安東尼小廚 (Closed)

今日同ukey帶阿豆去西貢打預防針，順便會一會這間私房菜。牛尾湯($30, 送兩塊蒜蓉包) - jukey話個湯濃左的，我試左少少，的確好勁牛肉味。磨菇湯($30, 送兩塊蒜蓉包) - 呢個湯亦係好濃，佢地hard sell係用新鮮磨菇整，用黎送飽食一流。薯蓉焗田螺，jukey話唔係好夠田螺味，我就覺得幾特別，佢地用鮮磨菇配田螺，的薯蓉幾好味。叫左細芒果龍蝦炒飯底($190): 個汁好正，有鮮芒粒，酸酸甜甜好野味，個飯炒得好好，口味一流，龍蝦肉甜甜地，幾彈呀。最鐘意就係最尾個度菜，燒羊鞍，我地叫左兩件，七成熟，不過黎到好似唔多夠熟，但佢地羊鞍一的都唔so，的配菜好豐富，有3舊燒蕃薯、4條露筍、三片燒茄子..四粒蕃茄仔，好似一set bbq餐咁。最後，anthony話請我地食甜品，但實在太飽，只要了一個士多啤梨pudding，佢地話唔整咁甜，因為的食客飽飽，整咁甜會好流，一的都冇錯呢。總括呢講，呢一餐非常滿意，雖然冇酒店既地方，係茶餐廳格局，但環境乾淨，服務好好，邊食邊有人同你換碟，大廚仲會出黎so so下，問下意見。睇返之前既食評，坐到十一點都得，可以約埋三五知已食飯既好地方。是次埋單

整理完相片後，終於有時間寫食評。謝爐兄安排的一局。第1味上檯的是雞蛋雞肉沙律，賣相是媽咪整的一樣，味道相信在哪裡的分別都不大，大家當然是食住等其他主角上場。蒸象拔蚌仔配薯蓉- 話晒來西貢，所以象拔蚌仔冇咩驚喜，反而薯蓉食到粒粒薯仔我就幾鍾意=) 牛尾湯- 好味! 香、濃，仲有好多菜粒仔，最想encore! 全檯各位都揀這牛尾湯，另一款蘑菇湯卻無人問津，好慘呢~ =P 另外蒜蓉包幾香脆，唔錯。煎魚塊配牛油檸檬汁- 是日是新鮮石班件，不過沾不到碟底的汁, 但就煎魚塊而言，魚味是不俗的。三椒蜆意粉- 用的是花蛤，料很多，但老實說是有點失望，因為我想吃蜆。沒有賣相可言的一味菜，花蛤、青紅黑三椒、意粉大混鬥一樣。不要期待是西餐的蜆肉意粉，不介意碟底略嫌多的灰灰色湯汁，也算香辣惹味。芒果龍蝦飯- 龍蝦肉亦彈牙帶甜，微微的芒果酸味夾龍蝦配搭幾特別，但混埋炒飯總覺得有點得意? 個人覺得話唔好唔係，話好好又唔算。煎羊鞍扒+ 蕃薯拌碟- 五成熟的羊鞍都變了七八成，不過都煎得香口，好彩又唔韌，都可以呀~ 食到呢度大家都已經好飽，但d蕃薯都係比人搶晒... 甜品-- 幾個布甸都唔係好得，不過Tiramisu

早兩年曾經食過一餐車仔麵,而主理人亦推介過自己晚上是主打私房菜,一直以來見有不少好食評,但絕大部份是非會員所寫,實在有點存疑,一次飯局提,既然有人和議,就試辦一局.這兒菜色彈性很大,可以根據客人要求在價錢或菜式上轉換,起初店方訂出三種價格讓我們選擇,但可惜菜色一般,所以全數reject,以位處西貢而言,豈可不以海鮮作主打?再三與店方商討下,亦能取得共識及遷就,先行謝過!由於店方主張食品質素比門面重要,所以要求candle night dinner者,大可不必選此.牛尾湯是少見的濃冽,紅蘿蔔煲得溶化在湯中,鮮甜可口,什果雞沙律總算用料足,雖然賣相一般,但亦覺收貨香草焗象拔蚌仔,象拔蚌鮮甜肉爽,伴碟薯蓉有質感,並非開粉貨色.鮮魚柳配牛油檸檬汁,店方表明是用即日新鮮魚,今次所選的是石班,雖然每人分得一小件,但吃得出是鮮魚,檸檬汁david兄是添了又添.香草煎羊鞍扒,店方表示是多年來的主打菜,雖然已order五成熟,但出來卻是部份八成有多,時間拿揑是失手,亦覺平平無奇,反而配菜中紫心蕃薯,車厘茄,露筍及茄子燒得恰到好處而水分並沒有流失,亦受到大家歡迎.三椒蜆意粉中用上花蛤,鮮甜肥美,連一隻'吉

爐兄精心安排的海鮮局，縱使路途遙遠，眾人亦開心赴會，最驚喜當然是見到Ray兄，正好向他反映我倆對網站的小小意見，希望可早日恢復profile photo的功能啦！爐兄一早預先寫好菜單，$250/位，雖然賣相一般兼環境麻麻，但味道大致上出色，用料上乘，尤奇是海鮮，我倆都認為這$250元洗得超值。- 鮮什果雞沙律，味道唔錯，起碼是用新鮮生果- 牛尾濃湯，味道濃郁，我嫌略油，如有牛尾咬就更好- 焗象拔蚌仔，極鮮味，伴碟薯蓉有咬口兼滑- 石斑魚柳一點也不腥，連我這不吃魚的都覺好吃- 煎羊鞍扒，起碼8成熟，但肉質都能保持嫩滑，收貨- 三椒蜆意粉，蜆鮮而不韌，意粉不油膩- 芒果龍蝦，燒龍蝦味鮮肉極彈牙，但鮮芒果肉做的汁我不太喜歡。伴碟的炒飯夠乾身，大家知我是飯桶，特意盛了很多飯給我吃- 甜品:芝士蛋糕，師姐話好一般- 甜品:各式布甸，應該都是開粉，麻麻- 甜品:tiramisu，是近期吃過最好，濕潤帶酒香，芝士滑身，推介爐兄又一好推介，在此謝過搞手！

估不到在西貢市場街內,有間車仔麵店,晚上有私房菜供應.名叫"安東尼小廚".爐兄由兩個月前已經講明想在此飯局,終於在日前落實,雖然地方略為遍遠,但一樣有一隊足球隊人數列陣,連總陀主Ray兄也抽空出席,真的高興.在這個市場街內,如置身與香港一水之隔的澳門小巷內,也算有點點"異地風情".門面真的是賣車仔麵,閣樓一角就是吃私房菜的位置.沒有甚麼裝修,與一些街坊中菜館格局相若.擺明車馬走實力派路線.爐兄一早安排了所有菜式,開瓶費全免.$250一個人不收加一.什果雞沙律作第一道菜,最好不過.先幫大家開一個胃.接下來的菜式,絕非等閒.香草牛油焗象拔蚌,象拔蚌又鮮又甜,肉質爽口,香草牛油能夠助其提升本身的鮮味.連帶伴碟的薯茸也出色.薯仔非完全打到成茸,仍能吃到薯仔粒粒口感,非常合乎小弟之口味.忌廉磨菇湯同牛尾湯二揀一,所有人也選牛尾.味道濃郁,奉上一大籃蒜茸包.香口非常,吃到差點停不了.牛油檸檬汁鮮魚柳,是日魚為海班,肉質鮮嫩,單單的牛油檸檬汁去煎,帶出魚肉的鮮甜味道,絕不花巧.三色意粉,三色即是青椒,紅椒,黑椒,還有蜆肉,賣相色彩繽紛.未吃已令眾人垂延欲滴.蜆肉新鮮得可怕,肉質飽滿.味道鮮甜沒有沙.

聯合同學仔聚餐，同學介紹了安東尼小廚私房菜．店子不明顯，若不是由朋友帶路很容易會錯過．同學預早已訂了八道中西合壁的佳餚，有凱撒沙律，陳皮蒸泥鯭，芒果大蝦，東風螺，鼓椒炒蟶子，蒜蓉包配咖哩蟹，燒牛仔骨和芝士龍蝦意粉，全部都新鮮美味．個人最喜歡芒果大蝦，芒果汁有粒粒芒果肉，非常惹味．餐後甜品吃了tiramisu，為這頓豐富的晚餐畫上完美的句號．這天湊巧十二人都不用當值，可以聚首一堂真是難得．大家分享近況和工作趣聞，過了愉快的一夜．

今日同Honey 係銅鑼灣行到悶悶地，都唔知點解行o左去西貢…又唔想食海鮮，兩個人行行下入o左條巷見到呢間鋪門口o既西餐菜譜同剪報幾得~ 但係同鋪內裝修又好似唔係o甘夾…Honey "R頭"下決定試o下新o野話唔定有驚喜，結果…1) 凱撒沙律- 菜好新鮮，汁o既味道都好適中2) 薯蓉田螺- 田螺蘑菇熱辣辣都幾香；不過薯蓉仲有驚喜，Honey 竟然食到碟底照鏡…我都好耐無見過3) 燒羊鞍- 落單要四成但出o黎有六成，不過依然肉嫩多汁；伴碟菜都有四樣，全部好新鮮燒得香噴噴基本上呢間鋪頭真係有驚喜，唯獨是食到一半有個男人高哼【一將功成萬骨枯】入o黎擺低幾百俾隔幾檯食緊車仔麵個男人又走o左；同係車仔麵檔食西餐仲無餐酒用啤酒送燒羊鞍就真係搞笑o左~~ Honey 同我食完都笑o左好耐囉~~~

今日老公帶我到西貢行街街，行到碼頭見到一艇仔賣海鮮，就諗起網上介紹安東尼，於是我老公就話不如試新。我就買鮮鮑魚、中蝦、幾條甘古魚帶去比師父煮。初初見到個鋪都覺得幾攪笑，車仔麵檔咁都唔知掟唔掟，不過試落又ｏｋ喎，環境都叫乾淨既，話哂食環署都比個生奬佢。本來我想用陳皮蒸鮑魚，但老公想試新就轉用西式既白汁焗鮑魚，不過我自己就唔係咁好芝士，所以就覺得一般，而我老公就覺得用芝士焗鮑魚好正，不過我倆個都覺得薯蓉就一致應為好正，有薯仔粒度，好有口感，好好味。而中蝦就用蒜蓉蒸，蝦蒸得好。甘古就用傳統煮法－果皮蒸，最用送飯，真係好正呀。本來仲想食個芝士餅，但我個肚真係放唔落，所以最後都放棄。

上星期六諗住同女友到西貢試試西餐，到openrice找一找，發覺此安東尼評分比很多西餐廳還要高，那就試試吧。原本滿心期待，還特意放棄坑口最愛，換來的，只是一句……"唉，上當。"陳設：大概晚上七點多到達，店員安排我們坐在二人，但我就給他們上午車仔麵，晚上西餐廳的格局嚇一嚇。不知道是否沒有到樓上坐，但真的不像是吃西餐。飯間有兩三對情侶也到了這店，也一樣被嚇到。其中一對在詢問有沒有樓上位子後更即時離開。食物：叫了以下東東：凱撒沙律焗田螺芒果大蝦芝士蛋糕不過不失吧。但真的沒其他食評說得那麼好。凱撒沙律以碎蛋伴之，少見而奇怪。但份量還可以吧。半打田螺，只可以是平平，起碼未能嚐出田螺應有的鮮味。芒果大蝦，算以中上作。芒汁味鮮，能挑起食欲，大蝦煎得略為過火，但肉質還可以。芝士蛋糕，伴以檸檬味，新鮮可口，不錯的。服務：店員態度親切，但衛生卻有點令人瞠舌。總評：不過不失，但絕未值此級收費。

朋友生日想食私房菜，見呢間安東尼小廚食評唔錯，就決定去試一試～六個人叫左：鮮磨菇湯／牛尾湯（送蒜蓉飽）：好有磨菇味！蒜蓉飽熱辣辣表面脆入面鬆軟，絕對唔馬虎凱撒沙律：個汁好好，甜酸岩岩好薯蓉焗扇貝：唔錯。如果扇貝大隻小小會更好芒果大蝦炒飯底：好正既芒果汁底三椒蜆炒意粉（原汁）：唔錯燒羊鞍/牛仔骨（原汁）：火喉控制得好好，所用既羊同牛都好靚，尤其係牛仔骨，好有牛味，好新鮮（老闆特登唔將d汁淋上面先，話要我地試下無汁都好好味）食完所有主菜，當我地傾緊計時，老闆無端端捧住一隻上面有6件cheesecake出黎大聲唱住生日歌，我地都好surprise！！當然亦有跟住唱啦，呢6件蛋糕係佢請我地食架～雖然係茶餐廳格局，但係有比酒店更窩心既服務～走出呢間餐廳既時候，我地每一個都覺得好開心～

安東尼已成為我家大時大節聚腳點，我和老公最欣賞牛仔骨和扇貝，勿忘扇貝下的薯蓉，連薯蓉也精心炮製，好香的香草味。牛仔骨水準隱定，從沒有令我地失望。阿媽鍾意鵝肝，好似朱古力咁，入口即溶。阿爸愛磨菇湯，餐前濃湯能刺激一下味蕾。除了私房茶外，我也愛焗豬扒飯，味道和份量也剛好，咖哩牛腩好辣，但老公話辣得好味，飲住可樂食就最fit。

20 May 2006, 兩個人去咗呢間小店晚飯。此店位置隱閉，為免費時失事，事前最好先check地圖。餐廳分地下及一樓，今次被安排坐地下，感覺有Ｄ奇怪，因為格局似雲吞麵鋪，而且可能你喺呢邊動刀動叉食西餐，另一邊有人飲大啤食車仔麵。香港乃華洋共處之地，中西fusion，見慣不怪，但三件頭老西襯功夫鞋這個配搭……請給我多D時間去習慣……1.磨菇忌廉湯(x2)配蒜蓉包(x4) –兩樣都熱辣辣，香噴噴，並吾係一般流水作業嘅劣貨2.薯蓉焗象拔蚌(x2) –材料新鮮，以牛油及香草焗得啱啱好，薯蓉食起嚟有口感，但淡咗D。雖然隻小象拔蚌吾算細，但每人一隻實在到喉吾到肺…..3.芒果大蝦(x2)炒飯–期望太大，食後有Ｄ失望。芒果汁有大大塊果肉幾醒胃，賣相亦當好，但隻大蝦吾夠彈牙，縱使味道OK但彌補吾到。4.椒鹽瀨尿蝦(中size x5) –乾身惹味吾太辣，新鮮大大隻食到吾想停口。選咗士多啤梨布甸同cheesecake做甜品，但普普通通，無特別。埋單$440…如果碟芒果大蝦好食Ｄ…都或者值。

茶餐廳格局，車仔麵店餐牌。如果不是在網上看到其他食評，單單經過此店，絕不會認為那裡竟然有酒店水準的私房菜提供。注意訂枱時，要先決定當天的菜式。當日所點菜式:1. 凱撒沙律(蔬菜新鮮，沙律汁酸甜度適中，很開胃)2. 鮮打磨菇忌廉湯配蒜蓉包(湯中有大量磨菇)3. 薯蓉焗扇貝(扇貝一般水準，頗新鮮，薯蓉香口，有點點的薯肉，加上扇貝肉汁，更加美味)4. 石班忌廉焗飯(第一次吃到的焗飯，是用鮮魚烹調，味道鮮甜)5. 甜品(可以選擇芝士蛋糕或布丁，但由於當天好友生日，自家製了一個tiramisu蛋糕，故這次未有機會品嚐)坐在茶餐廳，在鋪上枱布及西式餐具的枱上用餐，感覺很奇怪。倘若能提把環境裝修得比較有情調，酒店水準的食物會倍添味道。

嘩，自從上次食過安東尼既芒果大蝦後一宜念念不忘，所以今次由小弟做領隊，帶同一班同事到安東尼處做節，順便攪埋聖誕派對。由於我哋成三十幾人所以安東尼特地比咗成層我哋，而且安東尼見我哋咁開心仲送咗個自家製既Tiramisu 比我哋食。講番當晚食物既水準：1. 凱撒沙律：啲菜好新鮮，不過我本人就唔係對沙律就冇乜研究，但我班女同事個個都好鐘意，話個汁啱啱好，唔會太過酸同過多喎。2. 鮮打蘑菇湯：蘑菇味好香濃，可以睇得出落足料。3. 燒羊鞍：羊鞍燒得啱啱好，切開後可以見到啲肉汁慢慢咁滲出嚟，個個食過都話“超讚”，另外大廚更選用而家得令既煨蕃薯做配菜，真係連碟都清埋。4. 三椒炒蟹燴意粉：蟹肉鮮甜，而且炒得辣辣地幾惹味，而且意粉嗦哂啲汁，所以辣嚟仲好鮮甜。5. 芒果龍蝦炒飯：由於做節所以今次選用龍蝦，龍蝦肉彈牙爽口，個汁又好有果香，而且仲有大大件新鮮芒果肉，加上炒飯，直係不愧為得獎名菜。6. Tiramisu：真係幾好味，好軟滑帶少少酒香，唯一可惜係老闆送得一個Tiramisu 比我哋真係少啲，如果多一個就好喇。總結當晚我哋每一個人都滿肚而歸，真係食得好滿足。不過當晚消費多少就唔知，因為老細找數，但

聽朋友講西貢嗰間安東尼幾好食，於是一齊同女友去試下。嘩！個芒果大蝦真係好鬼好食，尤其係嗰個汁，真係好香而且仲有大大件芒果肉，啲蝦大隻之餘仲好彈牙，真係一啲都冇欺場。最係埋單個價錢仲哈、哈、哈，真係好鬼超值。