Antoshimo Cafe & Bakery (Closed)

在旺角食完晚餐就當然要去附近食個甜品，見呢間嘅甜品係沖繩海鹽焦糖雪糕冬甩(期間限定版)，標榜4重享受，加上我朋友原來都介紹過呢間，叫我去食呢個甜品就更加吸引，於是就坐咗入去，諗住2個人叫2 份海鹽焦糖雪糕冬甩，當我地同店員落完單之後，另一位店員就好似好緊張咁問我地係咪只叫2個甜品，我地當時已經食咗晚餐只想食甜品咁當然話係啦， 點知佢話叫我地外賣！！ 我地就問佢點解，佢話有最低消費～但明明所有餐牌都冇寫明有最低消費，同埋最低消費嘅價錢係幾多錢！於是我地就問佢最低消費係幾多～點知佢話$150 我心諗：吓？洗唔洗咁貴？本身仲諗住叫夠最低消費，但咁貴就不了！(其實唔係唔想比，但我覺得要合理囉，黎到cafe一人一個甜品都滿足唔到個最低消費！ )再加上果個甜品點可能做外賣？係雪糕黎架喎，仲要下面有舊野外賣食會勁狼狽囉！擾讓咗一陣個店員話：唉見人唔多就比你地係到食！心諗我要講多謝？ 我都有比錢架喎！好啦，個甜品到咗個賣相都幾靚嘅，食落唔係話差，不過我比較鍾意D焦糖自己放上面鍾意放幾多就幾多，而冬甩方面食得出油嘅味，唔太好！雪糕太硬，好難先刮到出黎食，本身諗住比OK樣但發生咗上面件事同埋味道一般加加埋

星期五喺旺角食飯 朋友話上次食過呢間餐廳幾豐富 咁就四個人再去試吓啦😋大約八點去到 完全唔使等位😮套餐分炊飯同烏冬 全部都係二段坎形式 啫係分上下層 上邊一個竹籠放餸然後下邊有個砂鍋裝飯或者烏冬 包一杯熱嘅玄米茶者凍嘅紅蜜桃紅茶 仲有甜品🍮朋友叫咗牛肉壽喜燒 豚肉烏冬 同埋魚柳烏冬套餐 湯底甜甜地幾好味 我就叫咗漢堡扒豆腐黑咖喱飯套餐 中途發現漏咗我單 所以最後其他兩個朋友食完個烏冬 我個餐先嚟☹️漢堡扒肉質偏稔 黑咖喱飯都幾好食不過可能因為有芝士 食多幾啖就會漏甜品就個個都一樣 係雪糕冬甩 有榴槤味同埋雲呢拿味揀 幾好味有驚喜😆 又甜又咸咁最後埋單440蚊 我覺得一般般 冇話特別難食冇話特別好食 如果其他地方無位都可以一試嘅🧐

做完yoga跟媽咪下午茶☕️，朗豪坊4/F總是人山人海，唯有上高幾層樓，選了這間人少少的桌面佈置、牆上佈置、及Menu設計都十分日本式，很多報導，很熱鬧般，色彩繽紛，配合沖繩的天氣也是比較熱的我們試試那個魚柳芝士飯，自己把芝士加在飯中攪勻，芝士遇熱即溶成絲好味道幾塊魚柳加一些菇一些菜，一人前也很飽，幸好我們是 share另外叫一個下午茶餐：蕃薯條🍟、炸雞🍗、餃子🥟蕃薯條點黑糖漿，喜甜的是不錯的餃子是長型韓式那種，都好味，炸雞都不錯兩個餐都有餐飲，夠經濟實惠

同朋友係朗豪坊行完街，好肚餓就近近地直接係朗豪坊搵野食~行過依間餐廳，見二人餐d野好吸引，就唔洗煩直接入去！我地嗌個二人餐有d小食，每樣都好味，雞肉意料之外咁d醬好惹味d芝士就吉咗d，有d難點，不過味道都唔差d小食都有質素，本來都好期望d主食，但一食落就失望lud肉，牛肉定雞肉都乾淨淨同無味個飯係好濕，但d芝士都係淡而無味，有d似用水撈飯食烏冬味道就幾好既，湯汁甜甜既，不過份量唔多甜品既冬甩，係好甜，同一咬成口油咁仲有d食物都未影，整體來說，二人餐既野食都幾多，食到好飽，有d食物味道再做好d就更好喇

平日lunch time 已經無乜人，見佢有lunch set，咁就試下啦。首先要等半粒鐘先嚟到個餐，嚟到個南瓜仲要係凍，未熟嘅! 叫佢整返熟南瓜，佢又要攞走埋豚肉，話不能分開蒸，攞返去叮又要等多15分鐘，蒸完到個豚肉鞋的。點解豚肉要同南瓜一齊返叮!格黎枱遲黎過我地，同一樣既野食仲要佢地黎先!太離譜，絕對無下次。食物質素方面，同枱朋友叫牛肉烏冬，燶嘅。豬肉餃子有so味. 唯一算好係芝士無限添加，但煱唔夠熱，好難溶，拉唔到絲。要俾加一服務費，咁嘅質素，唔值囉。

旺角下午想食飯小人就一定要黎朗豪坊，平時夜晚排滿隊，下午就少人好多，簡左依間日本餐廳試下個烏冬同炊飯燒魚柳炊飯$48，炊飯可以簡芝士或者蕃茄湯底；個餐仲跟埋胡麻醬豆腐+燒米餅好特別既食法一上台既時候係二層既「上蒸下煮」感覺好多野食；每啖飯都痴住一絲絲芝士蒸餃子🥟配牛肉壽喜燒讚岐烏冬$58都係二層既「上蒸下煮」烏冬好有嚼感真係正宗日本烏冬黑糖蜜蕃薯條🍠🍟熱辣辣超好食，黑糖既甜味好吸引，唔似一般薯條咬落去好有口感，真係好似食緊蕃薯咁沖繩紅芋麻糬脆包$18 外邊超脆，但味道麻麻跟餐仲送野飲可以簡（熱）玄米茶（凍）蜜桃🍑紅茶☕️

中午約了fd在旺角見，記得以前朗豪坊10樓有一家日本餐廳不錯所以約了朋友在那裡午餐，雖然去到發覺換左餐廳但還是決定試一試。見到午市套餐大多$48左右，有日式胡麻酱豆腐小食和包一杯飲品，係旺角呢個租金甘貴的地方算好抵食！我們都order了蜜糖芥末豚梅肉，餐來到好似湯飯甘原来是要將D芝士撈到湯飯里變成傑撻撻的芝士飯，我朋友唔食芝士(order時冇留意)所以我就拌埋佢份芝士，好邪惡嘅芝士飯就甘出現我好锺意食芝士所以掛住食芝士饭都忘记咗食主菜，食到一半先醒起豚梅肉，味道不過不失OK3.5啦！总之以呢個價錢在旺角朗豪坊食嘢CP值我認為幾高，我俾個Like佢

第一次幫襯呢間連鎖餐廳係去新蒲崗個間，當時真係覺得性價比好高，野食得service 得，但都差唔多一年前ge事lu。尋日咁岩行開旺角，就諗起朗豪坊有分店，一於去馬，點知大失所望。。。九點左右去到得返幾枱客，冇咩人。order完第左十幾分鐘左右就有野食。首先賣相冇以前咁好。。野食又唔夠熱。。。我叫個壽喜燒烏冬冇咩湯咁濟。。d野菜上面加左d蒜容，但味道怪怪地。。豚肉都ok ge。。烏冬係最好食個part, 其他真係唔多掂。。我地三個人仲share左個甜品，佢個包轉左做冬甩。。唔好食。。Service還可以啦。。。

昨天星期二難得有時間去朗豪坊食lunch, 谂左好耐唔知食咩。。。谂住清清地食日本野，就去左這間餐廳。其實之前我在新蒲剛试過佢地出名的炸包，set dinner 也试過，超好味。點知……一入去感覺出左事，成間餐廳無人咁濟。但我即刻走又不好意思，再看餐牌真係想即走，啲食物轉晒。免為其難叫左個豆腐雜菜漢堡咖哩鳥冬和有些期待的紫芋炸包。個炸包好快到，我一食，完全唔係以前師傅做，個包似係先做起好耐再焗番，無以前食的咁新鮮。 好啦，正餐到左，我先用筷子食椰菜，點知，原來啲餸下面有張蒸籠紙，張紙因水氣爛左，我一夾，紙同菜一起吃，立即吐出來。。。咁唔食菜，食漢堡，無味……再食咖喱烏冬，點解啲咖喱酸酸地……得豆腐算係可以食得入口。希望餐廳真係要改善上菜型式和食物質數而繼續經營，否則做不下去。朗豪坊實在太多餐廳了。

之前就係openrice seatch到尼一間日式餐廳 覺得幾吸引 因為炊飯既餐具很得意 今次終於有機會同fd一齊去試下我果日胃口麻麻 叫左清淡既野菜豆腐烏冬麵 fd叫左魚柳 等左一陣 套餐送來 服務生將兩層炊飯分開擺 上層蒸籠係蒸菜 下層係烏冬麵 熱既玄米茶係茶包 我既野菜豆腐很清淡 豆腐上落左d好似魚粉既野 很鮮好好食 有三舊南瓜 不過未煮軟 （但fd果見就很軟好好味） 野菜絲魚柳係炸既 不過層粉唔算厚 fd話唔錯 番茄飯有d微辣 自己倒落芝士 等芝士融化 芝士量唔算特別多 所以唔拉絲 （不過我地食得很清淡，太多芝士太heavy反而唔敢食）今次日本式套餐都算滿意 兩個人加服務費136左右 食物很清淡 營養均衡 深得我心 但精緻程度相比係日本既日本餐廳 唔算精緻 但係係香港尼一個快節奏既地方 算ok喇

經過門口見到張menu覺得幾特別同價錢適中就入左去試。我係烏冬愛好者所以揀左岩鹽蒸雞明太子忌廉烏冬。我覺得個份量係足夠。啲烏冬煮嘅時間啱啱好，軟硬適中有口感，啲忌廉汁都唔會太水，但就冇咩明太子其實。啲雞唔係白切雞甘，係有餣過，仲幾入味下，而且啲雞係嫩嘅。同埋我係無菜不歡嘅人，呢度每個飯同烏冬都係有菜配埋，而且份量都唔少。亦叫左杯忌廉抹茶豆乳，唔太甜，抹茶味唔算濃，但豆乳味就幾濃，如果抹茶味可以濃反少少就好。

由於7點已經到，所以不用等位岩鹽蒸雞上面是蒸籠蒸你所選的主菜下層可以選飯/ 烏冬台面設有計時器方便你計時其實上台前食物已經9成熟所以等6，7分鐘已經可以食海鹽焦糖雪糕冬甩同我想像中的冬甩 有少許出入 這個比較像一個新鮮熱辣辣炸的薯餅配上焦糖味嘅醬汁加上一舊雲呢拿味嘅雪糕美中不足是 冬甩太熱雪糕所以用得太快總括而言一間餐廳又食主餐又可以埋甜品又 係一個不錯嘅選擇但係佢係限時所以食得會比較趕

蜜糖芥末醬漢堡扒配豬骨蕃茄湯佢個餐係有飯跟，飯係三角形好似腐皮咁，搞到我哋都搵咗陣係邊，haha好白痴！個漢堡扒係以蒸既方法，十分特別，但係個味道真係唔錯！口感幾柔和。加埋個飯食都好夾，可惜佢間餐廳冇牛啦！不過杯野飲就好甜好甜,問佢要咗杯水倒落去先好啲。btw佢送既凍豆腐十分好食！

同個朋友食下high tea，記得佢個海鹽焦糖雪糕冬甩好好食，上次食一次難忘！但食落就有少少唔同。。個冬甩冇以前咁炸，有啲硬。而個雪糕就仍然好好味！好似係雲理拿雪糕加海鹽咁，配埋焦糖，good！咖哩脆包就好硬好硬，啲咖哩又有啲少，下次都係淨食甜品算。

朋友話想黎食依間好耐，今日見得閒就同佢黎食啦。平日7點幾左右既食飯時間，拎完飛等左15-20左右就有位。選擇唔多，主打既都係幾款。想試多啲嘢食，就決定嗌二人餐C($238)，有一個沖繩芝士火鍋拼盤、岩鹽蒸雞宮島豚骨炊飯同豚梅肉壽喜燒讚岐烏冬。再揀左黑糖吉士脆包，嘢飲就係跟餐既蜜桃茶。落單只係需要劃係張menu到再比個侍應就得，方便又快捷。個侍應都會覆一次，有冇劃錯啲嘢食好快就上晒枱，都幾多嘢食，逐樣逐樣講啦先試左佢個芝士火鍋拼盤既炸雞同薯條先啦。個芝士完全係一pat嘢，係個火唔夠力整溶個芝士定係點無乜芝士味又唔好係正常芝士火鍋咁可以點黎食之後叫佢比左個蜜糖芥末醬黎點，好食好多到個飯同烏冬啦~飯既芝士可以任加，我總共落左三次芝士，都係一樣無乜味，好似係為有芝士而落芝士咁，味道好一般至於烏冬...就係一個好普通既烏冬......至於肉方面，我個人黎講覺得豚肉好食過雞。豚肉好滑，配埋佢上面個汁幾好味雞肉就係一舊無乜味又唔多吸引既雞肉....個黑糖吉士脆包，我地食嗰陣已經係凍，唔知係原本就係凍定我地擺得太耐，佢凍左。佢啲嘢食一次過上，搞到我地有少少都唔知應該食咩好個包唔算太脆，有少少硬，同啲吉