阿來泰式地道風味

Open Now

Now Closed

同朋友喺旺角試咗呢間地道泰式風味小店. 好抵食，性價比好高. 餐廳好熱鬧幾有氣氛，地點就腳，下次會回頭👍⭐️椰汁三色冰椰香味好重，三色條份量幾多，冰凍解渴，$25好抵飲. ⭐️泰式炸蝦餅蝦餅香口彈牙炸漿夠薄，即炸新鮮滾熱辣. 點埋泰式酸辣醬仲好味. ⭐️泰式滷豬髀豬髀好腍，滷水入味，入口溶化. ⭐️青咖喱牛椰奶味足，少少辣易入口。送飯送粉絲一流，勁開胃。 牛肉好腍肉味濃郁。⭐️泰式海鮮炒粉絲成碟好足料，酸辣好開胃，粉絲軟硬度適中，味道有層次.

旺角的這家泰式餐館，服務員的熱情周到，讓人倍感溫馨。泰式SUKI炒粉絲牛肉，牛肉鮮嫩多汁，與粉絲的爽滑完美融合，泰式香料的點綴帶來一絲清新。海南雞例牌，雞肉滑嫩，皮滑肉香，搭配特制醬料，酸甜適中，令人回味無窮。馬拉盞炒通菜，通菜炒得恰到好處，保留了蔬菜的清脆，馬拉盞的香辣提升了整體風味。飲品 椰汁三色冰，層次分明的三色冰，椰汁的清甜與冰爽口感，是夏日裡的一抹清涼。椰青，新鮮椰青，汁液清甜，解渴又健康，是餐后的最佳選擇。香葉椰汁西米糕，西米糕軟滑，椰香濃郁清新。餐館的每一道菜都讓人印象深刻，無論是主菜還是甜品，都能感受到廚師對食材的尊重和對味道的精心調配。

離遠已經見到大大隻招牌 再加上長長嘅人龍 一定係好嘢 雖然要等位 但都算快有位前菜叫咗個 泰式木瓜沙律 酸酸甜甜愈食愈辣 除咗木瓜入面仲有幾隻鮮蝦 好味足料抵食 又好開胃小食就叫咗 泰式鮮蝦春卷 脆卜卜 內餡嘅蝦都好爽脆 熱辣辣上碟 一定係即叫即炸 夠曬誠意主食叫咗兩樣 一款咖喱炒蜆 每隻蜆都掛上濃郁嘅咖喱汁 啲配料都索晒啲精華 非常惹味 另一款係 泰式鐵板蠔仔蛋 鐵板上滋滋聲 淨係聽聲都肚餓 蠔仔飽滿 蛋夠香 點埋辣椒醬 非常夾！好好味！飲品我嗌咗椰青 男朋友就嗌青檸梳打 一個清甜一個酸味味 開胃解膩

今次我哋叫咗個二人餐（$378）有4個餸（可自行選擇白飯/油飯）🍚再包兩杯飲品😚飛天炒通菜份量好多😝唔會炒得太腍 而且好惹味👍🏻泰式炸蝦餅🍤每件都係啖啖肉！肉質爽口配埋泰式酸辣醬香口得嚟好滿足😝泰式冬陰功🦐冬陰功好多配料😝蝦大大隻👍🏻～新鮮爽口😝 食落去唔霉～湯底偏酸辣 入面有好多菇朔晒湯汁咬落去濃濃嘅冬陰功味👍🏻青咖喱（可選配雞/牛/豬）雞件全部都大大嚿 而且嫩滑唔鞋青咖喱甜甜地啱晒餸飯❇️三色椰汁冰🥤三色粉條好有咬口😋椰汁味濃～飲落唔會太漏啱晒食泰國嘢解下辣龍眼冰龍眼味好重💖啱晒食辣嘢中和一下😝

📍阿來泰式地道風味同朋友gathering通常都揀去油尖旺今次就同大家介紹一間係旺角既泰國菜🥘🍜泰式炒金邊粉 （$68）呢碟炒金邊粉既味道同平時食開既味道一樣配料都足🦐有鮮蝦、海鮮等等份量唔算大碟🍽️🥘火山軟殼蟹法包 （$158）呢個賣相好吸引‼️‼️‼️軟殼蟹炸到好脆口😋咖哩汁好香💯法包索曬d咖哩汁真係好正✅推薦大家可以試呢個👍🏻🍚辣椒膏蝦頭油海鮮炒飯 （$68）呢碟炒飯真係大伏🤣完全食唔到辣椒膏蝦油既味味道純粹係一個普通炒飯配料既蟹柳假到爆可以唔洗嗌呢個👎🏻🥬飛天通菜 （$68）通菜炒到好香好入味份量正常👍🏻🧅泰式肉碎生菜包 （$88）肉碎味道略厭唔夠味如果調味料可以再多少少就好惹味👌🏻🐥沙嗲串燒 （$88）沙嗲串燒既串燒汁好香串燒每一串肉量都多中規中矩👍🏻🍤泰式小食拼盤 （$158）小食拼盤可以試曬咁多款小食個人最中意係蝦餅脆口彈牙👍🏻總結黎講呢間餐廳既食物一般般👌🏻地理位置就真係方便同朋友聚會👥

今日又留港消費，支持下香港飲食業先😂😂呢間泰國野係旺角已經好多年，但一直無食過！見到門口有人排隊，所以就想試下喇（今時今日香港地、多人排隊個啲實無死）入到餐廳見到真係爆曬場囉🤩我地叫左個泰式濕炒河、同埋泰式肉碎生菜包、同埋沙嗲串燒。啲野食既份量都幾大份，兩個女仔食都好夠飽，我地仲加左兩杯野飲。一共都係$338。同朋友AA每人都係百幾蚊，真係幾抵食。呢度啲食物除左份量幾大份，佢地個沙嗲串燒真係好好食。一份有成六串架都，ps:個醬汁係最令我念念不忘的✌️另外個泰式肉碎生菜包都唔錯。濕炒河個份量相對就比較細份左小小。如果啲河粉份量多啲就正喇！下次想試下佢地啲咖哩😋

同朋友約咗食飯，但係諗唔到食咩，無意中入咗去呢間旺角平民地道泰式餐廳🇹🇭✨大部份菜式味道中上😍呢個價位嚟講性價比高，當然環境就唔會係好好嘅~📌香葉肉碎生菜包泰式風味肉碎微辣，非常惹味，配合生菜中和肉碎的油膩，令口感層次更豐富。➖📌阿來海南雞(例牌)海南雞肉質嫩滑，配合酸酸辣辣嘅泰式醬汁，令口感唔會太油膩😍亦好開胃✨➖📌大蝦柚子沙律滿滿嘅柚子絲，配大蝦、花生碎等配料，好足料豐富👅➖📌芒果糯米飯食泰國菜點少得芒果糯米飯🥰糯米飯係新鮮起，上枱係熱辣辣出晒煙😍淋上香濃椰漿，再配合整個芒果肉✨

去完泰國真係會有鋪癮成日都會想食泰國嘢但係香港都唔係間間做得咁地道🫠🫠呢間我覺得算係性價比算高，而且味道好👍🏻基本上次次食泰國嘢都係叫呢啲生菜包 肉碎煎蛋飯 冬陰功 豬頸肉 炒通菜🤣真係冇得傾🤣呢啲係常駐班底🤣冬陰功極度推介好足料 而且唔係好似出面咁剩係得椰奶味夠酸夠辣 超級欣賞完全係泰國的味道🥹通菜就係點炒得好食😚😚😚生菜包啲肉多到好似唔使錢咁😂咁多餸入面我認為飯係最冇特別的可以有進步空間但係都係好食的🤣

講到食泰國嘢，一定第一時間諗起九龍城，但原來旺角都有一間高質泰國菜！首先，我哋點咗個生菜肉碎包，上到枱超多肉碎，食落去辣辣地，但同時又充滿青檸味，愈食愈開胃！另外我哋點咗個雞肉青咖喱，食落第一啖係充滿着椰汁香，不過食多兩啖之後啲辣味就開始湧出，配埋蒜蓉包同埋白飯十分惹味，簡直係白飯小偷！另外我哋都嗌咗半打串燒，三串牛三串雞，好欣賞個醬汁係甜甜地嘅花生沙嗲，咬落仲有粒粒花生粒， 十分有口感，個人比較喜歡牛肉多啲，因為有咬口啲～另外泰國菜必食嘅馬拉盞通菜都係水準發揮～最後我哋都嗌咗青檸梳打同埋椰汁三色冰，將我哋火辣辣嘅口腔降溫！

每次經過阿來泰式地道風味，都見到不少人等位，跟朋友說要找次機會來食，今次可以早收工去排隊試試。套餐價錢相當經濟，另外單點也有多款海鮮、肉類、小食選擇，選擇眾多。沙嗲串燒 $88上檯時看到滿瀉的沙嗲汁，賣相吸引、又壯觀。豬及雞每款3串，相當大大串又肉厚，肉質嫩滑，整體幾惹味。海南雞 $88 （例牌）賣碟好有心思好靚，份量不少，雞皮夠黃又爽脆，雞肉嫩滑。鹽燒鰂魚 $148魚肉仍保持濕潤嫩滑，鰂魚好少骨啖啖肉好美味。

今日放工又係去食泰國菜，今次去試試旺角既阿來，食物質素令我忍唔住要出post讚讚佢。首先餐廳員工服務都好好，值得一讚。食物性價比好高，我地叫左五樣野400百蚊都唔洗，又好食又大碟，食到勁飽。首先值得推介係佢地既冬蔭功湯，湯好濃郁，好夠酸同好夠辣，我覺得係我食過既泰國菜餐廳中排頭三名既程度，真係一定要點黎試下，試過番唔到轉頭。跟住叫左馬拉盞通菜，因為個冬蔭功湯真係好辣，所以通菜我地叫左唔辣既馬拉盞。通菜炒得好香，本身中意飛天通菜既我，馬拉盞都岩我口味。主食叫左泰式炒金邊粉，都幾大碟，小小酸酸地，加埋花生碎，好香口仲有叫左酸辣鳳爪沙律同芒果糯米飯，酸辣鳳爪好夠味，酸酸甜甜辣辣好開胃。芒果糯米飯作為今餐既收尾真係非常完美。

今晚食泰國菜，餐廳位於旺角，地點都幾方便。點了泰式小食拼盤，飛天炒通菜，泰式奶茶，咖哩炒蜆，後加蒜蓉包。泰式小食拼盤，好豐富，有炸蝦餅，炸魚餅，春卷及雞翼。蝦餅大大件夠脆口，啖落啖啖蝦肉，真材實料，口感彈牙。魚餅食落口感較淋，有香料同冬蔭功味。春卷咬落滿滿餡料，有粉絲蘿蔔絲等等，口感夠脆夠香口。炸雞翼熱辣辣都幾好食。飛天炒通菜，都幾大碟，見到配料都幾多蒜蓉辣椒，食落有少少辣，整體炒得好惹味，同通菜好夾。泰式奶茶，茶味夠濃味，不錯～泰皇咖哩炒蜆，蜆肉每隻都大大粒，好飽滿，配咖喱汁食夠惹味。咖哩汁非常出色，微辣，用蛋白令個汁較杰身！由於個汁太好食，唔想浪費個汁，加多碟蒜蓉包點埋！蒜蓉包真係好掛汁，推介！另外想讚一讚呢度服務都幾好，主動拎碟俾我地放蜆殼，夠細心。

今日要同大家分享一間超正嘅餐廳 - 泰式同海南菜嘅結合，性價比高，絕對係首選！叫咗二人餐（A）嚟食，餐牌上面最吸引我嘅就係「泰式海南雞」！啲雞肉好滑嫩，完全唔乾身，配上泰式酸辣醬汁，風味十足。每一口都飄散出濃郁嘅酸辣香氣，令人回味無窮。加埋咖哩炒蜆，真係新鮮又鮮美，大大隻又份量足！蜆肉爽口多汁，同咖喱醬一齊炒，真係一絕！飛天通菜都好好食，香辣，好清爽又開胃。油飯同+$10蒜茸包作配菜。油飯真係一絕！飯粒每一粒都長條形，水份平均；而蒜茸包就更加正，厚身香脆外皮，每一口都好有香脆口感，最岩加埋咖哩一齊食。飲品方面揀咗特飲泰式奶茶同龍眼冰。泰式奶茶好香濃，甜度啱啱好，飲落去真係一陣清涼。至於龍眼冰，冰涼爽口，龍眼肉鮮甜多汁，喝完真係令人心情愉快。裝潢設計好簡約舒服，有種家庭式嘅感覺。服務員都好友善，服務效率亦都好高。設90mins用餐時間，整個用餐環境都好乾淨整潔，令人感到舒適放鬆。

今日行過先達 突然又想食泰國菜見價錢相宜，就入左去。間餐廳有二樓, 裝修都幾地道兩個人, 有二人餐， 但今次就想散嗌一個香葉炒河,材料好豐富， 係我鍾意嘅粗身泰國河粉， 有炒過嘅香味，少少辣，幾惹味泰式海南雞飯，無骨，大大份， 係黃油飯，有辣汁， 其實正常人真係食一碟就飽。豬頸肉炒椰菜苗， 都係份量十足， 有炒過嘅蒜香味，豬頸肉都多，椰菜蕃唔會苦， 幾好。蒜香牛油雞翼， 份量又係想像中多，一上碟果陣好香蒜味。炸到金黃色，賣相吸引。芒果糯米飯大大份， 有成個芒果d 汁夠濃， 掛到去d 飯到。overall:抵食夾大件

平時食泰國嘢多數都去九龍城食，今次去左旺角依間小店食，雖然餐廳細細間，但係都幾有泰毒風味，值得一試！馬拉盞炒椰菜苗椰菜苗好多時都整得太硬身，但依間餐廳炒得好有鍋氣，食落唔會太硬身，馬拉盞好惹味。泰式明爐烏頭大大條烏頭魚好厚肉，魚肉都好鮮甜，而且仲有好多配料，有秀珍菇，芹菜，椰菜，加上泰式酸酸甜甜嘅湯汁好fresh好惹味。咖喱炒蜆泰式咖哩食得多，第一次食咖哩炒蜆，啲蜆好大隻好鮮甜，咖哩微辣有好香椰汁味，又唔會蓋過蜆肉嘅鮮甜，都幾特別。