東海堂 (長沙灣廣場)

Open Now

Now Closed

雖然主打不是賣麵包，但味道和麵包的質感不會比蛋糕遜。煙肉切粒粒，過足口癮。薯仔磨蓉，仍然食到其質感，而且味濃濃的。沙律醬味道也不嗆，恰到好劇。麵包也很軟熟，不用翻叮/烘。

凡親東海堂出新野，都會想試下。今次仲有我愛的抹茶系列，實在不容錯過收工去到觀塘地鐵站，Mini版成日都無晒。今日行完街，經過呢度，就順便問下有無mini. 皇天不負有心人，第三次終於都買到！有紅豆，又有抹茶啫喱，咁多料，好吸引！切開，佢嗰啲夾心其實好薄，無廣告的咁厚。cream,蛋糕，啫喱，都好濃抹茶味！但中間有啲黑糖醬，過甜左少。開頭仲以為係黑芝麻醬添！

今日在荔枝角做完Treatment，手上又剛好有一張東海堂餅卡，所以就去了東海堂買蛋糕啦～ 晚上七時許到達，沒有什麼餅剩，cut cake 賣相麻麻，只好選擇較為吸引的紫薯蛋糕($158)，反正米飯班主愛紫薯，就買它吧～這個紫色的紫薯蛋糕很漂亮，像一朵紫色大花一樣～ 蛋糕足足有八層，在鬆軟的朱古力蛋糕中間，以紫薯忌廉作夾層，忌廉較為淡口紫著味亦不濃，可幸最底的一層紫薯忌廉，混入了不少紫薯粒粒，粉稔可口，亦加添了一點點紫薯味～為了減低蛋糕的漏膩感，其中一層用了脆脆取代忌廉，口感更豐富～頂層的紫色唧花，則是很有口感的紫薯蓉，是有一點粗糙，但念在它有豐富的紫薯味，也罷~雖然蛋糕有不少忌廉，但卻沒有為蛋糕的濕潤度加分，始終蛋糕層較為粗糙，忌廉的份量也沒有很多呀~~始終長沙灣荔枝角好餅店欠奉，有時口痕起來，東海堂只是一個比較好的選擇....

東海堂紫薯蛋糕（細）$138，賣相就好正，不過紫薯味太啖溝得太稀了，而且朱古力蛋糕質感粗糙，空心老棺 ，麻麻地 比佢呃左...所以話人不可以貌相！可一不可再下次唔會再試呢間野

味道很濃郁, 質感很有份量,旦味的確很厚, 旦糕很滑,因為cream 都幾多下, 如喜歡 cream 的食家都會好鐘意...我本人就好中意了不過都幾貴, $138 切到5件左右,對於一個蛋卷黎講都有d 貴.不過佢既包裝都做得很好,盒內也有放透氣乾冰.

小妹是個抹茶控，所有抹茶的甜點都愛吃呀！最近東海堂推出了好幾款抹茶甜點才出了幾天，已經有好幾位朋友告訴小妹，甜點有多好吃呢~我當然要一試這甜點的滋味啦！今日剛巧在荔枝角做treatment，回家路上經過東海堂當然要買點來試試啦！晚飯後先試宇治抹茶紅豆杯樣子很漂亮~點點的紅豆配上胖嘟嘟的白玉及抹茶忌廉，外表很對板!!可是，匙子才叉下去就失望了...抹茶忌廉比較硬身，奶味濃但茶味淡胖嘟嘟的白玉亦只是只有外表而已，硬卜卜的，一點也沒有玉子平日的軟綿煙韌還好底下的抹茶奶凍頗為幼滑，雖然茶味不濃，但配著甜美的紅豆同食，都還可以... 隔天早上，就試了抹茶卷蛋卷蛋的樣子對板，氣孔綿密，忌廉也是滿滿的~這個卷蛋比抹茶杯做得好~蛋糕部份，入口鬆軟綿密，抹茶忌廉奶味濃但茶味也不淡，清淡美味!!雖然未算做得極好，以這個價位來說，也是不錯了!!最後用了一杯Matcha Latte 來配襯這抹茶卷蛋，這個早上，很滿足!

第一款~抹茶梳乎厘蛋糕這款芝士蛋糕分為抹茶慕絲、抹茶芝士、芝麻抹茶三層，可以聞到淡淡的抹茶香味，入口有相當濃郁的回甘味，不像許多坊間的抹茶蛋糕般偏甜。另外，質感較厚重，吃太多會覺得有點膩，所以小小一個蛋糕也夠4-5個朋友開心share。第二款～抹茶紅豆布丁這款布丁分為抹茶慕絲、抹茶布丁、紅豆三層，布丁上有白玉和蕨餅，整體配合非常不錯，尤其抹茶布丁的質感嫩滑得像乳酪般，令人不 禁一口接著一口停不了地吃，而且這款布丁的抹茶回甘味比芝士蛋糕更為濃郁，抹茶與紅豆的味道配搭更是完美。雖然這個布丁看起來只是小小一杯，但吃完也能感覺到飽足感。大推!!第三款～抹茶撻這款抹茶甜品說實在令人挺失望，外層的抹茶慕絲味道很淡，被内裡蛋糕和撻底的味道完全覆蓋了。而内裡只是普通的海綿蛋糕，沒有驚喜，平平無奇。唯一可取之處是底部的皮撻頗為香脆可口，與外層抹茶慕絲是不錯的配搭。但整體而言，此款不值一試。

晚上做完treatment 後，發現有一張東海堂餅卡，咁就順道去換件餅吧~北海道牛乳芝士蛋糕是今晚的甜點啦~~蛋糕有三層面層鋪滿左碎白朱古力同薄薄嘅白朱古力片，因為只是很薄很薄的朱古力片，所以不會很甜~白朱古力片下是牛奶忌廉，口感幼滑而不膩，奶味香濃~中間是芝士蛋糕，芝味濃郁而且軟軟的，不會死實實，配著最底層的oreo餅底，脆脆的，口感豐富~食飽飽，很滿足呢~

入店內看看買咩麵包,俾我見到1款之前無乜點見過的 芝士棒 $10 (用報紙coupon,家庭裝麵包即減$2)芝士棒共5條, $8 非常抵食!!唔會好似條裝的芝士棒不斷出油+oily,軟林林~芝士濃度適中,唔會好「漏」,仲之100個yummy 希望下次再0係東海堂可以見到芝士棒啦,必買!! 

公司有人請食散水餅，東海堂都係大家首選，雖然都係美心旗下西餅店，但大家都覺得東海堂高檔小小。其實散水餅可唔可以係中式糕點嘅呢？？？散水餅又係咩習俗呢？？講反呢個士多啤梨卷，其實我未食佢之前我次次經過東海堂都會望佢幾眼，好期待大大啖咁食左佢，今次終於有機會，不過我諗我期望太高，士多啤梨蛋卷竟然冇士多啤梨味，cream唔香，無論蛋卷定入面粒士多啤梨都一樣冇香味。唔好食，相比上次試個粟子蛋卷味道相差太遠啦…比你咁靚咁吸引嘅外表呃左tim。失望……

今日是白色情人節呀~無論如何都要慶祝一下呀！今日做完treatment 之後經過東海堂，決定買個蛋糕回家慶祝一番紫薯蛋糕外表真的真的好靚呀！見到真的甜入心！面層是紫薯蓉，中間是朱古力蛋糕及紫薯忌廉相隔紫薯蓉軟滑香滑，薯味濃郁朱古力蛋糕略嫌粗糙，但配著紫薯忌廉，又剛好可以平衡到食完之後，好滿足呀!!!

出新品, 仲要係抹茶味, 緊係要試試啦, 仲有另一款卷蛋都好吸引.濃厚‧宇治抹茶梳乎厘芝士蛋糕 ($98) 約5吋 : 蛋糕包裝很精緻亮麗, 切蛋糕時, 感覺好輕盈, 但比一般芝士蛋糕痴刀, 很難切得靚.茶味濃郁,所以不會太甜膩, 令整個梳乎厘芝士蛋糕很清新, 底部的是竹炭芝麻蛋糕, 芝麻味幾夾抹茶.

一直都幾欣賞東海堂的出品，因為價錢合價，水準穩定，今天經過，又買了三款作是日宵夜。士多啤梨卷: 士多啤梨香甜，忌廉又奶味但不夠滑，旦糕濕潤，不過甜，可以~~紅豆奶凍: 是日的最愛，奶凍又滑又夠奶味，沒有甜味...因為甜味交由下層的紅豆負責，紅豆蓉滿是紅豆的清甜，伴上奶凍同吃，剛好...讚。鮮芒果撻: 芒果鋪滿了TART面，很香甜，有濃濃的芒果味，中間有吉士醬和旦糕，又滑又甜美，底層的TART皮保持了鬆脆，三種口感，非常不錯，絶不比貴價店遜色。 

今日放lunch 行過東海堂，突然被廚櫃既一種「紫」吸引住。小妹並唔係紫色既愛好者，但就係被呢一隻紫吸引。原來係東海堂一個新產品 - 「戀上沖繩．100%紫薯」。雖然小妹唔係紫色既愛好者，但絕對係紫薯既忠實粉絲。所以決定買幾件新產品，做一個完美既下午茶先。沖繩戀薯撻 (hk$20)外形一睇就已經好吸引小妹了，顏色好搶眼好亮麗，份量都好足夠，絕對物超所值。首先先吃佢最頂部既紫薯，入口好實在，甜度好適中，係口中慢慢移動，會吃到一陣陣既紫薯香。真係層層有驚喜，沖繩戀薯撻有好多個層次，先係豐富既紫薯包住整個薯撻，再有一層朱古力海綿蛋糕。以為已經到底? 不是不是，再深深向下吃，就會見到一層薄薄既奶油，再下一層又會甩到朱古力海綿蛋糕。層次分明，口感好豐富，而且配搭既朱古力海綿蛋糕，都能夠同紫薯互相揮影，真係天作之盒。撻底更有一層朱古力，鬆脆，香口。真係好完美既一個甜品。沖繩紫薯卷 (hk$16)呢一件甜品我就覺得比較平凡，因為紫薯份量唔算多，反而覺得紫薯係配襯卷物既裝飾品，紫薯味道亦唔突出。反而被朱古力搶佐戲份。

同事牛一去咗公司就近的東海堂買個生日蛋糕賀吓佢，其實個人比較喜歡士多啤梨造型，因為士多啤梨造型是整條流心蛋糕系列扮得最似，好可愛，不過牛一同事喜歡紫色，所以就買咗流心巨峰提子蛋糕啦。荔枝角東海堂裝修後第一次光顧，原來包裝也變得有詩意了，藍天與白雲，HI-Class了，價錢都比以往漲了點。講番個流心巨峰提子蛋糕先，切的時候要非常小心，因為蛋糕半圓，而且軟軟的慕絲包圍著中層的話朱古力海棉蛋糕，朱古力海棉蛋糕下層就是流心的巨峰提子漿，technically 係一切開已經慢慢地流出來，同事們仲嫌我切得慢～哈哈～我喜歡整個蛋糕的味道不會太甜，甜中帶點微酸的巨峰提子味道，東海堂的海棉蛋糕一貫有水準的香軟，流心有數粒巨峰提子在裡頭，由於一個蛋糕分成8分，我太唔好彩，我個份沒有巨峰提子在裡頭。