阿利水韓國料理 (Closed)

除了近年大熱的炸雞我更偏愛傳統的韓國料理就是那種會一坐下便奉上十小碟的餐廳阿利水在行內知名度高更是米芝蓮推薦的美食之一十小碟精緻得體辛辣味魷魚非常美味海鮮炒粉絲份量驚人海鮮有八爪魚青口蝦仁絕不吝嗇韓式粉絲彈牙爽口是我其中最愛的韓食之一這裡的名物是炆牛肋骨非常美味果然名不虛傳牛肋肉肉味濃郁足夠火喉幾乎骨肉分離蘿蔔也軟嫩入味是水準很高的一道菜最後追加海鮮炒年糕紅紅的醬汁中卻帶有香香的韓國辛辣味年糕一貫的彈牙有咬口喜愛正宗韓國風的朋友不容錯過

配菜控既我，其實鐘意食配菜既程度係只食配菜食到飽我都可以，呢間米芝蓮級既韓國料理絕對滿足到我。每一道配菜都做得好出色，未上主菜已經有12道配菜俾你食。海鮮辣麵鍋隻八爪魚超級巨型，仲要原隻上，要出動到大較剪先可以食用，圖片中都見到有唔同種類既海鮮，樣樣都好新鮮，最驚喜係麵身竟然出奇地好食。韓式泡菜豬肉包，份量多得恐怖，佢地用上自家製泡菜，終於可以響香港食到正宗韓國泡菜，豬肉烤得香脆，配上生菜，可以去除油膩感。

生日月特別多飯局飯局總之離不開尖咀旺角這次就相約在厚福街食飯這間店之前都吃過，那次是吃燒肉這次就只吃熟食吧先吃前菜一共有十一款前菜其中柚子味道的南瓜及用泡菜浸泡過的腐皮想不到柚子與南瓜的味道這麼夾是一個很新鮮的配搭海鮮蔥餅 $150份量比想像中多，內裡有很多魷魚外層煎到好香，再蘸醬汁一齊食，錦上添花炆牛肋骨 $250牛肋骨比起平時吃到的多肉的多而且煮得十分稔身，口感在牛腩件件都很大件，用蘿蔔炆，湯底十分清甜全州石鍋拌飯 $120將翠玉瓜絲、香菇絲、牛肉絲、蘿蔔絲及蛋拌勻食物經過熱辣辣的石鍋，拌勻後，牛肉都變全熟如怕調味不夠，還可自行加辣醬調味整體份量都很多，兩個人吃三樣食物是十分十分足夠

香港韓國菜始祖，我會諗起阿利水。以前尖沙咀未有咁多韓國餐廳既時候，阿利水經常坐無虛席，仲要一早訂位，但時至今日，晚市黃金時間依然walk in 有位，可想而知韓國菜競爭有幾激烈。 相隔一年再黎，餐牌依舊不變，沒有花巧既芝士排骨，芝士章魚燒，繼續堅持傳統既韓國菜式，呢個堅持值得一讚。所以今日我都食番以前食過既菜式，可以比較一下水準。牛肋骨 $250必食之選！之前每次黎都會食呢個，咁耐以黎水準依然keep到！牛肋肉好軟綿，完全吸收左湯既甜味，每一啖咬落都係咁juicy多汁。湯中仲有年糕同紅蘿蔔，兩者都係非常腍同入味！泡菜煎餅 $150煎餅口感軟身，兩面未有香脆效果，但沾上醬汁後變得惹味，而餅中既泡菜份量亦唔少。水冷麵 $120水冷麵上有多片肉片，但質感乾身，當以為平平無奇無咩驚喜既時候，一啖冷麵改變左我既想法！冷麵有久違了既煙軔口感，每一啖都咬得好過癮，而味道酸甜口感冰涼，夏天唔想食熱野既時候就最啱食呢個！

五點才吃過下午茶，不太餓。三個人點了一個真露燒酒套餐是二至三人的份量。*真露燒酒套餐($680)-前菜3個人有成12款前菜，真的看見都已經飽了一半。實在太多，所以點評幾款我的最愛。這款魚乾仔香脆得來，又帶點甜味。紅色辣辣地的魷魚絲。韓式的魚蛋，又是辣的，但辣度都頗高。*烤特大牛排骨這份牛排骨真的是極品！肉質淋得來又有口感，肉又醃得很入味；加上我們燒的手勢又不錯，燒到約半生熟的，最可口。*烤雞肉雞肉亦是一樣不會輸的肉！雞肉肉質滑，調味又剛好；最好就沾一沾燒肉汁，帶點甜味。*牛肋骨湯牛肋骨煮得骨肉分離，又加入又蘿蔔、冬菇，味道很鮮甜。*全州石鍋拌飯配料有芽菜、冬菇、雞蛋和牛肉。石鍋的熱力夠煮熟牛肉，亦做到飯焦。*生菜*辣醬*真露燒完亦不會全身有燒肉味，不錯。

昨晚去了連續多年戴著米芝蓮推介光環的阿利水韓國料理吃晚飯，我與朋友看見頗多韓國人光顧，想必味道正宗才會有這麼多同鄉來用膳吧。在韓國餐廳用膳，一定會即時想起它的前菜，我們笑說我們也有十二道鋒味前菜，每道都各有特色。酸青瓜洋蔥用柚子醋醃漬，吃起來酸甜脆口，沒一般酸青瓜洋蔥辛辣感，帶有醋香的爽脆口感讓人很開胃。嫩綠的涼拌皇帝菜同樣脆口涮嘴，令人吃到停不了口。芽菜色澤深紅，醬汁入味小辣，吃起來十分清脆，朋友很喜歡。爽脆的生菜搭配特製的沙律醬，吃得沙律的新鮮清幽，加上生菜實在太嫩脆，胃口大開。泡菜不像平日韓國餐廳所吃般嗆辣，比較溫和順口，微辣帶點酸，十分適合朋友的口味。南瓜本身已綿密非常，入口即化，南瓜皮也是，都被我吃進肚裡，南瓜原本很鮮甜，加上柚子蜜更是甜絲絲，我愛透這。前菜不少得韓式辣魚糕，軟嫩的魚糕吸收香辣的醬汁，對於我來說真的辣得過癮，朋友則叫苦連天，太辣她受不了。我是第一次吃鵪鶉蛋前菜，每顆都富含香氣，重點是滷得夠味，相信鵪鶉蛋是滷了一段時間，還附有滷汁。魚乾爆得得香脆，甜甜鹹鹹很滋味。魷魚紅咚咚的外觀看起來就是非常香辣夠味，賣相誘人，加上魷魚保有本身的彈性，辣得爽，非常下飯。朋友說韓

已經是六月了，又到了我的生日月，好開心喔。人生難免會為了一些事情感到不滿、生氣、自責等，但也一定會有一些事情是開心快樂的，所以要開心過每一天，生日月當然是吃生日飯最開心。作為這年的第一頓生日飯，便約了大學時的好友，難得她想吃韓國料理，便選了阿利水韓國料理。一出電梯便是餐廳。地方寛敞，燒烤後也沒有很大的味道。一坐下還沒有看餐牌，前菜已經送來了。南瓜配上柚子醬及合桃，健康之選。沙律也很新鮮及清甜，陣陣的蘋果味，忍不住吃了三碟。薯仔沙律，內有腸仔及薯仔粒，增加口感。泡菜魚餅，香甜少辣，很開胃。米之蓮推介好友說最愛韓燒，可以慢慢燒慢慢吃。烤特大大排骨（$380）厚厚的肉，色澤鮮明，店員更會幫忙切開小件，方便容易燒及一口便可品嚐。全州石碢拌飯（$120）少不了辣醬，加了少許快速把飯及所有配料拌均，少許飯焦，蔬菜及鮮嫩的肉，好吃喔。已切成小件的牛排肥瘦適中，油脂爆開，香味四溢。肉質鮮嫩多汁，喜歡油脂和肉汁混合令口感大增，份量也算多，足夠不浪費。

今日同朋友去尖沙咀行街，佢話好耐冇食過韓國菜，又成日聽朋友講阿利水OK；既然我地2個都未食過，就一於食下啦！去到WALK IN 好彩都有位 ~一坐低，職員先放上 11 碟 side dishes ~真心覺得好多，最中意係個泡菜、芽菜、西蘭花！ 我地點左個牛尾湯～份量十足，唔好講笑，勁多舊牛尾係入面～清新既蔥，配上濃郁既牛尾，一碗飲落肚係好正！ 石頭飯～材料好多，好有營養，有：牛肉碎、青瓜、芽菜、冬菇、甘筍、莧菜，再中間加一隻生雞蛋～再撈旁邊既辣醬，辣中帶甜，餘韻不絕，提升整鍋飯既香氣，別有一番風味！ 最後再share 食埋個海鮮炒粉絲~海鮮有青口、八爪魚、蜆等，唔錯！粉絲比較粗身，但食起來比較滑口，而且Q彈有韌度～另外，粉絲吸收左香濃既醬汁同甜中帶辛既韓國辣醬，健康又惹味 =] OVERALL 小評：味道：★★★★★環境：★★★★★服務：★★★★☆衛生：★★★★★抵食：★★★★☆

韓國菜之中，我永恆的最愛只有炆牛肋骨。在我心中，它彷彿是韓國菜中的大將軍，地位無可取替。尤其當你知道整炆牛肋骨要花多大的功夫，你就更珍惜這道菜了。忍唔住講一聲：係愛啊，哈利！尖沙咀韓國餐廳黎講，「阿利水」算相當有名。因為很少韓國餐廳可以連續多年取得米芝蓮推介，2017又再度蟬聯，相當厲害。這天來到「阿利水」，是因為有朋友想吃烤肉。但其實「阿利水」的烤肉我很多年前已食過，今次想吃別的。「阿利水」座位寬敞，二人卡位相當鬆動。一坐下來，店員要擺滿一檯的前菜。韓國的前菜口味都幾多，個人最愛是醃魷魚，滑溜而有嚼勁冇得輸。還有一個是柚子味南瓜，口味清新。我欣賞「阿利水」的是，它的菜式種類非常多。基本上韓國吃得到的菜式，這裡都有齊。而且是地道的韓國人主理，壓根不用想「正宗不正宗」的問題。當然，我一看到「燜牛肋骨」，想到不用想，我要這個！首先說一說炆牛肋骨的製作過程一般而言，要用上搗碎的梨蓉、蜜糖等材料醃上一整夜，牛肋骨才會入味。然後要用高湯、放入蘿蔔炆上約莫4小時才能炆出又腍又美味的牛肋骨。單是所花的時間，已經值回票值。而且買開餸又知，現在即使是急凍的牛肋條，一小盒都要四、五十蚊。廢話不多說，講講「

食左咁多次日本嘢，係時候轉轉佢啦。今次我地一班人去食韓食，搵黎H8嘅韓食。星期日7點入到去，得一兩枱人，唔難搵位。我地個人制，自己叫嘢食。前菜有成8定9碟，都ok，正正常常，可以encore嘅係泡菜，南瓜，豆腐，呢幾款係幾好食。因為仲有咳嘅關係，只能叫啲清淡嘢食，我本來係叫年榚餃子湯，等左好耐，兩枱朋友嘅餸都上哂。點知佢整左炸醬麵，佢仲要來回幾時，我見等得太耐，算啦。。。我去韓國咁多次都無食過炸醬麵，洋蔥係特多，佢個麵太結，多汁撈都係一餅嘢。。。如果140元你叫我食呢個，係好唔抵。。環境係靜，坐得ok，但服務態度麻麻。。。

阿利水 就咁聽個名都覺得應該幾正宗接待戈個都系韓國人黎今次黎到厚福街食牛肋骨系H8入面 好多野食 lip下面會有勁多人排隊 想食既要早啲去🚶🏻🚶🏻‍♀️前菜有成10款咁多比較特別既有魷魚絲同埋魚仔 兩樣都系脆脆地既 好中意食完覺得有啲熱氣就可以食番啲蔬菜中和下炆牛肋骨每一件都好大件 食落肉質軟稔既 湯底好清甜 一路食一路飲湯冇得輸人蔘雞湯啲雞好大舊 但咬落去偏硬啲湯比較潔 入面仲有啲糯米🤓🤓試得出係正宗嘅人蔘雞湯

最近看了蔡瀾介紹韓國一書，對韓國食品食指大動。終於周六晚約8時入席，不用等位。坐下不久即被侍應送上的前菜震攝，足有11碟之多。且味道俱佳（泡菜除外，因沒吃，不予置評）。再來牛排湯及泡菜海鮮飯。那牛排湯上桌時仍在翻滾狀態，正呀！那就不擔心很快變凍了。湯中帶有濃郁牛肉味，牛排厚身。骨肉相連處有筋，以為很軔難以咀嚼。誰知入口軟腍，筋的地方易咬且有彈性。實在是令人一試難忘。再來海鮮炒粉絲，一端來傻了眼……大碟得足以不用叫其他菜式也可吃飽。粉絲味道不錯，海鮮足料，有八爪魚仔，魷魚，蝦……等。飯畢，打算晚點等個胃抖抖再買雪糕就完滿了。誰知侍應竟然說有雪糕做甜品。但當時實在太飽，為免浪費回絕了。期待下次再來。

約朋友黎開尖沙咀食晏都多數揀呢間，貪佢人少少，坐得舒服又唔趕，午餐好多選擇，都係$100以內，韓食黎講都算抵！今日三個人，又係叫主打牛肋骨餐兩個，再加一個海鮮豆腐湯餐。好失望呢，個牛肋骨無論質地同味道都差過以前好多，豆腐湯就還可以。前菜就仲係咁豐富，而家仲多左鐵板太陽蛋，但反而呢個有驚喜，幾好味呢！

話晒都係米芝蓮推介，同事食過話不錯，所以lunch就上左去食飯。唔知係咪又拎左米芝蓮，同事話lunch set同餐牌的價錢好似貴左😩算啦，都叫黎試下啦，午飯時間無咩人，入座率大約1/3吧。我們三個人只上了五小碟前菜，少左啲⋯ 味道不錯，最好食是白菜泡菜同辣魷魚！我點了石頭鍋飯（牛肉），上菜有點慢，肉份量唔多，但味道ok，肉質幾好唔會un同鞋口，算高質，石頭鍋最緊要熱騰騰上，食到中段都仲熱，不錯！午餐每人會送隻鐵板煎蛋，店員放下時我地仲話無點添😂😂佢就解釋是送的，但我個石頭鍋飯已有雞蛋、所以給同事ko埋。去試下都覺不錯，但打工仔午餐來說仍有點貴，間唔中一次半次就得😥

個人很喜歡韓菜，總覺有湯有飯多前菜選擇很家庭化。剛好中午要去尖沙咀做點事，順道找地方食飯。記得尖咀有間米芝蓮便去看看。菜單改了些亦加了價屬正常，第一次去便叫了是日午餐泡菜湯。先來五小碟前菜，後送了鐵板煎疍，後送來主菜。內除有泡菜，還有豆腐及不少五花腩件。整體味道不錯，份量亦夠飽，不時會主動加茶，最後還有雪米糍做甜品。好多時在外吃飯，收到未預料到的贈品，除會有驚喜並感覺老闆很貼心，肯代入顧客處境去考慮。一個人吃飯唔覺被刻薄，在這地段這價錢這質素，已算不錯。第一次去感覺唔錯，下次會有信心再試其他菜色。