東海堂 (Closed)

最近東海堂推出了一系列白桃產品白桃的清甜口感和夏日十分相襯買了一件白桃撻消除悶熱感覺白桃浸過糖水 卻不會如罐頭蜜桃般過甜果肉清爽 感覺白桃很新鮮白桃下面是一層薄薄的淡忌廉再下面是一層啫喱 然後是海綿蛋糕一個小小的撻就有多重口感撻皮有點偏硬 不過正合我口味白桃系列實為夏日佳品

在稅局交完稅，在樓下見到有合桃拿破侖賣，祇是賣 $20，樣子不錯，於是買一個俾仔女放學返黎食。切開後試了一件，味道好香，上下層是蛋糕，中間有合桃夾心，蛋糕軟綿綿，合桃香脆無「益」味，基本上過得去，但據我所知，拿破侖是用多層酥皮夾成，與這個版本有出入，

下午突然有同事給我們ROLL CAKE~~~哈哈, 突如其來的TEA TIME!!!^^其實東海的我好少食, 不過D款幾多同埋幾好味喎又~~~而且不太甜!!!芝麻味好香啊, 好有黑炭感覺!! 不錯不錯~~~傳統的意大利芝士餅, 雖然傳統, 但咖啡味幾濃, 仲有少少甜酒味, 芝士味都唔錯~~~好軟!! 喜歡...大家都覺得好好食的~~~綠茶配紅豆蓉, 真是絕配啊!!! 綠茶味夠, 內裡包著紅豆蓉, 但又不太甜, 口感一流!! 超喜歡...仲有一款芒果的, 雖然我沒有吃, 但同事都說很好吃及新鮮~~~吃完這次後, 我想會時常買回家跟父母一起吃, 呵呵!!! 謝謝同事~~~^^

向來對東海堂的出品印象不錯，這個綠茶卷亦沒有令我失望。蛋糕能夠做到鬆軟可口，而且綠茶味香濃，內層的紅豆蓉清清甜甜，配合起來十分有趣。要挑剔的是忌廉太多，雖然是滑溜，但也膩了點。

Got the strawberry series for $68, it was a set of three items made from strawberry.They looked nice, but tasted cheap and artificial.The cake was hard and tasteless.Only the jelly dessert was good.Nice concept, design and packaging.

用hsbc卡 24小時前訂cake $118我用恆生卡有9折不過佢打錯飛,打左$148(原價)另外比番$15我cake:芒果有d酸,d芒果汁仲酸我覺得廣告比較吸引我先買咋,不過食落....比想像中,,,,,

經過東海堂,,發現錢包裏有幾張東海堂現金優惠卷~所以決定買個包醫肚~選左個健康包,,個名叫蕎麥提子包,,個包好好食,,好香麥味,,亦食到一粒粒既蕎麥!麵包不太甜,夠哂健康!但提子不多,,多d會更好~可惜既係個包價錢太貴,原價$7.5一個,,我都係因為有$1現金卷先買泥個包試食~所以如果價錢平d就好了!

不想吃整份三文治，吃「煙鴨胸牛油卷」剛好：兩片恭恭整整的煙鴨胸，再加上兩片青青綠綠的西生茶，夾付在牛油味香濃，牛油份量又剛好的Brioche 內，日日10:00 新鮮出爐，晨早醒神打打氣。如果可以的話，想走塗在牛油卷內的牛油。

雖然入面的芝士很軟, 是Philadelphia cheese, 但是真的很多空氣, 減去空氣只剩下一團小麵粉, 不值得吃!

托同事買午餐，她買來「火腿法式軟包」（$12.5），味道OK，體積看似不少，但用料甚少，要補多個muffin 至夠。

為求方便，我跑入東海堂買午餐，選了份「蜜桃烤雞卷」（$13.5）和「朱古力豆豆包」（$6.5）。前者配料OK，但包裹用的皮居然係甜品用的班戟皮，配烤鹹餡（烤雞肉）唔夾。後者統粹係覺得造形cutie，味道一般。

老友壽宴，生日蛋糕是少不了。主人家喜歡指定要杧果面栗子餡，於是照單執葯。到灣仔政府大樓分店訂蛋糕，才知$125 / 磅，於是訂了個兩磅重，心想十個人肯定夠食！以信用卡付款（HSBC、HSB、中銀…）有九折優惠。結果兩磅才$225，心想抵到不得了。店員服務好好，有禮。因為壽宴設在長沙灣廣場內的酒樓，所以提餅很是方便，就在廣場內的地舖，服務員都好好禮貌和專業。造型其實唔算好靚，係九十年代初的賣相，呢D 價錢唔可以要求咁多。面頭舖滿杧果片，係浸過糖水，唔酸；杧果厚度適中，唔會好似某些街坊店咁‘薄如蟬翼’。栗子餡味道適中，有栗子味道，算幼滑，但料少（即係打得太發，用了很少栗子料，但打到體積好大），形響口感。感覺係一分錢一分貨，將貨就價。要一讚就是巧克力牌的「Happy Birthday」字樣，有graphical feel 的字體，美透了！題外話：比起另外兩個同場的「美x」蛋糕，這個東海堂蛋糕連七十分都無！

有同事升職，請食餅。好耐無食呢度d餅了。我揀了栗子Tart, 面的栗子茸唔係太甜，幾香滑，個tart皮都幾鬆脆，tart內有層薄蛋糕，少少cream。口感豐富。唔錯。下午茶點來說，真係唔錯，加杯cappucinno的話就一流了。

試過這兒的「家庭裝麵包」。紅豆綠茶芝麻方包（$10 / 條）：量多，足料，粒粒蜜紅豆，略有綠茶味，表面的烤香芝麻頗惹味，好！有些人會認為頗甜。我覺得都OK。葵花籽黑蕎麥麵包（$8.5 / 條）：葵花籽好香口惹味，除卻顏色，唔覺得係黑蕎麥麵糰…。口感柔軟中見質感，幾有趣。牛奶包（$8 / 條）：牛奶味道唔係好覺，當普通軟麵包咁樣食都OK。---------------------------------題外話：早餐，我多數買港式麵包回公司吃。連鎖包餅店，如美心、大班、聖安娜、山崎/聖雅多、名古屋、東海堂、Panash，統統都光顧過。由最初一袋四片的方包，到十蚊兩個的港式餡包，到pre-packed 三文治，大部份都試過，結論係： 「價錢愈來愈貴、用料愈來愈少」！自從某天，我用十三蚊才買到兩個「美x」餡包，於是轉戰所謂的「家庭裝麵包」！十蚊便買到一袋，仲通常食唔晒呢！係較為經濟但飽肚的早餐！

18/5 6:30pm正值promotion,買了2包雜錦曲奇$10/2包,有原味,咖啡味及朱古力味,牛油味濃郁!尚算鬆化,$5包,抵食!