🏻斑斕葉味道同椰汁之間嘅平衡啱啱好。外型係玫瑰，精緻美觀。口感煙韌而唔會太黏口。🍹飲品好味指數：👍🏻👍🏻👍🏻👍🏻👍🏻龍眼冰（右）及泰式奶茶（左）龍眼冰好有驚喜，超香龍眼味，甜度剛好。泰式奶茶就茶底好香，奶比例夠，令整體滑口。🪑環境適合一至四人入座。以下係餐牌俾大家參考一下：

悠長假期最適合就係四出覓食！九龍城出左名有好多地道嘅泰菜，今次就特登嚟呢間新開有心嘅金三角💛樓面唔大座位唔多，7:15pm去到已經有條長長人龍，等左大約半個鐘終於成功入座～叫左青咖喱雞加一碗白飯。青咖喱稍辣，泰式茄子爽得嚟一咬裏面d種籽就爆出嚟超有口感。仲有另一款更細粒嘅泰式BB青茄子，皮超硬，裏面嘅種籽有d苦澀，但撈埋青咖喱嘅辣汁又幾夾。雞肉又多又滑，加埋泰式蘿勒同豆角超fresh，唔覺唔覺就食晒碗飯🤣跟住叫左泰式串燒豬鮮奶，個名好特別但食完都唔係好知鮮奶係指咩！豬肉燒得好香好滑，個醬汁甜甜而且有濃濃嘅花生香，正！原本order左泰式串燒牛但售罄，所以最尾又encore左串燒豬鮮奶！之後就係我最愛嘅炸蝦餅！炸得好香口而且蝦肉彈牙，$68有六件超抵食！仲試左生蝦，個醬汁酸酸辣辣好開胃所以迅速食完！飲品叫左泰式椰汁冰，佢比較特別鹹鹹地，奶味激濃，同平時飲開嘅好唔同，好唔好飲就見仁見智啦～最後要咗芒果糯米飯做甜品！糯米用左碟豆花汁所以呈現紫藍色，加埋鮮黃芒果，又靚又夢幻！特別係個糯米本身已經調好味，唔使加好多鹹椰漿已經好夠味，又煙靭，為今餐畫上完美句號～附上部份餐牌以供參考。

平時食開嗰間泰國餐廳勁爆，但係一場嚟到九龍城都想食泰國野，就搵咗一間喺附近望落去都幾地道既細餐廳試下！一堆串燒 $12-14/一串沙嗲汁有好濃烈嘅花生味，但係略嫌甜味唔係咁夠，可能個人鍾意食甜野🤪 燒得好香💯lunch set b: pad thai $50跟餐仲有龍眼冰/泰式凍奶茶簡直係超值之選🤤 應該係我喺香港食過頭3好食既pad thai!!第一次見到有啲蛋包住影相勁靚🥺 味道好好係我最鍾意嗰隻酸酸甜甜既padthai味，搞到我今次完全冇落配料又冇落檸檬汁豬頸肉炒飯 $58賣相吸引，炒飯好香！啖啖豬頸肉超足料😍不過第二點嚟所以已經超飽冇嗰種好想係咁食嘅感覺🤣最後仲送咗個甜品俾我哋🥺係我勁鍾意食嘅椰汁西米糕超開心😍 舖頭入面全部都係泰國人不時聽到佢哋講泰文🇹🇭 而家又發現左新泰國嘢啦😍

原先呢個舖位，係另一間泰國嘢，我上年去食，雖然排左一個鐘先入座，員工態度都係差，但食物質素非常好，尤其是個燒牛肉，真係非常好味，火喉啱啱好，燒到6,7成熟，點果個汁又好好味，所以我再專登去九龍城再encore ......今次我仲早啲去食，未夠6點已入座，入到去都有2,3枱人食緊嘢，去到6點半見仲未爆之餘，出面無人排隊，有少少心感不妙.....oh.....原來佢轉左手，我哋叫左6樣嘢，1/咸魚蝦醬炒椰菜苗$63(份量少到得人驚）2/泰式濕炒河$58(食落去有啲酸味，可能係泰式風味，但我唔識欣賞）3/豬肉串燒x2 $28(味道ok,但好似唔熟）4/泰式咖喱大蝦 $148 (味道ok,用雪藏蝦，好處係唔洗拆蝦殼）5/蒜蓉包$25 (正常）6/燒牛肉$78 (燒到12成熟，有梳打粉味，似bbq 果啲質素，醬汁死鹹） 我哋叫左都幾多嘢食，2人枱好細，我哋有問過可唔可轉枱（因為果陣有幾張吉枱，出面又無人），但個staff 一句話「唔得」無尾音，ok....咁算啦，其實個6樣嘢一個一個咁上菜，所以唔會有唔夠擺嘅情況出現，我哋最後上燒牛肉，15分鐘前已經問係咪漏單，個姐姐話整緊，好啦，我等一陣，見

九龍城一向都係泰國美食嘅天堂，今次就試下呢間滿有泰國地道風味嘅小店「金三角」，入到去第一個感覺就係冷氣好夠，今日出面成三十度，入到嚟即刻涼爽晒！睇吓本Menu，選擇真係好多好多，各款你諗到嘅泰菜都應有盡有，第一次食就揀啲大路嘢試吓先。【泰式燒串】串燒係見住佢即叫即燒，三款中最好食係燒串豬鮮奶，豬肉外層燒得微微焦香，肉亦好嫩滑，味道調得好好！雞肉醃得好入味，配埋個沙嗲醬甜甜地哋都唔錯！燒雞翼燒到皮脆肉嫩，好多肉汁。【金三角菠蘿炒飯 】好豐富嘅一碟菠蘿炒飯，材料超級多，有大大隻青口、爽口嘅蝦仁，仲有魷魚，臘腸粒等等，當然唔少得肉鬆同腰果，每一啖都食到好多餸好滿足！最有心思係個燒菠蘿，切得好靚亦都好鮮甜！【炸蝦餅】我嘅泰菜定番！每次食泰菜都要食！呢間整得好好食，蝦肉新鮮彈牙，而且冬甩咁嘅外型令佢炸時受熱平均，外層香脆入面鮮味，趁佢熱辣辣咁食真係一流！【泰式炒金邊粉】呢個真係好IGable，咁簡單嘅一款菜色但個擺盤真係好有心思，金邊粉酸酸甜甜好開胃。仲有炸蒜同乾辣椒，撈埋一齊食好惹味！特別係個乾辣椒我真係好鍾意，脆卜卜又香又辣。飲返支泰象啤，嘆住冷氣食咁地道嘅泰國菜真係一大享受！呢間咁有風味嘅

九龍城食泰國菜最佳選擇💛💛💛馬拉盞炒椰菜苗 $72每次食泰國野都係必點椰菜苗 可以選擇馬拉盞、蒜蓉、清炒等方法 而我就揀左馬拉盞 味道ok! 如果再多啲馬拉盞 味道會更佳泰式炒金邊粉 $55金邊粉炒得好乾身 唔油膩 有三隻蝦再加上甜甜酸酸嘅味道 推介👍🏻青咖喱雞 $50味道ok! 雞件都大件 不過份量不是太多蒜蓉包 $25熱辣辣蒜蓉包 上枱時香噴噴 有好濃蒜蓉同牛油味 最重要好脆 將蒜蓉包點青咖喱係最佳配搭 必點👍🏻👍🏻價錢好合理 我地兩個人食左好多野都係$242 仲要無加一服務費

最近新開業嘅金三角, 位於九龍城, 主打泰國菜! 由泰國人主理, 有泰國地道風味! 豬肉醉生菜包 $75清爽可口嘅生菜包住香辣惹味嘅肉碎一齊食，滋味無窮!泰式燒豬頸肉 $78豬頸肉肉質爽口多汁，油香四溢，再配少少泰式辣汁，好惹味！青咖喱雞 $50綠咖喱香氣濃郁，加入椰奶口感順滑，除了搭配雞肉，泰式香料，仲加入咗泰國茄子，風味十足!蒜蓉包 $25蒜蓉包烤至香脆, 再沾點青咖喱一齊食, 絕配!凍奶茶 $25泰式茶底夠香濃，有泰國味道！龍眼冰 $25清清甜甜，食泰國菜必備！

去九龍城食泰國菜是常識吧，但係食店林立，要揾間好食既都唔易，今日揾間唔顯眼嘅小店試下。小店名「金三角」，常常經過見到全店滿座，全泰國人主理，一定夠正宗，更被牆上佈置吸引，好有意思的餐廳。Lunch set $50仲包一杯飲品，可選龍眼冰或者泰式奶茶。四款炒飯炒面可選，我地點左泰式炒金邊粉同埋乾炒豬肉河粉。冇諗過呢二碟野已經充滿驚喜，好夠鑊氣，炒出來好香。河粉又薄又大片，食落富口感，唔會黏住一嚿嚿，真係好好味。而金邊粉則酸酸甜甜極其開胃，賣相一流。食得好開心，所以另外叫左一啲小食，生蝦刺身同串燒。第一次食生蝦係連脆脆蝦頭上碟，店家花心思，蝦頭炸到好脆口，近尾地方都有啲蝦肉，好正呀。串燒都唔錯，點了雞肉，雞腎，雞軟骨，豬肉和墨魚丸，整體上肉質嫩滑，其實串燒都好夠味，不過中意濃味既朋友可以再點上秘製醬料，令到食物更有層次。最後見到店員切開新鮮芒果，已經聞到香味，再加上冰打成一杯足料芒果沙冰，100分。我較喜歡幫襯小店，覺得佢哋係用心，食物高質，靠實力去經營，繼續支持，繼續周圍發掘美食。

九龍城係美食天堂尤其泰國菜，串燒不用講，大家都好熟朋友介紹有間抵食泰國菜門面低調，好易錯過不過一定比香味吸引到午市套餐好抵食平均四十幾都有得食全店都是泰國人主理先叫左個泰式冬陰公喜歡佢用火慶住熱住飲，愈飲愈過隱冬陰公很地道材料十足食極仲有好多蝦辣味不會蓋過材料鮮味蝦餅即叫即炸，彈牙十足不油膩，十分脆口燒雞腎juicy大大粒送酒一流燒雞，燒雞軟骨，燒牛，燒墨魚丸串燒juicy，很香點沙嗲醬好惹味最後豬肉碎生菜包可以揀唔辣生菜新鮮，肉碎惹味會追住食特飲叫左青檸梳打菠蘿沙冰甜度適中，解辣一流

呢間新開嘅泰國菜小店由泰國人主理，口味正宗之餘價錢又唔貴。🍛拍靚咖哩海鮮$78拍靚咖哩（Phanaeng / พะแนง）係一種偏甜嘅紅咖喱。食落椰汁味頗重，口感香滑，一啲都唔辣。味道似黃咖哩，但因為落咗花生，所以比黃咖哩甜，鹹度都低少少。🥠蒜蓉包$25烘過嘅蒜蓉包口感香脆。蒜蓉味香濃，淨食都好好味。配咖喱都一流。🌶冬陰海鮮湯（小）$78估唔到細碗已經夠兩個人飲。湯頭濃郁，酸度頗高。冬陰功湯有大量蝦球、魷魚同埋秀珍菇。🥥龍眼冰$25清甜解渴，龍眼肉份量多之餘仲好大粒。🥭芒果糯米飯$50芒果新鮮香甜。椰漿份量夠多，啖啖都係椰糖香味。

今日朋友話帶我嚟食九龍城一間新開嘅泰國菜，佢話係泰國人主理嘅。其實去九龍城食泰國菜都聽得多，但一路都未試過，今日終於有機會食啦！店內裝修好有泰國小店嘅風味，幾特別，同埋店員真係全部都係泰國人，餐牌又有泰文，真係覺得自己好似去左泰國咁，正。🍛泰式雞肉炒飯 $52炒飯好香蛋味，用咗芥蘭 、紅蘿蔔、洋蔥、香葉炒成，食落好有鑊氣。雞肉份量都有好多。旁邊仲有啲炸過嘅辣椒碎，無論係就咁食定係撈落啲炒飯到都好正。🐔燒雞腎 $12雞腎彈牙爽口。🐔沙嗲雞 $12雞好滑同有鮮甜感覺，沙嗲醬甜甜哋，幾好食。🐷雞軟骨 $12雞軟骨脆口，食落幾開胃，加埋沙嗲醬一齊食，配搭幾好。🦑燒墨魚丸 $14墨魚丸外皮燒到香脆，點甜醬一齊食，好味。🐮泰式燒牛肉 $68燒牛肉調味好好味，食落可以感受到牛肉燒得好香，牛肉份量超多，無論係送飯定做小食都一流。🥬馬拉盞炒通菜 $63馬拉盞嘅味道同平時喺香港食開嘅有啲唔同，通菜食落帶有一種酸甜味，幾特別，餐廳用上比較幼身嘅通菜，口感上有另一番風味。🦀香辣海鮮炒河 $63炒河用咗紅蘿蔔、洋蔥、香葉炒成，河粉比較特別，好似平時食腸粉嘅皮咁，不過就再煙韌啲。調味啱啱到位，好味。海鮮有蝦同魷魚