阿利水韓國料理 (Closed)

約左朋友食晏，佢係尖沙咀番工，咁就決定去厚福街啦，多野食麻：Ｄ行到最入就有一座大廈，見腳３樓有間韓國野喎，諗唔唔諗就搭LIFT上去啦！午市餐牌有好多款定食，分別唔同價錢，我同友人就點左炆牛肋骨定食AND石頭鍋飯，好快侍應就拎左Ｄ前菜比我地，有差唔多6款 -- 泡菜、青瓜、蛋卷、芽菜、菠菜、南瓜，味道就一般啦，但還是唔錯嫁。炆牛肋骨定食 -其實係牛肋骨煲, 另外跟飯同湯, 牛肋骨煲內當然有牛肋骨, 白蘿蔔同紅蘿蔔. 牛肋骨炆得唔錯，所有材料都煲得好入味, 帶甜的湯底全都滲入了食物內，其實幾中式下ＸＤ石鍋拌飯定食 --好快石頭鍋飯都熱辣辣咁送到黎我前面，常規材料都有齊，生蛋， 芽菜，紅蘿蔔絲，肉絲，紫菜絲，茹絲等等。２個飯都算ok總算滿意既一餐。 

和友人來吃午餐, 星期日一時居然空位多的是, 心裡一嚇會難吃嗎?好, 我們一人點了個鍋, 我的是海鮮鍋, 是二級辣, 問過職員後可以小辣湯還好喝, 縱然喝後會很口渴裡面最多是豆腐, 好滑, I like it海鮮離不開是急凍那種, 所以毫無味道... 鍋裡料頗多, 一個正常食量的女孩子絕對夠吃! 忘了說前菜, 不太惹味雖知吃韓國菜前菜也是重點吧! 職員不太殷勤, 面上無表情不過呢, 這區這個日子這個鐘數, 才七十多元可以接受的

上次同友人A食韓菜想訂呢間滿座，今次星期六一個人游游下搵食，自然揀咗番呢度。鍾意牛嘅我，一定首選炆牛肋骨。一開始侍應有啲散漫招呼普通。定食原本有4個前菜，但侍應姐姐見我擺哂位企埋起身好認真咁影相，主動拎多2碟嚟，話顏色多啲靚啲😱咁我就老實不客氣咁拎咗6碟嘢擺嚟擺去高抄影lu。前菜普遍好味，包括泡菜芽菜莧菜清炒水瓜坟豬肉炆豆腐乾，除咗黑豆太硬又太甜食唔到。主菜炆牛肋骨入味但偏淡，肉質唔係好腍但易咬開彈彈地，蘿白清甜味唔夠，可能唔係當造啦。牛肉湯就正常。成個餐只係七十幾，其實算唔錯，我食完都冇韓菜重手搞到味精發作嘅通病，可以再去。

今晚難得相約中學同學共聚晚餐，當然興奮。大家都要上班做事，要夾好時間都是一件相當困難的事。3人已經諗定去尖沙咀食韓燒，同學提議到阿利水，並已book好枱號，小妹準時到達便可以，真好！食韓燒當然來個併盤，勝在有齊各個部分，一次滿足要求。小妹不吃牛，另一位不吃雞，無選擇就剩下豬小姐囉~店員先來放下 韓國前菜8小碟，圍著鐵板邊剛好湊夠一圈。泡菜、芽菜、魚乾仔、醃蘿蔔、醃青瓜、蛋卷等等…樣樣都好食，挺喜歡食這些餐前小吃。 豆腐海鮮湯，上枱熱辣辣，湯味不過濃厚，豆腐幼嫩綿滑，海鮮配搭相當豐富。 海鮮煎餅，餅底帶少許焦燶，但不嚴重，粉漿不過厚，咬下帶點煙韌，味道較一般。 蔬菜併盤，小妹指定要點這個，烤肉一定要搭配生菜包才對家，另外還有蔔蔔條和青瓜條，再沫點混醬，回味無窮！主角出場， 豬肉併盤，五花腩肥肉相隔，油脂豐盛，好食！中間形成圈狀的豬排，帶果汁味，我們開頭都不懂得處理，幸好店員會不時過來幫我們燒烤和裁剪。份量都不少，小妹吃了個十成飽，店員其中一個幫忙燒烤的原因就想你們快快燒完，我們期間未燒完一樣，店員就會突然拿著夾子幫你放生肉落鐵板，完全漠視客人到底喜不喜歡？食完更加急急腳清理現場

聖誕冇book位就撞入去都唔駛等，一黎就食我最愛既牙菜，仲要食左4碟你就知我對牙菜既喜愛程度可以媲美高海寧啦。之後既海鮮炒飯濕濕地，有d似炒意大利飯，但係比多少少海鮮我會更加感動。海鮮大醬湯，識飲一定係冬天飲，滾住上你有眼見啦，飲完暖哂裸跑都仲得。個豬腩肉就係豬腩肉咁囉，燒起黎少少臭，但食落就普通囉，整體唔差，可以番啅。

今天和舊同事聚舊，聖誕食肆是比較full，在尖咀找到這間食韓燒和韓式火鍋，還說是米芝蓮餐廳，就來試一試。已經book了檯，一上到去很多人在等位的樣子，我等了5分鐘安排了入座。一看餐牌，本身都預計係比較貴，但實在貴得有點離譜... 看到燒肉碟碟都要超過$200，portion 又細，燒肉唔包生菜唔緊要，打算叫籃生菜夾肉食減低肥膩感，點知一籃生菜5塊都要$60.... 看到有個煎豆腐，都有D興趣，但要$100/8塊.... 我又卻步了。於是我們點了份牛舌，一份豬腩肉，一份雪花牛。牛舌同雪花牛各6塊，豬腩肉就4塊。點了餐，會奉上前菜7小碟.... 有些味道都不錯。之後來了燒肉。無人幫手開火，要問。豬腩肉要自己用剪刀剪開，都唔緊要，但我個人覺得韓國食好食好多~ 都唔明點解呢度有米芝蓮.... 呢度有一半係韓國人的侍應，唔知係咪咁所以唔識開口講野? 叫你有少少碎剩低都唔收碟，要叫先識收；水又唔識倒，要自己倒；見到D食物同價錢既比例差咁遠，已經有D嬲嬲地，仲要0服務! 我們見唔夠飽，叫多左碟黃花魚同泡菜煎餅。加單都未到，佢見我們碟豬腩肉剩返一條，佢又想收碟，你一係問一聲，我們自己拎起佢燒，一係你幫

阿里水之前已經食過好多次，果然係米之蓮餐廳，不負眾望。我平時鐘意食佢嘅套餐，都幾抵食。今次因為唔太肚餓，所以都係隨便叫左幾樣，有海鮮湯，水冷麵，再加白飯同紫菜，已經好滿足了。好鐘意食韓國菜嘅前菜，伴飯一流。可能係睇得韓劇多嘅關係，成日都心思思想食hahah。

昨夜失眠，今天午餐特地去了H8 的阿利水，希望可令自己的精神振作一點。在沒有訂坐的情況下，我們一行三人幸運地找到位置。先看一下餐牌，種類有很多，可惜今天我沒有什麼胃口和精神，隨便選擇了一個滑豆腐辣湯飯。前菜到了，我們三個人就有6 碟，再要求加一份小魚一共就有7 小碟。 它的前菜非常有誠意，當中比較特別的有右下角那紅色碟蘿蔔牛肉，翠玉瓜加菌類也很好吃。薯仔加上紅蘿蔔，有別一般韓國餐廳只有薯仔。 小魚兒再多兩碟我也吃得完。 我最喜歡還是最傳統的那款辣泡菜，非常入味。韓國的前菜總會令人精神振作，而且款式繁多，每天吃韓國菜我也不會生厭。 滑豆腐辣湯飯，湯真的好熱，如果天氣再冷一點會更好。 豆腐很滑，湯不是太辣，配飯吃真是一流。 可惜昨天我睡得不好，結果吃不完…….. 下次我精神好的時間要再來多次，好好品嚐師父的韓國佳餚!PS 午餐須加一服務費

這是小妹星期六與家人的晚餐。該日就本想吃上海菜的，可到了韓式食店林立的尖沙咀，又改變心意了，再上openrice搜索一下各店評價，見此店的不錯，便決定到這兒用膳。去到時大概六時半，全店己坐滿三分一，幸好，即使沒有訂枱亦能立即入座。由於只有三人，加上其實只有我較為喜愛燒烤食物，所以沒有點上太多食物。先是前菜八小碟各款水準都不錯，蔬菜均清爽入味，同時醬汁亦不會過辣過鹹，頗醒胃的。生菜配麵豉醬$60用來包烤肉的。有生菜，薄荷葉，青瓜，蘿蔔，青辣椒，均新鮮清爽，麵豉醬味道亦濃郁。烤豬肉$170肉切得稍薄碎了一些，故此包上生菜吃時沒什麼口感可言，而且醬汁味道太重，反而蓋去了豬肉的肉鮮，實在可惜。烤大蝦$150蝦有五大隻，肉質挺爽嫩的，可是未夠鮮。簡單以豉油香蔥去烤，味道輕怡不油膩，算是正常貨色，而以$120的價錢而言，不太值。海鮮蔥花餅$120海鮮不算多，吃下只有微微的香蔥味，麵皮厚薄剛好吧，加上蝦膠就是必然的彈牙，可是煎得不夠香脆，實在有點失望。如此看來，性價比亦頗低。石頭鍋飯$120配料其實很多，有木耳，有菜，有肉等，挺豐盛的，可是，加入辣醬搞拌後，飯粒卻毫不入味，彷彿配料，辣醬跟飯都在我行

一坐低侍應就先放低啲小菜，一開始先送上嘅八小碟，呢幾小碟同一般香港既韓國餐廳差不多，分量小小嘅，每款食啲，蔬菜類同啲酸酸地嘅小菜增加胃口。我地叫左兩款肉類嘅韓燒，第一款係豬腩肉，賣相就真係麻麻啦，好明顯係未完全解雪嘅，肉色又無，脂肪同肉嘅分配又唔平衡，似啲打邊爐嘅低級牛肉多過豬腩肉。好快就黎埋碟牛肉，賣相同樣失望，好多都係牛肉細片，唔完整嘅牛肉片，感覺唔太良好，好此任何人係屋企加啲調味醬放入冰箱幾日之後羅反出黎咁。肉到左之後，侍應好快手放一半嘅牛肉同一半嘅豬腩肉落去燒，之後就行開左，其實你又唔係幫我燒咁點解放咁多落去燒呢，牛肉快烹好啲，我就需要一邊食牛肉一邊燒同反啲豬腩肉，最後豬腩肉燒過頭，硬哂。第一round，兩款肉都唔好食啦。之後我地調整細啲個火，燒完一樣先一樣，好味左好多啦，講真自己燒，自己決定燒幾多仲好啦，你又唔係同其他韓國燒咁定時侍應過黎幫手燒，做咩放咁多肉落去呀，我就一邊食牛肉一邊燒一邊同朋友講嘢。

今日寶貝約左我去食好野~好開心呀~佢推介呢間米之連的餐廳!我當然全力支持LA!!咁大個女都係第一次去米之連話好食的餐廳~心中難免有D期待!!我地中意食早飯~~餐廳唔係放題,但係都有限時~真係巴閉~所以訂最早的時段6-8PM諗住早10分鐘去到揀個好位,講英文的服務員表示未夠鐘唔比入~OKOK..好快夠鐘,入到去冇客人,都冇得我地自己揀位,服務員用英文話已經SET好枱~ OKOK服務員安排左我地去左個路口位,方便出入掛~枱櫈好大張~坐得都算舒服睇睇餐牌~燒又得唔燒又得~我個人覺得樣樣都要試下~但係胃又細又唔爭氣~所以要小心決定每碟菜~~點好菜~服務員就拿前菜過來~快手快腳地排在枱面~~pin pin pan pan咁,感覺唔係太好前菜有魚蝦AND 唔同的泡菜~入口感覺清新~而且各有鮮味~唔錯~!每人分到一啖仔,永不再添~真惜食~!我地點左份牛盤,蒜蝦,牛肉湯本身打算點支用特別靚的清酒杯上枱的清酒黎飲下~但服務員話清酒係用普通的玻璃杯上枱的,我地見咁就冇點了~一D氣氛都冇等左陣有野食了~~牛肉盤 - 牛脷,牛柳,牛肋骨,乜都有D~好新鮮好有牛味~~水準之作~!但就唔算好特別出色,至少唔會有再

友人極力推薦尖沙咀H8既阿利水俾我為左唔浪費佢一番好意（你講真？）我搵埋呀媽一齊上去試個午餐先前菜有幾款但我最中意都係黑豆，甜而不膩黑豆粒粒分明不過黏，越嚼越是有豆香其次要論魚乾，鹹甜可口，仲要魚乾唔會過乾硬到摻口既程度餐湯味道帶肉香，唔會太鹹太重味湯中亦可見有D細牛肉片，但湯品稍為油膩，有少少浮油石鍋拌飯大小份量一般，對我黎講或許太少了材料都係蔬菜為主，清新爽脆，連飯食感覺冇咁飽滯蛋帶微微焦香味，外表呈金黃，蛋香味普普飯粒算是飽滿，不會太淋爛，吃著還是有點彈牙的鱈魚扒煎得香口，焦香味更是帶出魚肉鮮香魚肉嫩口不腥，煎左都唔會話太油膩外皮脆而皮肉間有點膠質，略略黏口

今次同朋友去佢推薦既燒肉店阿利水,個名好奇怪,完全唔知咩黎,佢都無講,所以就跟著佢,一去到原來去食韓國野一去到,就有九樣《韓式前菜》等緊我地,比起係韓國食要自己拎仲有誠意,前菜既款式係超多嫁,不過我自己就只係會食泡菜。好味道既,好爽口。首先 朋友就叫左個厚切五花腩,佢話係韓國都未必食到咁正,咁又當然要試下,三大塊厚切既五花腩,咩調味料都無,不過睇落都覺得好好食, 脂肪同肉都好平均,加埋洋蔥,應該一流,原本諗住自己燒,點知店員就已經搶先一步,幫我地燒佢地,愈燒愈香,快D有得食喇,好快就燒好喇,仲幫我地切埋,非常好服務 ,五花肉都燒得岩岩好,出面有少少燶燶地好香,唔會有苦味,裹面既肉都好嫩,又新鮮,加埋洋蔥食,正。之後叫左個豆腐湯,份量十足,味道都唔錯,起碼唔會係五味粉湯

本來對韓國菜真係無咩興趣，但有日陪朋友仔一齊試下，叫左個人參雞湯，勁鮮好好飲，年糕好食，石鍋飯可以啦～仲有個炸蝦~真係好香，話說我地幾個朋友食太飽，休息左陣先食炸蝦，當然啦，凍哂，但驚喜既係凍哂既蝦食落口都好脆口，而且好鮮味!仲有~服務員都好好，好細心，知道有人生日，仲多送一碟小菜比我地添"食左一次，我可以話，我會再去

已經係第二次嚟阿利水啦, 但因為第一次唔記得咗寫食評, 以家已經醒唔起究竟係好食定唔好食啦.. 所以話寫食評對我嚟講係幾咁重要~朋友想食人蔘雞, 網上好似話阿利水不錯, 咁就呢間啦~不過事先聲明, 呢度啲嘢食唔平, 一個人蔘雞就要你$180個大洋 (大約係呢個價位)!我地三個人, 叫咗一盤豬手, 同一份人蔘雞. 其實都知肯定有多架啦, 但豬手個樣好吸引喔, 食唔完先算啦! 反正我以家超餓!(眼闊肚窄既先兆...) 前菜九小碟Awww~~ 最鍾意就係咁有排場既前菜sss!(你話呀, 明明嚟過架嘛, 以家又再感動一番, 記憶體有限是也..)對韓迷們嚟講, 咁先有多啲"親切感"架嘛~~前菜真係每款都好好味, OK, 我已經被收買了, 雖然同"X宫"既前菜比仲係差咗一大截, 但質數算唔錯! 人蔘雞賣相比我想像中好喎~ 話哂都叫做有半隻雞..當我諗緊係咪應該分哂落碗度嗰陣, 侍應就話幫我地分咗佢! Aww~~ (再感動)係韓國食, 啲飯, 人蔘同蒜之類既配料都塞哂係隻雞入面, 所以一打開隻雞就有香濃既雞味, 但其實人蔘味都唔會好重, 如果同係韓國當地食既, 係有啲難比較, 但整體嚟講, 啲湯幾清