Aroma Thai Food

Open Now

Now Closed

收工跟朋友一齊落去太子搵食，聽講太子新開間泰北菜，評價都唔錯😌咪睇佢店舖小小，其實內有寶藏泰北菜香港唔多，製作金麵嘅舖頭都唔多。餐廳所用的湯底及咖喱金麵醬係用泰北最原著的傳統食譜、地道香料和食材，每日花6-8小時去熬製。價錢方面都合理，份量都大份🤤泰北烤雞金麵$98金醬除咗係呢碗麵嘅靈魂，次要靈魂係金黃色全蛋麵和炸到脆卜卜的蛋麵。一碗麵有兩種口感可以比你品嚐😋濃濃嘅咖喱金醬，除咗食到濃烈嘅香料味，有濃厚嘅椰漿。咖哩有少少回甘味，食一啖就停留係你全個口腔到😜😜對於食開湯麵嘅我係種新嘗試，立即愛上😍烤雞烤得好嫩滑，又香口泰式清湯-牛$78呢個麵厲害了，全牛宴-分別有安格斯牛肉、牛肚、牛柏葉、牛丸。清湯湯底係用大量豬骨、雞骨、蔬菜香草去熬製，味道十分清澈同濃郁加入脆卜卜豬皮，係嗦湯之料。牛丸好彈牙爆汁🤪蘿蔔煮得淋嗦晒湯汁食牛愛好者一定叫泰北烤牛肉$68牛肉份量都多，燒得勁香勁滑，十分驚艷😍炸魚餅5件$38佢哋魚餅比較多蔥，味道較香更帶出魚香味咸檸七$28薄荷青檸梳打$28

泰國菜平時就食得多，今日BFF約咗我去太子食泰北菜「Aroma Thai Food」，餐廳主打泰北金麵、冬陰撈麵、泰北清湯麵，主打每日即磨香料，不加味精嘅湯底👍🏻泰北菜我都未食過，梗係要去試吓新野啦😆酸辣手撕雞嫩滑嘅手撕雞肉加入青瓜絲、芫荽、炸蒜、豆芽等配料，爽脆嘅青瓜絲同豆芽配上鮮嫩嘅雞肉，口感豐富，味道酸酸甜甜非常開胃嘅小食小食拼盤拼盤包括炸魚餅、薄脆蝦餅、泰北香腸、炸豬皮、泰式炸雞，炸魚餅香口味濃，蝦餅外面酥脆裏面蝦肉彈牙鮮味，泰北香腸外脆內軟肉味濃郁，炸豬皮脆卜卜，亦可以用黎放入湯面吸滿湯汁別有一番滋味，泰式炸雞外脆內軟，裏面嘅雞肉保留肉汁十分juicy泰北滷水牛金麵推介必點招牌金麵👍🏻牛金麵包括牛肋條、牛筋同牛肚，加上酸菜、洋蔥、芫荽、炸脆片同辣椒，食之前先將脆片撈入全蛋麵中，金黃色嘅醬汁由多種香料同香草製成，味道類似濃郁椰香嘅咖喱醬汁，每條粗麵都掛上醬汁，麵質爽口十分惹味，牛肋條入口啖啖肉，肉質軟腍，牛筋Q彈軟腍，牛肚係金錢肚嘅部份，口感較為彈牙，多種配料混合令口感更加豐富泰式清湯雜錦米粉我地嗌咗碗清湯米粉再加糖心蛋，配料有魚蛋、魚皮餃、墨魚丸、豆卜、豆芽、炸豬皮、芫荽等，

行過太子，見到呢一間泰國餐廳啲嘢好似幾平，就入去食晚餐。泰式清湯安格斯牛肉金邊粉 $78個湯底清得黎幾鮮甜，牛肉份量算多，幾夠味。泰式打拋肉碎煎蛋飯 $58一上枱就聞到好重香料味，肉碎好濕潤，帶點辣，個飯竟然係雞油飯，配埋蛋黃汁食，好正。小食拼盤 $118蝦餅，魚餅，泰北腸，炸豬皮炸雞，個魚餅同炸雞好食，魚餅香料味好夠而且好彈牙，炸雞入面仲Keep 到juicy；佢個炸豬皮份量都幾多。😍😍😍😍泰北清湯生菜伴馬拉盞醬 $16正常發揮。泰式凍奶茶 $26茶味夠濃，奶味夠，而且甜度適中。泰式粉紅梳打 $28未飲過呢個味，有少少似淡左的士多啤梨奶，幾特別。呢到真係性價比幾高，食咁多先係 $324，下次想試吓佢嘅豬頸肉。

餐廳係太子地鐵D出口順車方向保護兒童會對面,非常方便太子街坊表示好耐都無見過餐廳堂食晚市坐無虛席泰式生蝦泰式酸辣汁將蝦既鮮甜提升到另一境界凍凍地岩晒夏天開胃!炸豬皮無油味同埋唔膩完全0罪疚感.沾埋KHAO SO既汁食係perfect match!泰北烤牛肉牛肉軟嫩, 一d都唔柴配上既酸酸甜甜既醬汁唔覺意就清左盤泰北豬頸肉金麵金麵一部份炸左一部份係水煮既係底將炸左既整碎再拌煮淋既麵, 口感豐富KHAO SO既汁creamy而惹味豬頸肉數量唔少泰北安格斯牛肉金麵牛肉幾淋而且有牛味旁邊炸菜爽口配埋麵食時, 一啖有唔同既口感唯一係醬汁再多少少更佳泰式凍奶茶同泰國真係100% 一樣飲完即刻又想飛!

We recently dined at Aroma Thai Food in Prince Edward and were thoroughly impressed by the vibrant flavors and delightful dishes.Khao Soi with Chicken（泰北烤雞金麵）This dish was a standout with its rich, creamy coconut curry base. The chicken was tender and perfectly complemented by the crispy noodles on top.Augus Beef, Beef Ball, Tripe, Omasum with Tom Yum Soup Noodles（泰式冬蔭湯米粉—牛）A hearty bowl packed with bold, spicy, and sour notes. The variety of beef cuts added an interesting texture and depth to t

今日放工同朋友嚟到太子一帶食泰國嘢，聽朋友介紹呢一間自家製嘅金麵幾好食，一於嚟試吓！舖頭嘅環境都幾舒適，幾有泰國嘅風情！佢哋出名自家製嘅金麵，佢哋嘅金醫唔同出邊食開嘅咖喱醫開出嚟嘅醬，而係用咗各種香料，手工研磨，味道回甘，香味濃郁，微辣，麵質都幾爽口，值得一試，如果諗唔到食咩嘅話絕對推介試吓金麵！另外我哋都嗌咗個泰式安格斯牛肉冬陰功金邊粉，冬陰功味道好香濃，牛肉同金邊粉都好入味，牛肉嫩滑得嚟牛味都好重，整體嚟講都唔錯，幾地道！消息我哋就嗌咗個烤豬頸肉同埋香茅雞翼，豬頸肉幾爽口，正宗泰式豬頸肉嘅味道，食泰國嘢一定要嗌啦，香茅雞翼亦都用咗各種香料醃製，幾入味，肉質嫩滑，都算Juicy，幾好食！最後嘢飲我哋就嗌咗個鹹檸七同埋薄荷青檸梳打，兩杯都幾fresh幾開胃！

@太子汝洲街 aroma Thai food 在太子新開泰國菜，周二晚上,我和朋友前往品嚐泰北美食,結果意外發現泰北金醬麵別有一番風味。首先,我們點了酸辣手撕雞($58),雞肉嫩滑可口,酸辣沙律增添了清新的口感。另一道秘制酸辣鳳爪沙律($48)也頗具泰北特色,雖然不太辣,但酸香味十足。魚餅拼蝦餅($48)淋上泰式酸甜辣醬很好吃。至於凍檸檬草南姜飲($20),雖然甜味較重,但濃郁的檸檬草香氣使它成為一道清新解膩的良伴。重頭戲當然是泰北安格斯牛肉金麵($98)。這道金醬麵與一般咖哩不同,口感更鮮味而且帶有濃烈辣椒味,需要細細品嚐。突破傳統的做法是在麵上加了一個脆香可口的炸麵球,令用餐體驗更加滿足。最後,我們還點了泰式清湯-什丸($58),這道清湯適合不愛辣的食客,湯頭清爽,什丸味道鮮美。Aroma Thai 這家泰北風味餐廳融合了辣、鮮、酸等多重滋味,為食客帶來嶄新的泰北料理體驗。如果你喜歡嘗試不同地道的亞洲美食,不妨來太子一遊,一探這家泰北餐廳的獨特魅力。#泰北菜 #aromathaifood #太子友

上年去過清邁發現原來泰北菜好好食，不過香港好似唔係好多泰北餐廳。呢間小餐廳專食泰國粉麵，試咗佢個泰式金醬麵，好欣賞佢會喺菜單仔細寫湯底入面用咗啲乜嘢材料同埋做法，發現原來金醬唔等於咖喱汁，雖然望落去個醬汁好似會好濃好辣，但係其實食落口又唔覺得好油膩，反而係食到一啲香料嘅香味，個燒雞做得好好，配埋個炸脆麵同埋酸菜洋蔥，成碗麵嘅口感非常豐富。如果唔想食炸嘢，清湯都係好好嘅選擇，呢度嘅泰式清湯用豬骨同埋雞架去煲，雖然叫清湯，但係味道都係好香濃嘅，我要咗安格斯牛肉，食落口就知道唔係平價貨，加埋大量芫荽，牛味清香！檸檬草藍薑飲品唔係度度有得飲，清新之中有啲薑辣味，我自己就好鍾意嘅！另外我覺得小食酸辣手撕雞都幾驚喜，估唔到手撕雞都可以用呢一種醬汁去做，非常開胃。另外都試咗炸蝦餅同埋炸魚餅，兩款都係比較薄身嘅款式。綜合嚟講我覺得呢間小店性價比好高，細細間環境好企理，食物質素都好高，兩個人食每人百零蚊已經可以豐富滿足飽！

Fafafoodblog為食花太郎 Aroma Thai Food 🍴小食拼盤118 蚊有香脆蝦餅香茅魚餅 香濃炸雞 肉腸 肉腸入面既肥豬肉好正 🐖同好香脆既炸豬皮 🍴水門雞飯 個飯好香油香 雞肉夠滑同彈牙 配埋溏心蛋撈飯好正🍴泰式清湯全蛋粗麵轉冬蔭功湯84 蚊 溏心蛋加6 蚊全蛋粗麵好爽口蛋味香 冬蔭功湯好入味 同溏心蛋撈埋d麵一齊食好正 餸有牛肚同彈牙牛丸 仲有牛柏葉 好juicy 🐂🍴香茅炸雞翼38 蚊炸雞翼好香脆 d香茅係個皮出面好香脆入味 雞翼好入面雞肉好香滑 🐥正🍴秘製酦辣鳳爪沙律 48 蚊鳳爪好爽口 凍食 好彈牙 辣度適中 洋葱同辣椒好入味 正🍴薄荷青檸梳打28 蚊🍴泰式粉紅梳打28 蚊#泰國菜 #粗麵 #冬蔭功 #雞翼 #炸蝦餅 #肉腸 #魚餅 #水門雞Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#aromathaifood太子汝洲街3

有晚行過太子，見有間新開泰國餐廳，裝修有格調，加上冷氣充足🤗😝環境舒適！就入咗去試吓，佢唔係平時嘅泰國餐廳，無乜乜金邊粉個啲，主打係食金麵，因為想了解多少少，就問下侍應金麵特色，侍應都會細心解釋，同朋友一人叫左一碗，加幾個小食，黎到賣相超吸引，食落辣辣地幾過癮，仲可以自己調番再辣個味😝又脆卜卜，口感有層次，份量岩岩好，可能奶茶會有少少太甜，自己味道問題，。總括然而，我覺得好值得一試！好少泰式餐廳見到有金麵，真係有泰國風味！

聽朋友講太子有間泰國餐廳專食麵的，岩哂兩個人簡單食一餐飯，收工緊係拉埋男朋友去試下。餐廳果然係專食麵🤭有金醬麵、乾撈麵同湯麵，仲有小量小食可以嗌！✨烤豬頸肉冬蔭乾撈豬頸肉份量多，烤得幾脆幾香口，溏心蛋好入味，將蛋黃、肉碎、芫荽都撈埋一齊，肉碎鹹香同冬蔭湯底既酸辣好夾😎另外仲有脆脆增加口感，整體都好好味！✨泰北烤雞金醬麵金醬麵濃濃咖哩香味，湯底濃稠，回甘而不辣👍🏻而且仲有新鮮香草既清新味道。脆麵條都需要壓碎，撈混之後軟脆麵條吸收醬汁精華，口感豐富😁雞肉幾香嫩，完全唔"鞋口"，不錯！✨香茅炸雞翼即叫即炸香茅雞翼，聞落已經好香香茅味，雞翼香脆可口，食落都幾juice 而且肉質嫩口，同朋友share 食 無咁罪惡😹✨薄脆蝦餅比起平時一般泰式嘅蝦餅薄身，食落無咁彈牙，但蝦味香濃突出，非常香口惹味，值得一試🤪✨泰式凍奶茶平時我麻麻哋，飲泰式奶茶😹因為太甜飲兩啖就唔想飲，但係呢間泰式奶茶，茶味突出而且甜度唔高，幾好👍🏻✨泰象啤泰啤每次比我感覺都好似番左泰國咁，甘甘地好解渴😋總結，香港泰國餐廳真係比較少見撈麵值得一試！

Aroma Thai Food (太子)泰北美食店舖裝潢簡潔得嚟好有泰國feel，有泰國飾物‘’象‘’擺設，"象"喻意財運事業路路亨通，店舖員工好有禮貌值得“讚”👍。付款方式多樣方便客人一定有一款啱你😆。店舖主打泰北金醬，每日手工研磨，而且採用大量新鮮香草香料，配上金黃色全蛋麵；泰北清湯，每日自家熬制六至八小時，還有自家製作健康飲品，務求令客人食得開心健康❣️泰北滷水牛金麵牛筋彈牙，牛肋條軟嫩，牛肚入口即化，配上黃澄澄金醬，醬汁入口有鮮香草的味道，還帶有柔和微辛口感，與炸得脆卜卜金黃色全蛋麵敲碎撈埋普通全蛋麵有雙重口感😋❣️冬蔭什錦乾撈麵麵條Q彈有勁，配上魚蛋墨魚丸、脆皮魚餃，及洋蔥、豆芽、辣椒…...等配料，酸酸辣辣、口感清爽，開胃醒神❣️小食拼盤新鮮魚蝦餅煙韌彈牙，雞球外脆內嫩，炸豬皮酥脆，泰式腸香辛可口，配上調味醬汁，層次豐富，令人食指大動❣️酸辣鳳爪酸辣中帶鮮香，鳳爪爽脆入味，洋蔥爽甜，口感層次豐富，酸辣開胃❣️泰式凍奶茶融合了泰式茶葉的獨特香氣和牛奶濃醇的口感，夏日能享受到冰涼清爽的飲品❣️凍檸檬草南姜飲清新檸檬草和暖韻南薑，解渴消暑養生美味

朋友話太子新開左間食泰北菜，聽落幾特別，咁我哋就揀左佢食晚飯。餐廳以黑色做主調，裝修時尚簡約，有D位用左代表泰國嘅象仔做擺設，環境幾好。餐牌選擇OK，仲有D出面未食過嘅菜式，價錢唔貴，無加一。我哋就叫左三款小食、兩款主食同兩杯飲品。酸辣手撕雞：手撕雞份量都算多，裡面有豆芽同青瓜絲等配菜，爽口清新，少少辣，唧少少青檸汁，好有泰式酸辣感，作為前菜都幾開胃。北泰清菜生菜伴馬拉盞：生菜青綠，無油清淡，爽口。配埋上面少少炸蒜同點埋旁邊馬拉盞醬，鹹鹹辣辣，又幾好喎。香茅炸雞翼：賣相吸引，剛炸起，淡淡香茅味道，醃得入味，熱辣辣，好香口。薄脆蝦餅：炸粉皮薄，比一般蝦餅脆身，蝦肉彈牙，點埋泰式甜酸醬就已經好好味。泰北安格斯牛肉金麵：牛肉幾淋，旁邊炸菜爽口，麵有炸麵同全蛋麵底，醬汁係自家製，有新鮮香草味道，仲有甜甜地嘅椰漿味，夠香又夠濃，有層次感，微辣，唔夠辣仲可以加埋都係自家製辣油，撈埋好好食。泰式冬陰公湯鹵水牛湯麵：冬陰公湯底幾好喎，夠濃夠辣。鹵水牛有牛肋條、牛筋同牛肚，三款都夠淋，吸晒湯汁，好夠味。麵揀左金邊粉，就算浸耐左都仍然爽口，唔錯。飲品：薄荷青檸梳打好有冰涼感，鹹檸七夠冰凍，兩款都消暑解渴。

男朋友話好耐冇食泰菜，今日就特登搵咗呢間喺太子嘅泰菜食。原因係因為見到佢好似會食到傳統嘅泰北麵，喺香港比較少食到嘅，就想睇吓佢好唔好食。泰北烤雞金醬麵 ($98)呢個金醬麵都幾高質，好似去咗泰國食咁。佢嘅面有炸麵同埋普通麵，敲碎咗個炸麵之後撈埋一齊食有雙重口感。烤雞有驚喜，嫩滑多汁。配料有芫荽、洋蔥、酸菜、青檸等，風味十足，難怪成為舖頭嘅招牌。秘製酸辣鳳爪沙律 ($48)鳳爪彈牙爽口，沙律以蕃茄、洋蔥為主，個酸辣汁都幾開胃，而且有非常之濃郁嘅芹菜香味。泰北烤牛肉 ($68)烤牛肉肉質都算嫩滑，肥瘦度適中，薄薄地一片又唔會太硬，牛肉味濃。個人覺得唔洗點個青醬已經好好食。薄脆蝦餅5件 ($38)蝦餅比想像中薄身，炸粉唔算好厚。口感方面，如果更厚身應該會再啖啖肉啲，不過當佢係light啲嘅小食食啦。泰式生蝦八隻 ($98)點埋苦瓜食幾有趣，生蝦都算新鮮嘅，不過不失啦。嘢飲方面，泰式奶茶 ($25)都幾正宗。另外叫咗杯檸檬草南薑飲($16)，風味都幾特別，有消炎化胃氣作用。店內提供幾款唔同嘅調味料，重口味可以自行加減。

今晚嚟食呢間泰國嘢，完全係比泰北金醬吸引嚟嘅，見到menu 寫住主打手工制嘅醬料同埋波咁大嘅蛋麵，我哋就決定食呢間嘢。食泰國嘢就梗係唔少得叫返兩個小食啦，今次我哋就嗌咗豬頸肉同埋生蝦 ，菜式可以話一啲都唔馬虎，出面嘅生蝦好多都係上碟濕淋淋，今次呢間連放底嘅苦瓜都係清爽嘅，配埋蒜片同辣椒粒一齊食風味十足。豬頸肉方面份量都唔少，個人認為佢係偏向蜜味，所以有啲怕燒到好燶嘅人都適合食。主菜有意外驚喜，我哋嗌咗一個泰北金醬雞麵同埋拋打肉碎豬肉飯，估唔到喺油尖旺晚市都仲有50幾蚊嘅飯餐，拋打肉碎唔會太乾身仲有啲醬汁，太陽蛋就唔使講啦睇相都見到佢煎得好脆，而且肉碎原來有汁撈勻飯食別有一返風味，值得一試！到期待嘅泰北金麵啦，上碟嘅時候已經被波咁大嘅蛋麵吸引咗目光，撈埋幾款唔同嘅配料，食咗第一啖之後就返唔到轉頭，香辛味十足又唔會辣到要係咁飲嘢，驚喜係雞扒唔係一啲炭燒或者煎到乾晒嘅雞扒，雞肉係好滑嘅，撈埋個醬汁一齊食落喉嚨都好舒服。最後嘢飲方面我哋分別帶咗鹹檸七同埋泰奶，特別嘅係佢哋嘅杯係用啤酒玻璃杯去裝嘅，感覺上飲到最尾嘢飲嘅味道都冇俾啲冰溝稀，而且仲keep到好凍嘅狀態值得一讚！