東海堂 (青衣城1)

Open Now

Now Closed

東海堂的北海道牛乳芝士蛋糕岩我們這一家...間中會買一個食下...厭唔厭呀???唔厭...愛上就愛一輩子呢...東海堂新意多多...賣相可愛的蛋糕一個接一個...去年蝦子餅生日...我們已嘗試過赤莓の動心...可惜...太酸...唔岩我們的口味...今年蝦子餅生日...試一試西瓜の情熱...盒子已經滿有夏日感覺...係唔係好 KAWAII 呢???賣相已經令人大爽...一解夏天的悶熱...不過...西瓜紋就大打拞扣...原來...是一塊圍邊膠片...西瓜果涷...草莓粒...雲呢拿慕絲...果仁蛋糕...層次豐富...層層分明...西瓜果凍食落有淡淡西瓜的清甜味道...好似有少少西瓜肉呢...雲呢拿慕絲...我自己本身唔太鍾意...幸好...食落唔膩...同西瓜果凍出奇地夾...西瓜の情熱啖啖清新的口味...啖啖消暑...一解令人火爆的怒火...一掃火爆情緒...大家自然和諧和諧...

剛過去的星期四，因工作關係路經青衣，經過東海堂見到很多賣相不錯的蛋糕，尤其是那杯士多啤梨慕絲杯，之前見過已想一試，於是，忙裏偷閒買了一杯在等車期間吃~說實在，對這個慕絲杯有點失望，因為好像只吃到cream、海綿蛋糕和底部的超甜果醬，第二層的慕絲味道反而不夠突出呢! 主角味道不突出，配角味道亦屬普通，所以整杯甜品實在有點普通。不過，為食的我決定再試試其他蛋糕的味道，因說不定也有些是不錯嘛~ 於是，收工後再到青衣一趟，買了七件cakes回家~我品嚐了其中4件，其中兩件可以給個like~! 就是檸檬慕絲蛋糕和焦糖朱古力脆脆蛋糕~個人一向喜歡lemon cheesecake / lemon tart, 所以，一見到這件cake就覺得非試不可了~ 一口吃下去立即嚐到檸檬香味，微酸，mousse口感軟滑，再配合少量脆口的粒粒，不錯~!另外，也喜歡這件焦糖朱古力脆脆蛋糕，口感有點像吃mousse，不過是較實的mousse，而且，朱古力味道香濃，雖然頗甜，但我喜歡~^^~ 配合脆口粒粒，又是不錯的一件cake~!至於其餘我吃過的兩件蛋糕，感覺一般吧~這件士多啤梨卷蛋賣相十分漂亮，尤其喜歡卷蛋中間有士多

這陣子，數間包餅連銷店，不約而同以抹茶作主打。除了"AA Bakery"，還有「東海堂」。試過"AA"的抹茶酥皮蛋糕和抹茶蜜瓜包，同樣地略嫌茶味太淡和不夠「真」。這次東海堂跟來自日本京都宇治的丸久小山園合作，選用她出產的抹茶茶葉 - 若竹，來製造一系列的甜點。先前到宇治這個抹茶之鄉「朝聖」時，聽聞過這品牌，知道她歷史悠久和頗具名氣。這次她出品了數款抹茶甜品 - 包括抹茶卷、芝士蛋糕、抹茶撻和抹茶紅豆杯。我給後兩者精緻的外形吸引我的眼球，就決定先試這兩款！抹茶撻上的是一圈圈的抹茶甘薯茸，內裡的是紅豆和忌廉蛋糕，而底部是水果撻的「撻底」。抹茶甘薯茸的口感滑溜，茶味頗濃；撻底略嫌有點硬，不夠鬆化。抹茶紅豆杯是慕絲(mousse)杯，慕絲上有一層啫喱（jelly），頂層則是「白玉」（日本用語，就像我們沒有饀料的湯丸）、紅豆和忌廉。筆者「怕」慕絲的油膩和口感，平時不太喜歡吃的。但這個慕絲，一點都不覺膩。而且茶味很濃郁，吃完每一口，茶味會慢慢地滲透味蕾！而一白一黃的白玉，可能經長時間雪藏後（這也很難跟「堂食」的比較），質感有點硬，缺乏了新鮮白玉的糯米味，整體被扣了分。如果閣下是抹茶迷，不妨一試呀！

女兒真有孝心，放學之後都諗住買甜品歸家孝敬我地老人家，都不枉我地咁錫佢！佢選擇咗這盒 “黑糖卷蛋“，唔...黑糖對身體好！打開盒蓋已經可以聞到好香嘅黑糖味...蛋糕口感鬆軟順喉又帶少少濕，甜度適中，味道柔和，中間奶油就薄咗少少，除咗黑糖味我就食唔到其他味，所以你話佢霸道又得，重口味亦得！只要係女兒買回來嘅食物，只是區區$20，我們已經甜在心頭，小小心意已經是回報!

多謝大S, 他為了履行諾言, 運用了他部份的利是錢來買一個巨P指定的東海堂蛋糕。孩子間的協議就由得他們自己解決, 結果在假後的開學日, 巨P輕輕鬆鬆地帶了一盒蛋糕回家。沖繩紫薯の恋, 手掌般大的size已經索價$138 紫薯產自沖繩宮古島市屬農林水產部推薦的名物---「ちゅら戀紅」, 朱古力蛋糕面上的紫薯是人手逐一逐一吱上, 薯質綿滑, 薯香濃郁細膩, 中間的紫薯慕絲混合了粒粒紅豆, 吃著吃著是多了沙沙的豆沙感, 朱古力蛋糕頗為濕潤, 吃著有如戚風的口感鬆軟, 爽口細緻。吃罷都會長有奇怪的念頭 ... 別人說過蛋糕內會有酸甜甜的柑橘醬, 我們嚐不到, 反而沙沙的紅豆蓉卻嚐了不少!

話說回來 東海堂在青衣城的地位可算是屹立不倒由許多年前門外有隻加菲貓 到搬到現鋪所在 再經歷至今的新裝潢 數數手指都有成十年的時間個人倒是挺欣賞其推陳出新的精神 確實是要與時並進才能在這多變的社會中生存在其眾多的新產品當中 我最喜歡它的蛋白牛奶撻因為是在店面即焗即賣的關係 每一次經過店面都總會嗅到陣陣的牛油香味是日請哥哥外賣了四個($7@)回家一同分享他說原來這撻每二十分鐘才出爐一次 每次才不過數十個 想吃的話都得碰碰運氣/花些時間雖拿上手仍感到非常熨手 但我還是急不及待的把它往嘴裡送餅皮香脆鬆化 撻餡又香又滑 最喜歡的是它不會過甜 盡是滿足吃下一個後仍心思思的想再多吃一點

老公回家時買了一大堆甜品回來, 兩個人買五件, 嚇了我一跳但更令人嚇一跳的是, 我倆吃清光了 *0*!!!! * 這幾天努力花在跑步機上的時光與汗水, 睇怕都是白花了

一個月前某次路過東海堂的時候，發現餅櫃橘色的一團，細看之下竟然是立體的南瓜蛋糕，由於造型可愛，當下已經很想帶回家。事實上，東海堂近期的新作驚喜連連，除了「濃烤芝士蛋糕」，還有「本当の南瓜蛋糕」、「極撰上品栗の王様」，現在還有「Super lemon cake」，雖然未有嚐遍，但單看賣相，還是令人非常期待。  說到南瓜，其實全日本上至北海道下至沖繩都有種植，當中出產量最多的自然是北海道，該處2013年便錄得近10萬噸的收穫量。至於「本当の南瓜蛋糕」標榜使用的黑皮栗南瓜，其實指的是一個系別，之下再細分不同的種類，包括「みやこ」、「えびす」、「栗あじ」、「九重栗」及「大浜みやこ」等，都是出自北海道。其中的「大浜みやこ」由於水質優良，加上晝夜溫差大，出產的南瓜澱粉質和糖份含量極高，所以被稱為最高級南瓜。之所以叫「黑皮栗」，一來是因為有別於我們認知的甘橘色，這種南瓜是墨綠色的，而且就算成熟後仍然都保持墨綠，不會變色。二來是由於這種南瓜的形態像一顆栗子。「本当の南瓜蛋糕」的外層，沿用傳統南瓜的橙色，再用糖漿噴出南瓜表皮的立體感。內裡的南瓜慕絲細滑可口，有種介乎蕃薯和南瓜的清甜味道。海綿蛋糕的部份，

其實細個個陣, 一直都鐘意東海堂既栗子tart, 好少考慮佢地既麵包. 但近年, 係一次機遇下, 試左佢地既紅豆綠茶包, 只此便一試愛上了. 而今次, 就係因為佢地係店入面焗麵包, 傳出陣陣香味, 就比佢地吸引左入去!結果最後都係選返紅豆綠茶包. 其實我本身並唔鐘意綠茶, 不過之前試過普通紅豆包, 完全唔夠綠茶紅豆好食!!所以就算唔好綠茶既我都要選返依隻講返個包~其實佢地綠茶味唔算好重, 但咬落去個陣有陣淡淡既香味~讚! 而佢地d紅豆亦都好靚, 咬到真係幾重紅豆味, 又甜甜地~~同個包真係好夾! 而佢地個包都整得幾好~非常軟熟~而且密度都算高~唔係食完得陣風咁既~整體而言, 我對個包好滿意!

超級栗子迷既我梗係揀栗子撻啦，隔左一晚先食都無咩點變。但呢個撻有啲小貴，十六蚊。見到滿滿既栗子蓉心情大靚~佢係好好味個隻栗子蓉，並不是cream既比例超多而淡化左栗子味，我就係要呢隻味又唔會太甜。橫切面首先係一粒小小既粟子係面，有兩塊白豬古力(我覺得太甜)，然後係軟淋淋有豐富栗子味既栗子蓉~下面有簿簿一層白雪雪既忌廉，跟住就係小小清蛋糕，最底係查左小小豬古力係面既牛油曲奇。不得不讚個牛油曲奇，隔左一晚食都唔會淋，仲係好脆，東海堂係面包出身，呢啲打底功夫係甜品度都做得足，俾個good你！整體黎講好合我心意~滿分~但可以平返小小咁就仲好

早前有幸獲得親烕所送贈的餅卡,價值五十大元,真是萬分感激!這家東海堂走的是較高檔的路線,主打法式甜品,有別於一般分店!聽說同類分店共有三間,於是選了這間做試點。雲尼拿芒果三重奏($20)7分因為是前天買的關係,外皮變「立」了! 但我相信即買即食會較為香脆的。面頭的芒果十分天然,帶點微酸,正!內裏的吉士醬很滑,與泡芙很匹配。柑橘三重奏($20)7分外皮同様是變「立」了!但柑橘很香甜,而吉士醬亦帶點柑橘味,甚為清新!香芒之丘($11)9分因未夠五十大元的關係,多點一個香芒之丘。出品沒令人失望!芒果沒有泡糖水,有天然的甜味,當然還有點微酸!而芒果忌廉很幼滑,配上海綿蛋糕算是配撘得宜!整體不俗,前者較貴,後者較出色!但不變的是那份甜上心頭的滋味!

成日行過青衣城都會望下入去，形象風格都唔同左，仲好有型添~勁多款食品選擇，睇到我都眼花花呢日持住自己生日就去幫襯下先~ 早兩日網上訂左個2磅紐約芝士蛋糕!拎蛋糕時又順便揀左款長條形泡芙試下，$18蚊---Green tea eclair ，綠茶味超濃郁。蛋糕切開之後好似好油囉，食落口係好味，不過第3~4啖就開始軟林林了。

青衣城東海堂裝修完後, 走高級路線, 除了繼續售賣舊款的蛋糕西餅麵包外, 亦都有不少新式的蛋糕,泡芙和法式西點。每每一到放工時間, 店鋪都十分多人..而且仲可以透過玻璃看到師傅製作蛋糕和泡芙。一看到五光十色的蛋糕真是十分吸引!不過為免中伏, 最後我只買了一個「法式‧芒果三重奏」($20)三個小小的泡芙連在一起, 內裡包著軟滑的吉士醬, 味道好夾呢!好味!但係上面的芒果肉就有點酸..!近鏡下次目標係Green Tea Eclair!!!真係愈望愈吸引

之前行街時見到東海堂大翻新，形象風格都唔同左好多於是係Mother's Day就走去買 一家人試下買左曲奇泡芙($17),焦糖牛奶朱古力味($18)同埋法式柑柚三重奏($20)個外層令我好失望,太過林,一d脆都無(後期擺雪櫃一日都無用)個曲奇泡芙食5出有曲奇味D Cream 5知係咪自己prefer係好似ice cream咁所以好5中意呢個puff

東海堂翻新，形象同產品都唔同哂，好奇之下入左去, 職員即刻介紹話全港只得三間新形象既東海堂,並介紹招牌甜品泡芙。其實3個味分別真係唔大, 3個都係用同1隻味cream, cream味cover哂泡芙, 分唔出係曲奇,原味定杏仁味如果要揀的話我覺得杏仁味最好食